തളിപ്പറമ്പ് നാടുകാണിയിലുള്ള അപ്പാരല്‍ ട്രെയ്‌നിംഗ് ആന്റ് ഡിസൈന്‍ സെന്ററില്‍ (എ.ടി.ഡി.സി) യുവതികള്‍ക്കായി സൗജന്യ തയ്യല്‍ പരിശീലനം ആരംഭിക്കുന്നു. 270 മണിക്കൂര്‍ ദൈര്‍ഘ്യമുള്ള പരിശീലനത്തില്‍ താമസവും ഭക്ഷണവും സൗജന്യമായിരിക്കും. 18 വയസു പൂര്‍ത്തിയായവര്‍ക്കും മുതിര്‍ന്ന പൗരന്‍മാര്‍ക്കും അപേക്ഷിക്കാം. താല്‍പര്യമുള്ളവര്‍ മെയ് എട്ടിനു മുന്‍പ് എ.ടി.ഡി.സിയുമായി ബന്ധപ്പെടണം. ഫോണ്‍-0460 2226110, 9746394616, 9744917200.

ആലത്തൂര്‍ ക്ഷീര പരിശീലന കേന്ദ്രത്തില്‍ മെയ് ഒമ്പത്, പത്ത് തിയതികളിലായി തീറ്റപ്പുല്‍ കൃഷി പരിശീലന പരിപാടി സംഘടിപ്പിക്കുന്നു. പരിശീലനത്തില്‍ പങ്കെടുക്കാന്‍ താല്‍പര്യമുള്ളവര്‍ ബാങ്ക് പാസ് ബുക്കിന്റെ പകര്‍പ്പുമായി മെയ് 9 ന് രാവിലെ 10 ന് ആലത്തൂര്‍ വാനൂര്‍ പ്രവര്‍ത്തിക്കുന്ന ക്ഷീര പരിശീലന കേന്ദ്രത്തില്‍ എത്തണമെന്ന് ആലത്തൂര്‍ ഡയറി ട്രെയ്‌നിംഗ് സെന്റര്‍ പ്രിന്‍സിപ്പല്‍ അറിയിച്ചു. ഭക്ഷണം, ദിനബത്ത, യാത്രാബത്ത, എന്നിവ നല്‍കും. ഫോണ്‍: 04922- 226040

പാലക്കാട് ജില്ലയിലെ മഴക്കാലപൂര്‍വ്വ ശുചീകരണം, പകര്‍ച്ചവ്യാധി പ്രതിരോധ പ്രവര്‍ത്തനങ്ങള്‍ സമയബന്ധിതമായി ആസൂത്രണം ചെയ്യുന്നത് സംബന്ധിച്ച് നിയമസാംസ്്കാരികപട്ടികജാതിപട്ടികവര്‍ഗ വകുപ്പ് മന്ത്രി എ.കെ ബാലന്റെ അധ്യക്ഷതയില്‍ തദ്ദേശസ്വയംഭരണ സ്ഥാപന മേധാവികളുടെയും  ഉദ്യോഗസ്ഥരുടെയും യോഗം ചേര്‍ന്നു. ജില്ലാ കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന അവലോകനയോഗത്തില്‍ ജലവിഭവ വകുപ്പുമന്ത്രി കെ.കൃഷ്ണന്‍കുട്ടിയും സന്നിഹിതനായിരുന്നു. 

വാര്‍ഡ് തല സമിതി പ്രവര്‍ത്തനം കാര്യക്ഷമമാക്കണം 

കല്‍പറ്റ പി.ഡബ്ല്യു.ഡി റസ്റ്റ് ഹൗസ് കോണ്‍ഫറന്‍സ് ഹാളില്‍ മെയ് 6ന് ചേരാനിരുന്ന എസ്. ശര്‍മ്മ എംഎല്‍എ ചെയര്‍മാനായുള്ള നിയമസഭ അഡ്‌ഹോക് കമ്മറ്റി തെളിവെടുപ്പ് യോഗം മാറ്റിവെച്ചതായി നിയമസഭ ഡെപ്യൂട്ടി സെക്രട്ടറി അറിയിച്ചു. സര്‍ഫാസി നിയമംമൂലം സംസ്ഥാനത്ത് ഉളവായിട്ടുള്ള അവസ്ഥാവിശേഷങ്ങള്‍ പഠിച്ച് ശിപാര്‍ശകള്‍ സമര്‍പ്പിക്കുന്നതിനായാണ് യോഗം ചേരാനിരുന്നത്. 

പട്ടികവര്‍ഗ്ഗ വികസനവകുപ്പിനു കീഴില്‍ പാലക്കാട്, തൃശൂര്‍ ജില്ലകളില്‍ പ്രവര്‍ത്തിക്കുന്ന ആശ്രമം സ്‌കൂള്‍, എംആര്‍എസ്, പ്രീമെട്രിക്, പോസ്റ്റ്‌മെട്രിക് ഹോസ്റ്റലുകളിലേയ്ക്ക് കരാര്‍ അടിസ്ഥാനത്തില്‍ സ്റ്റുഡന്റ് കൗണ്‍സിലര്‍മാരെ നിയമിക്കും. കൂടിക്കാഴ്ച മലമ്പുഴ ആശ്രമം സ്‌കൂളില്‍ മെയ് 16ന് രാവിലെ 10ന് നടക്കും. അപേക്ഷ സമര്‍പ്പിച്ചവര്‍ അസ്സല്‍ സര്‍ട്ടിഫിക്കറ്റുകളുമായി ് രാവിലെ 9.30ന് കൂടിക്കാഴ്ചയ്ക്ക്  എത്തണമെന്ന് ട്രൈബല്‍ ഡവലപ്‌മെന്റ് ഓഫീസര്‍ അറിയിച്ചു.