ജില്ലയിലെ അക്ഷയ സംരംഭകര്‍ക്കായി  മോട്ടോര്‍ വാഹന വകുപ്പിന്റെ ഇ-വാഹന്‍ സോഫ്റ്റ് വെയര്‍ ഉപയോഗിക്കുന്നതുമായി ബന്ധപ്പെട്ട് പരിശീലനം ലന്‍കി. എന്‍ഫോഴ്‌സ്‌മെന്റ്  ആര്‍.ടി.ഒ  ടി.ജി ഗോകുല്‍,   അസി.എം.വി.ഐ  മുഹമ്മദ് ഷഫീഖ് എന്നിവര്‍ നേതൃത്വം നല്‍കി.  ജില്ലാ പ്രൊജക്ട് മാനേജര്‍ മെവിന്‍ വര്‍ഗീസ് എന്‍ടിടിഎഫ്  കോഴ്‌സ് കോഡിനേറ്റര്‍മാരായ  ഫെര്‍ണാണ്ടസ്, ജി ജിതേഷ്  ബ്ലോക്ക് കോഡിനേറ്റര്‍  റഹ്മത്തുള്ള താപ്പി, സാദിഖലി, മുഹമ്മദ് സമീര്‍ എന്നിവര്‍ പങ്കെടുത്തു.

ജില്ലാ സൈനിക ക്ഷേമഓഫീസില്‍ നിന്നും പ്രതിമാസം  6000 രൂപ ധന സഹായം കൈപ്പറ്റുന്ന രണ്ടാം ലോകമഹായുദ്ധ സേനാനികള്‍ / അവരുടെ വിധവകള്‍ ധന സഹായം തുടര്‍ന്ന് ലഭിക്കുന്നതിന് ഏപ്രില്‍ 10നകം ലൈഫ് സര്‍ട്ടിഫിക്കറ്റ്            ജില്ലാ സൈനിക ക്ഷേമ ഓഫീസില്‍ ഹാജരാക്കണം.  ഫോണ്‍ 0483 2734932.

    വാര്‍ഷിക സ്റ്റോക്കെടുപ്പ് പ്രമാണിച്ച് ഏപ്രില്‍ ഒന്ന്, രണ്ട് തിയ്യതികളില്‍ ജില്ലാ സ്റ്റേഷനറി സ്റ്റോറിന് അവധിയായിരിക്കുമെന്ന് ജില്ലാ സ്റ്റേഷനറി ഓഫീസര്‍ അറിയിച്ചു.

    ജില്ലാ ഷട്ടില്‍ ബാഡാമിന്റണ്‍ അസോസിയേഷന്റെ ആഭിമുഖ്യത്തില്‍ ഏപ്രില്‍ എട്ട് മുതല്‍ ബാഡ്മിന്റണ്‍ ഷട്ടില്‍ സമ്മര്‍ കോച്ചിങ് ക്യാമ്പ് മഞ്ചേരി കോസ്‌മോപൊളിറ്റന്‍ ക്ലബില്‍ ആരംഭിക്കും.  അഞ്ച് വയസ്സിന് മുകളിലുള്ള ആണ്‍ കുട്ടികള്‍ക്കും പെണ്‍കുട്ടികള്‍ക്കും പങ്കെടുക്കാം.  ഏപ്രില്‍ അഞ്ചിന് വൈകുന്നേരം അഞ്ചിന് കോസ്‌മോപൊളീറ്റന്‍ ക്ലബ് ഇന്‍ഡോര്‍ സ്റ്റേഡിയത്തില്‍ റിപ്പോര്‍ട്ട് ചെയ്യണം.  ഫോണ്‍ 8111974889.

ലോക സഭാ തെരഞ്ഞെടുപ്പില്‍ മത്സരിക്കുന്ന സ്ഥാനാര്‍ഥികള്‍ ഫോട്ടോ പതിച്ച നോമിനേഷന്‍ പത്രികയോടൊപ്പം വോട്ടിങ് യന്ത്രത്തില്‍ പ്രിന്റ് ചെയ്യുന്നതിനായി ഒരു ഫോട്ടോ അധികമായി നല്‍കണമെന്ന് ചീഫ് ഇലക്ടറല്‍ ഓഫീസര്‍ അറിയിച്ചു. നല്‍കേണ്ട ഫോട്ടോയെ സംബന്ധിച്ച വിശദ വിവരങ്ങള്‍ എആര്‍ഒ മാരില്‍ നിന്നും കലക്ടറേറ്റിലെ ഇലക്ഷന്‍ വിഭാഗത്തില്‍ നിന്നും ലഭിക്കും.