കേരള സ്റ്റേറ്റ് ഹാന്‍ഡ്‌ലൂം വീവേഴ്‌സ് കോ ഓപ്പറേറ്റീവ് സൊസൈറ്റി ലിമിറ്റഡിലെ ഡ്രൈവര്‍ ഗ്രേഡ് രണ്ട് തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടിട്ടുളള ഉദ്യോഗാര്‍ത്ഥികള്‍ക്കായി ഡ്രൈവിംഗ് പ്രായോഗിക പരീക്ഷ 2018 ജനുവരി മൂന്ന്, നാല്, അഞ്ച് തീയതികളില്‍ രാവിലെ 6.30ന് കൊല്ലം ആശ്രാമം മൈതാനത്ത് നടത്തും.  ചുരുക്കപ്പട്ടികയില്‍ ഉള്‍പ്പെട്ട ഉദ്യോഗാര്‍ത്ഥികള്‍ അഡ്മിഷന്‍ ടിക്കറ്റ് ഡൗണ്‍ ലോഡ് ചെയ്ത്, ഡ്രൈവിംഗ് ലൈസന്‍സിന്റെ അസല്‍ സഹിതം എത്തണം.  ഡിസംബര്‍ 28നകം അറിയിപ്പ് ലഭിക്കാത്തവര്‍ പി.എസ്.സിയുടെ കൊല്ലം മേഖലാ ഓഫീസുമായി ബന്ധപ്പെടണം.

പി.എന്‍.എക്‌സ്.5528/17

മുഖ്യമന്ത്രിക്ക് നന്ദിയും പൂക്കളുമായി ഭിന്നശേഷിക്കാരായ വിദ്യാര്‍ത്ഥികളെത്തി. കോഴിക്കോട് മുക്കം ലവ്‌ഷോര്‍ ഇന്‍സ്റ്റിറ്റ്യൂട്ട് ഫോര്‍ മെന്റലി ചലഞ്ചിലെ കുട്ടികളാണ് മുഖ്യമന്ത്രി പിണറായി വിജയനെ കാണാന്‍ സെക്രട്ടേറിയറ്റിലെത്തിയത്. 

ആലപ്പുഴ ഇന്‍ഡസ്ട്രിയല്‍ ട്രൈബ്യൂണല്‍ എം.ബി പ്രജിത്ത്, 2018 ജനുവരി നാല്, അഞ്ച്, 11, 12, 18, 19, 25 തീയതികളില്‍ എറണാകുളം ലേബര്‍ കോടതിയിലും, ഒമ്പതിന് മൂവാറ്റുപുഴ കച്ചേരിത്താഴം കോര്‍ട്ട് കോംപ്ലക്‌സിലുളള ഓള്‍ഡ് ഫാമിലി കോര്‍ട്ട് ഹാളിലും  30ന് പത്തനംതിട്ട ജില്ലാ മീഡിയേഷന്‍ സെന്ററിലും, മറ്റ് പ്രവൃത്തി ദിവസങ്ങളില്‍ ആസ്ഥാനത്തും തൊഴില്‍ തര്‍ക്ക കേസുകളും, എംപ്ലോയീസ് ഇന്‍ഷ്വറന്‍സ്  കേസുകളും, എംപ്ലോയീസ് കോമ്പന്‍സേഷന്‍ കേസുകളും വിചാരണ ചെയ്യും.

പി.എന്‍.എക്‌സ്.5526/17

പത്തനംതിട്ട ജില്ലയില്‍ എന്‍.സി.സി/സൈനിക് വെല്‍ഫെയര്‍ വകുപ്പില്‍ ഡ്രൈവര്‍ ഗ്രേഡ് രണ്ട് (എച്ച്.ഡി.വി) വിമുക്തഭടന്‍ മാത്രം (കാറ്റഗറി നം. 533/15) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ട വണ്‍ടൈം വെരിഫിക്കേഷന്‍ പൂര്‍ത്തിയാക്കിയവര്‍ക്കായി എറണാകുളം റീജിയണല്‍ പി.എസ്.സി ഓഫീസില്‍ 2018 ജനുവരി മൂന്നിന് അഭിമുഖം നടത്തും.  ഉദ്യോഗാര്‍ത്ഥികള്‍ വണ്‍ടൈം വെരിഫിക്കേഷന്‍ സര്‍ട്ടിഫിക്കറ്റ്, മറ്റ് സര്‍ട്ടിഫിക്കറ്റുകള്‍ സഹിതം അഭിമുഖത്തിനെണം.  ഡിസംബര്‍ 28 വരെ അറിയിപ്പ് ലഭിക്കാത്തവര്‍ പി.എസ്.സിയുടെ പത്തനംതിട്ട ജില്ലാ ഓഫീസുമായി ബന്ധപ്പെടണം.

പി.എന്‍.എക്‌സ്.5525/17

പകര്‍ച്ചവ്യാധികളുടെ  പ്രതിരോധത്തിനും നിയന്ത്രണത്തിനുമായി കേരള സര്‍ക്കാരിന്റെ  നേതൃത്വത്തില്‍ ആരോഗ്യവകുപ്പ് ആര്‍ദ്രം മിഷനും തദ്ദേശ സ്വയം ഭരണ സ്ഥാപനങ്ങളും ഇതര സര്‍ക്കാര്‍ വകുപ്പുകളുമായി ചേര്‍ന്ന് ജനുവരി മുതല്‍ നടപ്പിലാക്കുന്ന 'ആരോഗ്യ ജാഗ്രതയ്ക്ക് അന്തിമ രൂപം നല്‍കി.  ആരോഗ്യ വകുപ്പ് മന്ത്രി കെ.കെ. ശൈലജ ടീച്ചറുടെ അധ്യക്ഷതയില്‍ കൂടിയ ഉന്നതതല യോഗത്തിലാണ് തീരുമാനത്തിലായത്.

തിരുവനന്തപുരം പി.എം.ജിയിലെ സ്റ്റേഷനറി കണ്‍ട്രോളറുടെ ഓഫീസുമായി ബന്ധപ്പെടാന്‍ നിലവിലുണ്ടായിരുന്ന 0471 2305637, 2300584 എന്നീ ടെലഫോണ്‍ നമ്പറുകള്‍ക്ക് പകരം 0471 2785900 എന്ന നമ്പര്‍ നിലവില്‍ വന്നു.

പി.എന്‍.എക്‌സ്.5523/17

സംസ്ഥാനത്തെ 30,000 ഹായ് സ്‌കൂള്‍ കുട്ടിക്കൂട്ടം അംഗങ്ങളെ ഉള്‍പ്പെടുത്തി ഇന്നു മുതല്‍ (ഡിസംബര്‍ 27) ഇ@ഉത്സവ് ഏകദിന ക്യാമ്പ് ആരംഭിക്കും. വിദ്യാഭ്യാസ വകുപ്പിനു കീഴിലുള്ള കേരള ഇന്‍ഫ്രാസ്ട്രക്ചര്‍ ആന്‍ഡ് ടെക്‌നോളജി ഫോര്‍ എഡ്യൂക്കേഷന്‍ (കൈറ്റ്- മുന്‍ ഐടി@സ്‌കൂള്‍ പ്രോജക്ട്) ആണ് ക്യാമ്പ് സംഘടിപ്പിക്കുന്നത്. ആകെ 952കേന്ദ്രങ്ങളിലായി 1942 പരിശീലകരെ ഉപയോഗിച്ചാണ് ഡിസംബര്‍ 30 വരെ ക്യാമ്പ് നടത്തുന്നത്. ആദ്യ ദിനം പന്ത്രണ്ടായിരം കുട്ടികള്‍ പങ്കെടുക്കും.

കേരളത്തിലെ ആഴക്കടലില്‍ മത്‌സ്യബന്ധനത്തിനു പോകുന്ന വള്ളങ്ങളെയും ബോട്ടുകളെയും ജനുവരി മുതല്‍ നാവിക് നയിക്കും. മത്സ്യത്തൊഴിലാളികള്‍ക്ക് കരയിലും കടലിലും ഒരുപോലെ അപകടസാദ്ധ്യതാ വിവരങ്ങള്‍ ലഭ്യമാക്കുന്നതിനു ഐ.എസ്.ആര്‍.ഒയുമായി ചേര്‍ന്ന് സംസ്ഥാന സര്‍ക്കാര്‍ ഒരുക്കുന്ന സംവിധാനമാണ് നാവിക്. 

സര്‍ക്കാരിന്റെ ഓഖി ദുരിതാശ്വാസ നിധിയിലേക്ക്  സഹകരണ മേഖലയില്‍നിന്നുള്ള സംഭാവനയുടെ ആദ്യ ഗഡുവായ 5.10 കോടി രൂപ സഹകരണ മന്ത്രി കടകംപള്ളി സുരേന്ദ്രന്‍ മുഖ്യമന്ത്രി പിണറായി വിജയനു കൈമാറി.

ഓഖി ദുരന്തത്തെത്തുടര്‍ന്ന് കേരളത്തിലുണ്ടായ നഷ്ടം നേരിട്ട് മനസിലാക്കുന്നതിന് കേന്ദ്രസംഘം എത്തി. കേന്ദ്ര ആഭ്യന്തര വകുപ്പിന് കീഴിലുള്ള ദുരന്ത നിവാരണ വിഭാഗം അഡീഷണല്‍ സെക്രട്ടറി ബിപിന്‍ മല്ലിക്, കേന്ദ്ര ഫിഷറീസ് വകുപ്പ് അസി. കമ്മീഷണര്‍ ഡോ. സഞ്ജയ് പാണ്‌ഡേ എന്നിവര്‍ സെക്രട്ടേറിയറ്റിലെത്തി മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി.