തൊടുപുഴ നിയോജകമണ്ഡലത്തിലെ കോടിക്കുളം, പടിഞ്ഞാറേ കോടിക്കുളം, ചെറുതോട്ടിന്‍കര, കോലാനി, മണക്കാട്, പൂമാല, പന്നിമറ്റം, കാഞ്ഞിരമറ്റം, കുമ്പംകല്ല്, വെള്ളിയാമറ്റം, മാര്‍ത്തോമ  എന്നീ പ്രദേശങ്ങളില്‍ ആന്റി ഡിഫേയ്‌സ്‌മെന്റ് സ്‌ക്വാഡ് നിരീക്ഷണം നടത്തി പൊതുസ്ഥലത്ത് സ്ഥാപിച്ച 521 പോസ്റ്ററുകള്‍, 30 കൊടികള്‍, 6 ഫ്‌ളക്‌സുകള്‍ ,സ്വകാര്യ സ്ഥലത്ത് സ്ഥാപിച്ച 10 ഫ്‌ളക്‌സ് ബോര്‍ഡുകള്‍ എന്നിവ നീക്കം ചെയ്തു.

എക്കണോമിക്‌സ് ആന്റ് സ്റ്റാറ്റിസ്റ്റിക്‌സ് വകുപ്പ് 2019 ജനുവരി മാസത്തെ വിലനിലവാര സൂചിക പ്രസിദ്ധീകരിച്ചു. ജില്ല, സൂചിക ക്രമത്തിൽ. 2018 ഡിസംബർ മാസത്തിലേത് ബ്രാക്കറ്റിൽ.

തിരുവനന്തപുരം 159 (155), കൊല്ലം 157 (153), പുനലൂർ 156 (153), പത്തനംതിട്ട 169 (164), ആലപ്പുഴ 167 (164), കോട്ടയം 166 (163), മുണ്ടക്കയം 161 (158), ഇടുക്കി 160 (157), എറണാകുളം 160 (157), ചാലക്കുടി 167(164), തൃശൂർ 168 (163), പാലക്കാട് 152 (150), മലപ്പുറം 164 (157), കോഴിക്കോട് 168 (162), വയനാട് 161 (158), കണ്ണൂർ 170 (165), കാസർകോട് 171 (165).

പി.എൻ.എക്സ്. 1019/19

കേരള സ്റ്റേറ്റ് സെന്റർ ഫോർ അഡ്വാൻസ്ഡ് പ്രിന്റിംഗ് & ട്രെയിനിംഗിന്റെ ആഭിമുഖ്യത്തിൽ തിരുവനന്തപുരത്തുള്ള ട്രെയിനിംഗ് ഡിവിഷനിൽ ഏപ്രിലിൽ ആരംഭിക്കുന്ന ഡിപ്ലോമ ഇൻ കമ്പ്യൂട്ടറൈസ്ഡ് ഫിനാൻഷ്യൽ മാനേജ്‌മെന്റ് (ടാലി), ഡിപ്ലോമ ഇൻ ഡി.റ്റി.പി, 3ഡി ആനിമേഷൻ, മൊബൈൽ ഫോൺ സർവീസിംഗ്, കമ്പ്യൂട്ടർ ഹാർഡ്‌വെയർ ആന്റ് നെറ്റ്‌വർക്കിംഗ് എന്നീ ഗവൺമെന്റ് അംഗീകൃത തൊഴിലധിഷ്ഠിത കോഴ്‌സുകളിലെ ഒഴിവുള്ള സീറ്റുകളിലേക്ക് അപേക്ഷിക്കാം.

തിരുവനന്തപുരം ചാക്ക ആർ.ഐ സെന്ററിൽ അപ്രന്റിസ് പരീക്ഷയ്ക്ക് അപേക്ഷ ക്ഷണിച്ചു.  അപേക്ഷ സമർപ്പിക്കുന്നതിനുള്ള അവസാന തിയതി ഏപ്രിൽ 12.  ഏപ്രിൽ 15 വരെ ട്രെയിനിംഗ് പൂർത്തിയാക്കുന്നവർക്ക് അപേക്ഷ സമർപ്പിക്കാം. ആദ്യമായി പരീക്ഷ എഴുതുന്നവർക്ക് 105 രൂപയും പരീക്ഷയിൽ തോറ്റവർ/ പരീക്ഷ എഴുതാതിരുന്നവർക്ക് 160 രൂപയുമാണ് ഫീസ്.  12ന് മുമ്പ് ട്രഷറിയിൽ ചെലാൻ ഒടുക്കിയാണ് അപേക്ഷിക്കേണ്ടത്.  ഫോൺ: 0471-2501867.

108 ാമത് അപ്രന്റിസ് പരീക്ഷയുടെ ഫലം അപ്രന്റിസ് ആയ സ്ഥാപനത്തിലും ആർ.ഐ സെന്ററിലും ലഭ്യമാണ്.

പി.എൻ.എക്സ്. 1017/19

  കുടുംബശ്രീ ജില്ലാ മിഷന്‍റെ ആഭിമുഖ്യത്തില്‍ സംഘടിപ്പിക്കുന്ന ജില്ലാതല പാചക മത്സരം രുചിഭേദം ഇന്ന് (മാര്‍ച്ച് 29) രാവിലെ 9.30 മുതല്‍ കോട്ടയം മാമ്മന്‍ മാപ്പിള ഹാളില്‍ നടക്കും. 

      ക്ലിനിക്കല്‍ എസ്റ്റാബ്ലിഷ്മെന്‍റ് ആക്ട് 2018മായി ബന്ധപ്പെട്ട് ജില്ലയിലെ സ്വകാര്യ ആശുപത്രി അഡ്മിനിസ്ട്രേറ്റര്‍മാര്‍ക്കും ഡോക്ടര്‍മാര്‍ക്കുമായുള്ള ബോധവത്കരണ സെമിനാര്‍ മാര്‍ച്ച് 30ന് രാവിലെ 10 ന് കോട്ടയം ജനറല്‍ ആശുപത്രി കോമ്പൗണ്ടിലെ നാഷണല്‍ ഹെല്‍ത്ത് മിഷന്‍ കോണ്‍ഫറന്‍സ് ഹാളില്‍ നടക്കും.

   സൂര്യാഘാതവുമായി ബന്ധപ്പെട്ട മുന്‍കരുതലുകളുടെ ഭാഗമായി കോട്ടയം ചാലുകുന്ന്, കുടയംപടി, ബേക്കര്‍ ജംഗ്ഷന്‍ എന്നിവിടങ്ങളിലെ തൊഴിലിടങ്ങളില്‍ അസിസ്റ്റന്‍റ് ലേബര്‍ ഓഫീസറുടെ നേതൃത്വത്തില്‍ പരിശോധന നടത്തി. പകല്‍ 12 മുതല്‍ മൂന്നു വരെ  വെയിലത്തു ജോലി ചെയ്യാന്‍ പാടില്ലെന്ന് തൊഴിലാളികള്‍ക്കും തൊഴില്‍ ലുടമകള്‍ക്കും കര്‍ശന നിര്‍ദ്ദേശം നല്‍കി. 

വേനലിന്‍റെ തീവ്രത വര്‍ധിക്കുന്ന സാഹചര്യത്തില്‍ വളര്‍ത്തു മൃഗങ്ങളുടെ പരിരക്ഷ ഉറപ്പു വരുത്തുന്നതിന് മൃഗസംരക്ഷണ വകുപ്പ് കണ്‍ട്രോള്‍ റൂം തുറന്നു. ജില്ലാ വെറ്ററിനറി കേന്ദ്രത്തില്‍ ആരംഭിച്ച കണ്‍ട്രോള്‍ റും 24 മണിക്കൂറും പ്രവര്‍ത്തിക്കും. വരള്‍ച്ചമൂലം വളര്‍ത്തു മൃഗങ്ങള്‍ ചത്താല്‍  0481 2564623 എന്ന നമ്പരില്‍  വിവരം അറിയിക്കണം. 

2019ലെ ലോക്സഭാ തിരഞ്ഞെടുപ്പില്‍ മാതൃകാ പെരുമാറ്റച്ചട്ടവുമായി ബന്ധപ്പെട്ട് ഏറ്റുമാനൂര്‍ നിയമസഭാ നിയോജകമണ്ഡലത്തിലെ രാഷ്ട്രീയ പാര്‍ട്ടി പ്രതിനിധികളുടേയും വിവിധ സ്കാഡ് ലീഡര്‍മാരുടെയും യോഗം ഇന്ന് (മാര്‍ച്ച്29) രാവിലെ 11ന് ഏറ്റുമാനൂര്‍ ബ്ലോക്ക് പഞ്ചായത്ത് ഹാളില്‍ ചേരും