പിന്നാക്ക വിഭാഗ വികസന വകുപ്പ് നടപ്പിലാക്കുന്ന പരമ്പരാഗത വിശ്വകര്‍മ്മ വിഭാഗത്തില്‍പ്പെട്ടവര്‍ക്ക് പെന്‍ഷന് (2018-19)   അപേക്ഷ സ്വീകരിക്കുന്നതിനുള്ള അവസാന തീയതി ഈ മാസം 31 വരെ നീട്ടി. അപേക്ഷകര്‍ 60 വയസ് കഴിഞ്ഞവരും മറ്റ് പെന്‍ഷനുകള്‍ ഒന്നും ലഭിക്കാത്തവരുമായിരിക്കണം. ഈപദ്ധതി പ്രകാരം പെന്‍ഷന്‍ ലഭിച്ചു കൊണ്ടിരിക്കുന്നവര്‍ അപേക്ഷിക്കേണ്ടതില്ല. കൂടുതല്‍ വിവരങ്ങളും അപേക്ഷ ഫോറവും  www.bedd.kerala.gov.in  എന്ന വെബ്‌സൈറ്റ് സന്ദര്‍ശിക്കുകയോ 0495-2377786 എന്ന നമ്പറില്‍ ബന്ധപ്പെടുകയോ ചെയ്യാം.

ജില്ല എംപ്ലോയ്‌മെന്റ് എക്‌സ്‌ചേഞ്ചിനു കീഴിലുള്ള എംപ്ലോയബിലിറ്റി സെന്ററില്‍  മാര്‍ച്ച് 18 ന്   രാവിലെ 10ന് അഭിമുഖം നടത്തും. തസ്തിക: സിവില്‍ ട്രേഡ് ഇന്‍സ്ട്രക്ടര്‍  ഐടിഐ 3 വര്‍ഷം പരിചയം/ബി ടെക് സിവില്‍/ പൊളി ഡിപ്ലോമ ഇന്‍ സിവില്‍.  താല്പര്യമുള്ള ഉദ്യോഗാര്‍ത്ഥികള്‍ അന്നേ  ദിവസം  കളക്ടറേറ്റിലെ എംപ്ലോയബിലിറ്റി സെന്ററില്‍ തിരിച്ചറിയല്‍ കാര്‍ഡിന്റെ കോപ്പിയും ഉന്നത വിദ്യാഭ്യാസ സര്‍ടിഫിക്കറ്റിന്റെ കോപ്പിയും 250 രൂപയും അടച്ചു വണ്‍ ടൈം രജിസ്റ്റര്‍ ചെയ്ത്     അഭിമുഖത്തില്‍ പങ്കെടുക്കാം. കൂടുതല്‍ വിവരങ്ങള്‍ക്: 9207155700,04994 297470

സാമൂഹ്യനീതി വകുപ്പിന് കീഴിലുള്ള ജില്ലാ പ്രൊബേഷന്‍ ഓഫീസിന്റെ ആഭിമുഖ്യത്തില്‍ വകുപ്പ് നടപ്പിലാക്കി വരുന്ന 'നേര്‍വഴി' പദ്ധതിയെക്കുറിച്ചും 'നല്ല നടപ്പ്' നിയമത്തിന്റെ പ്രാധാന്യത്തെക്കുറിച്ചും കാഞ്ഞങ്ങാട് ജില്ലാ ജയിലിലെ അന്തേവാസികള്‍ക്കായി ബോധവല്‍ക്കരണ പരിപാടിയും വ്യക്തിത്വവികസന ക്ലാസും സംഘടിപ്പിച്ചു. കാഞ്ഞങ്ങാട് ജില്ലാ ജയില്‍ സൂപ്രണ്ട് കെ.വേണു  ഉദ്ഘാടനം ചെയ്തു. ജില്ലാ പ്രൊബേഷന്‍ ഓഫീസറും ജില്ലാ സാമൂഹ്യനീതി ഓഫീസറൂമായ ബി.ഭാസ്‌ക്കരന്‍ അധ്യക്ഷത വഹിച്ചു. 'നല്ല നടപ്പ്' നിയമം:പ്രയോജനങ്ങള്‍, സാധ്യതകള്‍ എന്ന വിഷയത്തില്‍ പ്രൊബേഷന്‍ അസിസ്റ്റന്റ് സലാവുദ്ധീന്‍ ബി ക്ലാസ് കൈകാര്യം ചെയ്തു.

മലബാര്‍ ദേവസ്വം ബോര്‍ഡ് കീഴിലുളള മഞ്ചേശ്വരം മുഗു ശ്രീ സുബ്രായ ദേവ ക്ഷേത്രത്തില്‍ നിലവിലുളള പാരമ്പര്യേതര ട്രസ്റ്റികളുടെ  ഒഴിവുകളിലേക്ക് ക്ഷേത്ര പരിസരവാസികളായ ഹിന്ദുമത വിശ്വാസികളില്‍ നിന്നും അപേക്ഷ ക്ഷണിച്ചു.  അപേക്ഷകള്‍ മലബാര്‍ ദേവസ്വം ബോര്‍ഡ്, കാസര്‍കോട് ഡിവിഷന്‍ നീലേശ്വരത്തുളള അസിസ്റ്റന്‍് കമ്മീഷണറുടെ ഓഫീസില്‍ മാര്‍ച്ച് 30 ന് വൈകുന്നേരം അഞ്ചിനകം ലഭിക്കണം.  നിര്‍ദ്ദിഷ്ട മാതൃകയിലുളള അപേക്ഷ ഫോം മലബാര്‍ ദേവസ്വം ബോര്‍ഡ് വെബ്‌സൈറ്റ്, നീലേശ്വരത്തുളള അസിസ്റ്റന്റ് കമ്മീഷണറുടെ ഓഫീസില്‍ നിന്നും എല്ലാ പ്രവൃത്തി ദിവസങ്ങളിലും സൗജന്യമായി ലഭിക്കും.

നീലേശ്വരം നഗരത്തില്‍ മാര്‍ക്കറ്റ് ജംഗ്ഷന്‍ മുതല്‍ കോണ്‍വെന്റ് ജംഗ്ഷന്‍ വരെയുള്ള പ്രധാന റോഡില്‍ ചരക്ക് ലോറികളുടെയും ചെറുകിട പിക്കപ്പ് വാഹനങ്ങളുടെയും അനധികൃത പാര്‍ക്കിംഗ് മൂലം ഉണ്ടാകുന്ന ഗതാഗതകുരുക്ക് ഒഴിവാക്കാന്‍ നീലേശ്വരം നഗരസഭാതല ട്രാഫിക് റെഗുലേറ്ററിംഗ് കമ്മിറ്റിയോഗം തീരുമാനിച്ചു. ഈ റോഡില്‍  രാവിലെ 8.30 മുതല്‍ 10.30 വരെയും വൈകുന്നേരം 3.30 മുതല്‍ 5.30 വരെയും ചരക്ക് വാഹനങ്ങള്‍ നിര്‍ത്തിയിടുന്നതും സാധനസാമഗ്രികള്‍ കയറ്റിറക്ക് നടത്തുന്നതും നിരോധിക്കും. നിരോധന നിയന്ത്രണം ഇന്ന്(മാര്‍ച്ച് 16) മുതല്‍ പ്രാബല്യത്തില്‍ വരും. 

ലോക ഉപഭോക്തൃ അവകാശ ദിനാചരണത്തിന്റെ ഭാഗമായി കാസര്‍കോട് ലീഗല്‍ മെട്രോളജി വകുപ്പ് സ്പീഡ് വേ ഇന്‍ ഓഡിറ്റോറിയത്തില്‍  സംഘടിപ്പിച്ച ജില്ലാതല സെമിനാറിന്റെയും ബോധവല്‍ക്കരണ ക്ലാസിന്റെയും ഉദ്ഘാടനം ജില്ലാകളക്ടര്‍ ഡോ ഡി സജിത് ബാബു നിര്‍വഹിച്ചു. ലീഗല്‍ മെട്രോളജി അസിസ്റ്റന്റ് കണ്‍ട്രോളര്‍ പി ശ്രീനിവാസ അധ്യക്ഷത വഹിച്ചു. 

ഉദുമ ഗ്രാമപഞ്ചായത്തില്‍ തൊഴില്‍ രഹിതവേതനത്തിന് അര്‍ഹരായവര്‍  മാര്‍ച്ച്  19,20 തീയ്യതികളിലായി തൊഴില്‍ രഹിതവേതനം കൈപറ്റണം. മുന്‍ഗഡു കൈപ്പറ്റാത്തവര്‍ മെഡിക്കല്‍ സര്‍ട്ടിഫിക്കറ്റ് ഹാജരാക്കണം. മുഴുവന്‍ ഗുണഭോക്താക്കളും അടുത്ത വിതരണത്തിന് മുമ്പായി വരുമാന സര്‍ട്ടിഫിക്കറ്റ് ഹാജരാക്കണം. അല്ലാത്തവരെ തൊഴില്‍ രഹിതവേതനത്തിന് തുടര്‍ന്ന്  പരിഗണിക്കുന്നതല്ല.   ബാങ്ക് പാസ് ബുക്കിന്റെ പകര്‍പ്പ്,     റേഷന്‍ കാര്‍ഡ്, ആധാര്‍ കാര്‍ഡ് എന്നിവ സഹിതമാണ് എത്തേണ്ടത്.

അജാനൂര്‍ ഗ്രാമ പഞ്ചായത്ത് നികുതി പിരിവിന്റെ ഭാഗമായി ഞായറാഴ്ച അടക്കമുളള അവധി ദിവസങ്ങളില്‍ നികുതി സ്വീകരിക്കുന്നതിനായി ഓഫീസ് പ്രവര്‍ത്തിക്കും.

കുമ്പള ഗ്രാമ പഞ്ചായത്തില്‍ തൊഴില്‍ രഹിത വേതനം    മാര്‍ച്ച 19 മുതല്‍  മാര്‍ച്ച് 21 വരെ പഞ്ചായത്ത് ഓഫീസില്‍  വിതരണം ചെയ്യും. റേഷന്‍ കാര്‍ഡ് , ഐ.ഡി കാര്‍ഡ്, എംപ്ലോയ്‌മെന്റ് കാര്‍ഡ് എന്നിവ സഹിതം പഞ്ചായത്ത് ഓഫീസില്‍  നേരിട്ട് ഹാജരായി കൈപറ്റണം.

പട്ടികജാതി വികസന വകുപ്പിന്റെ ആഭിമുഖ്യത്തില്‍ പട്ടികജാതി/പട്ടികവര്‍ഗ്ഗ അതിക്രമങ്ങള്‍ തടയല്‍ നിയമം-1989 & പൗരാവകാശ സംരക്ഷണ നിയമവുമായി ബന്ധപ്പെട്ട് കളക്‌ട്രേറ്റ് മെയിന്‍ കോണ്‍ഫറന്‍സ് ഹാളില്‍ നടന്ന  ജില്ലാതല ബോധവത്കരണ സെമിനാര്‍ എ.ഡി.എം. സി ബിജു. ഉദ്ഘാടനം ചെയ്തു .ജില്ലാ പോലീസ് മേധാവി ജെയിംസ് ജോസഫ് അദ്ധ്യക്ഷനായി.   ജില്ലാ കളക്ടര്‍ ഡോ:ഡി.സജിത് ബാബു സെമിനാറില്‍ മുഖ്യ പ്രഭാഷണം നടത്തി