കൊച്ചി: ജില്ലാ കളക്ടര്‍ മുഹമ്മദ് വൈ സഫിറുള്ള ക്ലബ്ബ് റോഡില്‍ ഔദ്യോഗിക വസതിയോട് ചേര്‍ന്നുള്ള ക്യാമ്പ് ഓഫീസില്‍ രാവിലെ 9 മുതല്‍ 9.30 വരെ എല്ലാ ദിവസവും സന്ദര്‍ശകരെ കാണും

കൊച്ചി: മോട്ടോര്‍ വാഹന വകുപ്പും, പോലീസ് വകുപ്പും പുതുവത്സരദിനത്തോടനുബന്ധിച്ച് നഗരത്തിലും മറ്റു പ്രധാന റോഡുകളിലും സംയുക്തമായി വാഹന പരിശോധന നടത്തി. 37 ഡ്രൈവിംഗ് ലൈസന്‍സുകള്‍ അസാധുവാക്കാന്‍ നടപടി സ്വീകരിച്ചു. മദ്യപിച്ച് വാഹനം ഓടിച്ചതിനും ട്രാഫിക് സിഗ്നല്‍ ലംഘിച്ചതിനും മൂന്ന് യാത്രക്കാരുമായി ബൈക്കുകള്‍ ഓടിച്ചതിനുമാണ് 37 ലൈസന്‍സുകള്‍ അസാധുവാക്കാന്‍ നടപടി സ്വീകരിച്ചത്. വാഹന പരിശോധനയ്ക്ക് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ (എന്‍ഫോഴ്‌സ്‌മെന്റ്) കെ.എം.ഷാജി നേതൃത്വം നല്‍കി. വൈകിട്ട് അഞ്ചു മുതല്‍ പുലര്‍ച്ചെ മൂന്നു വരെയായിരുന്നു വാഹന പരിശോധന.

     സര്‍വ്വശിക്ഷാ അഭിയാന്‍ പൊതു വിദ്യാലയങ്ങള്‍ക്കായി തയ്യാറാക്കിയിരിക്കുന്ന 'മികവിന്‍റെ വഴികള്‍' എന്ന കൈപ്പുസ്തകം ജില്ലാ പഞ്ചായത്ത് പ്രസിഡന്‍റ് അന്നപൂര്‍ണ ദേവി പ്രകാശനം ചെയ്തു. ജില്ലാ പഞ്ചായത്ത് ഓഫീസില്‍ നടന്ന ചടങ്ങില്‍ ജില്ലാ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍ കെ.ജി അനിത അധ്യക്ഷത വഹിച്ചു. പത്തനംതിട്ട ബി.പി.ഒ മിനി. കെ.ജി കൈപ്പുസ്തകം ഏറ്റുവാങ്ങി.

    എത്തിയോസ് എജ്യൂക്കേഷണല്‍ ഇനിയേറ്റീവ്‌സ് പ്രൈവറ്റ് ലിമിറ്റഡ് എന്ന സ്ഥാപനം പാലക്കാട് പ്രവര്‍ത്തിക്കുന്ന ട്രെയിനിംഗ് സെന്ററില്‍ പട്ടികജാതി വിഭാഗത്തില്‍പ്പെട്ടവര്‍ക്ക് സര്‍ട്ടിഫിക്കറ്റ് ഇന്‍ ഗ്രാഫിക്‌സ് & വെബ് ഡിസൈനിംഗ് കോഴ്‌സിലേയ്ക്ക് അപേക്ഷ ക്ഷണിച്ചു.  

    പകര്‍ച്ചവ്യാധി പ്രതിരോധത്തിനും നിയന്ത്രണത്തിനുമായി നടപ്പാക്കുന്ന ജാഗ്രത പരിപാടിയുടെ ജില്ലാതല കോര്‍ഡിനേഷന്‍ കമ്മിറ്റി രൂപീകരണയോഗം നാളെ (മൂന്നിന്) രാവിലെ 10ന് ജലവിഭവ വകുപ്പ് മന്ത്രി മാത്യു ടി.തോമസിന്‍റെ അധ്യക്ഷതയില്‍ പത്തനംതിട്ട ഹോട്ടല്‍ ഹില്‍പാര്‍ക്കില്‍ ചേരും.                                (പിഎന്‍പി 3505/17)

    ജില്ലാ പഞ്ചായത്ത് തിരുവനന്തപുരം ജില്ലയില്‍ 2017 - 18 സാമ്പത്തികവര്‍ഷം എട്ട്, ഒന്‍പത്, പത്ത് ക്ലാസുകളില്‍ പഠിക്കുന്ന പട്ടികവര്‍ഗ്ഗ വിദ്യാര്‍ഥികള്‍ക്ക് സൈക്കിള്‍ വാങ്ങി നല്‍കുന്നതിനായി അപേക്ഷ ക്ഷണിച്ചു.  
    അപേക്ഷയോടൊപ്പം ജാതി, വരുമാന സര്‍ട്ടിഫിക്കറ്റിന്റെ പകര്‍പ്പ് ബന്ധപ്പെട്ട വിദ്യാഭ്യാസ സ്ഥാപന മേധാവിയുടെ സാക്ഷ്യപത്രം എന്നിവയും ഉള്ളടക്കം ചെയ്യണം.  അപേക്ഷകള്‍ ജനുവരി അഞ്ച് വൈകിട്ട് അഞ്ച് മണിക്ക് മുന്‍പായി നെടുമങ്ങാട് ഐ.റ്റി.ഡി.പി. ഓഫീസിലോ, വാമനപുരം, കാട്ടാക്കട എന്നിവിടങ്ങളില്‍ പ്രവര്‍ത്തിച്ചുവരുന്ന ട്രൈബല്‍ എക്സ്റ്റന്‍ഷന്‍ ഓഫീസിലോ ലഭിക്കണം. 
(പി.ആര്‍.പി 1001/2018)

    കോഴഞ്ചേരി താലൂക്ക് വികസന സമിതിയോഗം ഈ മാസം ആറിന് രാവിലെ 11ന് താലൂക്ക് ഓഫീസില്‍ ചേരും. ബന്ധപ്പെട്ടവര്‍ യോഗത്തില്‍ പങ്കെടുക്കണമെന്ന് തഹസീല്‍ദാര്‍ അറിയിച്ചു.                                                         (പിഎന്‍പി 3520/17)

    കോന്നിയില്‍ പ്രവര്‍ത്തിക്കുന്ന കൗണ്‍സില്‍ ഫോര്‍ ഫുഡ് റിസര്‍ച്ച് ആന്‍ഡ് ഡെവലപ്മെന്‍റ് ഓഫീസില്‍ ഒരു ഓഫീസ് അസിസ്റ്റന്‍റിനെ കരാര്‍ അടിസ്ഥാനത്തില്‍ നിയമിക്കുന്നു. ബി.കോം, ടാലിയിലുള്ള പരിജ്ഞാനം എന്നിവയാണ് യോഗ്യത. അപേക്ഷ സ്വീകരിക്കുന്ന അവസാന തീയതി ഈ മാസം 12. കൂടുതല്‍ വിവരത്തിനും അപേക്ഷാഫോമിനും www.supplycokerala.com എന്ന സൈറ്റ് സന്ദര്‍ശിക്കുക.
                                                (പിഎന്‍പി 3519/17)