കോഴഞ്ചേരി ജില്ലാ .ആശുപത്രിയില്‍ ഡീഅഡിക്ഷന്‍ സെന്റര്‍ പ്രവര്‍ത്തനസജ്ജമായി. എല്ലാദിവസവും രാവിലെ ഒമ്പത് മുതല്‍ ഉച്ചയ്ക്ക് ഒന്നുവരെ ഒ.പി ചികിത്സാ സൗകര്യം ലഭിക്കും. എല്ലാ ബുധനാഴ്ചയും തുടര്‍ചികിത്സാ ക്ലിനിക്ക്, കൗണ്‍സിലിംഗ് സൗകര്യവും ഉണ്ട്. സൈക്യാട്രിസ്റ്റ്, ക്ലിനിക്കല്‍ സൈക്കോളജിസ്റ്റ്, സൈക്യാട്രിക് സോഷ്യല്‍ വര്‍ക്കര്‍ എന്നിവരുടെ സേവനവും ലഭ്യമാണ്. 16 കിടക്കകളോടുകൂടിയ കിടത്തിചികിത്സാ സൗകര്യവും സജ്ജീകരിച്ചിട്ടുണ്ട്. 

ശബരിമലയില്‍ ഡ്യൂട്ടി ചെയ്യുന്ന മാധ്യമ പ്രവര്‍ത്തകര്‍ക്ക് തിരിച്ചറിയല്‍ കാര്‍ഡ് നല്‍കണമെന്നതു സംബന്ധിച്ച്പത്തനംതിട്ട പ്രസ് ക്ലബിന്റെ കത്ത് പി ആര്‍ ഡി ഡയറക്ടര്‍ക്ക് ലഭിച്ചിട്ടുണ്ട്.

ഇത്തരത്തിലൊരു സജ്ജീകരണം ഏര്‍പ്പെടുത്തുന്നതു സംബന്ധിച്ച് അങ്ങയുടെ സ്ഥാപനത്തിന്റെ അഭിപ്രായം നാളെ (നവംബര്‍ 9 ) രാവിലെ 11ന് പത്തനംതിട്ട പ്രസ് ക്ലബില്‍ ചേരുന്ന യോഗത്തില്‍ പങ്കെടുത്ത് അറിയിക്കണമെന്ന് അഭ്യര്‍ഥിക്കുന്നു.  -  ജില്ലാ ഇന്‍ഫര്‍മേഷന്‍ ഓഫീസര്‍

കാക്കനാട്: ഭരണഭാഷാ വാരാചരണങ്ങളുടെ സമാപനം ഇന്ന് 9 നവംബര്‍8) ഉച്ചയ്ക്ക് രണ്ടിന് കളക്ട്രേറ്റ് കോണ്‍ഫറന്‍സ് ഹാളില്‍ സാഹിത്യകാരന്‍ സി. രാധാകൃഷ്ണന്‍ ഉദ്ഘാടനം ചെയ്യും. ജില്ല കളക്ടര്‍ മുഹമ്മദ് വൈ സഫീറുള്ള അധ്യക്ഷത വഹിക്കും. എഡിഎം എം.കെ. കബീര്‍, ആകാശവാണി ഡയറക്ടര്‍ ടി.ടി. പ്രഭാകരന്‍, ആകാശവാണി ചീഫ് പ്രോഗ്രാം എക്‌സിക്യൂട്ടീവ് ശ്രീകുമാര്‍ മുഖത്തല, ജില്ലാ ഇന്‍ഫര്‍മേഷന്‍ ഓഫീസര്‍ നിജാസ് ജ്യുവല്‍ തുടങ്ങിയവര്‍ പങ്കെടുക്കും.

ഭരണഭാഷാ വാരാഘോഷങ്ങളുടെ ഭാഗമായി സംഘടിപ്പിച്ച സാഹിത്യ മത്സരങ്ങളിലും പ്രശ്‌നോത്തരിയിലും വിജയികളായവര്‍ക്കുള്ള സമ്മാനദാനവും സമാപനച്ചടങ്ങില്‍ നടക്കും.

മാവേലി സ്റ്റോറുകളില്‍ സബ്‌സിഡിയോടെ കിട്ടുന്ന എല്ലാ സാധനങ്ങളും അതേ നിരക്കില്‍ ഇന്ന് (08.11.2017) മുതല്‍ തുടങ്ങുന്ന തീരമാവേലി സ്റ്റോറുകള്‍ വഴി സപ്ലൈകോ മാനദണ്ഡത്തില്‍ ലഭിക്കും. സപ്ലൈകോ ഉത്പന്നങ്ങളും തീരമൈത്രി
ഉത്പന്നങ്ങളും ന്യായവിലയില്‍ ഇവിടെ കിട്ടും. സിവില്‍ സപ്ലൈസ് വകുപ്പും ഫിഷറീസ് വകുപ്പും ചേര്‍ന്നാണ് തീരദേശവാസികള്‍ക്കായി സംരംഭം തുടങ്ങുന്നത്. മത്സ്യത്തൊഴിലാളി കുടുംബങ്ങളിലെ വനിതകള്‍ നടത്തുന്ന തീരമൈത്രി
സൂപ്പര്‍ മാര്‍ക്കറ്റുകളും കമ്യൂണിറ്റി പ്രൊവിഷന്‍ സ്റ്റോറുകളും ഇനി തീരമാവേലി സ്റ്റോറുകളായി പ്രവര്‍ത്തിക്കും. 

സഹകരണ വാരാഘോഷം : സംസ്ഥാനതല പ്രസംഗ മത്സരം 13 ന് d

അറുപത്തി നാലാമത് അഖിലേന്ത്യാ സഹകരണ വാരാഘോഷത്തോടനുബന്ധിച്ച് സംസ്ഥാന സഹകരണ യൂണിയന്‍ സ്‌കൂള്‍, കോളേജ്, സഹകരണ പരിശീലന കേന്ദ്രം / കോളേജ് വിദ്യാര്‍ത്ഥികള്‍ക്കായി സംഘടിപ്പിക്കുന്ന സംസ്ഥാനതല പ്രസംഗ മത്സരം നവംബര്‍ 13 ന് രാവിലെ 10 മണിക്ക് കോഴിക്കോട് തളി ക്ഷേത്രത്തിനു സമീപത്തെ ഇ.എം.എസ് മെമ്മോറിയല്‍ സഹകരണ പരിശീലന കോളേജ് ആഡിറ്റോറിയത്തില്‍ നടക്കും. ജില്ലാതല പ്രസംഗ മത്സരത്തില്‍ ഒന്നാം സ്ഥാനം നേടിയവര്‍ സാക്ഷ്യപത്രം സഹിതം എത്തണമെന്ന് അഡീഷണല്‍ രജിസ്ട്രാര്‍ - സെക്രട്ടറി അറിയിച്ചു.
പി.എന്‍.എക്‌സ്.4763/17

ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (ഗണിതം- തമിഴ് മീഡിയം) ഒന്നാം എന്‍.സി.എ-മുസ്ലിം, എന്‍.സി.എ-എസ്.സി. തസ്തികയില്‍ തിരഞ്ഞെടുപ്പിന് മെയ് 31ന് പ്രസിദ്ധീകരിച്ച ചുരുക്കപ്പട്ടികയില്‍ ഉള്‍പ്പെട്ട് സര്‍ട്ടിഫിക്കറ്റ് പരിശോധനയ്ക്ക് എത്തിയ അര്‍ഹരായവരുടെ അഭിമുഖം ജില്ലാ പി.എസ്.സി.ഓഫീസില്‍ നവംബര്‍ 10ന് നടക്കും.

 പ്രൊഫൈല്‍ /എസ്.എം.എസ്. വഴി അറിയിപ്പും രജിസ്‌റ്റേഡ് തപാല്‍ മുഖേനെ മെമ്മോയും നല്‍കിയിട്ടുണ്ട്. അഭിമുഖത്തിന് എത്തുന്നവര്‍ വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റിന്റെ അസ്സലും അസല്‍ സര്‍ട്ടിഫിക്കറ്റുകളുമായി രാവിലെ 7.30ന് എത്തണം.
 

കുഴല്‍മന്ദം ഗവ.ഐ.റ്റി.ഐ.യില്‍ എ.സി.ഡി ഇന്‍സ്ട്രക്ടറുടെ താത്കാലിക ഒഴിവിലേയ്ക്കുള്ള കൂടിക്കാഴ്ച ഒമ്പതിന് രാവിലെ 11ന് ഐ.റ്റി.ഐ ഓഫീസില്‍ നടക്കും. ഏതെങ്കിലും എഞ്ചിനീയറിങ് ട്രേഡില്‍ മൂന്ന് വര്‍ഷത്തെ ഡിപ്ലൊമ അല്ലങ്കില്‍ എഞ്ചിനീയറിങ് ബിരുദമാണ് യോഗ്യത.

വിശദവിവരം .ഫോണ്‍ : 04922 273888,9747482453.
 

ടോഡി-ടാപ്പിങ് തൊഴിലാളികളുടെ മിനിമം വേതനം പുതുക്കി നിശ്ചയിക്കുന്നതിനുളള ഉപസമിതി തെളിവെടുപ്പ് യോഗം നവംബര്‍ 14-ന് രാവിലെ 10.30-ന്  തൃശ്ശൂര്‍ രാമനിലയം ഗവ. ഗസ്റ്റ് ഹൗസ് സമ്മേളനഹാളില്‍ നടക്കുമെന്ന്  ജില്ലാ ലേബര്‍ ഓഫീസര്‍ (എന്‍ഫോഴ്സ്മെന്റ്) അറിയിച്ചു.

യോഗത്തില്‍ ജില്ലയിലെ ടോഡി ടാപ്പിങ് മേഖലയിലെ തൊഴിലുടമകളും ട്രേഡ് യൂനിയന്‍ പ്രതിനിധികളും പങ്കെടുക്കണമെന്ന് ജില്ലാ ലേബര്‍ ഓഫീസര്‍ (എന്‍ഫോഴ്സ്മെന്റ്) അറിയിച്ചു. 
 

എലപ്പുള്ളി ഗവ.യു.പി.സ്‌കൂളില്‍ ജൂനിയര്‍ ഹിന്ദി അധ്യാപക ഫുള്‍ടൈം താത്കാലിക ഒഴിവിലേയ്ക്ക് ദിവസവേതനാടിസ്ഥാനത്തില്‍ നിയമനം നടത്തും.

ഉദ്യോഗാര്‍ഥികള്‍ സര്‍ട്ടിഫിക്കറ്റുകളും പകര്‍പ്പുകളുമായി നവംബര്‍ 13 രാവിലെ 10.30ന് കുടിക്കാഴ്ചയ്‌ക്കെത്തണമെന്ന് പ്രധാനാധ്യാപകന്‍ അറിയിച്ചു. 
 

നെഹ്‌റു യുവകേന്ദ്ര  നടത്തുന്ന ക്ലസ്റ്റര്‍തല ഫുട്‌ബോള്‍, വോളിബോള്‍ മത്സരങ്ങള്‍ തുടങ്ങി തൃത്താല കുമരനെല്ലുര്‍ ഗവ.ഹയര്‍ സെക്കന്‍ഡറി സ്‌കൂളില്‍ നടന്ന ഫുട്‌ബോള്‍ മത്സരത്തില്‍ കുമരനെല്ലൂര്‍ ഗാലക്‌സി ക്ലബ്ബ് ജേതാക്കളായി . കക്കാട്ടിരി യുവധാര സ്‌പോര്‍ട്‌സ് ക്ലബ്ബാണ് റണ്ണേഴ്‌സ് അപ്പ്. വോളിബോളില്‍ കൂനംമൂച്ചി ചൈതന്യ ക്ലബ്ബാണ് ജേതാക്കള്‍.