ലളിതകലാ അക്കാദമിയും കലാകാര്‍ കേരളവും സംയുക്തമായി 
എറണാകുളം വിമന്‍സ് അസോസിയേഷന്‍ ഹാളില്‍ ഇന്ന് (മാര്‍ച്ച് 16)  'കലയും ആഗോള സമ്പദ്ഘടനയും' എന്ന വിഷയത്തെക്കുറിച്ച് സംവാദ സദസ് സംഘടിപ്പിക്കും. കേരളത്തിലെ പ്രധാനപ്പെട്ട കലാകാര•ാരും നിരൂപകരുമായ സി.എസ്. വെങ്കിടേശ്വരന്‍, സി.ബി. സുധാകരന്‍, ഫ്രെഡി കെ. താഴത്ത് എന്നിവരാണ് സംവാദ സദസില്‍ പ്രഭാഷണം നടത്തുക.

ഇംഹാന്‍സില്‍ അസിസ്റ്റന്റ് പ്രൊഫസര്‍ ഓഫ് സൈക്യാട്രിക് സോഷ്യല്‍ വര്‍ക്ക് തസ്തികയിലേക്ക് ദിവസവേതനാടിസ്ഥാനത്തില്‍ മൂന്ന് മാസത്തേക്ക് നിയമനം നടത്തും. സൈക്യാട്രിക് സോഷ്യല്‍ വര്‍ക്കില്‍ എംഫില്‍, പി.എച്ച്.ഡി., രണ്ട് വര്‍ഷത്തില്‍ കുറയാത്ത ടീച്ചിംഗ്/ക്ലിനിക്കല്‍ പ്രവൃത്തിപരിചയവുമാണ് യോഗ്യത. അപേക്ഷ മാര്‍ച്ച് 23 ന് നാല് മണിക്ക് മുമ്പായി ഡയറക്ടര്‍, ഇംഹാന്‍സ്, മെഡിക്കല്‍ കോളേജ് പി.ഒ, കോഴിക്കോട് - 673008 എന്ന വിലാസത്തില്‍ ലഭിക്കണം. ഫോണ്‍ - 0495 2359352.

കേരള ചുമട്ടുതൊഴിലാളി ക്ഷേമബോര്‍ഡ് ജില്ലാ കമ്മറ്റി സ്‌കാറ്റേര്‍ഡ് വിഭാഗം വിഹിതമടവില്‍ കുടിശ്ശികയുള്ള തൊഴിലാളികള്‍ക്ക് പലിശ, പിഴപലിശ എന്നിവ ഒഴിവാക്കി വിഹിത കുടിശ്ശിക മാത്രം അടച്ച് അംഗത്വം പുന:സ്ഥാപിക്കാന്‍ അവസരം. ഇതിനായി താമരശ്ശേരി ഉപകാര്യാലയത്തില്‍  മാര്‍ച്ച് 14,16,18,20,22 തിയ്യതികളിലും രാമനാട്ടുകര ഉപകാര്യാലയത്തില്‍  മാര്‍ച്ച് 23,25,27,29,30 തീയതികളിലും രാവിലെ 10 മുതല്‍ നാല് മണി വരെ മേളകള്‍ നടത്തും. സ്‌കാറ്റേര്‍ഡ് വിഭാഗത്തിലേക്ക് പുതുതായി അംഗങ്ങളെ ചേര്‍ക്കുന്നതാണെന്ന് കോഴിക്കോട് ജില്ലാ കമ്മറ്റി ചെയര്‍മാന്‍ അറിയിച്ചു. വിശദവിവരങ്ങള്‍ക്ക് : 04952366380.

വനിത സൊസൈറ്റി നടപ്പിലാക്കുന്ന സുരക്ഷ പദ്ധതിയില്‍ പ്രൊജക്ട് മാനേജര്‍, കൗണ്‍സിലര്‍ എന്നീ തസ്തികകളിലേക്ക് അപേക്ഷ ക്ഷണിച്ചു. പ്രൊജക്ട് മാനേജര്‍ തസ്തികയിലേക്ക് എം.എസ്.ഡബ്ല്യൂ/എം.ബി.എ /എം.എ സോഷ്യോളജി, മൂന്ന് വര്‍ഷത്തെ പ്രവര്‍ത്തി പരിചയം എന്നീ യോഗ്യതയുള്ളവര്‍ക്ക് അപേക്ഷിക്കാം. എം.എസ്.ഡബ്ല്യൂ/എം.എ സൈക്കോളജി, ഒരു വര്‍ഷത്തെ പ്രവൃത്തി പരിചയവുമുള്ളവര്‍ക്ക് കൗണ്‍സിലര്‍ തസ്തികയിലേക്ക് അപേക്ഷിക്കാം. യോഗ്യരായവര്‍ ്മിശവേമബീരെശല്യേുവെ@്യമവീീ.രീാ എന്ന മെയില്‍  വിലാസത്തില്‍ മാര്‍ച്ച് 20 നകം ബയോഡാറ്റ ലഭ്യമാക്കണം.  ഫോണ്‍ 9287789000.

    പയ്യനങ്ങാടി - താനാളൂര്‍ റോഡില്‍ റോഡ്പണി നടക്കുന്നതിനാല്‍ ഇതിലൂടെയുള്ള വാഹന ഗതാഗതം നിരോധിച്ചു.  വാഹനങ്ങള്‍ തിരൂര്‍ - കടലുണ്ടി, തിരൂര്‍ മലപ്പുറം, താനാളൂര്‍ - പുത്തനത്താണി വഴി പോകണം.

തിരുന്നാവായ ത്വരിത ഗ്രാമീണ ശുദ്ധജല പദ്ധതിയുടെ പമ്പിങ് മെയിനില്‍ തിരുന്നാവായ റെയില്‍വെ ക്രോസിനടുത്ത് അറ്റകുറ്റപണി നടക്കുന്നതിനാല്‍ കുറ്റിപ്പുറം, ആതവനാട്, മാറാക്കര എന്നീ ഗ്രാമ പഞ്ചായത്തുകളിലും തിരുന്നാവായ ഗ്രാമ പഞ്ചായത്തിലെ രണ്ടാല്‍, ബാവപ്പടി, വൈരങ്കോട്, പട്ടര്‍നടക്കാവ്, കോന്നല്ലൂര്‍, വലിയ പറപ്പൂര്‍ എന്നീ ഭാഗങ്ങളിലും ഇന്നും നാളെയും (മാര്‍ച്ച് 16, 17) പൂര്‍ണ്ണമായും മാര്‍ച്ച് 18ന് ഭാഗികമായും ജലവിതരണം മുടങ്ങുമെന്ന് ജല അതോറിറ്റി തിരൂര്‍ സബ് ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ അറിയിച്ചു.

വെസ്റ്റ് നൈല്‍ വൈറസ് ബാധ സ്ഥിരീകരിച്ചതിനെ തുടര്‍ന്ന് കേന്ദ്ര സംഘം എ ആര്‍ നഗറില്‍ പരിശോധിച്ചു. രാവിലെ മലപ്പുറത്തെത്തിയ സംഘം ജില്ലാ മെഡിക്കല്‍ ഓഫീസറുമായി ചര്‍ച്ച നടത്തിയതിന് ശേഷം രോഗം ബാധിച്ച കുട്ടിയ മെഡിക്കല്‍ കോളേജില്‍ സന്ദര്‍ശിച്ചു. കുട്ടിയുടെ വീട്ടിലും പരിസരത്തും സന്ദര്‍ശിക്കുകയും സാഹചര്യം വിലയിരുത്തുകയും ചെയ്തു. കുട്ടിയുടെ മാതാവിന്റെ വീട്ടിലും സംഘം സന്ദര്‍ശനം നടത്തി.

നാഷണല്‍ ട്രസ്റ്റ് ആക്ടിന്റെ പരിധിയില്‍ വരുന്ന, വിവിധ തരത്തിലുള്ള വൈകല്യമുള്ളവര്‍ക്ക് രക്ഷാകര്‍തൃത്വം അനുവദിക്കുന്നതിനുള്ള 75 അപേക്ഷകളില്‍  ജില്ലാകലക്ടര്‍ അമിത് മീണയുടെ  അധ്യക്ഷതയില്‍ തീര്‍പ്പാക്കി. 82 കേസുകളാണ് യോഗത്തില്‍ പരിഗണിച്ചത.് ഇതില്‍ 67 പേര്‍ക്ക് ഗാര്‍ഡിയന്‍ഷിപ്പ് അനുവദിച്ചു. ഇതിനു പുറമെ സ്വത്തു തര്‍ക്കവുമായി ബന്ധപ്പെട്ട എട്ട് എണ്ണത്തിലും തീര്‍പ്പ് കല്‍പ്പിച്ചു. നാല് കേസുകളില്‍ കക്ഷികള്‍ ഹാജരായില്ല. മൂന്ന് കേസുകള്‍ അടുത്ത് സിറ്റിങില്‍ പരിഗണിക്കുന്നതിനായി മാറ്റി.   

പതിനേഴാം ലോക്‌സഭ തെരഞ്ഞെടുപ്പുമായി ബന്ധപ്പെട്ട് മീഡിയകളില്‍ വാര്‍ത്തകള്‍ നീരിക്ഷിക്കുന്നതിനു ജില്ലാതല മീഡിയ സര്‍ട്ടിഫിക്കേഷന്‍ ആന്‍ഡ് മോണിറ്ററിങ് കമ്മിറ്റി നിലവില്‍ വന്നു. പെയ്ഡ് ന്യൂസുമായി ബന്ധപ്പെട്ട കാര്യങ്ങള്‍ പരിശോധിച്ച് റിപ്പോര്‍ട്ട് ചെയ്യുക, രാഷ്ട്രീയ പാര്‍ട്ടികള്‍, സ്ഥാനാര്‍ഥികള്‍ തുടങ്ങിയവര്‍ ഇലക്ഷനുമായി ബന്ധപ്പെട്ടു തയാറാക്കുന്ന പരസ്യങ്ങള്‍, ഡോക്യുമെന്ററികള്‍ എന്നിവ പരിശോധിച്ചു പ്രക്ഷേപണത്തിന് അനുമതി നല്‍കുക എന്നിവയാണ് ചുമതലകള്‍.