കോഴിക്കോട് താലൂക്കിലെ കല്ലുരുട്ടി, തെച്ച്യാട്, ഓമശ്ശേരി തുടങ്ങിയ സ്ഥലങ്ങളിലെ വീടുകളില്‍ നടത്തിയ റെയ്ഡില്‍ അനര്‍ഹമായി കൈവശം വെച്ച മുന്‍ഗണനാ വിഭാഗം റേഷന്‍ കാര്‍ഡുകള്‍ കോഴിക്കോട് താലൂക്ക് സപ്ലൈ ഓഫീസറുടെ നേതൃത്വത്തിലുള്ള പരിശോധനാ സ്‌ക്വാഡ് പിടിച്ചെടുത്തു.  റെയ്ഡില്‍ താലൂക്ക് സപ്ലൈ ഓഫീസര്‍ കെ. മുരളീധരന്‍, റേഷനിംഗ് ഇന്‍സ്‌പെക്ടര്‍ സി. സദാശിവന്‍, ജീവനക്കാരനായ കെ മൊയ്തീന്‍ കോയ എന്നിവര്‍ പങ്കെടുത്തു.  പിടിച്ചെടുത്ത കാര്‍ഡുകള്‍ പൊതുവിഭാഗത്തിലേക്ക് മാറ്റി അനര്‍ഹമായി കൈപ്പറ്റിയ റേഷന്‍ സാധനങ്ങളുടെ വിപണി വില ഈടാക്കുന്നതിന് നടപടികള്‍ സ്വീകരിക്കും. 

മെയ് 21ന് മരുതോങ്കര പഞ്ചായത്തിലെ പശുക്കടവ് കേന്ദ്രീകരിച്ച് ഉറവിട നശീകരണ പ്രവര്‍ത്തനം നടത്താന്‍ മഴക്കാലപൂര്‍വ്വ ശുചീകരണത്തിന്റെ ഭാഗമായി കുന്നുമ്മല്‍ ബ്ലോക്ക് പഞ്ചായത്തില്‍ ചേര്‍ന്ന യോഗം തീരുമാനിച്ചു. ബ്ലോക്ക്തലത്തില്‍ സംഘടിപ്പിക്കുന്ന പരിപാടിയില്‍ ജനപ്രതിനിധികള്‍, ആരോഗ്യപ്രവര്‍ത്തകര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. 

സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 500 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം മേയ് 14ന്  റിസർവ് ബാങ്കിന്റെ മുംബൈ ഫോർട്ട്് ഓഫീസിൽ ഇ-കുബേർ സംവിധാനം വഴി നടക്കും. 

ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്-1/185/2019 ഫിൻ. തിയതി 10.05.2019) വിശദാംശങ്ങൾക്കും ധനവകുപ്പിന്റെ വെബ്‌സൈറ്റ്   (www.finance.kerala.gov.in) സന്ദർശിക്കുക.

പി.എൻ.എക്സ്. 1312/19

ചൂർണിക്കരയിൽ തണ്ണീർത്തടം നികത്തുന്നതിന് വ്യാജരേഖ തയ്യാറാക്കാൻ കൂട്ടുനിന്ന ലാന്റ് റവന്യു കമ്മീഷണറേറ്റിലെ ഓഫീസ് അറ്റൻഡന്റ് കെ. അരുൺകുമാറിനെ സർവീസിൽ നിന്ന് സസ്പെൻഡ് ചെയ്ത് ലാന്റ് റവന്യു കമ്മീഷണർ ഉത്തരവായി.

പി.എൻ.എക്സ്. 1311/19

യുണൈറ്റഡ് ഇലക്ട്രിക്കൽ ഇൻഡസ്ട്രീസ് ലിമിറ്റഡിന്റെ പുതിയ ഉല്പന്നമായ വെഹിക്കിൾ ട്രാക്കിംഗ് ആന്റ് സ്പീഡ് മോണിറ്ററിംഗ് സിസ്റ്റം (വി.ടി.എസ്)ഫോണിക്‌സ്-140 ന്റെ ഉദ്ഘാടനം 15 ന് രാവിലെ 10 ന് വ്യവസായ, കായിക യുവജന ക്ഷേമവകുപ്പ് മന്ത്രി ഇ.പി.ജയരാജൻ ഗതാഗത മന്ത്രി എ.കെ.ശശീന്ദ്രന് നൽകി നിർവഹിക്കും.

സാങ്കേതിക പരീക്ഷാ കൺട്രോളർ നടത്തുന്ന എഫ്.ഡി.ജി.റ്റി ഏപ്രിൽ 2019 പരീക്ഷയുടെ ടൈംടേബിൾ www.tekerala.org യിൽ ലഭ്യമാണ്. ഹാൾടിക്കറ്റുകൾ അതതു സ്ഥാപനങ്ങളുടെ ഇൻസ്റ്റിറ്റിയൂഷൻ ലോഗിൻ വഴി ഡൗൺലോഡ് ചെയ്യാം. പ്രാക്ടിക്കൽ പരീക്ഷകൾ മേയ് 15 മുതലും തിയറി പരീക്ഷകൾ മേയ് 24, 25 തിയതികളിലും നടക്കും.

പി.എൻ.എക്സ്. 1308/19

സാങ്കേതിക പരീക്ഷാ കൺട്രോളർ മേയ് 15 മുതൽ 21 വരെ നടത്തുന്ന കെ.ജി.സി.ഇ. ഏപ്രിൽ 2019 പരീക്ഷയുടെ ടൈംടേബിൾ www.tekerala.org യിൽ പ്രസിദ്ധീകരിച്ചു. ഹാൾടിക്കറ്റുകൾ അതതു സ്ഥാപനങ്ങളുടെ ഇൻസ്റ്റിറ്റിയൂഷൻ ലോഗിൻ വഴി ഡൗൺലോഡ് ചെയ്യാം.

പി.എൻ.എക്സ്. 1307/19