ജില്ലാ പദ്ധതി രൂപീകരണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കുന്നതിന് പ്രോജക്ട് അസോസിയേറ്റിനെ താത്ക്കാലികമായി നിയമിക്കുന്നു. നാല് മാസത്തേക്കാണ് നിയമനം. ഏതെങ്കിലും വിഷയത്തില്‍ ബിരുദവും മലയാള ഭാഷവിലെ പ്രാവീണ്യവും വികസന റിപ്പോര്‍ട്ടുകള്‍ വായിച്ച് എഡിറ്റ് ചെയ്യുന്നതിനുള്ള പരിജ്ഞാനവുമാണ് യോഗ്യത. താത്പര്യമുള്ളവര്‍ ബയോഡേറ്റ, വിദ്യാഭ്യാസ-പരിചയ സാക്ഷ്യപത്രങ്ങളുടെ പകര്‍പ്പുകള്‍ സഹിതം 28ന് രാവിലെ 11ന് കളക്ടറേറ്റിന്‍റെ മൂന്നാം നിലയിലുള്ള ജില്ലാ പ്ലാനിംഗ് ഓഫീസില്‍ കൂടിക്കാഴ്ചയ്ക്ക് ഹാജരാകണം.                                  (പിഎന്‍പി 3100/17)    
 

 തുഞ്ചത്തെഴുത്തച്ഛന്‍ മലയാളസര്‍വകലാശാലയില്‍ 2017 - 18 അദ്ധ്യയനവര്‍ഷം ആരംഭിക്കുന്ന എം.ഫില്‍, പിഎച്ച്.ഡി കോഴ്‌സുകളിലേക്ക് അപേക്ഷ ക്ഷണിച്ചു. ഡിസംബര്‍ 12 നകം ഓണ്‍ലൈനായോ തപാലിലോ നേരിട്ടോ അപേക്ഷ സമര്‍പ്പിക്കാം. ബന്ധപ്പെട്ട വിഷയങ്ങളില്‍ 55 ശതമാനം (പട്ടികജാതി, വര്‍ഗ, ഭിന്നശേഷി വിഭാഗങ്ങള്‍ക്ക് 50 ശതമാനം)  മാര്‍ക്കോടെ ബിരുദാനന്തര ബിരുദമാണ് യോഗ്യത. ഡിസംബര്‍ 16ന് രാവിലെ 10 മണിക്ക് സര്‍വകലാശാല ആസ്ഥാനത്ത് പ്രവേശനപരീക്ഷ നടക്കും. പ്രവേശനപരീക്ഷയില്‍ കുറഞ്ഞത് 50 ശതമാനം ശതമാനം മാര്‍ക്ക് നേടിയിരിക്കണം. 

    ജില്ലയിലെ തദ്ദേശ സ്വയംഭരണ സ്ഥാപനങ്ങളുടെ 2017-18 വാര്‍ഷിക പദ്ധതി പുരോഗതി വിലയിരുത്തുന്നതിനുള്ള യോഗം തദ്ദേശ സ്വയംഭരണ വകുപ്പ് മന്ത്രി ഡോ.കെ.റ്റി.   ജലീലിന്‍റെ അധ്യക്ഷതയില്‍ 24ന് രാവിലെ 10ന് പത്തനംതിട്ട കിഴക്കേടത്ത് മറിയം ഓഡിറ്റോറിയത്തില്‍ നടക്കും.                                     (പിഎന്‍പി 3099/17)

കേരള ഖാദി ഗ്രാമ വ്യവസായ ബോര്‍ഡിന്റെ സിബിസി/പാറ്റേണ്‍ സ്‌കീം പ്രകാരം വായ്പയെടുത്ത് കുടിശ്ശിക വരുത്തിയവര്‍ക്ക് ഇളവോടെ കുടിശ്ശിക ഒടുക്കിതീര്‍ക്കാവുന്നതാണെന്ന്  പ്രൊജക്ട് ഓഫീസര്‍ അറിയിച്ചു.  ഡിസംബര്‍ 31 നകം ഒറ്റത്തവണയായി കുടിശ്ശിക അടച്ചുതീര്‍ക്കുന്നവര്‍ക്ക് പിഴ പലിശ  ഇളവ് അനുവദിക്കും.
പി എന്‍ സി/4409/2017

കേരള കള്ളു വ്യവസായ തൊഴിലാളി ക്ഷേമനിധി ബോര്‍ഡില്‍ നിന്നും പെന്‍ഷന്‍ വാങ്ങുന്ന എല്ലാ പെന്‍ഷന്‍കാരും 2018 മുതലുളള പെന്‍ഷന്‍ ലഭിക്കുന്നതിനായി ലൈഫ് സര്‍ട്ടിഫിക്കറ്റ് ഡിസംബര്‍ 3 ന് മുമ്പ് കണ്ണൂര്‍ ഓഫീസില്‍ ഹാജരാക്കണം.  ലൈഫ് സര്‍ട്ടിഫിക്കറ്റ് ഹാജരാക്കാത്തവര്‍ക്ക് തുടര്‍ന്ന് പെന്‍ഷന്‍ ലഭിക്കുന്നതല്ലെന്ന് വെല്‍ഫയര്‍ ഫണ്ട് ഇന്‍സ്‌പെക്ടര്‍ അറിയിച്ചു.
പി എന്‍ സി/4408/2017
 

കണ്ണൂര്‍ ഐ ടി ഐ യില്‍ ആരംഭിക്കുന്ന നോര്‍ക്ക തൊഴില്‍ വൈദഗ്ധ്യ പരിശീലനത്തിന് ടോട്ടല്‍ സ്റ്റേഷന്‍, ടിഗ് & മിഗ് വെല്‍ഡിങ്ങ്, ഇന്‍ഡസ്ട്രിയല്‍ ഇലക്ട്രീഷ്യന്‍ കോഴ്‌സുകളില്‍ സീറ്റ് ഒഴിവുണ്ട്.  18 നും 45 നും ഇടയില്‍ പ്രായമുളളവര്‍ക്ക് 24 വരെ അപേക്ഷിക്കാം.  കോഴ്‌സ് ഫീ 2360 രൂപ.  അപേക്ഷ. ഫോറവും വിശദ വിവരങ്ങളും www.norkaroots.net  ലും കണ്ണൂര്‍ ഐ ടി ഐ യിലും ലഭിക്കും.
    
 

വളപട്ടണം റോഡ് സെക്ഷന്റെ പരിധിയില്‍പ്പെടുന്ന പൂതപ്പാറ-പാലോട്ട് വയല്‍-വളപട്ടണം റോഡില്‍ പാലോട്ട് വയലില്‍ കലുങ്ക് നിര്‍മ്മാണവും ഓവുചാല്‍ നിര്‍മ്മാണവും നടക്കുന്നതിനാല്‍ നാളെ (നവംബര്‍ 21) മുതല്‍ ഒരു മാസത്തേക്ക്  പാലോട്ട്‌വയല്‍ ജംഗ്ഷന്‍ മുതല്‍ വളപട്ടണം വരെയുളള വാഹന ഗതാഗതം നിരോധിക്കുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.
പി എന്‍ സി/4373/2017
 

ക്ഷീരവികസന വകുപ്പിന്റെയും മനേക്കര ക്ഷീരോല്‍പ്പാദക സഹകരണ സംഘത്തിന്റെയും ആഭിമുഖ്യത്തില്‍ 23 ന് പന്ന്യന്നൂര്‍ ഗ്രാമപഞ്ചായത്ത്  ഹാളില്‍ പാല്‍ ഗുണനിലവാര ബോധവത്കരണ പരിപാടി സംഘടിപ്പിക്കുന്നു.  രാവിലെ 9.30 ന്  പന്ന്യന്നൂര്‍ ഗ്രാമപഞ്ചായത്ത് പ്രസിഡണ്ട്  എ ശൈലജ ഉദ്ഘാടനം ചെയ്യും.  ശുദ്ധമായ പാല്‍ ഉല്‍പാദനം എന്ന വിഷയത്തില്‍ ക്വാളിറ്റി കണ്‍ട്രോള്‍ ഓഫീസര്‍/അസി.ഡയറക്ടര്‍ എം വി രജീഷ് കുമാറും പാല്‍ പരിശോധനയുടെ പ്രാധാന്യം എന്ന വിഷയത്തില്‍ പാനൂര്‍ ക്ഷീര വികസന ഓഫീസര്‍  റിജുല എ എന്നിവരും ക്ലാസ് എടുക്കും.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡില്‍ ക്ഷേമനിധി വിഹിതം അടക്കാന്‍  കുടിശ്ശിക വരുത്തിയ തുക വസൂല്‍ ചെയ്യുന്നതിന് റവന്യൂ റിക്കവറി നടപടികള്‍ സ്വീകരിച്ച വാഹന ഉടമകള്‍ക്ക് പലിശയും പിഴ പലിശയും ഒഴിവാക്കിക്കൊണ്ട് ക്ഷേമനിധി വിഹിതം അടച്ചുതീര്‍ക്കുന്നതിന് ഡിസംബര്‍ 31 വരെ സമയം അനുവദിച്ച് സര്‍ക്കാര്‍ ഉത്തരവായി.  കുടിശ്ശിക തുക ഒടുക്കുന്നതിന് 25 ന് തളിപ്പറമ്പ് താലൂക്ക് ഓഫീസില്‍ നടത്തുന്ന റവന്യൂ റിക്കവറി അദാലത്തില്‍ പങ്കെടുത്ത് കുടിശ്ശിക തുക അടച്ചുതീര്‍ത്ത് ജപ്തി നടപടികള്‍ ഒഴിവാക്കണമെന്ന് ജില്ലാ എക്‌സി.ഓഫീസര്‍ അറിയിച്ചു.
പി എന്‍ സി/4372/2017
 

  ഭക്ഷ്യഭദ്രതാ നിയമം-2013 പ്രകാരം പ്രസിദ്ധീകരിച്ച റേഷന്‍ കാര്‍ഡ് അന്തിമ മുന്‍ഗണന പട്ടികയില്‍ ഉള്‍പ്പെടാതെ പോയതിനാല്‍ തളിപ്പറമ്പ് താലൂക്ക് സപ്ലൈ ഓഫീസിലും കണ്ണൂര്‍ ജില്ലാ സപ്ലൈ ഓഫീസിലും, ജില്ലാ കലക്ടര്‍ക്കും പരാതികള്‍ സമര്‍പ്പിച്ചവരില്‍  കൂടിക്കാഴ്ചയ്ക്ക്  ഹാജരാകുവാന്‍ സാധിക്കാത്തവര്‍ക്കുളള ഹിയറിംഗ്  23, 24 തീയ്യതികളില്‍ രാവിലെ 10 മണി മുതല്‍ വൈകുന്നേരം 4 മണി വരെ  തളിപ്പറമ്പ് താലൂക്ക് സപ്ലൈ ഓഫീസില്‍  നടത്തും.