എറണാകുളം ജില്ലാ പഞ്ചായത്തിന് കീഴിലുള്ള തെരുവുനായ്ക്കളുടെ പ്രജനനനിയന്ത്രണ പദ്ധതി നടത്തിപ്പിന്റെ ആവശ്യത്തിലേക്കായി കോലഞ്ചേരി, മുളന്തുരുത്തി എന്നി എ.ബി.സി സെൻ്ററിലേക്ക് മൃഗ പരിപാലക൯/ഡോഗ് ഹാൻഡ്ലെർ തസ്തികകളിൽ ജീവനക്കാരെ കരാർ അടിസ്ഥാനത്തിൽ താത്കാലികമായി നിയമിക്കുന്നതിന് ഡിസംബർ  22 ന് രാവിലെ 11 ന് എറണാകുളം ജില്ലാ പഞ്ചായത്തിൽ വാക്ക്-ഇൻ- ഇന്റർവ്യൂ നടത്തുന്നു. 

താല്പര്യമുള്ളവർ യോഗ്യത രേഖകളുടെ അസ്സൽ സഹിതം അന്നേ ദിവസം കൃത്യസമയത്ത് എത്തിച്ചേരേണ്ടതാണ്. 

ആലുവ താലൂക്ക് മിനി സവിൽ സ്റ്റേഷനിൽ 2024-25 കാലയളവിലേക്ക് കാന്റീൻ നടത്തുന്നതിന് കുടുംബശ്രീ യൂണിറ്റുകളിൽ നിന്നും മുദ്ര വച്ച കവറിൽ മത്സര സ്വഭാവമുളള ക്വട്ടേഷനുകൾ ക്ഷണിച്ചു. മിനിമം വാർഷിക വാടക 1,00,000 രൂപയായി നിജപ്പെടുത്തിയിരിക്കുന്നു. സെക്യൂരിറ്റി തുക 30,000 രൂപയായി നിശ്ചിയിച്ചിരിക്കുന്നു. ക്വട്ടേഷൻ സ്വീകരിക്കുന്ന അവസാന തീയതി ഡിസംബർ 26 ഉച്ച തിരിഞ്ഞ് 3 വരെ. കൂടുതൽ വിവരങ്ങൾക്ക് ഫോൺ 2624052.

ആലുവ താലൂക്ക് ആലുവ വെസ്റ്റ് വില്ലേജിൽ മംഗലപ്പുഴ പാലത്തിന് വടക്കുവശം പെരിയാർ പുഴയിൽ നിന്നും അനധികൃതമായി വാരിക്കൂട്ടിയ 153.62 ഘന അടി പുഴമണൽ ബന്തവസ്സിലെടുത്തിട്ടുള്ളതും, ആയത് ആലുവ സീനത്ത് ജംഗ്ഷനിലുള്ള പോലീസ് ഓഫീസേഴ്സ് ക്വാർട്ടേഴ്സ് കോമ്പൗണ്ടിൽ വച്ച് 22.12.2023 ന് രാവിലെ 11.30  ന് നിബന്ധനകൾക്ക് വിധേയമായി ലേലം നടത്തുവാൻ  തീരുമാനിച്ചിട്ടുള്ളതുമാണ്. വിശദ വിവരങ്ങൾക്ക് ആലുവ വെസ്റ്റ് വില്ലേജ് ഓഫീസറെ 8547613703 ഫോൺ നമ്പറിൽ ബന്ധപ്പെടേണ്ടതാണ്.

ഗവ:എ.വി.ടി.എസ് കളമശ്ശേരിയിൽ, ടൂൾ ആൻ്റ് ഡൈ മേക്കിംഗ്, ഇലക്ട്രിക്കൽ മെയിന്റനൻസ്, ഡൊമസ്റ്റിക് അപ്ലയൻസസ് മെയിന്റനൻസ് (ഇലക്ട്രിക്കൽ) അഡ്വാൻസ്ഡ് വെൽഡിംഗ് എന്നീ അഡ്വാൻസ്‌ഡ്‌ ഷോർട്ട് ടേം കോഴ്സുകളിലേക്ക് അപേക്ഷകൾ സ്വീകരിക്കുന്നു. കൂടുതൽ വിവരങ്ങൾക്ക് 0484-2557275, 9847964698 എന്നീ ഫോൺ നമ്പറിൽ ബന്ധപ്പെടുക.

സ്റ്റേറ്റ് റിസോഴ്‌സ്‌ സെൻ്ററിൻ്റെ ആഭിമുഖ്യത്തിലുള്ള എസ്.ആർ.സി കമ്മ്യൂണിറ്റി കോളേജ് 2024 ജനുവരി സെഷനിൽ നടത്തുന്ന യോഗ സർട്ടിഫിക്കറ്റ് പ്രോഗ്രാമിന് ഓൺലൈനായി അപേക്ഷിക്കാം. അപേക്ഷകർ പത്താം ക്ലാസ്സ് പാസായിരിക്കണം. 

പ്രധാനമന്ത്രി ഗ്രാമ സഡക് യോജന പദ്ധതികളുടെ നിർവഹണത്തിനായി പ്രോഗ്രാം ഇംപ്ലിമെന്റേഷൻ യൂണിറ്റ്, തിരുവനന്തപുരം ഓഫീസിലേക്ക് കരാർ അടിസ്ഥാനത്തിൽ സീനിയർ അക്കൗണ്ടന്റിനെ നിയമിക്കുന്നു. 65 വയസ്സിനു താഴെയുള്ള കമ്പ്യൂട്ടർ പരിജ്ഞാനമുള്ള ഓഡിറ്റർമാരായോ, അക്കൗണ്ടന്റായോ, എ.ജി. ഓഫീസിൽ നിന്ന് വിരമിച്ചർക്കും ജൂനിയർ സൂപ്രണ്ടായി പൊതുമാരാമത്ത് വകുപ്പിൽ നിന്നോ ജലസേചന വകുപ്പിൽ നിന്നോ വിരമിച്ചവർക്കും അപേക്ഷിക്കാം. 20,065 രൂപ പ്രതിമാസ വേതനമായി ലഭിക്കും.

കല്യാശ്ശേരി മണ്ഡലം ഔഷധ ഗ്രാമം പദ്ധതിയുടെ ഭാഗമായി കൃഷി ചെയ്ത കുറുന്തോട്ടി കൃഷിയുടെ വിളവെടുപ്പ് എരിപുരം തടത്ത് മുൻ എംഎൽ എ എം വി ജയരാജൻ  നിർവഹിച്ചു. എം വിജിൻ എം എൽ എ അധ്യക്ഷത വഹിച്ചു.
പദ്ധതിയുടെ ഭാഗമായി കടന്നപ്പള്ളി - പാണപ്പുഴ പഞ്ചായത്തില്‍ പത്ത് ഏക്കറിലും ഏഴോം, കണ്ണപുരം പഞ്ചായത്തുകളില്‍ 7.5 ഏക്കറിലുമായി ആകെ 25 ഏക്കറിലാണ് കുറുന്തോട്ടി കൃഷി ചെയ്ത്.

കേരള സംസ്ഥാന ന്യൂനപക്ഷ കമ്മീഷൻ ഡിസംബർ 20 ബുധനാഴ്ച  രാവിലെ 11 ന് കാക്കനാട്  കളക്‌ടറേറ്റ് കോൺഫറൻസ് ഹാളിൽ സിറ്റിങ്ങ് നടത്തും. ഈ  സിറ്റിങ്ങിൽ എറണാകുളം ജില്ലയിൽ നിന്നുള്ള പുതിയ പരാതികൾ സ്വീകരിക്കും.

കേരള സംസ്ഥാന ന്യൂനപക്ഷ കമ്മിഷന്റെ നേതൃത്വത്തിൽ കേരളത്തിലെ സൂക്ഷ്‌മ ന്യൂനപക്ഷ വിഭാഗങ്ങളായ ജൈന, സിഖ്, ബുദ്ധ, പാഴ്‌സി, പ്രതിനിധികളുടെ യോഗം 2023 ഡിസംബർ 20  ബുധനാഴ്‌ച ഉച്ചക്ക് 2ന് എറണാകുളം ഗസ്റ്റ് ഹൗസ് ലൈബ്രറി ഹാളിൽ നടക്കും. ഈ വിഭാഗത്തിൽപ്പെട്ടവരുടെ ശാക്തീകരണം സംബന്ധിച്ച സുപ്രധാന കാര്യങ്ങൾ ചർച്ച ചെയ്യും . യോഗത്തിൽ സംസ്ഥാന ന്യൂനപക്ഷ കമ്മീഷൻ ചെയർമാൻ അഡ്വ. എ.എ റഷീദ്, ന്യൂനപക്ഷ കമ്മീഷൻ അംഗങ്ങളായ എ. സൈനുദ്ദീൻ ഹാജി, പി. റോസ എന്നിവർ സംബന്ധിക്കും. ഫോൺ :8547274606

ജില്ലാ കളക്ടർ എൻ.എസ്.കെ ഉമേഷ് ഉദ്ഘാടനം ചെയ്തു 

എറണാകുളം ജില്ലാ എംപ്ലോയ്മെൻ്റ് എക്‌സ്ചേഞ്ചിൻ്റെ നേതൃത്വത്തിൽ കാക്കനാട് കളക്ടറേറ്റിൽ സംഘടിപ്പിക്കുന്ന 'ഉണർവ്വ് 2023' ക്രിസ്മസ് വിപണനമേള ജില്ലാ കളക്ടർ എൻ.എസ്.കെ ഉമേഷ് ഉദ്ഘാടനം ചെയ്തു. 

സിവിൽ സ്റ്റേഷനിലെ താഴത്തെ നിലയിൽ ഒരുക്കിയിരിക്കുന്ന പ്രദർശന വിപണനമേളയിൽ സ്വയംതൊഴിൽ സംരംഭകരുടെ ഉത്പന്നങ്ങളാണ് പ്രധാന ആകർഷണം. തുണിത്തരങ്ങൾ, അത്തർ, സോപ്പ്, മൺ പാത്രങ്ങൾ, കേക്ക്, വെളിച്ചെണ്ണ, ഓയിൽ, കറി മസാലകൾ എന്നീ ഉത്പന്നങ്ങൾ മേളയിൽ ലഭ്യമാകും. ഡിസംബർ 19 മുതൽ 21 വരെയാണ് മേള സംഘടിപ്പിക്കുന്നത്.