എലപ്പുള്ളി ഗവ. ഹയര്‍സെക്കന്‍ഡറി സ്‌കൂളില്‍ ഹയര്‍സെക്കന്‍ഡറി വിഭാഗത്തില്‍ അധ്യാപക ഒഴിവ്. പൊളിറ്റിക്കല്‍ സയന്‍സ് (ജൂനിയര്‍), ഹിസ്റ്ററി (ജൂനിയര്‍) എന്നിവയില്‍ താത്ക്കാലിക അടിസ്ഥാനത്തിലാണ് നിയമനം. മെയ് 28ന് രാവിലെ പത്തിന് കൂടിക്കാഴ്ചക്ക് എത്തണമെന്ന് പ്രിന്‍സിപ്പല്‍ അറിയിച്ചു

വയോജനങ്ങള്‍ക്ക് കൃത്രിമ ദന്തനിര വെച്ചുനല്‍കുന്ന മന്ദഹാസം പദ്ധതിയിലേക്ക് അപേക്ഷ ക്ഷണിച്ചു. ദാരിദ്ര്യരേഖക്ക് താഴെയുള്ള 60 വയസ്സു കഴിഞ്ഞ മുഴുവന്‍ പല്ലും നഷ്ടപ്പെട്ട വയോജനങ്ങള്‍ക്കാണ് കൃത്രിമ ദന്തനിര നല്‍കുന്നത്. റേഷന്‍ കാര്‍ഡിന്റെ കോപ്പി, ആധാര്‍ കാര്‍ഡ് കോപ്പി എന്നിവ സഹിതം സിവില്‍ സ്റ്റേഷനിലുള്ള ജില്ലാ സാമൂഹികനീതി ഓഫീസിലോ ശിശു വികസന പദ്ധതി ഓഫീസിലോ സെപ്തംബര്‍ 30 നകം അപേക്ഷിക്കണം.

സ്‌കൂള്‍ തുറക്കുന്നതിനു മുന്‍പായി വിദ്യാര്‍ഥികള്‍ക്ക് സുരക്ഷിത യാത്രയൊരുക്കാനായി സ്‌കൂള്‍ വാഹനങ്ങളുടെ ഡ്രൈവര്‍മാര്‍ക്ക് മലമ്പുഴ ഗ്രാമപഞ്ചായത്ത് കമ്മ്യൂണിറ്റി ഹാളില്‍ മോട്ടോര്‍ വാഹന വകുപ്പിന്റെ നേതൃത്വത്തില്‍ ബോധവത്കരണ ക്ലാസ് സംഘടിപ്പിച്ചു. ജില്ലയിലെ വിവിധ വിദ്യാഭ്യാസ സ്ഥാപനങ്ങളില്‍ നിന്നുള്ള ഡ്രൈവര്‍മാര്‍ ക്ലാസില്‍ പങ്കെടുത്തു. മോട്ടോര്‍ വാഹന വകുപ്പിന്റെയും ബാലാവകാശ കമ്മീഷന്റെയും നിര്‍ദേശങ്ങള്‍ അടങ്ങിയ ലഘുലേഖ ഡ്രൈവര്‍മാര്‍ക്ക് വിതരണം ചെയ്തു. ഈ നിര്‍ദേശങ്ങള്‍ ബന്ധപ്പെട്ടവര്‍ നിര്‍ബന്ധമായും പാലിക്കണമെന്ന് ആര്‍.ടി.ഒ അറിയിച്ചു.

മോട്ടോര്‍ വാഹന വകുപ്പിന്റെ നിര്‍ദേശങ്ങള്‍

സ്‌കൂൾ ഉച്ചഭക്ഷണ പദ്ധതിയുടെ ഭാഗമായി ഭക്ഷണ/കുടിവെള്ള സാമ്പിളുകൾ പരിശോധിക്കുന്നതിനു എൻ.എ.ബി.എൽ അക്രഡിറ്റേഷനുള്ള കേരളത്തിലെ ലാബുകളിൽ നിന്നും അപേക്ഷ ക്ഷണിച്ചു. വിശദവിവരങ്ങൾ www.education.kerala.gov.in ൽ ലഭ്യമാണ്. ജൂൺ ഒന്നിന് ഉച്ചയ്ക്കു രണ്ടിന് മുൻപ് അപേക്ഷ പൊതു വിദ്യാഭ്യാസ അഡീഷണൽ ഡയറക്ടർ (ജനറൽ), പൊതു വിദ്യാഭ്യാസ ഡയറക്ടറേറ്റ്, ജഗതി, തിരുവനന്തപുരം-14 എന്ന വിലാസത്തിൽ നേരിട്ടോ തപാൽ മുഖേനയോ നൽകണം.
പി.എൻ.എക്സ്. 1476/19

തിരുവനന്തപുരം റീജിയണൽ കാൻസർ സെന്റർ ഓപ്പറേഷൻ തിയേറ്റർ ടെക്‌നീഷ്യൻ (അനസ്‌തേഷ്യ) അപ്രെന്റിസ് ട്രെയിനിംഗ് പ്രോഗ്രാമിലേക്ക് അപേക്ഷ ക്ഷണിച്ചു. ജൂൺ 10 ന് വൈകിട്ട് നാലു മണിക്കകം അപേക്ഷ ലഭിക്കണം. വിശദവിവരങ്ങളും അപേക്ഷാ ഫോറവും www.rcctvm.org/www.rcctvm.gov.in ൽ ലഭിക്കും.
പി.എൻ.എക്സ്. 1474/19

കോഴിക്കോട് ജില്ലയിലെ സംസ്ഥാന അർദ്ധ സർക്കാർ സ്ഥാപിനത്തിൽ ടൈം കീപ്പർ തസ്തികയിൽ രണ്ട് സ്ഥിരം ഒഴിവുകളുണ്ട്. ഓപ്പൺ-01,   ETB-01 (ഈഴവ, തിയ്യ, ബില്ലവ) എന്നിങ്ങനെ സംവരണമുണ്ട്. അംഗീകൃത സർവകലാശാല ബിരുദവും ടൈംകീപ്പറായി നാലുവർഷത്തെ പ്രവൃത്തി പരിചയവും വേണം. വയസ്സ് 01.01.2019 ന് 18-41 (നിയമാനുസൃത വയസ്സിളവ് ബാധകം). ശമ്പളം 11320-18740 രൂപ. ഉദ്യോഗാർത്ഥികൾ അസ്സൽ സർട്ടിഫിക്കറ്റുകളുമായി ജൂൺ 14 നകം ബന്ധപ്പെട്ട എംപ്ലോയ്‌മെന്റ് എക്‌സ്‌ചേഞ്ചിൽ പേര് രജിസ്റ്റർ ചെയ്യണം.
പി.എൻ.എക്സ്. 1473/19

തിരുവനന്തപുരം സർക്കാർ വനിത കോളേജിൽ ഹോം സയൻസ് വിഭാഗത്തിൽ ഗസ്റ്റ് അധ്യാപക ഇന്റർവ്യൂ ജൂൺ 6ന് രാവിലെ 11 മുതൽ നടക്കും.
കോളേജ് വിദ്യാഭ്യാസ വകുപ്പ് ഡപ്യൂട്ടി ഡയറക്ടർമാരുടെ മേഖലാ ഓഫീസുകളിൽ ഗസ്റ്റ് ലക്ചറർമാരുടെ പാനലിൽ പേര് രജിസ്റ്റർ ചെയ്തിട്ടുള്ള ഉദ്യോഗാർത്ഥികൾ യോഗ്യത, ജനനത്തീയതി, മുൻപരിചയം എന്നിവ തെളിയിക്കുന്ന അസ്സൽ സർട്ടിഫിക്കറ്റുകളും മേഖലാ ഓഫീസിൽ രജിസ്റ്റർ ചെയ്തത് തെളിയിക്കുന്നതിനുള്ള രേഖകളും സഹിതം അഭിമുഖത്തിനെത്തണം.
പി.എൻ.എക്സ്. 1472/19

തിരുവനന്തപുരം യൂണിവേഴ്‌സിറ്റി കോളേജിൽ 2019 ജൂൺ മുതൽ 2020 മെയ് 31 വരെ ക്യാന്റീൻ നടത്തുന്നതിനു കുടുംബശ്രീ യൂണിറ്റുകളിൽ നിന്നും ക്വട്ടേഷൻ ക്ഷണിച്ചു.  ക്വട്ടേഷനുകൾ പ്രിൻസിപ്പാൾ, യൂണിവേഴ്‌സിറ്റി കോളേജ്, തിരുവനന്തപുരം എന്ന വിലാസത്തിൽ ജൂൺ ഒന്നിന് ഉച്ചയ്ക്ക് 2.30ന് മുമ്പ് ലഭിക്കുന്ന വിധം സമർപ്പിക്കണം.  വിശദവിവരങ്ങൾwww.universitycollege.ac.in ലും കോളേജ് ഓഫീസിലും ലഭിക്കും.
പി.എൻ.എക്സ്. 1471/19