തിരുവനന്തപുരം ഗവ: ഹോമിയോപ്പതിക് മെഡിക്കല്‍ കോളേജില്‍ സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി (ഹോമിയോ) 2017-18 കോഴ്‌സില്‍ അധ്യാപകരെ കരാര്‍ വ്യവസ്ഥയില്‍ നിയമിക്കും. അഞ്ച്. ഒഴിവുകളുണ്ട്. അംഗീകൃത സര്‍വ്വകലാശാലയുടെ ബി.എച്ച്.എം.എസ് ബിരുദവും, മെഡിക്കല്‍ കൗണ്‍സിലിന്റെ പെര്‍മനന്റ് രജിസ്‌ട്രേഷനും ആണ് അടിസ്ഥാന യോഗ്യത. എം.ഡി (ഹോമിയോ) ബിരുദം അഭിലഷണീയം. മണിക്കൂറിന് 500/-രൂപാ നിരക്കിന് ഒരു മാസം പരമാവധി 18,000/- രൂപ ശമ്പളം ലഭിക്കും.

തിരുവനന്തപുരം ഗവണ്‍മെന്റ് ലോ കോളേജില്‍ 2010-11, 2011-12 വരെയുള്ള കാലയളവില്‍ വിവിധ കോഴ്‌സുകള്‍ക്ക് പ്രവേശനം നേടിയ വിദ്യാര്‍ത്ഥികളുടെ കോഷന്‍ ഡെപ്പോസിറ്റ് തുക ഡിസംബര്‍ 20 മുതല്‍ 23 വരെയുള്ള തീയതികളില്‍ വിതരണം ചെയ്യും.  വിദ്യാര്‍ത്ഥികള്‍ കോളേജ് തിരിച്ചറിയല്‍ കാര്‍ഡ് സഹിതം രാവിലെ 10 നും മൂന്നിനും ഇടയില്‍ ഓഫീസില്‍ ഹാജരായി കോഷന്‍ ഡെപ്പോസിറ്റ് തുക കൈപ്പറ്റണം.

പി.എന്‍.എക്‌സ്.5194/17

സംസ്ഥാന സര്‍ക്കാരിന്റേയും കൊച്ചിന്‍ ഇന്റര്‍നാഷണല്‍ എയര്‍പോര്‍ട്ട് ലിമിറ്റിഡിന്റേയും സംയുക്തസംരംഭമായ കേരള വാട്ടര്‍വേയ്‌സ് ആന്റ് ഇന്‍ഫ്രാസ്ട്രക്‌ചേഴ്‌സ് ലിമിറ്റഡ് വിവിധ തസ്തികകളിലേക്ക് ഡെപ്യൂട്ടേഷന്‍ വ്യവസ്ഥയില്‍ നിയമനം നടത്തുന്നു. കേന്ദ്ര, സംസ്ഥാന സര്‍ക്കാര്‍ സ്ഥാപനങ്ങള്‍, അര്‍ദ്ധസര്‍ക്കാര്‍ സ്ഥാപനങ്ങള്‍, പൊതുമേഖലാ സ്ഥാപനങ്ങള്‍, ബോര്‍ഡുകള്‍, കോര്‍പറേഷനുകള്‍ എന്നിവിടങ്ങളില്‍ ജോലി ചെയ്യുന്നവര്‍ക്ക് അപേക്ഷിക്കാം.

2017-18 വര്‍ഷത്തെ ഒ.ബി.സി പ്രീമെട്രിക് സ്‌കോളര്‍ഷിപ്പിന് ഡാറ്റാ എന്‍ട്രി നടത്തുന്നതിനുള്ള തീയതി ഡിസംബര്‍ 15 വൈകിട്ട് അഞ്ചു മണിവരെ നീട്ടി. ഐ.റ്റി@സ്‌കൂളിന്റെ സ്‌കോളര്‍ഷിപ്പ് പോര്‍ട്ടലിലൂടെ സ്‌കൂള്‍ അധികൃതര്‍ക്ക് വിദ്യാര്‍ത്ഥികളുടെ വിവരങ്ങള്‍ നല്‍കാം.

പി.എന്‍.എക്‌സ്.5192/17

    ജനാധിപത്യ ഭരണ സംവിധാനത്തില്‍ ജനങ്ങള്‍ തെരഞ്ഞെടുക്കുന്ന സര്‍ക്കാരിന് ജനങ്ങളോടു മാത്രമാണ് ബാധ്യതയെന്ന് ഭരണ പരിഷ്‌കാര കമ്മീഷന്‍ ചെയര്‍മാന്‍ വി.എസ്. അച്യുതാനന്ദന്‍ പറഞ്ഞു. ഭരണപരിഷ്‌കാര കമ്മീഷന്‍ തിരുവനന്തപുരത്ത് സംഘടിപ്പിച്ച സ്ത്രീകളുടെയും കുട്ടികളുടെയും പ്രശ്‌നങ്ങള്‍ സംബന്ധിച്ച പബ്ലിക് ഹിയറിംഗ്  ഉദ്ഘാടനം ചെയ്യുകയായിരുന്നു അദ്ദേഹം. 

കോഴിക്കോട് ഗവ.എന്‍ജിനീയറിംഗ് കോളജിന്റെ കാന്റീന്‍ 2018 ജനുവരി 1 മുതല്‍ 2019 ഡിസംബര്‍ 31 വരെ നടത്താന്‍ താല്‍പര്യമുള്ളവരില്‍ നിന്നും മുദ്രവെച്ച ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ ഡിസംബര്‍ 12ന് വൈകുന്നേരം 4ന് മുമ്പ് പ്രിന്‍സിപ്പാള്‍, ഗവ.എന്‍ജിനീയറിംഗ് കോളജ്, വെസ്റ്റ്ഹില്‍ പോസ്റ്റ്, കോഴിക്കോട് 673005 എന്ന വിലാസത്തില്‍ ലഭിക്കണം. കൂടുതല്‍ വിവരങ്ങള്‍ക്ക് 0495 2383210.
 

കേരള തീരത്ത് അടുത്ത 48 മണിക്കൂറില്‍ ഏകദേശം 65 കി.മി വേഗതയില്‍ തെക്ക് കിഴക്ക് ദിശയില്‍ ശക്തമായ കാറ്റിന് സാധ്യതയുണ്ടെന്ന് കാലാവസ്ഥ കേന്ദ്രത്തിന്റെ മുന്നറിയിപ്പ്  ലഭ്യമായതിനാല്‍   മത്സ്യത്തൊഴിലാളികള്‍ അതീവ ജാഗ്രത പാലിക്കേണ്ടതാണെന്നും മത്സ്യബന്ധനത്തിന് ഏര്‍പ്പെടരുതെന്നും  ബേപ്പൂര്‍ ഫിഷറീസ്   സ്റ്റേഷന്‍   സ്‌പെഷ്യല്‍ കണ്‍റോള്‍ റൂമില്‍ നിന്നും ഫിഷറീസ്  അസിസ്റ്റന്റ് ഡയറക്ടര്‍ അറിയിച്ചു.  കൂടുതല്‍ വിവരങ്ങള്‍ക്ക്  0495 - 2414074,  9496007038,   ഋാമശഹ ശറ  മറളയല്യുീൃല@ഴാമശഹ.രീാ.
 

    2017-18 അദ്ധ്യയന വര്‍ഷത്തില്‍ ഗവ. ഹോമിയോപ്പതിക് മെഡിക്കല്‍ കോളേജില്‍ പുതുതായി ആരംഭിക്കുന്ന സര്‍ട്ടിഫിക്കറ്റ് കോഴ്‌സ് ഇന്‍ ഫാര്‍മസി ക്ക് അഭിമുഖം   വഴി കരാര്‍ അടിസ്ഥാനത്തില്‍ അഞ്ച് പാര്‍ട്ട് ടൈം അധ്യാപകരെ നിയമിക്കുന്നു. അഭികാമ്യ യോഗ്യത : ബി.എച്ച്.എം.എസ്, മെഡിക്കല്‍ കൗണ്‍സില്‍ സ്ഥിരം രജിസ്‌ട്രേഷന്‍. അഭീലക്ഷണീയ യോഗ്യത : എം.ഡി ഹോമിയോ, അദ്ധ്യാപന പരിചയം. യോഗ്യരായ അപേക്ഷകര്‍ ബന്ധപ്പെട്ട അസ്സല്‍ സര്‍ട്ടിഫിക്കറ്റ് സഹിതം ഡിസംബര്‍ എട്ടിന് രാവിലെ 9.30 ന് കാരപ്പറമ്പിലുളള ഗവ. ഹോമിയോപ്പതിക് മെഡിക്കല്‍ കോളേജ് പ്രിന്‍സിപ്പാള്‍ മുമ്പാകെ ഹാജരാവണം
 

    കോഴിക്കോട് നിര്‍ഭയ ഷെല്‍ട്ടര്‍ ഹോമില്‍ സോഷ്യല്‍ വര്‍ക്കര്‍/കൗണ്‍സിലര്‍, കുക്ക് തസ്തികയിലേക്ക്  ഒരു വര്‍ഷത്തെ കരാര്‍ അടിസ്ഥാനത്തില്‍ നിയമനത്തിനായി അപേക്ഷ ക്ഷണിച്ചു. പ്രസിഡണ്ട്, അന്വേരഷി വിമന്‍സ്  കൗണ്‍സിലിംഗ് സെന്റര്‍, കുതിരവട്ടം പി.    ഒ, കോഴിക്കോട് എന്ന വിലാസത്തില്‍ അപേക്ഷ അയക്കാം. അപേക്ഷ ഡിസംബര്‍ 15 നു മുമ്പായി സര്‍പ്പിക്കണം. ഫോണ്‍ : 9496386933. ഇ.മെയില്‍ : anweshicalicut@gmail.com.