ലോക്‌സഭ തെരഞ്ഞെടുപ്പുമായി ബന്ധപ്പെട്ട് പോളിങ്ങ് ഉദ്യോഗസ്ഥരുടെ പരിശീലകര്‍ക്കുള്ള പരിശീലനം കളക്ടറേറ്റ് കോണ്‍ഫറന്‍സ്ഹാളില്‍ നടന്നു. പോളിംഗ് ഉദ്യോഗസ്ഥര്‍ക്കുള്ള പരിശീലനം മാര്‍ച്ച് അവസാന വാരത്തില്‍ നടക്കും. ഇതിന്റെ മുന്നൊരുക്കമായാണ് പരിശീലകര്‍ക്കുള്ള പരിശീലനം സംഘടിപ്പിച്ചത്. ജില്ലയിലെ വിവിധ ഭാഗങ്ങളില്‍ നിന്നുള്ള 50 പരിശീലകര്‍ പങ്കെടുത്തു. 

സംസ്ഥാനത്ത് എപ്രില്‍ 23ന് നടക്കുന്ന ലോക്‌സഭാ തെരഞ്ഞെടുപ്പുമായി ബന്ധപ്പെട്ട് രാഷ്ട്രീയ പാര്‍ട്ടികളും സ്ഥാനാര്‍ത്ഥികളും മാതൃകാ പെരുമാറ്റച്ചട്ടം കര്‍ശനമായി പാലിക്കണമെന്ന് ജില്ലാ കളക്ടര്‍ ഡോ. ഡി. സജിത് ബാബു നിര്‍ദേശിച്ചു. തെരഞ്ഞെടുപ്പ്  മാതൃകാ പെരുമാറ്റചട്ടം നിലവില്‍ വന്നതിന്റെ ഭാഗമായി രാഷ്ട്രീയ പാര്‍ട്ടികളോ, സ്ഥാനാര്‍ത്ഥികളോ വിവിധ മത വിഭാഗങ്ങള്‍, ജാതികള്‍, സമുദായങ്ങള്‍ തമ്മില്‍ മതപരമോ ഭാഷാപരമോ ആയ സംഘര്‍ഷങ്ങള്‍ ഉണ്ടാക്കുന്നതോ ഭിന്നതകള്‍ക്ക് ആക്കം കൂട്ടുന്നതോ പരസ്പര വിദ്വേഷം ജനിപ്പിക്കുന്നതോ ആയ യാതൊരു പ്രവര്‍ത്തനങ്ങളിലും ഇടപെടരുതെന്നും ജില്ലാ വരണാധികാരികൂടിയായ ജില്ലാ കളക്ടര്‍  പറഞ്ഞു. 

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് പെരുമാറ്റചട്ടം നിലവില്‍ വന്നതിനെ തുടര്‍ന്ന് കലക്ട്രേറ്റിലെയും പരിസരങ്ങളിലെയും പോസ്റ്ററുകള്‍ നീക്കം ചെയ്തു. എ.ഡി.എം ഇ.പി മേഴ്സി, എം.സി.സി കലക്ട്രേറ്റ് സ്‌ക്വാഡ് ടീം ലീഡര്‍ കെ.മനോജ്കുമാര്‍ എന്നിവരുടെ നേതൃത്വത്തിലുള്ള ഉദ്യോഗസ്ഥരാണ് സിവില്‍ സ്റ്റേഷന്‍ പരിസരത്ത് സന്ദര്‍ശനം നടത്തിയത്. രാഷ്ട്രീയ പാര്‍ട്ടികളുടെയും  വിവിധ സര്‍വീസ് സംഘടനകളുടെയും വിവിധ വകുപ്പുകളുടെയും പോസ്റ്ററുകള്‍, ബാനറുകള്‍, കൊടികള്‍ എന്നിവയാണ് നീക്കം ചെയ്തത്. 

ലോക്സഭ തെരഞ്ഞെടുപ്പില്‍ ഗ്രീന്‍ പ്രോട്ടോക്കോള്‍ കര്‍ശനമായി പാലിക്കണമെന്ന തെരഞ്ഞടുപ്പ് കമ്മീഷന്റെ നിര്‍ദേശത്തെ തുടര്‍ന്ന് സാനിറ്റേഷന്‍ ആന്റ് ക്ലീനിംഗ് ടീം സിവില്‍ സ്റ്റേഷന്‍ പരിസരം പരിശോധിച്ചു. എ.ഡി.എമ്മിന്റെ നേതൃത്വത്തില്‍ നടത്തിയ പരിശോധനയില്‍ മാലിന്യങ്ങള്‍ അടിയന്തരമായി നീക്കുന്നതിനും ശുചീകരിക്കുന്നതിനും നിര്‍ദേശം നല്‍കി. ശുചീകരണം ഉറപ്പാക്കാന്‍ ജില്ലാതല ഉദ്യോദഗസ്ഥരുടെയും സര്‍വീസ് സംഘടനാ പ്രതിനിധികളുടെയും യോഗം ഇന്ന്( മാര്‍ച്ച് 16) കലക്ട്രേറ്റില്‍ ചേരും. 

ലോക്സഭാ തെരഞ്ഞെടുപ്പ് ജോലിക്കായി നിയോഗിക്കപ്പെടുന്ന ജീവനക്കാരുടെ വിവരങ്ങള്‍ ലഭ്യമാക്കുന്നതിനുളള പ്രഫോര്‍മ അതാത് കാര്യാലയങ്ങളില്‍ എത്തിച്ചിട്ടുണ്ട്. പുരുഷജീവനക്കാരെ സംബന്ധിച്ച വിവരങ്ങള്‍ വെളുത്ത നിറത്തിലുളള പ്രഫോര്‍മയിലും സ്ത്രീ ജീവനക്കാരുടെ വിവരങ്ങള്‍ പിങ്ക് നിറത്തിലുളള പ്രഫോര്‍മയിലും ലഭ്യമാക്കണം. സ്ഥാപനമേധാവികള്‍ ജീവനക്കാരെ സംബന്ധിച്ച വിവരങ്ങള്‍ നിശ്ചിത പ്രഫോര്‍മയില്‍ അതാത് വില്ലേജുകളില്‍ ഇന്ന്(മാര്‍ച്ച് 16) വൈകീട്ട് അഞ്ചിനകം നല്‍കണം.

ലോക്സഭാ തെരഞ്ഞെടുപ്പ് ഭിന്നശേഷി സൗഹൃദമാക്കുന്നതിന്റെ ഭാഗമായി ജില്ലയിലെ മുഴുവന്‍ ബൂത്തുകളും ഭിന്നശേഷി സൗഹൃദമാക്കുന്നതിനുവേണ്ടിയുള്ള യോഗം ഇന്ന് (മാര്‍ച്ച് 16) ഉച്ചയ്ക്ക് രണ്ട് മണിക്ക് കലക്ടറേറ്റ് കോണ്‍ഫറന്‍സ് ഹാളില്‍ ചേരും.  

പിന്നാക്ക വിഭാഗ വികസന വകുപ്പ് നടപ്പിലാക്കുന്ന പരമ്പരാഗത വിശ്വകര്‍മ്മ വിഭാഗത്തില്‍പ്പെട്ടവര്‍ക്ക് പെന്‍ഷന് അപേക്ഷ സ്വീകരിക്കുന്നതിനുള്ള അവസാന തീയ്യതി മാര്‍ച്ച് 31 വരെ നീട്ടി. അപേക്ഷകര്‍ 60 വയസ്സ് കഴിഞ്ഞവരും മറ്റ് പെന്‍ഷനുകള്‍ ഒന്നും ലഭിക്കാത്തവരും ആയിരിക്കണം.പദ്ധതി പ്രകാരം പെന്‍ഷന്‍ ലഭിച്ചു കൊണ്ടിരിക്കുന്നവര്‍ അപേക്ഷ സര്‍പ്പിക്കേണ്ടതില്ല. കൂടുതല്‍ വിവരങ്ങളും അപേക്ഷ ഫോമും  ംംം.യരററ.സലൃമഹമ.ഴീ്.ശി  എന്ന വെബ്സൈറ്റിലും  0495-2377786 എന്ന നമ്പറിലും ലഭിക്കുമെന്ന് മേഖലാ ഡെപ്യൂട്ടി ഡയറക്ടര്‍ അറിയിച്ചു.

    
കായണ്ണ ഗ്രാമപഞ്ചായത്തില്‍ നിന്നും 2018 ഏപ്രില്‍ മുതല്‍  നവംബര്‍ വരെയുള്ള തൊഴില്‍രഹിത വേതനം മാര്‍ച്ച് 18,19 തിയ്യതികളില്‍ രാവിലെ 11 മണി മുതല്‍ വൈകുന്നേരം 3 മണിവരെ വിതരണം ചെയ്യും.  ഗുണഭോക്താക്കള്‍ ബാങ്ക് പാസ്ബുക്ക് കോപ്പി, ആധാര്‍കാര്‍ഡ്, തൊഴില്‍കാര്‍ഡ് , എസ്.എസ്.എല്‍.സി ബുക്ക്, എംപ്ലോയ്മെന്റ് കാര്‍ഡ് എന്നിവ ഹാജരാക്കണം. 

ജില്ലയില്‍ ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ്  വകുപ്പില്‍ അറ്റന്‍ഡര്‍ (ഫോട്ടോഗ്രാഫി) (കാറ്റഗറി നം. 79/2009) തസ്തികയുടെ 2015 ഡിസംബര്‍ 16 ന് നിലവില്‍ വന്ന റാങ്ക് പട്ടിക കാലാവധി അവസാനിച്ചതിനാല്‍  2018 ഡിസംബര്‍ 16 പൂര്‍വ്വാഹ്നം മുതല്‍ ലിസ്റ്റ് റദ്ദായതായി ജില്ലാ പി.എസ്.സി ഓഫീസര്‍ അറിയിച്ചു.