കുട്ടികള്‍ക്കെതിരെയുള്ള അതിക്രമങ്ങള്‍: ജില്ലാ ശിശുസംരക്ഷണ യൂണിറ്റിനും വിവരം അറിയിക്കാം.

പുതുപ്പരിയാരം സി.ബി.കെ.എം ഗവ. ഹയര്‍ സെക്കഡറി സ്‌കൂളിന് എസ്.എസ്.എല്‍.സി. പരീക്ഷയില്‍ 98 ശതമാനം  വിജയം.  കഴിഞ്ഞവര്‍ഷം 84 ശതമാനമായിരുന്ന വിജയം ഇത്തവണ 98 ശതമാനമായി ഉയര്‍ന്നതായി പ്രധാനധ്യാപകന്‍ അറിയിച്ചു.

പാലക്കാട്‌പൊന്നാനി റോഡില്‍ വീതിക്കൂട്ടല്‍ പ്രവൃത്തികള്‍ നടക്കുന്നതിനാല്‍ ജൂണ്‍ 30 വരെ ഈ വഴിയുള്ള ഗതാഗതത്തിന് നിയന്ത്രണമേര്‍പ്പെടുത്തിയതായി എക്‌സിക്യൂട്ടീവ് എഞ്ചിനീയര്‍ അറിയിച്ചു. ഒറ്റപ്പാലം ഭാഗത്തേക്ക് പോകുന്ന വാഹനങ്ങള്‍ കെ.എസ്.ആര്‍.ടി.സിവെണ്ണക്കരവേഴ്‌സി കോളെജ് റോഡു വഴിയും പാലക്കാട്  ഭാഗത്തേയ്ക്കു വരുന്ന വാഹനങ്ങള്‍ ഇതേ റൂട്ടിലും് പോകേണ്ടതാണ്.

കൊല്ലങ്കോട് , പുതുനഗരം(ആണ്‍ക്കുട്ടികള്‍) ഗവ. പ്രീമെട്രിക് ഹോസ്റ്റലുകളില്‍ താമസിച്ച് പഠിക്കുന്നതിന് അഞ്ച് മുതല്‍ 10 ക്ലാസ്സുകളില്‍ പഠിക്കുന്ന വിദ്യാര്‍ത്ഥികളുടെ രക്ഷിതാക്കളില്‍ നിന്നും അപേക്ഷ ക്ഷണിച്ചു. താല്‍പര്യമുള്ളവര്‍ മെയ് 22 ന് വൈകിട്ട്  അഞ്ചിന് മുമ്പ് അപേക്ഷ നല്‍കണം. മറ്റു വിഭാഗത്തിന് 10 ശതമാനം സംവരണം ലഭ്യമാണ്. പ്രവേശനം ലഭിക്കുന്ന വിദ്യാര്‍ത്ഥികള്‍ക്ക് ആനൂകൂല്യങ്ങള്‍ ലഭിക്കും. അപേക്ഷ ഫോറം കൊല്ലങ്കോട് ബ്ലോക്ക് പട്ടികജാതി വികസന ഓഫീസില്‍ ലഭിക്കും. ഫോണ്‍: 8547630129

കൊല്ലങ്കോട്, പുതുനഗരം ഗവ.പ്രീമെട്രിക് ഹോസ്റ്റലുകളില്‍ ട്യൂട്ടര്‍മാരുടെ ഒഴിവിലേക്ക് അപേക്ഷ ക്ഷണിച്ചു. ഹൈസ്‌കൂള്‍ വിഭാഗത്തില്‍ ഇംഗ്ലീഷ്, ഹിന്ദി, കണക്ക്, സോഷ്യല്‍ സയന്‍സ്, നാച്ചുറല്‍ സയന്‍സ്, ഫിസിക്കല്‍ സയന്‍സ് എന്നീ വിഷയങ്ങളിലും യു.പി വിഭാഗത്തില്‍ മൂന്ന് ഒഴിവുമാണുള്ളത്. ബി.എഡ്്. ടി.ടി.സി യോഗ്യതയുള്ളവര്‍ മെയ് 25 നകം കൊല്ലങ്കോട് ബ്ലോക്ക് പട്ടികജാതി ഓഫീസില്‍ അപേക്ഷ നല്‍കണമെന്ന് പട്ടിക ജാതി വികസന ഓഫീസര്‍സ അറിയിച്ചു. നിയമനം പത്ത് മാസത്തേക്കായിരിക്കും. ഫോണ്‍: 8547630129

പെരിങ്ങോട്  പുലാപ്പറ്റ റോഡില്‍ വീതിക്കൂട്ടല്‍ പ്രവൃത്തികള്‍ നടക്കുന്നതിനാല്‍ ഇന്ന് മുതല്‍ (മെയ്എട്ട്)  ജൂണ്‍30 വരെ ഈ വഴിയുള്ള ഗതാഗതത്തിന് നിയന്ത്രണമേര്‍പ്പെടുത്തിയതായി എക്‌സിക്യൂട്ടീവ് എഞ്ചിനീയര്‍ അറിയിച്ചു. പെരിങ്ങോട് നിന്നും പുലാപ്പറ്റ ഭാഗത്തേയ്ക്കുള്ള വാഹനങ്ങള്‍ കൊട്ടശ്ശേരി ഉമ്മനേഴി വഴി പുലാപ്പറ്റ ഭാഗത്തേയ്ക്കും തിരിഞ്ഞ് പോകേണ്ടതാണ്.