ലോക്‌സഭാ തെരഞ്ഞെടുപ്പ് പ്രചാരണാര്‍ത്ഥം  സ്വീപ് ആക്ഷന്‍ പ്ലാനിന്റെ ആഭിമുഖ്യത്തില്‍ ഇന്ന് (29.03.2019) വൈകിട്ട് നാലിന് അടിമാലി ഗ്രാമപഞ്ചായത്ത് പരിസരത്ത്  മച്ചിപ്ലാവ് കാര്‍മല്‍ ജ്യോതി സ്‌പെഷ്യല്‍ സ്‌കൂള്‍ കുട്ടികള്‍ അവതരിപ്പിക്കുന്ന സംഘഗാനം, അടിമാലി കാര്‍മ്മല്‍ഗിരി കോളേജ് വിദ്യാര്‍ത്ഥികള്‍ അവതരിപ്പിക്കുന്ന തെരുവുനാടകം, ഒഴുവത്തടം ആദിവാസി കോളനിയിലെ മുതുവാന്‍ സമുദായം അവതരിപ്പിക്കുന്ന പരമ്പരാഗത നൃത്തം , വോട്ടിംഗ് മെഷീന്‍ വിവിപാറ്റ് പരിചയപ്പെടുത്തല്‍ എന്നിവ സംഘടിപ്പിക്കുന്നു.

തിരഞ്ഞെടുപ്പുമായി ബന്ധപ്പെട്ട് സോഷ്യല്‍ മീഡിയയില്‍ പോസ്റ്റ് ഷെയര്‍ ചെയ്തതു സംബന്ധിച്ച് സി.വിജിലിനു ലഭിച്ച പരാതിയുടെ അടിസ്ഥാനത്തില്‍ തപാല്‍ ജീവനക്കാരനെതിരെ  നടപടി സ്വീകരിച്ചു.

എം സി എം സി കമ്മറ്റി അംഗങ്ങളായ എ ഡി എം അനില്‍ ഉമ്മന്‍, ആര്‍ ഡി ഒ എം.പി വിനോദ് , ജില്ലാ ഇന്‍ഫര്‍മേഷന്‍ ഓഫീസര്‍ എന്‍ സതീഷ് കുമാര്‍ എന്നിവരടങ്ങിയ  സമിതിയാണ് കേസ് പരിശോധിച്ചത്.

തൊടുപുഴ നിയോജകമണ്ഡലത്തിലെ കോടിക്കുളം, പടിഞ്ഞാറേ കോടിക്കുളം, ചെറുതോട്ടിന്‍കര, കോലാനി, മണക്കാട്, പൂമാല, പന്നിമറ്റം, കാഞ്ഞിരമറ്റം, കുമ്പംകല്ല്, വെള്ളിയാമറ്റം, മാര്‍ത്തോമ  എന്നീ പ്രദേശങ്ങളില്‍ ആന്റി ഡിഫേയ്‌സ്‌മെന്റ് സ്‌ക്വാഡ് നിരീക്ഷണം നടത്തി പൊതുസ്ഥലത്ത് സ്ഥാപിച്ച 521 പോസ്റ്ററുകള്‍, 30 കൊടികള്‍, 6 ഫ്‌ളക്‌സുകള്‍ ,സ്വകാര്യ സ്ഥലത്ത് സ്ഥാപിച്ച 10 ഫ്‌ളക്‌സ് ബോര്‍ഡുകള്‍ എന്നിവ നീക്കം ചെയ്തു.

എക്കണോമിക്‌സ് ആന്റ് സ്റ്റാറ്റിസ്റ്റിക്‌സ് വകുപ്പ് 2019 ജനുവരി മാസത്തെ വിലനിലവാര സൂചിക പ്രസിദ്ധീകരിച്ചു. ജില്ല, സൂചിക ക്രമത്തിൽ. 2018 ഡിസംബർ മാസത്തിലേത് ബ്രാക്കറ്റിൽ.

തിരുവനന്തപുരം 159 (155), കൊല്ലം 157 (153), പുനലൂർ 156 (153), പത്തനംതിട്ട 169 (164), ആലപ്പുഴ 167 (164), കോട്ടയം 166 (163), മുണ്ടക്കയം 161 (158), ഇടുക്കി 160 (157), എറണാകുളം 160 (157), ചാലക്കുടി 167(164), തൃശൂർ 168 (163), പാലക്കാട് 152 (150), മലപ്പുറം 164 (157), കോഴിക്കോട് 168 (162), വയനാട് 161 (158), കണ്ണൂർ 170 (165), കാസർകോട് 171 (165).

പി.എൻ.എക്സ്. 1019/19

കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് & ട്രെയിനിംഗിന്റെ ആഭിമുഖ്യത്തിൽ തിരുവനന്തപുരത്തുള്ള ട്രെയിനിംഗ് ഡിവിഷനിൽ ഏപ്രിലിൽ ആരംഭിക്കുന്ന ഡിപ്ലോമ ഇൻ കമ്പ്യൂട്ടറൈസ്ഡ് ഫിനാൻഷ്യൽ മാനേജ്‌മെന്റ് (ടാലി), ഡിപ്ലോമ ഇൻ ഡി.റ്റി.പി, 3ഡി ആനിമേഷൻ, മൊബൈൽ ഫോൺ സർവീസിംഗ്, കമ്പ്യൂട്ടർ ഹാർഡ്‌വെയർ ആന്റ് നെറ്റ്‌വർക്കിംഗ് എന്നീ ഗവൺമെന്റ് അംഗീകൃത തൊഴിലധിഷ്ഠിത കോഴ്‌സുകളിലെ ഒഴിവുള്ള സീറ്റുകളിലേക്ക് അപേക്ഷിക്കാം.

തിരുവനന്തപുരം ചാക്ക ആർ.ഐ സെന്ററിൽ അപ്രന്റിസ് പരീക്ഷയ്ക്ക് അപേക്ഷ ക്ഷണിച്ചു.  അപേക്ഷ സമർപ്പിക്കുന്നതിനുള്ള അവസാന തിയതി ഏപ്രിൽ 12.  ഏപ്രിൽ 15 വരെ ട്രെയിനിംഗ് പൂർത്തിയാക്കുന്നവർക്ക് അപേക്ഷ സമർപ്പിക്കാം. ആദ്യമായി പരീക്ഷ എഴുതുന്നവർക്ക് 105 രൂപയും പരീക്ഷയിൽ തോറ്റവർ/ പരീക്ഷ എഴുതാതിരുന്നവർക്ക് 160 രൂപയുമാണ് ഫീസ്.  12ന് മുമ്പ് ട്രഷറിയിൽ ചെലാൻ ഒടുക്കിയാണ് അപേക്ഷിക്കേണ്ടത്.  ഫോൺ: 0471-2501867.

108 ാമത് അപ്രന്റിസ് പരീക്ഷയുടെ ഫലം അപ്രന്റിസ് ആയ സ്ഥാപനത്തിലും ആർ.ഐ സെന്ററിലും ലഭ്യമാണ്.

പി.എൻ.എക്സ്. 1017/19