ജില്ലാ വികസന സമിതി യോഗം ജൂൺ ഒന്നിന് രാവിലെ 11 ന് കളക്ടറേറ്റ് കോൺഫറൻസ് ഹാളിൽ ചേരും.

ഭക്ഷ്യദിനാചരണത്തിന്റെ ഭാഗമായി ഭക്ഷ്യസുരക്ഷാ കമ്മീഷണറുടെ ആഭിമുഖ്യത്തിൽ നാഷണൽ ഹെൽത്ത് മിഷനുമായി സഹകരിച്ച് മെയ് 29 ന് ജില്ലാ തലത്തിൽ നടത്തുന്ന ക്വിസ് മത്സരത്തിന് പങ്കെടുക്കുവാൻ താൽപര്യമുളളവർ foodsafetydaythrissur@gmail.com എന്ന ഇ-മെയിൽ വിലാസത്തിൽ അപേക്ഷിക്കണം. രണ്ടു പേർ ചേർന്ന ടീം ആയിട്ടാണ് അപേക്ഷിക്കേണ്ടത്. പ്ലസ് വൺ, പ്ലസ് ടു, ഡിഗ്രി, പി ജി തലത്തിലുളള വിദ്യാർത്ഥികളുടെ പ്രായം 2019 മെയ് 29 ന് 23 കവിയരുത്. മെയ് 29 ന് രാവിലെ 9 ന് തൃശൂർ ടൗൺഹാളിലാണ് മത്സരം. കൂടുതൽ വിവരങ്ങൾക്ക് ഫോൺ : 0487-2424158.

തൃശൂർ ലാൻഡ് ട്രൈബ്യൂണൽ ആൻഡ് ഡെപ്യൂട്ടി കളക്ടർ (എൽ ആർ) മെയ് 18, 21, 23 തീയതികളിൽ കളക്ടറേറ്റിൽ നടത്താൻ നിശ്ചയിച്ച എല്ലാ എസ് എം കേസുകളുടെ വിചാരണ യഥാക്രമം ഡിസംബർ 26, 31, ജനുവരി രണ്ട് എന്നീ തീയതികളിലേക്ക് മാറ്റി.

കേരള മോട്ടോർ തൊഴിലാളി ക്ഷേമനിധി ബോർഡിൽ അംഗങ്ങളായ എല്ലാ കുടിശ്ശികകളും ഒമ്പത് ശതമാനം പലിശ ഉൾപ്പെടെ ഒടുക്കുന്നതിനുള്ള കാലാവധി ജൂൺ 30 വരെ ദീർഘിപ്പിച്ചു. ഈ അവസരം തൊഴിലാളികൾ പ്രയോജനപ്പെടുത്തണമെന്ന് ജില്ലാ എക്‌സി. ഓഫീസർ അറിയിച്ചു.

മെയ് 23ന് നടക്കുന്ന ലോക്സഭാ തെരഞ്ഞെടുപ്പിന്റെ വോട്ടെണ്ണൽ കേന്ദ്രത്തിന് ത്രിതല സുരക്ഷ ഒരുക്കും. ലോക്കൽ പോലീസ്, സംസ്ഥാന സായുധ സേന, കേന്ദ്ര സായുധ സേന എന്നിവരാണ് സുരക്ഷയൊരുക്കുക. ജില്ലയിലെ ഏക വോട്ടെണ്ണൽ കേന്ദ്രം തൃശൂർ ഗവ. എൻജിനീയറിങ് കോളജാണ്. തൃശൂർ മണ്ഡലത്തിലെ വോട്ടുകൾ ഇവിടെയാണ് എണ്ണുക. ചാലക്കുടി മണ്ഡലത്തിന്റെ വോട്ടെണ്ണൽ കേന്ദ്രം എറണാകുളം ജില്ലയിലെ കളമശ്ശേരി ഗവ. പോളിടെക്നിക് കോളജിലും ആലത്തൂർ മണ്ഡലത്തിന്റേത് പാലക്കാട് മുണ്ടൂർ ആര്യാനെറ്റ് ഇൻസ്റ്റിറ്റ്യൂട്ട് ഓഫ് ടെക്നോളജിയിലുമാണ്.

 ഐ.എച്ച്.ആര്‍.ഡി കോളേജുകളില്‍ ഡിഗ്രി പ്രവേശനം 

ആലപ്പുഴ: കേന്ദ്ര യുവജനകാര്യ കായിക മന്ത്രാലയത്തിനു കീഴിലുള്ള നെഹ്‌റു യുവ കേന്ദ്രയുടെ സഹകരണത്തോടെ ആലപ്പുഴ യൂത്ത് ഹോസ്റ്റൽ  മൂന്ന് ദിവസത്തെ വ്യക്തിത്വവികസന-നേതൃത്വപരിശീലനക്യാമ്പ് സംഘടിപ്പിക്കുന്നു. നേതൃത്വ പരിശീലനം, ആശയവിനിമയ പാടവം, മാനസിക സംഘർഷം ലഘൂകരിക്കാനുള്ള മാർഗങ്ങൾ, കൗൺസലിംഗിനുള്ള സൗകര്യം എന്നിവ ക്യാമ്പിൽ ഉണ്ടായിരിക്കുന്നതാണ്. കൂടുതൽ വിവരങ്ങൾക്കും രജിസ്‌ട്രേഷനും  97443 81391, 9809455938 എന്നീ നമ്പറുകളിൽ ബന്ധപ്പെടുക.