സര്‍ക്കാര്‍ കാര്യാലയങ്ങള്‍, സര്‍ക്കാര്‍ സ്ഥാപനങ്ങള്‍, സര്‍ക്കാര്‍ കോളേജുകള്‍, സര്‍ക്കാര്‍ സ്‌കൂളുകള്‍ എന്നിവയില്‍ നിലവിലുള്ള മഴവെള്ള സംഭരണ സംവിധാനങ്ങള്‍ പ്രവര്‍ത്തനക്ഷമമാക്കുന്നതിന് ആവശ്യമായ ഫണ്ടിന്റെ വിവരം ജില്ലാ കലക്ടറെ അറിയിക്കണം.

    കേരള പ്രവാസി വെല്‍ഫെയര്‍ ബോര്‍ഡ് ഒരുക്കുന്ന പ്രവാസി കൂട്ടായ്മയും ബോര്‍ഡിന്റെ സമ്പൂര്‍ണ്ണ അംഗത്വ ഡിജിറ്റലൈസേഷന്റെ ഉദ്ഘാടനവും ഇന്ന് (ഡിസംബര്‍ 23)  മുഖ്യമന്ത്രി പിണറായി വിജയന്‍ നിവ്വഹിക്കും.  വൈകിട്ട് മൂന്നിന് മലപ്പുറം ടൗണ്‍ ഹാളില്‍ നടക്കുന്ന പരിപാടിയില്‍ കേരള പ്രവാസി വെല്‍ഫെയര്‍ ബോര്‍ഡ് ചെയര്‍മാന്‍ പി.ടി. കുഞ്ഞിമുഹമ്മദ് അധ്യക്ഷത വഹിക്കും.  

പ്രവൃത്തി ഉദ്ഘാടനം ഇന്ന് മുഖ്യമന്ത്രി നിര്‍വ്വഹിക്കും
    താനൂര്‍ നഗരസഭയിലും സമീപ പഞ്ചായത്തുകളായ ചെറിയമുണ്ടം, പൊ•ുണ്ടം, താനാളൂര്‍, നിറമരുതൂര്‍ പഞ്ചായത്തുകള്‍ക്കും വേണ്ടിയുള്ള സമഗ്ര കുടിവെള്ള പദ്ധതിയുടെ പ്രവൃത്തി ഉദ്ഘാടനം ഇന്ന് (ഡിസംബര്‍ 23) രാവിലെ 11ന് മുഖ്യമന്ത്രി പിണറായി വിജയന്‍ നിര്‍വ്വഹിക്കും. ചെറിയമുണ്ടം പഞ്ചായത്ത് പരിസരത്ത് നടക്കുന്ന ചടങ്ങില്‍   ജല വിഭവ വകുപ്പ് മന്ത്രി മാത്യു.ടി.തോമസ് അധ്യക്ഷത വഹിക്കും.

    ഓട്ടിസം, സെറിബ്രല്‍ പാള്‍സി തുടങ്ങിയ മസ്തിഷ്ക്ക ഭിന്നശേഷിക്കാരുടെ ക്ഷേമ പ്രവര്‍ത്തനങ്ങള്‍ക്കായി പ്രവര്‍ത്തിക്കുന്ന ലോക്കല്‍ ലെവല്‍ കമ്മിറ്റി യോഗം ഡിസംബര്‍ 27 ഉച്ചയ്ക്ക് രണ്ടിന് ജില്ലാ കലക്റ്ററുടെ ചേംബറില്‍ ചേരും. ബന്ധപ്പെട്ടവര്‍ കൃത്യസമയത്ത് പങ്കെടുക്കണമെന്ന് ജില്ലാ കലക്റ്റര്‍ അറിയിച്ചു.
 

    പകര്‍ച്ചവ്യാധി പ്രതിരോധം ജില്ലയില്‍ ശക്തമാക്കുന്നതിനായി ജില്ലാ കലക്റ്ററുടെ അധ്യക്ഷതയില്‍ യോഗം ചേരും. ഇന്ന് (ഡിസംബര്‍ 23) ഉച്ചയ്ക്ക് 2.30ന് കലക്റ്ററേറ്റ് സമ്മേളനഹാളില്‍ നടക്കുന്ന യോഗത്തില്‍ ജില്ലാതല ഉദ്യോഗസ്ഥരും ആരോഗ്യ പ്രവര്‍ത്തകരും തോട്ടം ഉടമകളും പങ്കെടുക്കും.

    ജില്ലാ കുടുംബശ്രീ മിഷന്‍ ബാലസഭ കുട്ടികളില്‍ ഗണിതത്തിനോടുള്ള താത്പര്യം വളര്‍ത്തുന്നതിനായി നടത്തുന്ന ഗണിതോത്സവം ഇന്ന് (ഡിസംബര്‍ 23)ന് വിക്റ്റോറിയ കോളെജില്‍ നടക്കും. ഇതുമായി ബന്ധപ്പെട്ട് ഗണിതശാസ്ത്ര ബാലസഭ, ക്വിസ് മത്സരം, തത്സമയ നിര്‍മാണം, പ്രൊജക്റ്റ് മത്സരങ്ങള്‍ ഗണിതോത്സവത്തിന്‍റെ ഭാഗമായി സംഘടിപ്പിച്ചിട്ടുണ്ട്.

    നാടന്‍ കലകളുടെ പ്രോത്സാഹനത്തിനായി സംസ്ഥാന ടൂറിസം വകുപ്പ് ജനുവരി അഞ്ച് മുതല്‍ 11വരെ രാപ്പാടി ഓഡിറ്റോറിയത്തില്‍ നടത്തുന്ന 'ഉത്സവം' പരിപാടിയുടെ നടത്തിപ്പ് ചര്‍ച്ച ചെയ്യുന്നതിനായി ഡിസംബര്‍ 26 വൈകിട്ട് മൂന്നിന് ജില്ലാ കലക്റ്ററുടെ ചേംബറില്‍ യോഗം ചേരും. ബന്ധപ്പെട്ടവര്‍ പങ്കെടുക്കണമെന്ന് ഡി.റ്റി.പി.സി. സെക്രട്ടറി അറിയിച്ചു.