ഗതാഗതം നിരോധിച്ചു

മേയ് 16 ന് ആരംഭിക്കുന്ന അറബി, ഉറുദു, സംസ്‌കൃതം സർട്ടിഫിക്കറ്റ് പരീക്ഷയ്ക്ക് അപേക്ഷിച്ച അർഹരായ അപേക്ഷകരുടെ ലിസ്റ്റും പരീക്ഷാകേന്ദ്രങ്ങളുടെ വിവരവും (www.keralapareekshabhavan.in) എന്ന വെബ്‌സൈറ്റിൽ ലഭ്യമാണ്. അഡ്മിഷൻ ടിക്കറ്റുകൾ പരീക്ഷാകേന്ദ്രങ്ങളിൽ നിന്നും കൈപ്പറ്റണമെന്ന് പരീക്ഷാസെക്രട്ടറി അറിയിച്ചു.

പി.എൻ.എക്സ്. 1303/19

    ലോക്‌സഭാ തെരഞ്ഞെടുപ്പ് ഉദ്യോഗസ്ഥര്‍ക്കായുള്ള വോട്ടെണ്ണല്‍ പരിശീലന ക്ലാസിന്റെ ഒന്നാം ഘട്ടം അവസാനിച്ചു. ജില്ലാ പഞ്ചായത്ത് വീഡിയോ കോണ്‍ഫറന്‍സ് ഹാളില്‍ നടന്ന പരിശീലനത്തില്‍ ജൂനിയര്‍ സൂപ്രണ്ട് പി പ്രേംരാജ് ക്ലാസുകള്‍ കൈകാര്യം ചെയ്തു. വോട്ടിംഗ് മെഷീനും വിവിപാറ്റും കൈകാര്യം ചെയ്യേണ്ട രീതിയെക്കുറിച്ചും കൗണ്ടിംഗ് സ്റ്റേഷനില്‍ പ്രവേശിക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചും ക്ലാസില്‍ വിശദീകരിച്ചു. 

25നും 50നും മധ്യേ പ്രായമുള്ള പുരുഷന്മാരിലെ വന്ധ്യതയ്ക്ക് പൂജപ്പുര ഗവ:പഞ്ചകർമ്മ ആശുപത്രിയിലെ പഞ്ചകർമ്മ ഒ.പി.യിൽ (ഒന്നാം നമ്പർ ഒ.പി.) തിങ്കൾ മുതൽ ശനിവരെ രാവിലെ എട്ട് മുതൽ ഉച്ചയ്ക്ക് ഒന്ന് വരെ ഗവേഷണാടിസ്ഥാനത്തിൽ സൗജന്യ ചികിത്സ ലഭ്യമാണെന്ന് പ്രിൻസിപ്പൽ അറിയിച്ചു. കൂടുതൽ വിവരങ്ങൾക്ക് ഫോൺ:9496409945, 9995929945.

പി.എൻ.എക്സ്. 1302/19

ന്യൂനപക്ഷക്ഷേമ വകുപ്പിനു കീഴിലുള്ള സംസ്ഥാനത്തെ 17 ന്യൂനപക്ഷക്ഷേമ യുവജന പരിശീലനകേന്ദ്രങ്ങളിൽ ജൂലൈയിൽ ആരംഭിക്കുന്ന എസ്.എസ്.എൽ.സി ബാച്ച്, ഡിഗ്രി ബാച്ച്, പി.എസ്.സി അടക്കമുള്ള വിവിധ കേന്ദ്ര/സംസ്ഥാന മത്സരപരീക്ഷകളുടെ പരിശീലനത്തിനായുള്ള അപേക്ഷാഫോറം മേയ് 20 മുതൽ അതത് ജില്ലകളിലെ പരിശീലനകേന്ദ്രങ്ങൾ വഴി വിതരണം ചെയ്യും. താത്പര്യമുള്ളവർ അപേക്ഷ ജൂൺ 16നു മുൻപായി പരിശീലന കേന്ദ്രങ്ങളിൽ നൽകണം. പരിശീലനകേന്ദ്രങ്ങളുടെ വിവരങ്ങൾ www.minoritywelfare.kerala.gov.in    വെബ്‌സൈറ്റിൽ ലഭ്യമാണ്.

പി.എൻ.എക്സ്. 1301/19

വ്യവസായ വകുപ്പില്‍ നിന്നും ചെറുകിട വ്യവസായ സ്ഥാപനങ്ങള്‍ക്ക് അനുവദിച്ചിട്ടുള്ള മാര്‍ജിന്‍ മണി വായ്പ ഒറ്റത്തവണ തീര്‍പ്പാക്കല്‍ പദ്ധതി മുഖേന തീര്‍പ്പാക്കാം. യൂണിറ്റുടമ മരണപ്പെടുകയും സ്ഥാപനം പ്രവര്‍ത്തനരഹിതമായിരിക്കുകയും സ്ഥാപനത്തിന് ആസ്തികള്‍ നിലവിലില്ലാതിരിക്കുകയും ചെയ്യുന്ന സാഹചര്യത്തില്‍ കുടിശിക പൂര്‍ണമായും എഴുതിത്തള്ളും. ഇതിനായി മരണപ്പെട്ട യൂണിറ്റുടമയുടെ അനന്തരാവകാശി ബന്ധപ്പെട്ട രേഖകള്‍ സഹിതം അപേക്ഷിക്കണം. 

ജില്ലയില്‍ പഞ്ചായത്ത് വകുപ്പില്‍ ലൈബ്രേറിയന്‍ ഗ്രേഡ് നാല് (കാറ്റഗറി നമ്പര്‍ 539/16) തസ്തികയിലേക്ക് ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കായുള്ള ഒറ്റത്തവണ പ്രമാണ പരിശോധന 15,16 തീയതികളില്‍ രാവിലെ 10 മുതല്‍ ജില്ലാ പിഎസ്‌സി ഓഫീസില്‍ നടക്കും. ഉദ്യോഗാര്‍ഥികള്‍ നേരിട്ട് ഹാജരായി പ്രമാണ പരിശോധന പൂര്‍ത്തിയാക്കണമെന്ന് ജില്ലാ പി.എസ്.സി ഓഫീസര്‍ അറിയിച്ചു. ഫോണ്‍: 0468-2222665. 

                                                     (പിഎന്‍പി 1126/19)

ഐഎച്ച്ആര്‍ഡിയുടെ കീഴില്‍ പ്രവര്‍ത്തിക്കുന്ന മോഡല്‍ പോളിടെക്‌നിക്ക് കോളജുകളില്‍ ത്രിവത്സര എന്‍ജിനീയറിംഗ് ഡിപ്ലോമ കോഴ്‌സുകളില്‍ പ്രവേശനത്തിന് അപേക്ഷ ക്ഷണിച്ചു. ഈ മാസം 30ന് വൈകിട്ട് അഞ്ച് വരെ www.ihrdmptc.org എന്ന അഡ്മിഷന്‍ പോര്‍ട്ടല്‍ വഴി അപേക്ഷ സമര്‍പ്പിക്കാം. അപേക്ഷയുടെ പ്രിന്റ്ഔട്ടും ആവശ്യമായ രേഖകളും 200 രൂപയുടെ ഡിഡിയും സഹിതം (എസ്.സി/എസ്.റ്റി വിഭാഗത്തിന് 100 രൂപ) ജൂണ്‍ മൂന്നിന് വൈകിട്ട് നാലിന് മുമ്പ് പ്രവേശനം ആഗ്രഹിക്കുന്ന കോളജില്‍ നല്‍കണം. കൂടുതല്‍ വിവരം അഡ്മിഷന്‍ പോര്‍ട്ടലില്‍ ലഭ്യമാണ്.                   (പിഎന്‍പി 1124/19)