പാലക്കാട് താലൂക്ക് കണ്ണാടി 2 വില്ലേജില്‍ 20192020 കാലയളവിലേയ്ക്കായി കൃഷിഭൂമി ലേലം ചെയ്യുന്നു. ഒരേക്കര്‍ നാല്‌സെന്റ്, 18 സെന്റ്, രണ്ട് ഏക്കര്‍ 32 സെന്റ്, ഒരേക്കര്‍ 96 സെന്റ് എന്നിങ്ങനെ വിവിധ സര്‍വ്വെ നമ്പരുകളിലുള്ള കൃഷിഭൂമികളാണ് ലേലം ചെയ്യുന്നത്. ഒരു സാമ്പത്തിക വര്‍ഷത്തേയ്ക്ക് കൃഷി ചെയ്ത് വിളവെടുക്കാനുള്ള അവകാശമാണ് ലഭിക്കുക. താത്പര്യമുള്ളവര്‍ ജൂണ്‍ പത്തിന് രാവിലെ 11ന് കണ്ണാടി 2 വില്ലേജോഫീസില്‍ നടക്കുന്ന ലേലത്തില്‍ പങ്കെടുക്കണമെന്ന് പാലക്കാട് തഹസില്‍ദാര്‍ (ഭൂരേഖ) അറിയിച്ചു. 

എസ്.എസ്.എല്‍.സി ഫലം പ്രസിദ്ധീകരിച്ചപ്പോള്‍ ജില്ല കൈവരിച്ചത് 96.51 ശതമാനം വിജയം. ജില്ലയില്‍ 41254 വിദ്യാര്‍ത്ഥികള്‍ പരീക്ഷയെഴുതിയതില്‍ 39815 വിദ്യാര്‍ത്ഥികള്‍ വിജയിച്ചു. ആകെയുള്ള 205 സ്‌കൂളുകളില്‍ 69 സ്‌കൂളുകള്‍ 100 ശതമാനം വിജയം നേടി. ഇതില്‍ 26 സര്‍ക്കാര്‍ സ്‌കൂളുകളും, എട്ട് എയ്ഡഡ് സ്‌കൂളുകളും, 35 അണ്‍ എയ്ഡഡ് സ്‌കൂളുകളും ഉള്‍പ്പെടുന്നു. നെല്ലിപുഴ ഡി.എച്ച്.എസിലെ പരീക്ഷയെഴുതിയ 504 പേരില്‍ മുഴുവന്‍ വിദ്യാര്‍ത്ഥികളും ഉപരിപഠനത്തിന് അര്‍ഹരായി. കൂടുതല്‍ വിദ്യാര്‍ത്ഥികളെ പരീക്ഷക്കിരുത്തിയ ഗവ. ജി.എച്ച്.എസ്. പെരുങ്ങോട്ടുകുറിശ്ശി നൂറു ശതമാനം വിജയം നേടി.  

കെട്ടിട നിര്‍മ്മാണ തൊഴിലാളി ക്ഷേമബോര്‍ഡില്‍ അംഗത്വം പുതുക്കുന്നതിന് മെയ് 31 വരെ അപേക്ഷിക്കാം. പുതുതായി അംഗങ്ങളെ ചേര്‍ക്കുന്നതിന് മെയ്18വരെ അപേക്ഷകള്‍ സ്വീകരിക്കുമെന്നും ജില്ലാ എക്സിക്യൂട്ടീവ് ഓഫീസര്‍ അറിയിച്ചു

റവന്യൂ ഡിവിഷണല്‍ ഓഫീസറുടെ ക്വാര്‍ട്ടേഴ്സ് കോമ്പൗണ്ടില്‍ വീണുകിടക്കുന്ന തേക്കുമരം ലേലം ചെയ്യുന്നു. പാലക്കാട് അസിസ്റ്റന്റ് കണ്‍സര്‍വേറ്റര്‍ ഓഫ് ഫോറസ്റ്റര്‍ 1,67,382രൂപ മതിപ്പു വില നിശ്ചയിച്ച മരം ജില്ലാകലക്ടറുടെ നടപടിക്രമപ്രകാരം മെയ് 17ന് രാവിലെ 11ന് റവന്യൂ ഡിവിഷണല്‍ ഓഫീസില്‍ ലേലം ചെയ്യുമെന്ന് റവന്യൂ ഡിവിഷണല്‍ ഓഫീസര്‍ അറിയിച്ചു.