ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ വൊക്കേഷണല്‍ ഗൈഡന്‍സ് യൂണിറ്റിന്റെ ആഭിമുഖ്യത്തില്‍ എസ്എസ്എല്‍സി/ പ്ലസ്ടു കഴിഞ്ഞ വിദ്യാര്‍ഥികള്‍ക്കും അവരുടെ രക്ഷിതാക്കള്‍ക്കുമായി ഏകദിന സെമിനാര്‍ 16ന് രാവിലെ 10ന് പത്തനംതിട്ട ടൗണ്‍ഹാളില്‍ നടക്കും. 

വിദ്യാര്‍ഥികളുടെ അഭിരുചിക്കും താല്‍പര്യത്തിനും അനുസരിച്ച് ഏത് കോഴ്‌സ് തെരഞ്ഞെടുക്കണം, തൊഴില്‍ സാധ്യതകള്‍ എന്നിവ സംബന്ധിച്ച് സെമിനാര്‍ ദിശാബോധം പകരും. പ്രഗല്‍ഭരായ അധ്യാപകര്‍ സെമിനാര്‍ നയിക്കുമെന്ന് ജില്ലാ എംപ്ലോയ്‌മെന്റ് ഓഫീസര്‍ അറിയിച്ചു. 

പമ്പ ത്രിവേണി സ്‌നാന സരസിലെ ജലദൗലഭ്യം പരിഹരിക്കുന്നതിന് നടപടി സ്വീകരിക്കാന്‍ ജില്ലാ ദുരന്തനിവാരണ അതോറിട്ടി ചെയര്‍മാനും ജില്ലാ കളക്ടറുമായ പി.ബി. നൂഹ് ഉത്തരവായി. ഇതുപ്രകാരം ഇന്ന് (11/05) മുതല്‍ ഈസം 19വരെ പമ്പ അണക്കെട്ടില്‍നിന്നും സ്ലയിസ് വാല്‍വ്‌വഴി ജലം തുറന്നുവിടും. ഈ വെള്ളം കൊച്ചുപമ്പാ വിയറിലെ തടയണയില്‍ ശേഖരിച്ചശേഷം അവിടെ സ്ഥാപിച്ചിട്ടുള്ള വാല്‍വിലൂടെ പ്രതിദിനം 25,000 ക്യൂബിക് മീറ്റര്‍ എന്നതോതില്‍ പമ്പാ ത്രിവേണി സ്‌നാന സരസിലേക്ക് തുറന്നുവിടും. പമ്പാ നദീ തീരത്ത് എത്തുന്ന തീര്‍ഥാടകരും പരിസരവാസികളും ജാഗ്രത പുലര്‍ത്തണമെന്ന് ജില്ലാ കളക്ടര്‍ അറിയിച്ചു. 

കളക്ടറേറ്റിനെ ക്ലീനാക്കാന്‍ തൂമ്പയെടുത്ത് ജില്ലാ കളക്ടര്‍ പി.ബി. നൂഹ് രംഗത്തിറങ്ങിയപ്പോള്‍ ആവേശത്തോടെ ജീവനക്കാരും ഒപ്പംചേര്‍ന്നു. ഒത്തൊരുമയോടെ നടത്തിയ ശുചീകരണപ്രവര്‍ത്തനം വൈകുന്നേരം പൂര്‍ത്തിയായപ്പോള്‍ കളക്ടററേറ്റും പരിസരവും ക്ലീന്‍. ജില്ലയിലെ മഴക്കാല പൂര്‍വ ശുചീകരണ പ്രവര്‍ത്തനങ്ങള്‍ക്കാണ് കളക്ടറേറ്റില്‍ ജില്ലാകളക്ടര്‍ തുടക്കം കുറിച്ചത്. 

     അവധിക്കാല സെക്കന്‍ഡറിതല അധ്യാപക ശില്പശാലയുടെ മുന്നോടിയായുള്ള ജില്ലാ റിസോഴ്‌സ് ഗ്രൂപ്പ് പരിശീലനം തിരുവല്ല ഡയറ്റില്‍ ആരംഭിച്ചു. ശില്പശാല നാലു ദിവസം നീണ്ടുനില്ക്കും. വിദ്യാഭ്യാസ ഉപഡയറക്ടര്‍ പി.എ.ശാന്തമ്മ ശില്പശാല ഉദ്ഘാടനം ചെയ്തു. ഡയറ്റ് പ്രിന്‍സിപ്പല്‍ പി.ലാലിക്കുട്ടി, സമഗ്രശിക്ഷ ജില്ലാ പ്രോജക്ട് ഓഫീസര്‍ ഡോ.ആര്‍.വിജയമോഹനന്‍, തിരുവല്ല ജില്ലാ വിദ്യാഭ്യാസ ഓഫീസര്‍ ജി. ഉഷ, പൊതുവിദ്യാഭ്യാസ സംരക്ഷണയജ്ഞം ജില്ലാ കോ-ഓര്‍ഡിനേറ്റര്‍ എസ്. രാജേഷ്, ഡയറ്റ് ഫാക്കല്‍റ്റി പി.ആര്‍.രാജേന്ദ്രന്‍ എന്നിവര്‍ പങ്കെടുത്തു.

കെല്‍ട്രോണിന്റെ വഴുതക്കാട് നോളജ് സെന്ററില്‍ ട്രാഫിക് ഡിസൈന്‍, ആനിമേഷന്‍, മള്‍ട്ടിമീഡിയ തൊഴിലധിഷ്ഠിത കോഴ്‌സുകള്‍ക്ക് എസ്.എസ്.എല്‍.സി. പ്ലസ് ടു, ഐ.ടി.ഐ., വി.എച്ച്.എസ്.ഇ., ഡിഗ്രി, ഡിപ്ലോമ പാസായവരില്‍ നിന്നും അപേക്ഷ ക്ഷണിച്ചു. വിശദ വിവരങ്ങള്‍ക്ക് ഫോണ്‍: 0471 2325154, 4016555.
 

മൃഗസംരക്ഷണ വകുപ്പിനു കീഴിലുള്ള മലമ്പുഴ മേഖലാ കോഴിവളര്‍ത്തല്‍ കേന്ദ്രത്തില്‍ നിന്നും 1 ദിവസം പ്രായമുള്ള ഗ്രാമശ്രീ ഇനത്തില്‍പ്പെട്ട പൂവന്‍ കോഴിക്കുഞ്ഞുങ്ങള്‍ എല്ലാ തിങ്കളാഴ്ചയും, വ്യാഴാഴ്ച്ചയും ലഭ്യമാണ്. പൂവന്‍ കോഴിക്കുഞ്ഞ് ഒന്നിന് 8 രൂപയാണ് വില. ആവശ്യമുള്ളവര്‍ നേരില്‍ വരേണ്ടതാണ്. 50 എണ്ണവും അതില്‍ക്കൂടുതലും ആവശ്യമുള്ളവര്‍ രാവിലെ 10 മണി മുതല്‍ വൈകുന്നേരം 5 മണി വരെ 0491 2815206 എന്ന നമ്പരില്‍ മുന്‍കൂര്‍ ബുക്കുചെയ്യുക.

ലോക റെഡ് ക്രോസ് ദിനാഘോഷം ജില്ലാതല പരിപാടികൾ മെയ് 8ന് രാവിലെ 9.30 ന് തൃശൂർ ടൗൺഹാളിൽ ജില്ലാ കളക്ടർ ടി.വി. അനുപമ ഉദ്ഘാടനം ചെയ്യും. ഐആർസിഎസ് തൃശൂർ ചെയർമാൻ അഡ്വ. എം.എസ്. അനിൽകുമാർ അധ്യക്ഷത വഹിക്കും. വൈസ് ചെയർമാൻ ദേവസ്സി ചെമ്മണ്ണൂർ ആമുഖ പ്രഭാഷണം നടത്തും. സർവീസിൽനിന്നും വിരമിക്കുന്ന വിദ്യാഭ്യാസ ഉപ ഡയറക്ടർ പി.കെ. അരവിന്ദാക്ഷൻ, ഡി.ഇ.ഒമാരായ ശശീധരൻ വെണ്ണാറവീട്ടിൽ, പി ഉഷാറാണി എന്നിവർക്കുള്ള യാത്രയയപ്പും നടക്കും. രാവിലെ 8.30 ന് സി.എം.എസ്. സ്‌കൂൾ പരിസരത്തുനിന്നും ആരംഭിക്കുന്ന ജെ.ആർ.സി. കേഡറ്റുകളുടെ റാലി ടൗൺഹാളിൽ സമാപിക്കും.

മാള ഗവ. ഐടിഐയിൽ ഇലക്ട്രീഷ്യൻ, ആർക്കിടെക്ച്വറൽ അസിസ്റ്റന്റ്, എംറാക്ക് എന്നീ ട്രേഡുകളിൽ ഗസ്റ്റ് ഇൻസ്ട്രക്ടർമാരുടെ ഒഴിവുകളുണ്ട്. താത്പ്പര്യമുള്ള ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം മെയ് ആറിന് രാവിലെ 10 ന് മാള ഗവ. ഐടിഐയിൽ നടത്തുന്ന കൂടിക്കാഴ്ചയിൽ ഹാജരാകണമെന്ന് പ്രിൻസിപ്പൽ അറിയിച്ചു. ട്രേഡ്, യോഗ്യത എന്ന ക്രമത്തിൽ ചുവടെ; ഇലക്ട്രീഷ്യൻ - എൻ ടി സിയിൽ ഇലക്ട്രീഷ്യൻ ട്രേഡ്, മൂന്ന് വർഷത്തെ പ്രവർത്തന പരിചയം, അല്ലെങ്കിൽ എൻ എ സിയിൽ ഒരു വർഷത്തെ പ്രവൃത്തി പരിചയം, ഇലക്ട്രിക് എൻജിനീയറിങിൽ ഡിപ്ലോമ അല്ലെങ്കിൽ ബിടെക്.

ഐ.ടി മേഖലയിലെ അവസരങ്ങൾക്ക് യുവതലമുറയെ പ്രാപ്തരാക്കുകയെന്ന ലക്ഷൃത്തോടെ ഹ്രസ്വകാല തൊഴിലധിഷ്ഠിത ഐ.ടി. ഇന്റേൺഷിപ്പ് ഇൻ ലിനക്സ്, അപ്പാച്ചെ, എംവൈ.എസ്‌ക്യു.എൽ ആൻഡ് പിഎച്ച്.പി പരിശീലന പരിപാടിയിലേക്ക് കെൽട്രോൺ അപേക്ഷ ക്ഷണിച്ചു. പൊതുമേഖലാ സ്ഥാപനമായ കെൽട്രോണിന്റെ എറണാകുളം നോളേജ് സെന്ററിൽ പരിശീലനം നേടാം. ബി.ടെക്/ ബി.ഇ പൂർത്തിയായവർക്കും, ഫലം പ്രതീക്ഷിക്കുന്നവർക്കും അപേക്ഷിക്കാം. കൂടുതൽ വിവരങ്ങൾക്കും അപേ ക്ഷാഫോമിനുമായി ബന്ധപ്പെടുക. വിലാസം : കെൽട്രോൺ നോളേജ് സെന്റർ, കത്രിക്കടവ്, എറണാകുളം. ഫോൺ : 9207811878