തയ്യല്‍ തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ കൈപ്പറ്റുന്നവരില്‍ ഇനിയും ആധാര്‍ ഹാജരാക്കാത്തവര്‍ തുടര്‍ന്ന് പെന്‍ഷന്‍ ലഭിക്കുന്നതിന് ആധാര്‍ ഹാജരാക്കണമെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

    എംപ്ലോയ്‌മെന്റ് എക്‌സ്‌ചേഞ്ച് മുഖേന പാര്‍ട്ട് ടൈം സ്വീപ്പര്‍മാരുടെ നിയമനത്തിനായി കലക്‌ട്രേറ്റില്‍ ആഗസ്റ്റ് 22, 25 തിയ്യതികളില്‍ നടന്ന അഭിമുഖത്തില്‍ പങ്കെടുത്തവരുടെ മാര്‍ക്ക് ലിസ്റ്റ് കലക്‌ട്രേറ്റിലെ നോട്ടീസ് ബോര്‍ഡില്‍ പ്രസിദ്ധീകരിച്ചിട്ടുണ്ട്.

    സംസ്ഥാന യുവജനക്ഷേമ ബോര്‍ഡും ജില്ലാ പഞ്ചായത്തും സംയുക്തമായി എടവണ്ണയില്‍ സംഘടിപ്പിക്കുന്ന ജില്ലാ കേരളോത്സവത്തിലെ മത്സര ഇനങ്ങളായ വായ്പാട്ട്, മണിപ്പൂരി, കഥക്, ഒഡീസി, സിത്താര്‍, ഫ്‌ളൂട്ട്, വീണ, ഹാര്‍മോണിയം (ലൈറ്റ്), ഗിറ്റാര്‍ തുടങ്ങിയ മത്സരങ്ങള്‍ക്ക് അപേക്ഷ ക്ഷണിച്ചു.  താല്‍പര്യമുള്ളവര്‍ നവംബര്‍ 15ന് വൈകുന്നേരം അഞ്ചിനകം ജില്ലാ പഞ്ചായത്തില്‍ അപേക്ഷ നല്‍കണം. ഫോണ്‍ 0483 2734933.

പ്രവാസി ചിട്ടികളുടെ സവിശേഷതകള്‍ നാട്ടില്‍ പ്രചരിപ്പിക്കുന്നതിന്റെ ഭാഗമായി കെ.എസ്.എഫ് പ്രവാസി ബന്ധു സംഗമങ്ങള്‍ നടത്തും. പ്രവാസി സംഘടനുകളുടെ സഹകരണത്തോടെയാണ് പരിപാടി നടത്തുക. ഇതിന്റെ ഭാഗമായി ജില്ലയിലെ ആദ്യ സംഗമം  ഇന്ന് (നവംബര്‍ 5) രാവിലെ 11 മണിക്ക് മഞ്ചേരി ടൗണ്‍ ഹാളില്‍ നടക്കും. തദ്ദേശ സ്വയം ഭരണവകുപ്പ് മന്ത്രി ഡോ. കെ.ടി. ജലീല്‍ ഉദ്ഘാടനം ചെയ്യും. അഡ്വ. എം.ഉമ്മര്‍ എം.എല്‍.എ അധ്യക്ഷത വഹിക്കും. എല്ലാ നിയോജക മണ്ഡലങ്ങളിലും സംഗമങ്ങള്‍ നടത്താനാണ് കെ.എസ്.എഫ്. ഇ പദ്ധതിയിട്ടിരിക്കുന്നത്.

    എം.ആര്‍. വാക്‌സിനേഷന്‍ ഉള്‍പ്പെടെയുള്ള രോഗ പ്രതിരോധ കുത്തിവെപ്പുകള്‍ ജില്ലയില്‍ പരിപ്പൂര്‍ണ്ണ വിജയമാക്കുന്നതിന് പ്രത്യേക പരിഗണ നല്‍കുമെന്ന് നാഷണല്‍ ഹെല്‍ത്ത് മിഷന്‍ (എന്‍.എച്ച്.എം) സ്റ്റേറ്റ് മിഷന്‍ ഡയറക്ടര്‍ കേശവേന്ദ്രകുമാര്‍ പറഞ്ഞു.  എം.ആര്‍. വാക്‌സിനേഷന്‍ ഉള്‍പ്പെടെയുള്ള രോഗ പ്രതിരോധ പ്രവര്‍ത്തനങ്ങള്‍ വിലയിരുത്തുന്നതിന് ജില്ലയില്‍ എത്തിയതായിരുന്നു അദ്ദേഹം.
    സാമൂഹിക മാധ്യമങ്ങളിലൂടെ എം.ആര്‍. വാക്‌സിനേഷനെതിരെ പ്രചാരണം നടത്തിയ മൂന്ന് പേര്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട് സംസ്ഥാന പൊലീസ് മേധാവിക്ക് പരാതി നല്‍കിയതായി അദ്ദേഹം പറഞ്ഞു.  

രാജ്യത്തിനുവേണ്ടി ജീവന്‍ ത്യജിച്ച രക്തസാക്ഷികളോടുള്ള ആദരവ് അര്‍പ്പിക്കുന്നതിനായി ഡിസംബര്‍ 7ന് ജില്ലാ സൈനിക ഓഫീസില്‍ സായുധ സേനാ പതാക ദിനം ആചരിക്കും. രാവിലെ 10 മണിയ്ക്ക് ദിനാചരണ പരിപാടികള്‍ ആരംഭിക്കും. 
പതാകദിനത്തോടനുബന്ധിച്ച് കാര്‍ ഫ്‌ളാഗുകളുടേയും ടോക്കണ്‍ ഫ്‌ളാഗുകളുടേയും വില്‍പ്പനയിലൂടെ സമാഹരിക്കുന്ന പതാകദിന ഫണ്ട് വിമുക്ത ഭടന്മാര്‍, സൈനികരുടെ വിധവകള്‍, മക്കള്‍ എന്നിവര്‍ക്ക് സാമ്പത്തിക സഹായം നല്‍കാന്‍ വിനിയോഗിക്കും. കാര്‍ ഫ്‌ളാഗിന് 20 രൂപയും ടോക്കണ്‍ ഫ്‌ളാഗിന് 10 രൂപയുമാണ് വില. 

മലബാറിലെ നെല്ലറകളിലൊന്നായ മേപ്പയൂര്‍ ഗ്രാമപഞ്ചായത്തിലെ കരുവോട്-കണ്ടംചിറ കൃഷിയോഗ്യമാക്കാനുളള സന്നദ്ധ പ്രവര്‍ത്തനം നവംബര്‍ 19 ന് നടക്കും. തൊഴില്‍ എക്‌സൈസ് വകുപ്പ് മന്ത്രി ടി.പി രാമകൃഷ്ണന്‍ ഉദ്ഘാടനം ചെയ്യും. മേപ്പയൂര്‍ ഗ്രാമപഞ്ചായത്തിലെ കീഴ്പ്പയ്യൂര്‍ പ്രദേശത്തെ ഒന്ന്, പതിനഞ്ച്, പതിനാറ്, പതിനേഴ് വാര്‍ഡുകളിലായി ചിതറിക്കിടക്കുന്ന ഫലഭൂയിഷ്ടമായ മണ്ണ് മൂന്ന് പതിറ്റാണ്ടായി കൃഷി ചെയ്യാതെ കിടക്കുകയാണ്.

മേലാറ്റൂര്‍ 110 കെ.വി സബ്‌സ്റ്റേഷനില്‍ അറ്റകുറ്റപണി നടക്കുന്നതിനാല്‍ നവംബര്‍ എട്ടിന് രാവിലെ എട്ട് മുതല്‍ വൈകുന്നേരം അഞ്ച് വരെ സബ്‌സ്റ്റേഷനില്‍ നിന്നുള്ള വൈദ്യുതി വിതരണം മുടങ്ങും.