കൊല്ലങ്കോട് ബ്ലോക്ക് പഞ്ചായത്തിനു കീഴിലുള്ള  ആണ്‍കുട്ടികളുടെ കൊല്ലങ്കോട്, പുതുനഗരം ഗവ. പ്രീമെട്രിക് ഹോസ്റ്റലുകളില്‍ താമസിച്ചു പഠിക്കുന്നതിന് അപേക്ഷിക്കാം. അഞ്ചുമുതല്‍ 10വരെ ക്ലാസ്സുകളിലെ പട്ടികജാതി വിഭാഗത്തിലെ വിദ്യാര്‍ത്ഥികളുടെ രക്ഷിതാക്കളാണ് അപേക്ഷിക്കേണ്ടത്. 10 ശതമാനം മറ്റു വിഭാഗത്തിന് സംവരണം ചെയ്തിട്ടുണ്ട്. പ്രവേശനം ലഭിക്കുന്ന വിദ്യാര്‍ത്ഥികള്‍ക്ക് താമസം, ഭക്ഷണം, ട്യൂഷന്‍, നോട്ട്ബുക്ക് എന്നിവ സൗജന്യമായിരിക്കും. അപേക്ഷ മെയ് 22ന് വൈകിട്ട് അഞ്ചിനകം കൊല്ലങ്കോട് ബ്ലോക്ക് പട്ടികജാതി വികസന ഓഫീസില്‍ സമര്‍പ്പിക്കണം. അപേക്ഷ ഫോമിനും കൂടുതല്‍ വിവരങ്ങള്‍ക്കും ഫോണ്‍: 8547630129 

പാലക്കാട് ജില്ലാ ടൂറിസം പ്രമോഷന്‍ കൗണ്‍സിലിന്റെ നിയന്ത്രണത്തിലുള്ള കാഞ്ഞിരപ്പുഴ ഉദ്യാനത്തിന്റെ മുന്‍വശത്തെ പാര്‍ക്കിംഗ് ഏരിയയില്‍ വരുന്ന വാഹനങ്ങളുടെ ഉടമകളില്‍ നിന്നും ഒരു വര്‍ഷത്തെ പാര്‍ക്കിംഗ് ഫീസ് പിരിക്കുന്നതിനുള്ള അവകാശം ലേലം ചെയ്യുന്നു. ലേലത്തില്‍ പങ്കെടുക്കുന്നവര്‍ 10000 രൂപയുടെ ഡി.ഡി സഹിതം മെയ് 17 ന് വൈകുന്നേരം 3 ന് മുമ്പ് ജില്ലാ ടൂറിസം പ്രമോഷന്‍ കൗണ്‍സില്‍ ഓഫീസില്‍ രജിസ്റ്റര്‍ ചെയ്യണം.ഫോണ്‍: 0491 2538996.

പട്ടികജാതി വികസന വകുപ്പിന് കീഴില്‍ തൃത്താല ഗവ.മോഡല്‍ റസിഡന്‍ഷ്യല്‍ ഹയര്‍ സെക്കന്ററി സ്‌കൂളില്‍ പ്ലസ് വണ്‍ ബയോളജി സയന്‍സ് കോഴ്‌സ് പ്രവേശനത്തിന് അപേക്ഷിക്കാം. പട്ടികജാതി,പട്ടികവര്‍ഗ്ഗ വിഭാഗക്കാര്‍ക്കും മറ്റുവിഭാഗങ്ങള്‍ക്കും അപേക്ഷിക്കാം.  അപേക്ഷാ ഫോമിനും വിശദവിവരങ്ങള്‍ക്കും സ്‌കൂള്‍ ഓഫീസുമായി ബന്ധപ്പെടണം. ഫോണ്‍: 9497630410

കോട്ടോപാടം മൂന്ന് വില്ലേജില്‍ 2.0240 ഹെക്ടര്‍ സ്ഥലം അതിലുള്ള 250 റബ്ബര്‍, 15 തേക്ക് മരങ്ങള്‍, പ്രായമാകാത്ത 25 പലവിധ മരങ്ങള്‍ എന്നിവ ജൂണ്‍ 11 ന് രാവിലെ 11 ന് കോട്ടോപാടം മൂന്ന് വില്ലേജ് ഓഫീസില്‍ ലേലം ചെയ്യുമെന്ന് മണ്ണാര്‍ക്കാട് തഹസില്‍ദാര്‍ അറിയിച്ചു.

ക്ഷീര വികസന വകുപ്പിന്റെ ആലത്തൂര്‍ ക്ഷീര പരിശോധന കേന്ദ്രത്തില്‍ മെയ് 14 മുതല്‍ 24 വരെ ക്ഷീരോല്‍പ്പന്ന നിര്‍മ്മാണ പരിശീലന പരിപാടി സംഘടിപ്പിക്കും. 135 രൂപയാണ്  പ്രവേശന ഫീസ്. പരിശീലനാര്‍ത്ഥികള്‍ക്ക് ഭക്ഷണവും ആവശ്യമെങ്കില്‍ താമസസൗകര്യവും നല്‍കും. താല്‍പ്പര്യമുള്ളവര്‍ മെയ് 14 ന് രാവിലെ 10 ന് മുമ്പായി തിരിച്ചറിയല്‍ കാര്‍ഡ് സഹിതം ആലത്തൂര്‍ വാനൂരില്‍ പ്രവര്‍ത്തിക്കുന്ന ക്ഷീര പരിശീലന കേന്ദ്രത്തില്‍ എത്തണം. ഫോണ്‍:04922 226040.

സംസ്ഥാനത്ത് വയോജനങ്ങളുടെ ക്ഷേമത്തിനും മികവിനുമായി വിവിധ മേഖലകളില്‍ പ്രവര്‍ത്തിക്കുന്നവര്‍, വയോജനങ്ങള്‍ക്കായി ശ്രദ്ധേയമായ സംഭാവനകള്‍ നല്‍കിയിട്ടുള്ള വയോജനങ്ങള്‍ എന്നിവര്‍, സന്നദ്ധസംഘടനകള്‍, തദ്ദേശ സ്വയംഭരണ സ്ഥാപനങ്ങള്‍, ജില്ലകള്‍ എന്നിവയ്ക്ക് 'വയോശ്രേഷ്ഠ സമ്മാന്‍ 2019' നായി അപേക്ഷിക്കാം. ജില്ലാ സാമൂഹ്യ നീതി ഓഫീസില്‍ മെയ് 20 വരെ അപേക്ഷ സമര്‍പ്പിക്കാം. കൂടുതല്‍ വിവരങ്ങള്‍ ജില്ലാ സാമൂഹ്യനീതി ഓഫീസില്‍ നിന്നും www.sjd.kerala.gov.in എന്ന വെബ്‌സൈറ്റിലും ലഭിക്കും.