ക്ലീന്‍ കേരള കമ്പനിയുടെ നേതൃത്വത്തില്‍ ജില്ലാ ആസ്ഥാനത്തുനിന്നും മെയ് 30 ന് ഈ-മാലിന്യങ്ങള്‍ ശേഖരിച്ച് സംസ്‌കരണത്തിന് കൊണ്ടുപോകുന്നു. കൂടുതല്‍ വിവരങ്ങള്‍ക്ക് ക്ലീന്‍ കേരള കമ്പനി അസിസ്റ്റന്റ് ജില്ലാ മാനേജര്‍ മുജീബ് (7558086633)മായി ബന്ധപ്പെടണം.

തിരൂര്‍ തുഞ്ചന്‍ മെമ്മോറിയല്‍ ഗവ. കോളേജില്‍ 2013-14 മുതല്‍ 2015-16 വരെയുള്ള ഡിഗ്രി കോഴ്‌സുകളിലും 2013-14 മുതല്‍ 2016-17 വരെയുള്ള പി.ജി കോഴ്‌സുകളിലും പഠനം പൂര്‍ത്തിയാക്കിയവരുടെ കോഷന്‍ ഡെപ്പോസിറ്റ് തുക ജൂലൈ 17നകം കൈപ്പറ്റണമെന്ന് പ്രിന്‍സിപ്പാള്‍ അറിയിച്ചു.

മഞ്ചേരി ഗവ: ടെക്‌നിക്കല്‍ ഹൈസ്‌കൂളില്‍ ഒഴിവുള്ള പാര്‍ട്ട്‌ടൈം മലയാളം അധ്യാപക തസ്തികയിലേക്കു ഗസ്റ്റ് അധ്യാപക നിയമിക്കുന്നതിന് അപേക്ഷ ക്ഷണിച്ചു. താത്പര്യമുള്ളവര്‍ അസ്സല്‍ രേഖകള്‍ സഹിതം മെയ് 29നു രാവിലെ കൂടിക്കാഴ്ചക്കായി സ്‌കൂളില്‍ എത്തണം.  ഫോണ്‍ :0483 2766185.

ജില്ലാ ഭരണകൂടത്തിന്റെ ഭാഗമായി നിന്നു സാമൂഹിക സേവനം ചെയ്യുക എന്ന ലക്ഷ്യത്തോടെ നടത്തുന്ന മൂന്ന് മാസത്തെ ഡിസ്ട്രിക്റ്റ് കലക്ടേഴ്സ് ഇന്റേണ്‍ഷിപ്പ് പ്രോഗ്രാം (ഡി.സി.ഐ.പി) ജില്ലയിലെ ആദ്യ ബാച്ച് പൂര്‍ത്തിയാക്കി. ജില്ലയില്‍ നിന്ന് അഭിമുഖത്തിലൂടെ തിരഞ്ഞെടുത്ത ആറു പേരാണ് ആദ്യ ബാച്ചില്‍ ഇതിന്റെ ഭാഗമായത്.

മലബാര്‍ ദേവസ്വം ബോര്‍ഡിന് കീഴിലുള്ള ഒറ്റപ്പാലം താലൂക്കിലെ കുലുക്കിലിയാട് ശ്രീകൃഷ്ണ ക്ഷേത്രം, തൃക്കടീരി തരുവക്കോണം ചുനയ്ക്കല്‍ ക്ഷേത്രം എന്നിവിടങ്ങളില്‍ ട്രസ്റ്റിമാരെ (തികച്ചും സന്നദ്ധ സേവനം) നിയമിക്കുന്നു. താല്‍പ്പര്യമുള്ള ഹിന്ദുമത വിശ്വാസികള്‍ ജൂണ്‍ 10 ന് വൈകുന്നേരം 5 നകം മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്റ് കമ്മീഷണര്‍ക്ക് അപേക്ഷ സമര്‍പ്പിക്കണം. അപേക്ഷാ ഫോറം പാലക്കാട് അസിസ്റ്റന്റ് കമ്മീഷണറുടെയും ഒറ്റപ്പാലം ഡിവിഷന്‍ ഇന്‍സ്‌പെക്ടറുടെയും ഓഫീസില്‍ നിന്നും ംംം.ാമഹമയമൃറല്മംെമീാ.സലൃമഹമ.ഴീ്.ശി ലും ലഭിക്കും.

കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്) കിഫ്ബി ധനസഹായത്തോടെ നടപ്പാക്കുന്ന അടിസ്ഥാനസൗകര്യം മെച്ചപ്പെടുത്തുന്ന പദ്ധതിയുടെ ഭാഗമായി മലപ്പുറം ജില്ലയിലെ ഏഴു സ്‌കൂളുകള്‍ക്ക് മൂന്നു കോടി രൂപ വീതവും തവനൂര്‍ ഗവ. കോളജിന് പത്തു കോടി രൂപയുടെയും നിര്‍മാണപ്രവര്‍ത്തനങ്ങള്‍ക്കുള്ള ടെണ്ടര്‍ നടപടികള്‍ പൂര്‍ത്തിയായി.

സാങ്കേതിക വിദ്യാഭ്യാസ വകുപ്പിന് കീഴിലെ ഗവ.ടെക്‌നിക്കല്‍ ഹൈസ്‌കൂള്‍, അഗളി ഗവ. ഇന്‍സ്റ്റിറ്റ്യൂട്ട് ഓഫ് ഫാഷന്‍ ഡിസൈനിംഗ് സെന്ററുകളില്‍ ദിവസ വേതനത്തിന്  ഇന്‍സ്ട്രക്ടര്‍ നിയമനം. ഐ. എഫ്ഡി/  കെ.ജി.ടി.ഇ/ ജിഐഎഫ്ഡി/  എന്‍.സി.വി.ടി/ എസ്.സി.വി.ടി യോഗ്യതയുള്ള ഉദ്യോഗാര്‍ത്ഥികള്‍ മെയ് 30 ന് രാവിലെ 10 ന് അസല്‍ സര്‍ട്ടിഫിക്കറ്റുമായി കൂട്ടുപാതക്കു സമീപമുള്ള ഗവ.ടെക്‌നിക്കല്‍ ഹൈസ്‌കൂള്‍ സൂപ്രണ്ടിന്റെ കാര്യാലയത്തില്‍ അഭിമുഖത്തിന് എത്തണമെന്ന് അറിയിച്ചു. ഫോണ്‍: 0491-2572038