നാളെ (16ന്) ആരംഭിക്കുന്ന ശബരിമല മണ്ഡല മകരവിളക്ക് തീര്‍ഥാടന കാലത്ത് ജില്ലയിലെത്തുന്ന തീര്‍ഥാടകര്‍ക്ക് ആവശ്യമായ സൗകര്യങ്ങള്‍ ഒരുക്കുന്നതിന് എല്ലാ സര്‍ക്കാര്‍ വകുപ്പുകളും പൂര്‍ണസജ്ജമാണെന്ന് ജില്ലാ കളക്ടര്‍ ആര്‍.ഗിരിജ പറഞ്ഞു. ഈ വര്‍ഷത്തെ തീര്‍ഥാടനവുമായി ബന്ധപ്പെട്ട് ജില്ലയില്‍ വിവിധ സര്‍ക്കാര്‍ വകുപ്പുകള്‍ ഏര്‍പ്പെടുത്തിയിട്ടുള്ള ക്രമീകരണങ്ങള്‍ സംബന്ധിച്ച് കളക്ടറേറ്റ് കോണ്‍ഫറന്‍സ് ഹാളില്‍ നടത്തിയ വാര്‍ത്താ സമ്മേളനത്തില്‍ സംസാരിക്കുകയായിരുന്നു കളക്ടര്‍.

ശബരിമല തീര്‍ഥാടനം : വെജിറ്റേറിയന്‍ ഭക്ഷണ സാധനങ്ങളുടെ വില നിശ്ചയിച്ചു

പാവപ്പെട്ട കുട്ടികളുടെ സംരക്ഷണം ഉറപ്പു വരുത്തുന്ന പദ്ധതികള്‍ക്ക് തദ്ദേശ സ്വയംഭരണ സ്ഥാപനങ്ങള്‍ കൂടുതല്‍ പ്രാധാന്യം നല്‍കണമെന്ന് മന്ത്രി കെ രാജു പറഞ്ഞു. ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെയും സംസ്ഥാന ബാലാവകാശ കമ്മീഷന്റെയും സംയുക്താഭിമുഖ്യത്തില്‍ സംഘടിപ്പിച്ച ബാലാവകാശ വാരാചരണം പത്തനംതിട്ട ഹില്‍ പാലസ് ഓഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.

കുട്ടികള്‍ മനസ്സിലെ തടസ്സങ്ങള്‍ നീക്കി ആത്മസമര്‍പ്പണത്തോടെ പ്രവര്‍ത്തിച്ചാല്‍ ഏതു ലക്ഷ്യവും കൈവരിക്കാന്‍ സാധിക്കുമെന്ന് ജില്ലാ കളക്ടര്‍ ആര്‍.ഗിരിജ പറഞ്ഞു. ശിശുദിനാഘോഷ പരിപാടിയുടെ ഭാഗമായി തൈക്കാവ് ഗവണ്‍മെന്റ് ഹയര്‍ സെക്കന്‍ഡറി         സ്‌കൂളില്‍ സംഘടിപ്പിച്ച പൊതുസമ്മേളനത്തില്‍ ശിശുദിന സന്ദേശം നല്‍കുകയായിരുന്നു കളക്ടര്‍. കുട്ടികളുടെ വികസനമാണ് രാജ്യത്തിന്റെ വികസനം. സാങ്കേതിക വിദ്യ വളരെയധികം പുരോഗമിച്ചതോടുകൂടി അവസരങ്ങളും വര്‍ദ്ധിച്ചു. എന്നാല്‍ കുട്ടികളുടെ മനസ്സില്‍ നിലനില്‍ക്കുന്ന ചില തടസ്സങ്ങള്‍ മൂലം അവസരങ്ങള്‍ വിനിയോഗിക്കുവാന്‍ കഴിയുന്നില്ല.

ജില്ലയിലെ റേഷന്‍ കാര്‍ഡ് ഉടമകള്‍ക്ക് ഈ മാസം വിതരണം ചെയ്യുന്നതിനായി 3940 മെട്രിക് ടണ്‍ ഭക്ഷ്യധാനം അനുവദിച്ചു. 3369 മെട്രിക് ടണ്‍ അരിയും 571 മെട്രിക് ടണ്‍ ഗോതമ്പുമാണ് അനുവദിച്ചിട്ടുള്ളത്. മുന്‍ഗണനാ വിഭാഗത്തില്‍പ്പെട്ട പിങ്ക് കാര്‍ഡ് ഉടമകള്‍ക്ക് കാര്‍ഡിലെ ഓരോ അംഗത്തിനും നാല് കിലോഗ്രാം അരിയും ഒരു കിലോഗ്രാം ഗോതമ്പും സൗജന്യമായി ലഭിക്കും. എഎവൈ കാര്‍ഡ് ഉടമകള്‍ക്ക് (മഞ്ഞ കാര്‍ഡ്) കാര്‍ഡൊന്നിന് 28 കിലോഗ്രാം അരിയും 7 കിലോഗ്രാം ഗോതമ്പും സൗജന്യമായി ലഭിക്കും.

ശിശുദിനത്തോടനുബന്ധിച്ച് ഹയര്‍ സെക്കന്‍ഡറി വകുപ്പിന്റെ കീഴിലുള്ള അസാപ്പിലെ വിദ്യാര്‍ഥികള്‍ എലിയറയ്ക്കല്‍ സെന്റ് മേരീസ് ഇംഗ്ലീഷ് മീഡിയം സ്‌കൂളില്‍ വിവിധ പരിപാടികള്‍ നടത്തി. പപ്പറ്റ് ഷോ, പേപ്പര്‍ ക്രാഫ്റ്റ്, ഗെയിംസ്, കലാപരിപാടികള്‍ എന്നിവയാണ് നടത്തിയത്.

അസാപ്പ് പ്രോഗ്രാം ഓഫീസര്‍ തസ്‌നി നിസാര്‍, സ്‌കൂള്‍ പ്രിന്‍സിപ്പല്‍ സൂസി ഉമ്മര്‍, അസാപ്പ് ട്രെയിനര്‍ ഹരികൃഷ്ണന്‍, ശ്രുതി, ശാന്തന്‍, ബി.സബിന്‍ തുടങ്ങിയവര്‍ പങ്കെടുത്തു.                                     

(പിഎന്‍പി 3049/17)    
 

ജില്ലയില്‍ പട്ടികജാതി വികസന വകുപ്പിന് കീഴില്‍ പ്രവര്‍ത്തിക്കുന്ന പ്രീമെട്രിക് ഹോസ്റ്റലുകളിലെ വിദ്യാര്‍ഥികളുടെ രാത്രികാല പഠന മേല്‍നോട്ട ചുമതലകള്‍ക്കായി മേട്രണ്‍ കം റസിഡന്റ് ട്യൂട്ടര്‍മാരെ നിയമിക്കുന്നു. 2017 നവംബര്‍ മുതല്‍ 2018 മാര്‍ച്ച് വരെ കരാര്‍ അടിസ്ഥാനത്തിലാണ് നിയമനം. 12000 രൂപ പ്രതിമാസ ഓണറേറിയം ലഭിക്കും.

മിഷന്‍ഗ്രീന്‍ ശബരിമല പദ്ധതിയുടെ ഭാഗമായി പ്ലാസ്റ്റിക്കിനെതിരെ ജില്ലാ ടൂറിസം പ്രൊമോഷന്‍ കൗണ്‍സില്‍ രൂപകല്പ്പന ചെയ്ത വീഡിയോ മന്ത്രി കടകംപള്ളി സുരേന്ദ്രന്‍ പ്രകാശനം ചെയ്തു. ഇരുമുടിക്കെട്ടില്‍ പ്ലാസ്റ്റിക് ഒഴിവാക്കുന്നത് സംബന്ധിച്ച് നടന്‍ മോഹന്‍ലാലിന്റെ അഞ്ച് ഭാഷകളിലുള്ള സന്ദേശം ഉള്‍ക്കൊള്ളുന്ന വീഡിയോ രാജീവ് നാഥാണ് സംവിധാനം ചെയ്തത്.

റാന്നി താലൂക്ക് ആശുപത്രിയുടെ പുതിയ കെട്ടിടത്തിന്റെ ഉദ്ഘാടനം ഈ മാസം 16ന് ഉച്ചയ്ക്ക് ശേഷം മൂന്നിന് ആരോഗ്യ വകുപ്പ് മന്ത്രി കെ.കെ.ഷൈലജ ടീച്ചര്‍ നിര്‍വഹിക്കും. രാജു എബ്രഹാം എംഎല്‍എ അധ്യക്ഷത വഹിക്കുന്ന ചടങ്ങില്‍ ആന്റോ ആന്റണി എംപി മുഖ്യപ്രഭാഷണം നടത്തും.

സ്വകാര്യ മേഖലയിലെ ആരോഗ്യ സംവിധാനങ്ങളെക്കുറിച്ച് പഠിക്കുന്നതിന്  കേരളത്തിലെ സ്വകാര്യ ആരോഗ്യ സ്ഥാപനങ്ങളെ സംബന്ധിച്ച് സാമ്പത്തിക സ്ഥിതിവിവര കണക്ക് വകുപ്പ് ജില്ലയില്‍ സര്‍വെ ആരംഭിച്ചു. വിവരങ്ങള്‍ ശേഖരിക്കുന്ന ഇന്‍വെസ്റ്റിഗേറ്റര്‍മാര്‍ക്കും

സൂപ്പര്‍വൈസര്‍മാര്‍ക്കുമുള്ള ജില്ലാതല പരിശീലനം പത്തനംതിട്ട ഗവണ്‍മെന്റ് ഗസ്റ്റ് ഹൗസില്‍ വകുപ്പ് ഡെപ്യൂട്ടി ഡയറക്ടര്‍ പി.കെ.ശാലിനി ഉദ്ഘാടനം ചെയ്തു. ഡോ.ആശിഷ് മോഹന്‍ കുമാര്‍,ഡോ.വി.അജയന്‍, സുധീര്‍ തുടങ്ങിയവര്‍ ക്ലാസുകള്‍ നയിച്ചു. 
(പിഎന്‍പി 3045/17)