ഓരോ ലോക്‌സഭാ മണ്ഡലത്തിനും 14 കൗണ്ടിംഗ് മേശകളും ഒരു എആര്‍ഒ മേശയുമാണ് ക്രമീകരിച്ചിരിക്കുന്നത്. ഓരോ മേശയിലും ഒരു കൗണ്ടിംഗ് സൂപ്പര്‍വൈസര്‍, ഒരു കൗണ്ടിംഗ് ഏജന്റ്, ഒരു മൈക്രോ ഒബ്‌സര്‍വര്‍ എന്നിവര്‍ ഉണ്ടായിരിക്കും. നിയമാസഭാ മണ്ഡല അടിസ്ഥാനത്തില്‍ എആര്‍ഒമാര്‍ കൗണ്ടിംഗിന് നേതൃത്വം നല്‍കും. ഒരേ സമയം പതിനാല് മേശകളില്‍ വോട്ടെണ്ണല്‍ നടക്കും. ഓരോ മേശയിലും ഒരു ബൂത്ത് എണ്ണിക്കഴിയിമ്പോള്‍ ആദ്യ റൗണ്ട് പൂര്‍ത്തിയാകും. ഇത്തരത്തില്‍ ഓരോ റൗണ്ട് പൂര്‍ത്തികരിക്കുമ്പോള്‍ ലീഡ്‌നില പുറത്തുവിടും. 

പത്തനംതിട്ട ലോക്‌സഭാ മണ്ഡലത്തിലെ വോട്ടെണ്ണല്‍ കേന്ദ്രമായ ചെന്നീര്‍ക്കര കേന്ദ്രീയ വിദ്യാലയത്തില്‍ വോട്ടെണ്ണല്‍ ക്രമീകരണങ്ങള്‍ പുരോഗമിക്കുന്നതായി ജില്ലാ തെരഞ്ഞെടുപ്പ് ഓഫീസറും ജില്ലാ കളക്ടറുമായ പി.ബി. നൂഹ് അറിയിച്ചു. കാഞ്ഞിരപ്പളളി, പൂഞ്ഞാര്‍, തിരുവല്ല, റാന്നി, ആറന്മുള, കോന്നി, അടൂര്‍ എന്നിങ്ങനെ ഏഴ് മണ്ഡലങ്ങളിലെയും വോട്ടെണ്ണല്‍ ചെന്നീര്‍ക്കര കേന്ദ്രീയ വിദ്യാലയത്തിലാണ് നടക്കുക. രാവിലെ എട്ടുമണിയോടുകൂടി വോട്ടെണ്ണല്‍ ആരംഭിക്കും. വോട്ടെണ്ണല്‍ കേന്ദ്രത്തില്‍ തന്നെ തെരഞ്ഞെടുപ്പ് ഓഫീസര്‍ ഫലപ്രഖ്യാപനവും നടത്തും. 

ലോക്‌സഭാ തെരഞ്ഞെടുപ്പ് കൗണ്ടിംഗുമായി ബന്ധപ്പെട്ട് ഇലക്ഷന്‍ കമ്മീഷന്റെ നിര്‍ദേശപ്രകാരം മാധ്യമ പ്രവര്‍ത്തകര്‍ക്കുള്ള പാസ്, പത്രങ്ങള്‍ക്ക് റിപ്പോര്‍ട്ടര്‍/ ഫോട്ടോഗ്രാഫര്‍(ഒരാള്‍ക്ക്), ചാനലിന്റെ റിപ്പോര്‍ട്ടര്‍, വീഡിയോഗ്രാഫര്‍(രണ്ടുപേര്‍ക്ക്) ആയി നിജപ്പെടുത്തിയിട്ടുണ്ട്. മാധ്യമ പ്രവര്‍ത്തകര്‍ക്കായി കൗണ്ടിംഗ് സെന്ററിനു പുറത്തെ പന്തലില്‍ മീഡിയാ സെന്റര്‍ ക്രമീകരിക്കും. ഇലക്ഷന്‍ കമ്മീഷന്റെ പാസ് ലഭിക്കുന്നവര്‍ക്കു മാത്രമേ വരണാധികാരി അനുവദിക്കുന്ന സമയം കൗണ്ടിംഗ് സെന്ററിലേക്ക് പ്രവേശനം ഉണ്ടായിരിക്കുകയുള്ളു. 

ഇന്ത്യൻ നഴ്‌സിംഗ് കൗൺസിൽ സംസ്ഥാനത്തെ നഴ്‌സുമാർക്കായി വിതരണം ചെയ്യുന്ന ഏകീകൃത തിരിച്ചറിയൽ (എൻ.യു.ഐ.ഡി.) കാർഡിനായി വിവരം നൽകണം. വിശദവിവരങ്ങൾക്കായി www.nursingcouncil.kerala.gov.in സന്ദർശിച്ച് അതിൽ നൽകിയിട്ടുള്ള ഏതെങ്കിലും കേന്ദ്രത്തിൽ നേരിട്ട് വിവരങ്ങൾ നൽകണം. ഇതിനായി മറ്റൊരു അവസരം ലഭിക്കില്ലെന്ന് രജിസ്ട്രാർ അറിയിച്ചു.

പി.എൻ.എക്സ്. 1372/19

സർക്കാർ ഹയർസെക്കന്ററി സ്‌കൂൾ അദ്ധ്യാപകരുടെ 2019-20 വർഷത്തെ പൊതുസ്ഥലംമാറ്റ മാനദണ്ഡങ്ങളും നിർദ്ദേശങ്ങളും പരിഷ്‌കരിച്ച് സർക്കാർ ഉത്തരവായി. ഇതിന്റെ അടിസ്ഥാനത്തിൽ ഹയർസെക്കന്ററി സ്‌കൂൾ അദ്ധ്യാപകരുടെ 2019-20 വർഷത്തെ പൊതുസ്ഥലംമാറ്റത്തിന് ഓൺലൈനായി അപേക്ഷകൾ സമർപ്പിക്കുന്നതിനുളള അവസാനതീയതി മെയ് 23 വൈകിട്ട് അഞ്ചു വരെ നീട്ടി. വിശദവിവരങ്ങൾ  www.dhsetransfer.kerala.gov.in ൽ ലഭിക്കും.

പി.എൻ.എക്സ്. 1371/19

യുവശക്തിയെ വഴിതിരിച്ചുവിട്ട് സമൂഹത്തിൽ പ്രശ്‌നങ്ങളുണ്ടാക്കാനുള്ള ശ്രമങ്ങളിൽ വീഴാതെ പൗരന്റെ കടമകൾ മനസിലാക്കാൻ വിദ്യാർഥികൾക്കാകണമെന്ന് ഗവർണർ പി. സദാശിവം പറഞ്ഞു. 

സ്റ്റുഡൻറ്‌സ് പോലീസ് കേഡറ്റ് മേയ് ഫ്‌ളവേഴ്‌സ് സമ്മർ ക്യാമ്പിനോടനുബന്ധിച്ച് നടന്ന മാർച്ച് പാസ്റ്റിൽ അഭിവാദ്യം സ്വീകരിച്ച് സംസാരിക്കുകയായിരുന്നു അദ്ദേഹം.

സമൂഹത്തിലെ അനാരോഗ്യപ്രവണതകൾക്കെതിരായ ശക്തമായ പ്രതിരോധമാണ് സ്റ്റുഡൻറ്‌സ് പോലീസ് പദ്ധതി. നിയമങ്ങൾ ബഹുമാനിച്ചും കടമകൾ നിറവേറ്റിയും വളരാൻ കുട്ടികളെ ഇത് സഹായിക്കും. ഉത്തരവാദിത്വവും കർമശേഷിയുമുള്ള പൗരൻമാരായി വളർന്നുവരാൻ കുട്ടികളെ ഈ പദ്ധതി സഹായിക്കുന്നുണ്ട്. 

ഓമാനൂര്‍ സാമൂഹികാരോഗ്യകേന്ദ്രം ആരോഗ്യ ജാഗ്രതയുടെ ഭാഗമായി ഡെങ്കി ദിനാചരണം നടത്തി. ചീക്കോട് ഗ്രാമപഞ്ചായത്ത് ഓഫീസില്‍ ചേര്‍ന്ന ഇന്റര്‍സെക്ടര്‍ മീറ്റിംഗ് ഗ്രാമപഞ്ചായത്ത് പ്രസിഡണ്ട് ശ്രീ.കെ.പി സഈദ് ഉല്‍ഘാടനം ചെയ്തു.

നിലമ്പൂര്‍ ജില്ലാ ആശുപത്രിയിലെ ഡയാലിസിസ് യൂണിറ്റിലേക്കാവശ്യമായ     ഡയാലിസിസ് കണ്‍സൂമബിള്‍സ് ജൂലൈ ഒന്നു മുതല്‍ ഒരു വര്‍ഷത്തേക്ക്  വിതരണം ചെയ്യാന്‍ തയ്യാറുള്ള നിര്‍മ്മാതാക്കളില്‍/മൊത്ത വിതരണക്കാരില്‍ നിന്നും ടെണ്ടറുകള്‍ ക്ഷണിച്ചു.  ടെണ്ടര്‍ സ്വീകരിക്കുന്ന അവസാന തിയ്യതി ജൂണ്‍ 12 ന് രാവിലെ 11 വരെ.  ഫോണ്‍ 04931220351