പാലക്കാട് ജില്ലാ കുടുംബശ്രീ മിഷന്‍ ന്റെയും സാന്ത്വനം വളണ്ടിയേഴ്സിന്റെയും സംയുക്താഭിമുഖ്യത്തില്‍ കുറഞ്ഞനിരക്കില്‍ ദൈനംദിന ജീവിതശൈലി രോഗങ്ങളായ കൊളസ്ട്രോള്‍, പ്രമേഹം, ബി.പി.ബി.എം.ഐ എന്നിവയ്ക്കുള്ള പരിശോധനകള്‍  എല്ലാ പ്രവൃത്തി ദിവസങ്ങളിലും രാവിലെ 10 മുതല്‍ ഉച്ചയ്ക്ക് 2 വരെ ജില്ലാ കോടതി പരിസരത്ത് നടക്കും.

പുതുശ്ശേരി പ്രാഥമികാരോഗ്യകേന്ദ്രത്തില്‍ കരാറടിസ്ഥാനത്തില്‍ ലാബ് ടെക്നിഷ്യനെ നിയമിക്കുന്നു. സര്‍ക്കാര്‍ അംഗീകൃത സ്ഥാപനങ്ങളില്‍ നിന്നും ലാബ് ടെക്നിഷ്യന്‍ കോഴ്സ് പൂര്‍ത്തിയാക്കിയവര്‍ക്ക് അപേക്ഷിക്കാം. അപേക്ഷകര്‍ രേഖകള്‍ സഹിതം  മെയ് 20ന്  രാവിലെ 11ന് പുതുശ്ശേരി ഗ്രാമപഞ്ചായത്തില്‍ എത്തണം.

സംസ്ഥാന സര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും ആരോഗ്യ ഇന്‍ഷുറന്‍സ് പദ്ധതിയായ മെഡിസെപ്പ് ജൂണ്‍ ഒന്ന് മുതല്‍ നടപ്പിലാക്കുന്നതിന്റെ ഭാഗമായി പ്രീമിയം തുകയായ 250 രൂപ പദ്ധതി ആരംഭിക്കുന്ന മാസം മുതല്‍ ജീവനക്കാരുടെ ശമ്പളത്തില്‍ നിന്നും പെന്‍ഷന്‍കാരുടെ അതാത് മാസത്തെ പെന്‍ഷനില്‍ നിന്നും കുറവ് വരുത്തുമെന്ന് ജില്ലാ ട്രഷറി ഓഫീസര്‍  അറിയിച്ചു. നാളിതുവരെയും  അപേക്ഷ സമര്‍പ്പിക്കാത്ത പെന്‍ഷന്‍കാര്‍ മെയ് 20 ന് മുന്‍പ്് നിര്‍ബന്ധമായും അതാത് ട്രഷറികളില്‍ തങ്ങളുടെ മെഡിസെപ് അപേക്ഷ സമര്‍പ്പിക്കാനും ജില്ലാ ട്രഷറി ഓഫീസര്‍ അറിയിച്ചു .