ലീഗല്‍ മെട്രോളജി സര്‍ക്കിള്‍ രണ്ട് ഇന്‍സ്‌പെക്ടറോഫീസില്‍ ഡിസംബര്‍ 20ന് നടത്താനിരുന്ന ഓട്ടോഫെയര്‍ മീറ്റര്‍, ഇലക്‌ട്രോണിക് ബാലന്‍സ് എന്നിവയുടെ പുന:പരിശോധനയും മുദ്രവയ്പും ഡിസംബര്‍ 21ന് നിശ്ചയിച്ച സമയക്രമത്തില്‍ നടത്തും. ഫോണ്‍: 0474 2745631.

തൃക്കരുവ ഗ്രാമപഞ്ചായത്തിലെ മൂന്നാം വാര്‍ഡില്‍ കരുവ കാഞ്ഞവെളി റോഡ് നടുവിലചേരിയില്‍ കൊച്ചുകടവ്മുക്കില്‍ മിനിമാസ്റ്റ് ലൈറ്റ് ( മോട്ടറൈസ്ഡ്) സ്ഥാപിക്കുന്നതിന് എന്‍ കെ പ്രേമചന്ദ്രന്‍ എം പിയുടെ പ്രാദേശിക വികസനഫണ്ട് വിനിയോഗിക്കാന്‍ ഭരണാനുമതി ലഭിച്ചു.

പൂതക്കുളം ഗ്രാമപഞ്ചായത്തിലെ 10-ാം വാര്‍ഡില്‍ തുരുത്തുകാവ് റോഡിന്റെ ഇരുവശവും പാര്‍ശ്വഭിത്തി കെട്ടി സംരക്ഷിക്കല്‍, കല്ലുവാതുക്കല്‍ ഗ്രാമപഞ്ചായത്തിലെ അടുതല ടാഗോര്‍ മെമ്മോറിയല്‍ ലൈബ്രറിക്ക് രണ്ടാംനില നിര്‍മാണം എന്നീ പ്രവൃത്തികള്‍ക്ക് റീ-ഇ-ടെന്‍ഡര്‍ ക്ഷണിച്ചു. ഡിസംബര്‍ 26ന് വൈകിട്ട് അഞ്ചിനകം ഓണ്‍ലൈനായി സമര്‍പ്പിക്കണം. ഇ-ടെന്‍ഡര്‍ www.lsg.kerala.gov.in, www.etenders.kerala.gov.in ല്‍ പ്രസിദ്ധീകരിച്ചിട്ടുണ്ട്. വിവരങ്ങള്‍ക്ക് ഇത്തിക്കര ബ്ലോക്ക് പഞ്ചായത്ത് ഓഫീസ്. ഫോണ്‍ 0474 2593260, 2592232.

കര്‍ഷകതൊഴിലാളി ക്ഷേമനിധി ബോര്‍ഡ് ജില്ലാ ഓഫീസിന്റെ ആഭിമുഖ്യത്തില്‍ അംശദായം സ്വീകരിക്കുന്നതിനും പുതിയ അംഗങ്ങളെ ചേര്‍ക്കുന്നതിനും ഡിസംബര്‍ 23 രാവിലെ 10 മുതല്‍ ശൂരനാട് തെക്ക് പഞ്ചായത്ത് കമ്മ്യൂണിറ്റി ഹാള്‍ (കക്കാക്കുന്ന്) -ല്‍ സിറ്റിങ് നടത്തും. ഫോണ്‍. 04742766843, 2950183, 9746822396, 7025491386.

20 പോലീസ് ജില്ലകളിലും തിരുവനന്തപുരം സംസ്ഥാനവനിതാസെല്ലിലുമായി 42 വനിതാ കൗണ്‍സലര്‍ താത്ക്കാലികനിയമനത്തിന് വനിതകള്‍ക്ക് അപേക്ഷിക്കാം. യോഗ്യത; എം എസ് ഡബ്ല്യൂ, സൈക്കോളജിയില്‍ ബിരുദാനന്തര ബിരുദം, കൗണ്‍സലിങ്, സൈക്കോതെറാപ്പി എന്നിവയില്‍ പി ജി ഡിപ്ലോമ. പ്രവൃത്തി പരിചയമുളളവര്‍ക്ക് മുന്‍ഗണന. പ്രായപരിധി 20-50.

പുനലൂര്‍ സര്‍ക്കാര്‍ പോളിടെക്‌നിക് കോളജില്‍ സര്‍ട്ടിഫിക്കറ്റ് കോഴ്‌സ് ഇന്‍ ഇലക്ട്രിക്കല്‍ വയറിങ് (10 മാസം) കോഴ്‌സിലേക്ക് അപേക്ഷിക്കാം. ഫോണ്‍ 7907114230, 6235491167.

മനയില്‍കുളങ്ങര സര്‍ക്കാര്‍ വനിതാ ഐ ടി ഐയില്‍ അരിത്ത്‌മെറ്റിക്ക് കം ഡ്രോയിങ് ട്രേഡില്‍ ഗസ്റ്റ് ഇന്‍സ്ട്രക്ടര്‍ നിയമനം നടത്തും. യോഗ്യത: യു ജി സി അംഗീകൃത യൂണിവേഴ്‌സിറ്റിയില്‍ നിന്നുള്ള എന്‍ജിനീയറിങില്‍ ബിവോക്/ബിരുദവും ഒരുവര്‍ഷത്തെ പ്രവര്‍ത്തിപരിചയവും അല്ലെങ്കില്‍ എന്‍ജിനീയറിങില്‍ മൂന്നുവര്‍ഷത്തെ ഡിപ്ലോമയും രണ്ടു വര്‍ഷത്തെ പ്രവര്‍ത്തിപരിചയം അല്ലെങ്കില്‍ എന്‍ജിനീയറിങില്‍ എതെങ്കിലും ട്രെയിഡിലുള്ള എന്‍ എ സി/എന്‍ ടി സി യും മൂന്ന് വര്‍ഷത്തെ പ്രവര്‍ത്തിപരിചയവും. യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകള്‍ പകര്‍പ്പുകള്‍ സഹിതം ഡിസംബര്‍ 27 രാവിലെ 11ന് പ്രിന്‍സിപ്പല്‍ മുമ്പാകെ ഹാജരാകണം.

നവകേരള സദസ്സിന്റെ ഭാഗമായി മണ്ഡലത്തില്‍ സ്വീകരിച്ചത് 3619 നിവേദനങ്ങള്‍. ആകെ 21 കൗണ്ടറുകളാണ് സജ്ജീകരിച്ചത്. സംശയങ്ങള്‍ക്കും സേവനങ്ങള്‍ക്കുമായി പ്രത്യേക ഹെല്പ് ഡെസ്‌ക്കുമുണ്ടായിരുന്നു. ഭിന്നശേഷിക്കാര്‍, വയോജനങ്ങള്‍, സ്ത്രീകള്‍ എന്നിവര്‍ക്ക് മുന്‍ഗണന നല്‍കി. രാവിലെ ഏഴര മുതല്‍ കൗണ്ടറുകളില്‍ നിവേദനങ്ങള്‍ സ്വീകരിച്ചു തുടങ്ങി. മുഖ്യമന്ത്രി വേദി വിട്ടു പോയതിന് ശേഷവും നിവേദനങ്ങള്‍ നല്‍കുന്നത് തുടര്‍ന്നു. അവപരിശോധിച്ച് തുടര്‍നടപടികള്‍ക്കായി ജില്ലതല മേധാവികള്‍ക്ക് വെബ്‌പോര്‍ട്ടലിലൂടെ നല്‍കും.

പത്തനാപുരം നവകേരള സദസിലേക്ക് പതിനായിരങ്ങളാണ് എത്തുന്നത്. നാടിന്റെ വികസനസ്വപ്നങ്ങള്‍ പങ്കിടാനും ഭാവികേരളത്തിന്റെ പ്രതീക്ഷകളിലേക്ക് കാതോര്‍ക്കാനുമായി ജനസാഗരം സംഗമിക്കുകയാണ്.

രാവിലെ മുതല്‍ വേദിയില്‍ ഗാനമേള. പരാതികള്‍ സ്വീകരിക്കുന്നതിനായി 21 കൗണ്ടറുകള്‍. പൊതുജനങ്ങള്‍ക്കായി ഹെല്‍പ്പ് ഡെസ്‌ക്, സിവില്‍ ഡിഫന്‍സ്, മെഡിക്കല്‍ സേവനം, വോളണ്ടിയര്‍ സേവനം എന്നിവയും. പൂര്‍ണമായും ഹരിതചട്ടം പാലിച്ചാണ് സംഘാടനം. മാലിന്യശേഖരണ പ്രവര്‍ത്തനങ്ങള്‍ക്ക് ഹരിതകര്‍മ സേന നേതൃത്വം നല്‍കി.

അതിദരിദ്രരില്ലാത്ത സംസ്ഥാനമാക്കി കേരളത്തെ മാറ്റുകയാണ് സര്‍ക്കാരിന്റെ ലക്ഷ്യമെന്ന് കൃഷിവകുപ്പ് മന്ത്രി പി പ്രസാദ്. പത്തനാപുരം നവകേരള സദസില്‍ സംസാരിക്കുകയായിരുന്നു അദ്ദേഹം. 2025 നവംബര്‍ ഒന്നോടെ ഈ നേട്ടം കൈവരിക്കാനുള്ള തലത്തിലാണ് പ്രവര്‍ത്തനങ്ങള്‍. ഇന്ത്യയില്‍ ഏറ്റവും ദരിദ്രര്‍ കുറവുള്ള സംസ്ഥാനമാണ് കേരളം. 64,006 കുടുംബങ്ങളാണ് അതിദാരിദ്ര്യ പട്ടികയിലുള്ളത്.

കഴിഞ്ഞ ഏഴര വര്‍ഷത്തിനുള്ളില്‍ മൂന്നര ലക്ഷത്തില്‍ അധികം വീടുകള്‍ നല്‍കി. ജനാധിപത്യത്തിന് പുത്തന്‍ മാതൃക സൃഷ്ടിച്ച പരിപാടിയാണ് നവകേരള സദസ്സ്. എന്നും അദ്ദേഹം പറഞ്ഞു.