ഡിസംബർ 13 മുതൽ ജനുവരി ആറ് വരെ കേരള ഖാദി ഗ്രാമ വ്യവസായ ബോർഡ് സംഘടിപ്പിക്കുന്ന ക്രിസ്തുമസ്-പുതുവത്സര ഖാദി വിപണന മേളയുടെ മലപ്പുറം ജില്ലാതല ഉദ്ഘാടനം മലപ്പുറം മുനിസിപ്പൽ ബസ് സ്റ്റാൻഡിലെ ഖാദി ഷോറൂമിൽ വെച്ച് ജില്ലാ പഞ്ചായത്ത് പ്രസിഡന്റ് എം കെ റഫീഖ  നിർവഹിച്ചു.

ഭിന്നശേഷിക്കാർക്കുള്ള ഏകീകൃത തിരിച്ചറിയൽ കാർഡ് (യു.ഡി.ഐ.ഡി) ലഭിക്കുന്നതിനായി മലപ്പുറം ജില്ലയിൽ നിന്നും ഇതു വരെ സ്വാവലംബൻ പോർട്ടലിൽ രജിസ്റ്റർ ചെയ്തത് 65,249 പേർ. ഭിന്നശേഷി സൗഹൃദ മലപ്പുറം കെട്ടിപ്പടുക്കുന്നതിന്റെ ഭാഗമായി ജില്ലയിലെ എല്ലാ ഭിന്നശേഷികാർക്കും മെഡിക്കൽ സർട്ടിഫിക്കറ്റും ഏകീകൃത  തിരിച്ചറിയൽ കാർഡും ലഭ്യമാക്കാനുള്ള തീവ്രശ്രമത്തിലാണ് ജില്ലാ സാമൂഹ്യ സുരക്ഷാ മിഷൻ.  

കേരള ഖാദി ഗ്രാമ വ്യവസായ ബോർഡിൻറെ ക്രിസ്തുമസ് പുതുവത്സര ഖാദി മേളയ്ക്ക് തുടക്കമായി. ഈ വർഷത്തെ ക്രിസ്തുമസ് ആഘോഷങ്ങളുമായി ബന്ധപ്പെട്ട് ഖാദി വസ്ത്രങ്ങൾക്ക് 30 ശതമാനം ഗവ. റിബേറ്റ് പ്രഖ്യാപിച്ചു കൊണ്ടാണ് മേളക്ക് തുടക്കമായത്. മേളയുടെ ജില്ലാതല ഉദ്ഘാടനം കെ.എം. സച്ചിൻദേവ് എം.എൽ.എ ബാലുശ്ശേരി അറപ്പീടികയിലുള്ള ഖാദി ഗ്രാമ സൗഭാഗ്യ ഷോറൂമിൽ നിർവ്വഹിച്ചു.

ഗതാഗതം നിരോധിച്ചു 

കിഫ്ബി പദ്ധതിയിൽ ഉൾപ്പെട്ട കള്ളന്തോട്  കൂളിമാട് റോഡ് നവീകരണവുമായി ബന്ധപെട്ടു കള്ളന്തോട്  നിലവിലുള്ള പഴയ ഓവ് പാലം പുതുക്കി പണിയുന്നതിനായി ഡിസംബർ 21 മുതൽ പ്രവൃത്തി തീരുന്നത് വരെ പ്രസ്തുത ഭാഗത്ത് വാഹന ഗതാഗതം നിരോധിച്ചതായി കേരള റോഡ് ഫണ്ട് ബോർഡ് - പ്രോജക്ട് മാനേജ്മെൻറ് യൂണിറ്റ്, കോഴിക്കോട്/വയനാട് ഡിവിഷൻ എക്സിക്യൂട്ടീവ് എഞ്ചിനീയർ അറിയിച്ചു. കള്ളന്തോട്  നിന്ന് കൂളിമാട് ഭാഗത്തേക്കും തിരിച്ചുമുള്ള വാഹനങ്ങൾ കട്ടാങ്ങൽ - പാലക്കാടി - എരിമല റോഡ് വഴി തിരിഞ്ഞു പോകേണ്ടതാണ്.

എക്സൈസ് വകുപ്പിന്റെ നേതൃത്വത്തിൽ ക്രിസ്മസ് ന്യൂ ഇയർ ആഘോഷങ്ങളുടെ മുന്നോടിയായി ജനകീയ സമിതി യോഗം ചേർന്നു. കലക്ടറേറ്റ് കോൺഫറൻസ് ഹാളിൽ ജില്ലാ കലക്ടർ സ്നേഹിൽ കുമാർ സിംഗിന്റെ അധ്യക്ഷതയിൽ ചേർന്ന യോഗത്തിൽ കഴിഞ്ഞ നാലു മാസക്കാലയളവിലെ ലഹരി വിരുദ്ധ പ്രവർത്തനങ്ങൾ അവലോകനം ചെയ്യുകയും തുടർ പ്രവർത്തനങ്ങളെ കുറിച്ച് നിർദ്ദേശങ്ങൾ സ്വീകരിക്കുകയും ചെയ്തു. എക്സൈസ് ഡെപ്യൂട്ടി കമ്മീഷണർ വി രാജേന്ദ്രൻ പ്രവർത്തന റിപ്പോർട്ട് അവതരിപ്പിച്ചു.

പ്രചരണ കായിക മത്സരങ്ങൾക്ക് 18 ന് തുടക്കം 

ബേപ്പൂര്‍ ഇന്റര്‍നാഷണല്‍ വാട്ടര്‍ ഫെസ്റ്റിൻ്റെ പ്രചാരണത്തിൻ്റെ ഭാഗമായി കോഴിക്കോട് ബീച്ചിലും ബേപ്പൂരിലും ഒരുക്കിയിരിക്കുന്നത് വിപുലമായ കലാ- കായിക മത്സരങ്ങൾ ഉൾപ്പെടെ വൈവിധ്യമാർന്ന പരിപാടികൾ.  ഡിസംബര്‍ 18ന് പ്രചരണ കായിക മത്സരങ്ങൾക്ക് തുടക്കമാവും.  18ന് വൈകീട്ട് നാല് മണിക്ക്  കോഴിക്കോട് ബീച്ചിൽ നടക്കുന്ന വോളി ബോൾ മത്സരത്തിൽ പ്രമുഖ ടീമുകൾ പങ്കെടുക്കും. രണ്ട് പുരുഷ ടീമുകളും നാല് വനിത ടീമുകളും മാറ്റുരയ്ക്കും. 

പേരാമ്പ്ര ബ്ലോക്ക് പഞ്ചായത്ത് മൂന്നാം വാർഷികാഘോഷത്തിന്റെ ഭാഗമായി കാതൽ-23 ബ്ലോക്ക് വനിതാ ഫെസ്റ്റ് സംഘടിപ്പിച്ചു. പേരാമ്പ്ര സുരഭി ഓഡിറ്റോറിയത്തിൽ നടന്ന പരിപാടി ജില്ലാ പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. ബ്ലോക്ക് പ്രസിഡന്റ് എൻ.പി. ബാബു അധ്യക്ഷത വഹിച്ചു. 

ഇന്ത്യയിലെ തന്നെ ഏറ്റവും വലിയ സാഹസിക ജല കായിക മത്സരങ്ങളുടെ വേദിയിൽ ആവേശത്തിരയുയർത്താൻ കേരളത്തിലെ പ്രഗത്ഭരായ കലാകാരന്മാരുടെ നിരയും. ഡിസംബർ 26 മുതൽ 29 വരെ ബേപ്പൂരിന്റെ സായാഹ്നങ്ങളെ മനോഹരമാക്കാൻ വിവിധങ്ങളായ കലാപരിപാടികളാണ് ആസൂത്രണം ചെയ്തിരിക്കുന്നത്. ഡിസംബർ 26ന് ഘോഷയാത്രയോടുകൂടി കലാപരിപാടികൾക്ക് തുടക്കമാകും. വൈകുന്നേരം 6 മണിക്ക് ബേപ്പൂർ ബീച്ചിൽ ഉദ്ഘാടന ചടങ്ങും ഹരിചരണിന്റെ സംഗീത പരിപാടിയും അരങ്ങേറും. ചാലിയം ബീച്ചിൽ എ ആർ റഹ്മാൻ ഹിറ്റ്സുമായി തേജ് മെർവിനും അൻവർ സാദത്തും എത്തും. നല്ലൂരിൽ വയലി ബാംബൂ മ്യൂസിക് അരങ്ങേറും.

ജില്ലയുടെ  വിനോദ സഞ്ചാര മേഖലയുടെ മുഖഛായ മാറ്റുന്ന ബേപ്പൂർ അന്താരാഷ്ട്ര വാട്ടര്‍ ഫെസ്റ്റിനായി നാടൊരുങ്ങി. അന്താരാഷ്ട്ര സാഹസിക ജല കായിക മത്സരങ്ങളുടെ ഭൂപടത്തില്‍  ഇതിനകം ഇടം നേടിയ ബേപ്പൂര്‍ ഫെസ്റ്റ് മൂന്നാം സീസണിന് ഡിസംബര്‍ 26 ന് തുടക്കമാവും. ഡിസംബര്‍ 29 വരെ നീണ്ടു നിൽക്കുന്ന ബേപ്പൂര്‍ വാട്ടര്‍ഫെസ്റ്റ്  ഇന്ത്യയിലെ തന്നെ ഏറ്റവും വലിയ സാഹസിക ജല കായിക മത്സരങ്ങളുടെ വേദികളിലൊന്നായാണ് വിലയിരുത്തപ്പെടുന്നത്. 

 വേളം ഗ്രാമപഞ്ചായത്തിലെ ചോയി മഠം കോളനിയുടെ നവീകരണത്തിന്റെ ഭാഗമായി   അംബേദ്കർ ഗ്രാമ വികസന പദ്ധതി പ്രകാരം അനുവദിച്ച ഒരു കോടി രൂപയുടെ പ്രവൃത്തിക്ക് മോണിറ്ററിംഗ് കമ്മിറ്റിയുടെ അംഗീകാരം. 

കുന്നുമ്മൽ ബ്ലോക്ക് പഞ്ചായത്ത് എൻജിനീയറിങ് വിഭാഗവും  ഊരാളുങ്കൽ ലേബർ കോൺട്രാക്ട് സൊസൈറ്റിയും സംയുക്തമായി സന്ദർശനം നടത്തി തയ്യാറാക്കിയ എസ്റ്റിമേറ്റിനാണ് മോണിറ്ററിംഗ് കമ്മിറ്റി അംഗീകാരം നൽകിയിരിക്കുന്നത്.