സാമൂഹ്യനീതി വകുപ്പ് ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെയും കേരള സംസ്ഥാന ബാലാവകാശ സംരക്ഷണ കമ്മീഷന്റെയും 'കയ്‌റോസ്' സദ്ധസംഘടനയുടെയും ആഭിമുഖ്യത്തില്‍ ബാലാവകാശവാരാചരണത്തിന്റെ സമാപന സമ്മേളനം തൃച്ചംബരം സെന്റ് പോള്‍സ് ഇംഗ്ലീഷ് മീഡിയം സ്‌കൂളില്‍ നടത്തി. ചൈല്‍ഡ് വെല്‍ഫയര്‍ കമ്മിറ്റി ചെയര്‍പേഴ്‌സന്‍ മാത്യു.ടി.എ ഉദ്ഘാടനം ചെയ്തു. സ്‌കൂള്‍ മാനേജര്‍ റവ.ഫാ ജേക്കബ് ജോസ് അധ്യക്ഷത വഹിച്ചു. 

ദേശീയ വികലാംഗ പുനരധിവാസ പദ്ധതി: മുച്ചക്ര വാഹനങ്ങളും ഉപകരണങ്ങളും വിതരണം ചെയ്തു 

   ജില്ലയിലെ എല്ലാ ശിശുസംരക്ഷണ അനാഥാലയങ്ങളും നവംബര്‍ 30 നകം രജിസ്റ്റര്‍ ചെയ്യണമെന്ന് ജില്ലാ കളക്ടര്‍ ഡോ. കെ. വാസുകി അറിയിച്ചു.  പൂജപ്പുരയിലെ ജില്ലാ ശിശു സംരക്ഷണ യൂണിറ്റിലാണ് അപേക്ഷ സമര്‍പ്പിക്കേണ്ടത്.  രജിസ്റ്റര്‍ ചെയ്യാത്ത സ്ഥാപനങ്ങള്‍ക്കെതിരെ ജുവനൈല്‍ ജസ്റ്റിസ് നിയമ പ്രകാരം നടപടി സ്വീകരിക്കുമെന്നും കളക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന ശിശു സംരക്ഷണ സ്ഥാപനങ്ങളുടെ ജില്ലാതല അവലോകന യോഗത്തില്‍ അവര്‍ അറിയിച്ചു.  ഒരു വര്‍ഷം വരെ തടവോ ഒരു ലക്ഷം രൂപ പിഴയോ രണ്ടും കൂടിയോ ശിക്ഷയായി നല്‍കാന്‍ നിയമം നിഷ്‌കര്‍ഷിക്കുന്നുണ്ട്.

    തുഞ്ചത്തെഴുത്തച്ഛന്‍ മലയാള സര്‍വകലാശാലയില്‍ ആരംഭിക്കുന്ന എം.ഫില്‍, പി.  എച്ച്.ഡി കോഴ്സുകളിലേക്ക് അപേക്ഷ ക്ഷണിച്ചു. ഡിസംബര്‍ 12നകം ഓണ്‍ലൈനായോ തപാലിലോ നേരിട്ടോ അപേക്ഷ സമര്‍പ്പിക്കാം. ബന്ധപ്പെട്ട വിഷയത്തില്‍  55 ശതമാനം (പട്ടികജാതി, വര്‍ഗ, ഭിന്നശേഷി വിഭാഗക്കാര്‍ക്ക് 50 ശതമാനം) മാര്‍ക്കോടെ ബിരുദാനന്തര ബിരുദമാണ് യോഗ്യത. പ്രവേശന പരീക്ഷ ഡിസംബര്‍ 16ന് രാവിലെ 10ന് സര്‍വകലാശാല ആസ്ഥാനത്ത് നടക്കും. അപേക്ഷാ ഫോറവും ഫീസ് സംബന്ധിച്ച വിവരങ്ങളും  ംംം.ാമഹമ്യമഹമാൗിശ്ലൃശെ്യേ.ലറൗ.ശി എന്ന വെബ്സൈറ്റില്‍ ലഭിക്കും.  
                                          (പിഎന്‍പി 3106/17)

    പുനലൂര്‍ - തൊടുപുഴ റോഡിന്‍റെ വശങ്ങളില്‍ പ്രമാടം, മൈലപ്ര വില്ലേജുകളില്‍ നില്‍ക്കുന്ന വാക, മലപ്പുന്ന, താന്നി എന്നീ മരങ്ങള്‍ 28ന് രാവിലെ 11.30ന് പൊന്‍കുന്നം കെഎസ്ടിപി ഡിവിഷന്‍ ഓഫീസ് പരിസരത്ത് വില്‍പ്പന നടത്തുമെന്ന് പൊതുമരാമത്ത് വകുപ്പ് എക്സിക്യൂട്ടീവ് എന്‍ജിനീയര്‍ അറിയിച്ചു.                          (പിഎന്‍പി 3104/17)
 

    സംസ്ഥാന കൃഷിവകുപ്പ് പച്ചക്കറികൃഷി വികസന പദ്ധതിയിന്‍കീഴില്‍ അവാര്‍ഡുകള്‍ നല്‍കുന്നു. മികച്ച വിദ്യാര്‍ഥി, സ്കൂള്‍, പ്രധാനാധ്യാപകന്‍, അധ്യാപകന്‍, കര്‍ഷകന്‍, ക്ലസ്റ്റര്‍, സ്ഥാപനം (പബ്ലിക്/പ്രൈവറ്റ്), ടെറസ് ഗാര്‍ഡന്‍ എന്നീ വിഭാഗങ്ങളിലാണ് അവാര്‍ഡുകള്‍ നല്‍കുന്നത്. അപേക്ഷയുടെ മാതൃക കൃഷിഭവനുകളില്‍ ലഭിക്കും. അപേക്ഷ ബന്ധപ്പെട്ട രേഖകള്‍ സഹിതം കൃഷി ഓഫീസര്‍/കൃഷി അസിസ്റ്റന്‍റ് ഡയറക്ടറുടെ ശുപാര്‍ശയോടെ ഈ മാസം 30ന് വൈകിട്ട് അഞ്ചിനകം പത്തനംതിട്ട മിനി സിവില്‍ സ്റ്റേഷനിലുള്ള പ്രിന്‍സിപ്പല്‍ കൃഷി ഓഫീഗസറുടെ കാര്യാലയത്തില്‍ ലഭിക്കണം.                         (പിഎന്‍പി 3101/17)
 

മങ്കട ഗവ. ആര്‍ട്‌സ് ആന്‍ഡ് സയന്‍സ് കോളജില്‍ കൊമേഴ്‌സ് ആന്‍ഡ് മാനേജ്‌മെന്റ് സ്റ്റഡീസില്‍ ഗസ്റ്റ് അധ്യാപകരെ ആവശ്യമുണ്ട്. ബന്ധപ്പെട്ട വിഷയത്തില്‍ 55 % മാര്‍ക്കില്‍ കുറയാത്ത എം.ബി.എ ബിരുദവും യു.ജി.സി നിഷ്‌കര്‍ഷിക്കുന്ന യോഗ്യതയുള്ളവരും കോളേജ് വിദ്യാഭ്യാസ ഉപ ഡയറക്ടറേറ്റുകളില്‍ രജിസ്റ്റര്‍ ചെയ്തവരുമായ ഉദ്യോഗാര്‍ഥികള്‍ അസ്സല്‍ രേഖകളും പകര്‍പ്പും സഹിതം നവംബര്‍ 23ന് രാവിലെ 10.30 ന് കോളജില്‍ നേരിട്ട് ഹാജരാവുക. നെറ്റ് യോഗ്യതയുള്ളവരുടെ അഭാവത്തില്‍ മറ്റുള്ളവരേയും പരിഗണിക്കും. ഫോണ്‍: 04933-202135.
പി എന്‍ സി/4399/2017