മഴക്കാലപൂര്‍വ്വ ശുചീകരണം: ഒരുലക്ഷത്തിലധികം വീടുകള്‍ സന്ദര്‍ശിച്ച് ശുചീകരണം

ആരോഗ്യ ജാഗ്രതയുടെ ഭാഗമായി സംഘടിപ്പിച്ച  ശുചീകരണ പരിപാടിയില്‍ കോട്ടയം ജില്ലയില്‍ നിരവധി പ്രദേശങ്ങള്‍ മാലിന്യമുക്തമായി. പൊതു സ്ഥലങ്ങളില്‍നിന്നും വീട്ടുപരിസരങ്ങളില്‍നിന്നും ജലാശയങ്ങളില്‍നിന്നും മാലിന്യങ്ങള്‍ ശേഖരിച്ച് കളക്ഷന്‍ പോയിന്റുകളില്‍ എത്തിക്കുന്ന പ്രവര്‍ത്തനങ്ങള്‍ ജനപങ്കാളിത്തംകൊണ്ട് വിജയകരമായി.

എംപ്ലോയ്മെന്റ് എക്സ്ചേഞ്ചുകള്‍ മുഖേന നടപ്പിലാക്കിവരുന്ന സ്വയംതൊഴില്‍ പദ്ധതികളിലേക്ക് ജില്ലയിലെ എംപ്ലോയ്മെന്റ് എക്സ്ചേഞ്ചുകളില്‍ പേര് രജിസ്റ്റര്‍ ചെയ്തിട്ടുളളവര്‍ക്ക് അപേക്ഷിക്കാം. 

വ്യവസായ വകുപ്പ് പട്ടിക ജാതി -പട്ടിക വര്‍ഗ വിഭാഗങ്ങളില്‍പ്പെട്ട സംരംഭകര്‍ക്കായി നാഷണല്‍ എസ്.സി/എസ്.ടി ഹബ്ബിന്റെ നേതൃത്വത്തില്‍ പട്ടുനൂലില്‍ കരകൗശല വസ്തുക്കള്‍ നിര്‍മ്മിക്കുന്നതിന് പരിശീലനം സംഘടിപ്പിക്കുന്നു. അപേക്ഷകള്‍ മെയ് 30നകം  ജില്ലാ വ്യവസായ കേന്ദ്രം ജനറല്‍ മാനേജര്‍ക്ക് സമര്‍പ്പിക്കണം. 

വീട്ടിലും പറമ്പിലും പൊതുസ്ഥലങ്ങളിലുമുള്ള അജൈവ മാലിന്യങ്ങള്‍ ഒഴിവാക്കുന്നതിന് പൊതുജനങ്ങള്‍ക്ക് അവസരമൊരുക്കി സംസ്ഥാനതല ശുചീകരണ യജ്ഞത്തിന് ഇന്ന് (മെയ് 11) തുടക്കം. കോട്ടയം ജില്ലയില്‍ എല്ലാ തദ്ദേശഭരണ സ്ഥാപനങ്ങളിലും ആരോഗ്യ ജാഗ്രതയുടെ ഭാഗമായി ഇന്നും നാളെയും  ശുചീകരണം നടക്കുമെന്നും ഒരുക്കങ്ങള്‍ പൂര്‍ത്തിയായതായും ജില്ലാ കളക്ടര്‍ പി.കെ. സുധീര്‍ ബാബു അറിയിച്ചു.