പെരിന്തല്‍മണ്ണ പി.ടി.എം ഗവ. കോളജില്‍ വനിതാ കമ്മീഷന്റെ ആഭിമുഖ്യത്തില്‍ ജില്ലാ തല സെമിനാര്‍ മാര്‍ച്ച് അഞ്ചിന് നടക്കുന്നതിനാല്‍ കോളേജില്‍ നിശ്ചയിച്ചിരുന്ന ആന്വല്‍ സ്‌പോര്‍ട്‌സ് ഡേ മാര്‍ച്ച ആറ്, ഏഴ്  തീയതികളിലേക്ക് മാറ്റിയതായി പ്രിന്‍സിപ്പല്‍ അറിയിച്ചു.

സംസ്ഥാനത്ത് വിവിധ പ്രദേശങ്ങളില്‍ വരും ദിവസങ്ങളില്‍ ചൂട് ശരാശരിയില്‍ കൂടുവാനുള്ള സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ  അനുമാനങ്ങളില്‍ കാണുന്നതായി ദുരന്തനിവാരണ അതോറിറ്റി മുന്നറിയിപ്പ് നല്‍കി. മലപ്പുറം, പാലക്കാട്, തൃശ്ശൂര്‍, കോഴിക്കോട് ജില്ലകളില്‍ മാര്‍ച്ച് അഞ്ചിന് ശരാശരിയില്‍ നിന്നും 8 ഡിഗ്രി യില്‍ അധികം ചൂട് വര്‍ദ്ധിക്കുവാന്‍ സാധ്യതയുണ്ട്.

മേല്‍ സാഹചര്യത്തില്‍ സൂര്യാഘാതം ഒഴിവാക്കുവാനായി പൊതുജനങ്ങള്‍ക്കായി ചുവടെ ചേര്‍ക്കുന്ന നടപടികള്‍ നിര്‍ദേശിക്കുന്നു.

നാട്ടാന പരിപാലനവുമായി ബന്ധപ്പെട്ട് ജില്ലാ തല ഉദ്യോഗസ്ഥര്‍ക്ക് വേണ്ടി ഡോക്യുമെന്ററി പ്രദര്‍ശനവും ശില്പശാലയും സംഘടിപ്പിച്ചു. ശില്പശാലയും ഡോക്യുമെന്ററി പ്രദര്‍ശനവും മലപ്പുറം ടൗണ്‍ഹാളില്‍ ജില്ലാ കലക്ടര്‍ അമിത് മീണ ഉദ്ഘാടനം ചെയ്തു.

വട്ടംകുളം പഞ്ചായത്തിലെ ഐ.എച്ച്.ആര്‍.ഡി ചിറ്റഴിക്കുന്ന് കോണ്‍ക്രീറ്റിങ് പ്രവൃത്തി നടത്തിയ റോഡ് ഉന്നത വിദ്യാഭ്യാസവകുപ്പ് മന്ത്രി ഡോ. കെ.ടിജലീല്‍ ഉദ്ഘാടനം ചെയ്തു. മന്ത്രിയുടെ പ്രത്യേകവികസന ഫണ്ടില്‍ നിന്ന് 13ലക്ഷം ചെലവഴിച്ചാണ് റോഡ്‌കോണ്‍ക്രീറ്റിങ് പ്രവൃത്തി നടപ്പാക്കിയിരിക്കുന്നത്. പൊന്നാനി ബ്ലോക്ക് പഞ്ചായത്ത് പ്രസിഡന്റ് കെ.ലക്ഷ്മി അധ്യക്ഷയായ ചടങ്ങില്‍ വട്ടംകുളം ഗ്രാമ പഞ്ചായത്ത് പ്രസിഡന്റ് ശ്രീജ പാറക്കല്‍, ജില്ലാ പഞ്ചായത്ത് മെമ്പര്‍ എം.ബി. ഫൈസല്‍, ജനപ്രതിനിധികള്‍, രാഷ്ട്രീയ - സാമൂഹിക നേതാക്കള്‍ തുടങ്ങിയവര്‍ പങ്കെടുത്തു.

പൊന്നാനി ബ്ലോക്ക് പഞ്ചായത്ത്  നടപ്പാക്കുന്ന സജ്ഞീവനി സമഗ്ര കാന്‍സര്‍ നിയന്ത്രണ പദ്ധതിയുടെ ഭാഗമായിമെഗാമെഡിക്കല്‍ ക്യാമ്പ് ഉന്നത വിദ്യഭ്യാസവകുപ്പ് മന്ത്രി ഡോ.കെ.ടിജലീല്‍ ഉദ്ഘാടനം ചെയ്തു.     എടപ്പാള്‍ സാമൂഹിക ആരോഗ്യകേന്ദ്രത്തില്‍  നടന്ന ചടങ്ങില്‍ പൊന്നാനി ബ്ലോക്ക് പഞ്ചായത്ത് പ്രസിഡന്റ് കെ.ലക്ഷ്മി അധ്യക്ഷയായി.