സാമൂഹിക  നീതി വകുപ്പും കേരള സംസ്ഥാന ബാലാവകാശ സംരക്ഷണ കമ്മീഷനും സംയുക്തമായി നടത്തുന്ന ബാലാവകാശ വാരാഘോഷത്തിന് ജില്ലയില്‍ ജില്ലാ ശിശു സംരക്ഷണ യൂണിറ്റിന്റെ നേതൃത്വത്തില്‍ തുടക്കമായി.  നവംബര്‍ 14 മുതല്‍ 20 വരെ നീണ്ടു നില്‍ക്കുന്ന വാരാഘോഷത്തിന്റെ  ജില്ലാതല ഉദ്ഘാടനം  ഷാഫി പറമ്പില്‍ എം.എല്‍.എ നിര്‍വഹിച്ചു. ചൈല്‍ഡ് വെല്‍ഫയര്‍ കമ്മിറ്റി അംഗം വി പി കുര്യാക്കോസ് അധ്യക്ഷനായി. ജില്ലാ ശിശു സംരക്ഷണ ഓഫീസര്‍ കെ.ആനന്ദന്‍ , ജുവനൈല്‍ ജസ്റ്റിസ്  ബോര്‍ഡ് അംഗം ഡോ.പി.സി ഏലിയാമ്മ, ചൈല്‍ഡ് ലൈന്‍ ഡയറക്ടറായ ഫാ.

കൊച്ചി: ശാസ്ത്രബോധത്തില്‍ നിന്ന് കേരളസമൂഹം അകന്നു പോകുകയാണെന്ന് കൊച്ചി സര്‍വകലാശാല വൈസ് ചാന്‍സലര്‍ ഡോ. ജെ. ലത അഭിപ്രായപ്പെട്ടു. ശാസ്ത്രത്തെയും സാങ്കേതികവിദ്യയെയും കൂട്ടിയിണക്കി ശാസ്ത്രബോധത്തെ തിരികെ പിടിക്കണം. സാങ്കേതികവിദ്യയുടെ മതിഭ്രമത്തിലമരുന്ന കുട്ടികള്‍ ശാസ്ത്രബോധത്തില്‍ നിന്ന് അകലുകയാണ്. ശാസ്ത്രം സമൂഹത്തിലേക്ക് ഇറങ്ങിച്ചെല്ലണം. അടിസ്ഥാന വിഷയങ്ങളില്‍ ഗവേഷണങ്ങളെ പ്രോത്സാഹിപ്പിക്കുകയും സാമൂഹ്യമാറ്റത്തിനുള്ള ഉപകരണങ്ങളാക്കുകയും വേണം. പരീക്ഷണശാലയില്‍ മാത്രമായി ശാസ്ത്രത്തെ ഒതുക്കരുതെന്നും ജെ. ലത പറഞ്ഞു.

കണ്ണമ്പ്ര ഗ്രാമപഞ്ചായത്തില്‍ 500 ഏക്കര്‍ സ്ഥലത്ത്  വ്യാവസായിക പാര്‍ക്കും അഞ്ചര ഏക്കര്‍ സ്ഥലത്ത്  ക്രാഫ്റ്റ് വില്ലേജും നിര്‍മിക്കുമെന്ന് പിന്നാക്കക്ഷേമ-നിയമ-സാംസ്‌കാരിക വകുപ്പ് മന്ത്രി എ. കെ. ബാലന്‍ പറഞ്ഞു. തരൂര്‍ നിയോജകമണ്ഡലത്തില്‍ അടുത്ത സാമ്പത്തികവര്‍ഷം ബജറ്റിലുള്‍പ്പെടുത്തി നടപ്പിലാക്കേണ്ട പദ്ധതികളെക്കുറിച്ച് ചര്‍ച്ച ചെയ്യുന്നതിന് പെരിങ്ങോട്ടുകുറിശ്ശി ഗ്രാമപഞ്ചായത്ത് ഹാളില്‍ ചേര്‍ന്ന ജനപ്രതിനിധി-ഉദ്യോഗസ്ഥസംഗമം ഉദ്ഘാടനം ചെയ്തു സംസാരിക്കുകയായിരുന്നു മന്ത്രി. രണ്ടായിരം കോടി ചെലവ് പ്രതീക്ഷിക്കുന്ന വ്യാവസായിക പാര്‍ക്കിനായുള്ള ഭൂമി ഏറ്റെടുക്കുന്നതിന് സര്‍വെ നടപടികള്‍ പുരോഗമിക്കുകയാണ്.

ഒറ്റ വിളവില്‍ 300 പറ(ഒരു പറ-30 കിലോഗ്രാം) നെല്ല് കൊയ്തെടുത്ത് കാരക്കുറുശ്ശി എയിംസ് യൂത്ത് ക്ലബ്ബ് നാടിന് മാതൃകയായി. കൊയ്തെടുക്കുന്ന നെല്ല് ക്ലബ് അംഗങ്ങളെല്ലാം വീതിച്ചെടുക്കും. പാട്ടത്തിനെടുത്ത മൂന്ന് ഏക്കര്‍ ഭൂമിയിലാണ് കൃഷി നടത്തുന്നത്. ഇനി അത്രയും കിട്ടിയില്ലെങ്കില്‍ ഉളളത് വീതിച്ചെടുക്കും. ഈ വര്‍ഷത്തെ മികച്ച നെഹ്റു യുവകേന്ദ്ര യൂത്ത് ക്ലബ്ബ് അവാര്‍ഡ് നേടിയ കാരക്കുറുശ്ശി എയിംസ് ക്ലബ്ബ് പ്രസിഡന്റ് എം.ജി രഘുനാഥും എം.പി മനോജും വ്യക്തമാക്കുന്നു.

ഭാരതത്തിന്റെ പ്രഥമ പ്രധാനമന്ത്രി പണ്ഡിറ്റ് ജവഹര്‍ലാല്‍ നെഹ്റു ഉറച്ച മതനിരപേക്ഷവാദിയും ജീവിതത്തില്‍ ഉടനീളം അടിയുറച്ച ശാസ്ത്രചിന്തയും യുക്തി ബോധവും പുലര്‍ത്തിയിരുന്ന വ്യക്തിയുമായിരുന്നുവെന്ന് എം.ബി രാജേഷ് എം.പി പറഞ്ഞു.  നെഹ്റു യുവകേന്ദ്ര സ്ഥാപക ദിനാഘോഷം ജില്ലാ കലക്ടറേറ്റ് സമ്മേളന ഹാളില്‍ നിര്‍വഹിച്ച് സംസാരിക്കുകയായിരുന്നു അദ്ദേഹം. രാഷ്ട്രീയപരമായും പ്രത്യയശാസ്ത്രപരമായും താന്‍ എതിര്‍ക്കുന്ന ഒരു വ്യക്തിയാണ് ജവഹര്‍ലാല്‍ നെഹ്റുവെങ്കിലും  ഓര്‍മ്മിക്കപ്പെടേണ്ടതായി അദ്ദേഹത്തിന്റെ പ്രവര്‍ത്തനങ്ങള്‍ ഒട്ടേറെയുണ്ടെന്ന് എം.പി പറഞ്ഞു.

ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ ശിശുദിനത്തോടനുബന്ധിച്ച്  നടന്ന ശിശുദിനറാലി മോയന്‍ എല്‍.പി.സ്‌കൂള്‍ മൈതാനത്ത് നിന്ന് പുറപ്പെട്ടു. കുട്ടികളുടെ പ്രധാനമന്ത്രിയായി തിരഞ്ഞെടുക്കപ്പെട്ട സാന്‍ജോ ബിനോയിയും പ്രസിഡന്റായി തിരഞ്ഞെടുക്കപ്പെട്ട ആര്‍.അഹല്യയും റാലി നയിച്ചു.

ജില്ലാ പഞ്ചായത്തും ജില്ലാ യുവജനക്ഷേമ ബോര്‍ഡും ചേര്‍ന്ന് കുഴല്‍മന്ദത്ത് 11 മുതല്‍ നടത്തിയ ജില്ലാ കേരളോത്സവത്തില്‍ 210 പോയന്റോടെ പാലക്കാട് ബ്ലോക്ക് പഞ്ചായത്ത് വിജയികളായി. 209 പോയന്റ് നേടിയ മണ്ണാര്‍ക്കാട് ബ്ലോക്ക് പഞ്ചായത്താണ് രണ്ടാമത്. മണ്ണാര്‍ക്കാട് ബ്ലോക്ക് പഞ്ചായത്തിലെ സി.ആര്‍. രാജീവ് കലാപ്രതിഭയും രഞ്ജിതാ സി. ഗോപന്‍ കലാതിലകവുമായി. പാലക്കാട് ബ്ലോക്ക് പഞ്ചായത്തിലെ രാഹുല്‍ മികച്ച പുരുഷ കായികതാരവും കെ.ദിവ്യ വനിതാ കായികതാരവുമായി തെരഞ്ഞെടുക്കപ്പെട്ടു. 

ശബരിമല തീര്‍ഥാടനവുമായി ബന്ധപ്പെട്ട് പമ്പയില്‍ മില്‍മയുടെ സ്റ്റാള്‍ സജ്ജീകരിക്കുന്നതിനുള്ള നടപടികള്‍ പൂര്‍ത്തിയായതായി ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ അറിയിച്ചു. തീര്‍ഥാടന കാലയളവില്‍ ക്ഷീരസഹകരണ സംഘങ്ങളില്‍ സംഭരിക്കുന്നതും വില്‍പ്പന നടത്തുന്നതുമായ പാലിന്റെ ഗുണനിലവാരം ഉറപ്പാക്കുന്നതിനുള്ള നടപടികള്‍ സ്വീകരിച്ചിട്ടുണ്ട്.

തീര്‍ഥാടന പാതയിലെ വ്യാപാര സ്ഥാപനങ്ങളില്‍ വില്‍പ്പന നടത്തുന്ന പാലിന്റെ സാമ്പിള്‍ ശേഖരിച്ച് ക്ഷീരവികസന വകുപ്പ് ക്വാളിറ്റി കണ്‍ട്രോള്‍ ലാബില്‍ പരിശോധന നടത്തുമെന്നും ഡെപ്യൂട്ടി ഡയറക്ടര്‍ അറിയിച്ചു.         
 

ശബരിമല തീര്‍ഥാടകരുടെ സേവനത്തിനായി സന്നിധാനം, പമ്പ, എരുമേലി, പന്തളം എന്നിവിടങ്ങളില്‍ ആയൂര്‍വേദ ചികിത്സാ കേന്ദ്രങ്ങള്‍ ഇന്ന് (15) മുതല്‍ പ്രവര്‍ത്തിച്ചുതുടങ്ങുമെന്ന് ആയൂര്‍വേദ ജില്ലാ മെഡിക്കല്‍ ഓഫീസര്‍ ഡോ.പി.എസ്.ശശികല അറിയിച്ചു.

സന്നിധാനത്തെ ആയൂര്‍വേദ ആശുപത്രിയില്‍ ഡോക്ടര്‍മാര്‍ ഉള്‍പ്പെടെ 110 ജീവനക്കാരെയാണ് നിയോഗിച്ചിട്ടുള്ളത്. പമ്പയില്‍ 85 പേരെ നിയമിച്ചിട്ടുണ്ട്. സന്നിധാനത്തെ ആശുപത്രിയില്‍ തെറാപ്പിസ്റ്റിന്റെ സേവനവും ലഭ്യമാണ്. ആവശ്യമായ ആയൂര്‍വേദ ചികിത്സകള്‍ പന്തളം, എരുമേലി താത്ക്കാലിക ഡിസ്‌പെന്‍സറികളിലും തീര്‍ഥാടകര്‍ക്ക് ലഭ്യമാകും.                  
 

ശബരിമല തീര്‍ഥാടകര്‍ക്ക് മെച്ചപ്പെട്ട ആരോഗ്യ ചികിത്സാ സേവനങ്ങള്‍ ലഭ്യമാക്കുന്നതിന് സന്നിധാനത്ത് ദേശീയ ആരോഗ്യ ദൗത്യം ഫണ്ടില്‍ നിന്നും തുക ചെലവഴിച്ച് നിര്‍മിച്ചിട്ടുള്ള ആശുപത്രി കെട്ടിടത്തിന്റെ പ്രവര്‍ത്തനോദ്ഘാടനം നാളെ (16ന്) രാവിലെ 10ന് ആരോഗ്യ സാമൂഹ്യനീതി വകുപ്പ് മന്ത്രി കെ.കെ.ഷൈലജ ടീച്ചര്‍ സന്നിധാനത്ത് നിര്‍വഹിക്കും. ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ അധ്യക്ഷത വഹിക്കുന്ന ചടങ്ങില്‍ രാജുഎബ്രഹാം എംഎല്‍എ സ്വാഗതം ആശംസിക്കും .