ആലപ്പുഴ: സംസ്ഥാന സർക്കാരിന്റെ ആയിരം ദിനാഘോഷങ്ങളുടെ ഭാഗമായി ജില്ലാ ഇൻഫർമേഷൻ ഓഫീസ് സംഘടിപ്പിക്കുന്ന സഞ്ചരിക്കുന്ന ചിത്രപ്രദർശനം ഇന്ന് മാർച്ച് എട്ടിന് തുടങ്ങും. വൈകിട്ട് നാലിന് വളഞ്ഞവഴി ബീച്ച്, അഞ്ചിന് പുന്നപ്ര ചള്ളി കടപ്പുറം, ആറിന് പറവൂർ ഗലീലിയോ കടപ്പുറം, ഏഴിന് ഇ.എസ്.ഐ കടപ്പുറം എന്നിവിടങ്ങളിലാണ് പ്രദർശനം. ശനിയാഴ്ച മാരാരിക്കുളം, അർത്തുങ്കൽ, കടത്തുകടവ്, ആലപ്പുഴ ബീച്ച് എന്നിവിടങ്ങളിലും സഞ്ചരിക്കുന്ന ചിത്രപ്രദർശനം എത്തും. പ്രളയശേഷം ഹൃദയ പക്ഷം ഉൾപ്പടെ ഇൻഫർമേഷൻ-പബ്ലിക് റിലേഷൻസ് വകുപ്പ് നിർമിച്ച ഡോക്യൂമെന്ററികളാണ് പ്രദർശിപ്പിക്കുക.

തവിഞ്ഞാൽ ഗ്രാമപഞ്ചായത്തിൽ തൊഴിൽരഹിത വേതനം മാർച്ച് 11, 12 തീയതികളിൽ രാവിലെ 10.30 മുതൽ 4 വരെ വിതരണം ചെയ്യും.  ഗുണഭോക്താക്കൾ എംപ്ലോയ്‌മെന്റ് കാർഡ്, റേഷൻ കാർഡ്, എസ്.എസ്.എൽ.സി.ബുക്ക്, ടി.സി., ആധാർ കാർഡ്, വരുമാന സർട്ടിഫിക്കറ്റ് എന്നിവയുമായി ഹാജരാകണം.

ആലപ്പുഴ: ലീഡ് ബാങ്കിന്റെ നേതൃത്വത്തിൽ കർഷകർക്കായി വെളിയനാട് , ആര്യാട് ബ്ലോക്കുകളിൽ ഇന്ന് (മാർച്ച് എട്ട്) കിസാൻ ക്രഡിറ്റ് മേള നടത്തുന്നു. വായ്പാകാര്യത്തിൽ സത്വര തീരുമാനം എടുക്കുന്നതിനാണിത്. പാട്ട കൃഷിക്കാർക്കും കിസാൻ ക്രഡിറ്റ് കാർഡ് വായ്പയ്ക്ക് അർഹതയുണ്ട്. എല്ലാ കർഷകരും ബാങ്ക് പാസ് ബുക്ക്, കരം അടച്ച രസീത്,കൈവശാവകാശ സർട്ടിഫിക്കറ്റ്, കൃഷി ഓഫീസറുടെ സർട്ടിഫിക്കറ്റ്( പാട്ട കൃഷിക്കാർക്ക്), തിരിച്ചറിയൽ രേഖകൾ, ഫോട്ടോ എന്നീ രേഖകളുമായി നിശ്ചിത സ്ഥലത്ത് എത്തണം. രാവിലെ 10 മണിക്ക് കിടങ്ങറ സെന്റ് ഗ്രിഗോറിയോസ് ചർച്ച് പാരിഷ് ഹാൾ, ആര്യാട് ബ്ലോക്ക് ഓഫീസ് എന്നിവിടങ്ങളിലാണ് മേള.

ആലപ്പുഴ: ആലപ്പുഴ എൻജിഒ യൂണിയൻ ഹാളിൽ ഇൻഫർമേഷൻ-പബ്ലിക് റിലേഷൻസ് വകുപ്പിന്റെ ആഭിമുഖ്യത്തിൽ  നടക്കുന്ന അതിജീവനം ഡോക്യുമെന്ററി ഫെസ്റ്റിൽ ഇന്ന് (മാർച്ച് എട്ട്) രാവിലെ 10.30 മുതൽ  ടി.വി.ചന്ദ്രന്റെ രാമുകാര്യാട്ട്-സ്വപ്നവും സിനിമയും, കെ.പി.കുമാരന്റെ സി.വി.രാമൻപിള്ള-വാക്കിന്റെ രാജശിൽപ്പി, എം.പി.സുകുമാരൻ നായരുടെ പൊൻകുന്നം വർക്കി, പി.ടി.കുഞ്ഞുമുഹമ്മദിന്റെ എൻ.പി.മുഹമ്മദ്, സജിത മഠത്തിൽ സംവിധാനം ചെയ്ത മാറ്റത്തിന്റെ പാട്ടുകാരി, കെ.ജി.ജോർജിന്റെ വള്ളത്തോൾ-മഹാകവി, കെ.മധുപാലിന്റെ പ്രഫ.എം.കെ.സാനു-മനുഷ്യരെ സ്നേഹിച്ച ഒരാൾ, പി.ബാലചന്ദ്രൻ സംവിധാനം ചെയ്ത വി.സാംബശിവൻ-കഥാകഥനത്തിന്റെ രാജശിൽപ്പി എന്നിവ പ്രദർശിപ്പിക്കും.

ആലപ്പുഴ: കേന്ദ്ര ഗവൺമെന്റ് നടപ്പിലാക്കുന്ന ശുചിത്വ ഭാരതം അടക്കമുള്ള വിവിധ ജനക്ഷേമ പദ്ധതികളെ കുറിച്ചുള്ള ബോധവത്ക്കരണ പരിപാടി ആലപ്പുഴ എസ് ഡി കോളേജിൽ സംഘടിപ്പിച്ചു. വൈസ് പ്രിൻസിപ്പൽ ഡോ ആർ. ഉണ്ണികൃഷഷ്ണൻ പരിപാടി ഉദ്്ഘാടനം ചെയ്തു. ശുചിത്വ ബോധവത്ക്കരണത്തെ കുറിച്ച്  ശുചിത്വ മിഷൻ സ്റ്റേറ്റ്  റിസോഴ്‌സ് പേഴ്‌സൺ വേണുഗോപാലും കരിയർ ഗൈഡൻസിനെ കുറിച്ച്  യൂണിസെഫ് കൺസൾട്ടന്റ്  ബേബി അരുണും ക്ലാസ്സുകൾ എടുത്തു.  കേന്ദ്ര ഫീൽഡ് എക്‌സിബിഷൻ ഓഫീസർ  എൽ. സി. പൊന്നുമോൻ സ്വാഗതം ആശംസിച്ചു. കേന്ദ്ര സോംഗ് ആന്റ് ഡ്രാമ കലാകാരൻ തണ്ണീർമുക്കം സദാശിവൻ കഥാപ്രസംഗം അവതരിപ്പിച്ചു. 

ആലപ്പുഴ: ആലപ്പുഴ ഇ.എസ്.ഐ ആശുപത്രി എച്ച്.ഡി.സി. മീറ്റിങ് മാർച്ച് 13ന് ഉച്ചയ്ക്ക് രണ്ടുമുതലും പരാതി പരിഹാരസെൽ യോഗം അന്നേ ദിവസം മൂന്നു മുതൽ നാലു വരെയും ആശുപത്രിയിൽ നടക്കുമെന്ന് ആശുപത്രി സൂപ്രണ്ട് അറിയിച്ചു.