മലമ്പുഴ മൃഗസംരക്ഷണ   പരിശീലന കേന്ദ്രത്തില്‍   നവംബര്‍ 17ന് കാട വളര്‍ ത്തലില്‍ സൗജന്യ പരിശീലനം സംഘടിപ്പിക്കുന്നു. പങ്കെടുക്കുവാന്‍ താല്‍പര്യമുളളവര്‍ നേരിട്ടോ  ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി   പേര്  രജിസ്റ്റര്‍   ചെയ്യണം. പേര് രജിസ്റ്റര്‍  ചെയ്തവര്‍ ആധാര്‍ നമ്പറുമായി  17ന്  തിയതി  രാവിലെ 10 മണിക്കു മുന്‍പായി മലമ്പുഴ മൃഗ സംരക്ഷണ പരിശീലന കേന്ദ്രത്തില്‍ എത്തിച്ചേരേണ്‍ണ്ടതാണ്. ഫോണ്‍   0491 - 2815454, 8281777080.

ചികിത്സാര്‍ത്ഥം സ്റ്റേറ്റ് പ്രയോറിറ്റി എന്ന് രേഖപ്പെടുത്തിയ റേഷന്‍ കാര്‍ഡ് ഉള്ളവര്‍ക്ക് മറ്റു രേഖകള്‍ ഇല്ലാതെ  സമഗ്ര ആരോഗ്യ ഇന്‍ഷുറന്‍സ് പദ്ധതിയില്‍ ചേരുന്നതിനായി അക്ഷയ കേന്ദ്രങ്ങള്‍ വഴി അപേക്ഷിക്കാം. അവസാന തീയതി നവംബര്‍ 15.

  എല്‍. ബി. എസ് മഞ്ചേരി കേന്ദ്രത്തില്‍ ഡാറ്റാ എന്‍ട്രി ആന്റ് ഓഫീസ് ഓട്ടോമേഷന്‍ കോഴ്‌സിന്  സീററ് ഒഴിവുണ്ട.്  താല്‍പര്യമുള്ളവര്‍ എല്‍. ബി. എസ്. സബ് സെന്റര്‍, ഐ.ജി.ബി.ടി ബസ്‌സ്‌ററാന്റ് -  കച്ചേരിപ്പടി   എന്ന വിലാസത്തിലോ 0483 2764674 ഫോണ്‍ നമ്പറിലോ ബന്ധപ്പെടാം.

താനാളൂര്‍ ഗ്രാമ പഞ്ചായത്തില്‍ ജനകീയാസൂത്രണ പദ്ധതി പ്രകാരം തെങ്ങ്, കമുങ്ങ്, വെറ്റില, ഗ്രോബാഗ് എന്നിവക്കായി അപേക്ഷ നല്‍കിയവര്‍ കൃഷിഭവനുമായി ഉടന്‍ ബന്ധപ്പെടണം.

കേരള സംസ്ഥാന യുവജന കമ്മീഷന്‍ ചെയര്‍പേഴ്‌സണ്‍ ചിന്താ ജെറോമിന്റെ അദ്ധ്യക്ഷതയില്‍ നവംബര്‍ 16 ന് രാവിലെ 11ന് മലപ്പുറം ഗസ്റ്റ് ഹൗസ് കോണ്‍ഫറന്‍സ് ഹാളില്‍ അദാലത്ത് നടത്തുന്നു. 18 നും 40 നും ഇടയില്‍ പ്രായമുള്ളവര്‍ക്ക് പരാതികളും നിര്‍ദ്ദേശങ്ങളും  സമര്‍പ്പിക്കാം. വിവരങ്ങള്‍ക്കായി 0471-25308630 എന്ന നമ്പറില്‍ ബന്ധപ്പെടുക.

ജില്ലാ ശിശുസംരക്ഷണ യൂണീറ്റ് വയനാടിന്റെ നേതൃത്വത്തില്‍ ബാലാവകാശവാരാചരണം വിബ്ജിയോര്‍-2017ന്റെ രണ്ടാം ദിനം (ഇന്‍സ്റ്റിറ്റിയൂഷന്‍ ഡേ) കണിയാമ്പറ്റ ഹൈസ്‌കൂളില്‍ ഹ്രസ്വ ചലച്ചിത്രോത്സവവും സംവാദവും സംഘടിപ്പിച്ചു. ജില്ലാ പഞ്ചായത്ത് അംഗം പി. ഇസ്മായില്‍ ഉദ്ഘാടനം ചെയ്തു. കണിയാമ്പറ്റ ഹൈസ്‌കൂള്‍ പി.ടിഎ പ്രസിഡന്റ് അബ്ദുള്‍ ഗഫൂര്‍ കാട്ടിയുടെ അധ്യക്ഷത വഹിച്ചു.