കേരളത്തിലെ എം.ബി.എ കോളേജുകളിലേക്കുളള 2019 അധ്യയന വർഷത്തെ പ്രവേശനത്തിന് അർഹത നേടുന്നതിനുള്ള കെമാറ്റ് കേരള പ്രവേശന പരീക്ഷ ജൂൺ 16ന് കേരളത്തിലെ വിവിധ കേന്ദ്രങ്ങളിൽ നടത്തും. അപേക്ഷകൾ ഓൺലൈനായി സമർപ്പിക്കണം. അപേക്ഷ സമർപ്പിക്കേണ്ട അവസാന തിയതി മേയ് 31 വൈകിട്ട് നാല് വരെ. അപേക്ഷകൾ സമർപ്പിക്കുന്നതിനും വിശദ വിവരങ്ങൾക്കും  kmatkerala.in. ഹെൽപ്പ്‌ലൈൻ: 0471 2335133.
പി.എൻ.എക്സ്. 1481/19

കോഴിക്കോട് ഗവൺമെന്റ് ലോ കോളേജിൽ പഞ്ചവത്സര ബി.ബി.എ.എൽ.എൽ.ബി ഹോണേഴ്‌സ്/ ത്രിവത്സര എൽ.എൽ.ബി യൂണിറ്ററി കോഴ്‌സുകളിലെ രണ്ടാം സെമസ്റ്ററും അതിനു മുകളിലുമുളള വിവിധ ക്ലാസ്സുകളിലെ ഒഴിവുളള ഏതാനും സീറ്റുകളിലേക്ക് ഇടയ്ക്ക് പഠനം നിർത്തിയവർക്ക് പുന:പ്രവേശനത്തിനും തൃശ്ശൂർ ഗവ. ലോ കേളേജിൽ പഠിച്ചു കൊണ്ടിരിക്കുന്നവർക്ക് കോളേജ് മാറ്റത്തിനുമായി ജൂൺ ആറ് വൈകിട്ട് മൂന്ന് വരെ അപേക്ഷിക്കാം. വിശദ വിവരങ്ങൾക്ക് കോളേജ് ഓഫീസുമായി ബന്ധപ്പെടണം.
പി.എൻ.എക്സ്. 1480/19

2018ലെ കേരള സംസ്ഥാന ടെലിവിഷൻ അവാർഡ് നിർണയിക്കുന്നതിനായി ജൂറി രൂപീകരിച്ച് ഉത്തരവായി.  കഥാവിഭാഗത്തിൽ ടി.വി, ചലച്ചിത്ര സംവിധായകൻ ഷാജി. എമ്മും, കഥേതര വിഭാഗത്തിൽ ഡോക്യുമെൻററി സംവിധായകൻ പി. ബാലനും രചനാവിഭാഗത്തിൽ എഴുത്തുകാരൻ എസ്.ഡി. പ്രിൻസുമാണ് ജൂറി ചെയർമാൻമാർ.
ടി. ദീപേഷ് (ടി.വി, ചലച്ചിത്ര ഡയറക്ടർ), മുൻഷി ബൈജു (ചലച്ചിത്ര, ടി.വി അഭിനേതാവ്), ജി. ഹരി എഫ്.റ്റി.ഐ.ഐ (സൗണ്ട് എഞ്ചിനീയർ), വി.എസ്. ബിന്ദു (എഴുത്തുകാരി) എന്നിവരാണ് കഥാവിഭാഗം ജൂറി അംഗങ്ങൾ.

സാഹിത്യതൽപരരായ പട്ടികവിഭാഗക്കാർക്ക് സാഹിത്യാഭിരുചി വർധിപ്പിക്കുന്നതിനും സർഗവാസനയെ പരിപോഷിപ്പിക്കുന്നതിനുമായി പട്ടികജാതി വികസന വകുപ്പ് സാഹിത്യശില്പശാല സംഘടിപ്പിക്കുന്നു. 18 വയസ്സിന് മുകളിൽ പ്രായമുള്ള സാഹിത്യാഭിരുചിയുള്ള പട്ടികജാതി പട്ടികവർഗ്ഗ വിഭാഗത്തിൽപെട്ടവരിൽ നിന്ന് അപേക്ഷ ക്ഷണിച്ചു. മറ്റു വിഭാഗത്തിൽപെട്ട അഞ്ചുപേർക്ക് പങ്കെടുക്കാം.

തിരുവനന്തപുരം തൈക്കാട് ഗവ.കോളേജ് ഓഫ് ടീച്ചർ എഡ്യൂക്കേഷനിൽ ഫൗണ്ടേഷൻ ഇൻ എഡ്യൂക്കേഷൻ എന്ന വിഷയത്തിൽ ഒരു ഗസ്റ്റ് ലക്ചററുടെ ഒഴിവുണ്ട്. കോളേജ് വിദ്യാഭ്യാസ വകുപ്പിന്റെ ഡെപ്യൂട്ടി ഡയറക്ടർ ഓഫീസുകളിൽ രജിസ്റ്റർ ചെയ്തിട്ടുള്ള ഉദ്യോഗാർത്ഥികൾക്ക് മുൻഗണന. സാമൂഹികശാസ്ത്ര വിഷയങ്ങളിൽ ഏതിലെങ്കിലും 55 ശതമാനം മാർക്കോടെ ബിരുദാനന്തര ബിരുദവും, എം.എഡും, നെറ്റുമുള്ള ഉദ്യോഗാർത്ഥികൾ അസ്സൽ രേഖകളുമായി മെയ് 28 ന് ഉച്ചക്ക് രണ്ട് മണിക്ക് കോളേജിൽ നേരിട്ടെത്തണം. നെറ്റുള്ളവരുടെ അഭാവത്തിൽ മറ്റുള്ളവരെയും പരിഗണിക്കും. ഫോൺ:0471-2323964 ഇ-മെയിൽ: gctetvm@gmail.com.    

        ജില്ലയിലെ വിവിധ സ്‌കൂളുകളിലായി എസ.എസ്.എല്‍.സി., പ്ലസ് ടു  പരീക്ഷകള്‍ എഴുതിയതില്‍ ഉന്നതവിജയം കരസ്ഥമാക്കിയ പട്ടികവര്‍ഗ്ഗ വിദ്യാര്‍ത്ഥികളില്‍ നിന്നും പ്രോത്സാഹന ധനസഹായത്തിന് അപേക്ഷ ക്ഷണിച്ചു. വെള്ളപേപ്പറില്‍ തയ്യാറാക്കിയ അപേക്ഷയോടൊപ്പം ജാതി സര്‍ട്ടിഫിക്കറ്റിന്റെ കോപ്പിയും പരീക്ഷയുടെ മാര്‍ക്ക് ലിസ്റ്റിന്റെ സാക്ഷ്യപ്പെടുത്തിയ പകര്‍പ്പും, ബാങ്ക്അക്കൗണ്ട് പാസ്സ് ബുക്കിന്റെ കോപ്പി, ഫോണ്‍ നമ്പര്‍ എന്നിവ ഉള്ളടക്കം  ചെയ്യണം.  അപേക്ഷ മെയ് 31 നകം  നിലമ്പൂര്‍ ഐ.റ്റി.ഡി.പി.