• ഒരു കമ്പ്യൂട്ടറിൽ ഒന്നരലക്ഷം രൂപ വിലമതിക്കുന്ന സോഫ്റ്റ്‌വെയർ; മൊത്തം ലാഭം 3000 കോടി രൂപ;

• എല്ലാത്തരക്കാർക്കും ആവശ്യമായ സോഫ്റ്റ്‌വെയറുകൾ എല്ലാം ഒരു കുടക്കീഴിൽ;

• സൗജന്യമായി ഡൗൺലോഡു ചെയ്യാം; ലിറ്റിൽ കൈറ്റ്‌സ് യൂണിറ്റുകൾ വഴി സൗജന്യ ഇൻസ്റ്റാൾ ഫെസ്റ്റുകൾ.

നെതർലാൻഡ്സ് സന്ദർശിക്കുന്ന മുഖ്യമന്ത്രി പിണറായി വിജയൻ  ആംസ്റ്റർഡാമിലെ ആൻ ഫ്രാങ്ക് ഹൗസ് സന്ദർശിച്ചു. രണ്ടാം ലോക മഹായുദ്ധകാലത്ത് ഡയറി എഴുത്തിലൂടെ യുദ്ധ ഭീകരത പകർത്തി വിശ്വപ്രശസ്തയായ ആൻ ഫ്രാങ്കിന്റെ സ്മരണയ്ക്കായി സമർപ്പിച്ചിട്ടുള്ള ജീവചരിത്ര മ്യൂസിയമാണ് ആൻ ഫ്രാങ്ക് ഹൗസ്. 

മത്സ്യ തൊഴിലാളികള്‍ ജാഗ്രത പാലിക്കണം

കേരള തീരത്ത് കടല്‍ പ്രക്ഷുബ്ധമാകാനും തമിഴ്‌നാട്-പുതുച്ചേരി തീരങ്ങളില്‍ തെക്ക് പടിഞ്ഞാറ് ദിശയില്‍ മണിക്കൂറില്‍ 35 മുതല്‍ 55 കിലോമീറ്റര്‍ വേഗതയില്‍ കാറ്റുവീശാനും സാധ്യതയുള്ളതിനാല്‍ ഇന്ന് (മെയ് 11 ) മത്സ്യത്തൊഴിലാളികള്‍ കടലില്‍ പോകരുതെന്ന് ഫിഷറീസ് കണ്‍ട്രോള്‍ റൂം അറിയിച്ചു. 

ഔട്ട് റീച്ച് വര്‍ക്കര്‍

ജില്ലാ സ്‌പോര്‍ട്‌സ് കൗണ്‍സിലിന്റെയും ജില്ലയിലെ വിവിധ സ്‌പോര്‍ട് അസോസിയേഷനുകളുടെയും സംയുക്താഭിമുഖ്യത്തില്‍ ഏപ്രില്‍ നാല് മുതല്‍ ജില്ലയിലെ വിവിധ കേന്ദ്രങ്ങളിലായി നടന്നുവന്ന സമ്മര്‍ കോച്ചിംഗ് ക്യാമ്പ് സമാപിച്ചു. മുണ്ടയാട് ഇന്‍ഡോര്‍ സ്‌റ്റേഡിയത്തില്‍ നടന്ന സമാപന ചടങ്ങ് ജില്ലാ സ്‌പോര്‍ട് കൗണ്‍സില്‍ പ്രസിഡന്റ് കെ കെ പവിത്രന്‍ ഉദ്ഘാടനം ചെയ്തു. സെക്രട്ടറി രാജേന്ദ്രന്‍ നായര്‍ അധ്യക്ഷത വഹിച്ചു. വൈസ് പ്രസിഡന്റ് ധീരജ് കുമാര്‍, എക്‌സിക്യൂട്ടീവ് അംഗം പി പി ബിനീഷ് എന്നിവര്‍ സംസാരിച്ചു. കായിക താരങ്ങള്‍, അസോസിയേഷന്‍ ഭാരവാഹികള്‍ തുടങ്ങിയവര്‍ പരിപാടിയില്‍ പങ്കെടുത്തു.

മെയ് 23ന് നടക്കുന്ന ലോക്സഭ തെരഞ്ഞെടുപ്പ് വോട്ടെണ്ണലുമായി ബന്ധപ്പെട്ട് കണ്ണൂര്‍ ലോക്സഭ മണ്ഡലത്തിലെ ഉദ്യോഗസ്ഥര്‍ക്ക് പരിശീലന ക്ലാസ് സംഘടിപ്പിച്ചു. വോട്ടിംഗ് മെഷീനും വിവിപാറ്റും കൈകാര്യം ചെയ്യേണ്ട രീതിയെക്കുറിച്ചും കൗണ്ടിംഗ് സ്റ്റേഷനില്‍ പ്രവേശിക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചും ക്ലാസില്‍ വിശദീകരിച്ചു. ജില്ലാ പഞ്ചായത്ത് വീഡിയോ കോണ്‍ഫറന്‍സ് ഹാളില്‍ നടന്ന പരിശീലനത്തിന് അപ്പലറ്റ് അതോറിറ്റി ഡെപ്യൂട്ടി കലക്ടര്‍ പി എന്‍ പുരുഷോത്തമന്‍ നേതൃത്വം നല്‍കി. ജൂനിയര്‍ സൂപ്രണ്ട് പി പ്രേംരാജ് ക്ലാസുകള്‍ കൈകാര്യം ചെയ്തു. 

ധര്‍മ്മടം ഗ്രാമപഞ്ചായത്തിലെ ഒമ്പതാം വാര്‍ഡായ കിഴക്കെപാലയാട് നിയോജക മണ്ഡലത്തിലേക്ക് നടക്കുന്ന ഉപതെരഞ്ഞടുപ്പിന്റെ ഭാഗമായി അന്തിമ വോട്ടര്‍ പട്ടിക മെയ് 20 ന് പ്രസിദ്ധീകരിക്കും. നിലവില്‍ പ്രസിദ്ധീകരിച്ച കരട് വോട്ടര്‍ പട്ടികയില്‍ 1,192 വോട്ടര്‍മാരാണുള്ളത്. കരട് വോട്ടര്‍പട്ടികക്കെതിരെ ലഭിച്ച പരാതികളും ആക്ഷേപങ്ങളും മെയ് 18 നകം തീര്‍പ്പ് കല്‍പ്പിച്ചതിന് ശേഷമാണ് അന്തിമ വോട്ടര്‍ പട്ടിക പ്രസിദ്ധീകരിക്കുക. ഒമ്പതാം വാര്‍ഡ് അംഗമായ കെ ഗോപീകൃഷ്ണന്‍ മാസ്റ്റര്‍ മരണപ്പെട്ടതിനെ തുടര്‍ന്നാണ് ഉപതെരഞ്ഞെടുപ്പ് ആവശ്യമായി വന്നത്. 

കാലവര്‍ഷാരംഭത്തിന് മുന്നോടിയായി പകര്‍ച്ചവ്യാധികളെ പ്രതിരോധിക്കുന്നതിന് സംസ്ഥാനത്ത് ഇന്നും നാളെയും (മെയ് 11, 12) വിപുലമായ ശുചീകരണ പ്രവര്‍ത്തനങ്ങള്‍ നടക്കും. 'ആരോഗ്യ ജാഗ്രത പ്രതിദിനം പ്രതിരോധം' എന്ന ആശയം നടപ്പാക്കുകയും പകര്‍ച്ചവ്യാധികള്‍ക്കെതിരെ ജനകീയ പ്രതിരോധം തീര്‍ക്കുകയും ലക്ഷ്യമിട്ടാണ് ശുചീകരണ പ്രവര്‍ത്തനങ്ങള്‍. ശുചീകരണ യജ്ഞത്തിന്റെ ജില്ലാതല ഉദ്ഘാടനം കലക്ടറേറ്റ് പരിസരം ശുചീകരിച്ച് നടന്നു.