വേളം ഗ്രാമപഞ്ചായത്തിലെ ചോയി മഠം കോളനിയുടെ നവീകരണത്തിന്റെ ഭാഗമായി   അംബേദ്കർ ഗ്രാമ വികസന പദ്ധതി പ്രകാരം അനുവദിച്ച ഒരു കോടി രൂപയുടെ പ്രവൃത്തിക്ക് മോണിറ്ററിംഗ് കമ്മിറ്റിയുടെ അംഗീകാരം. 

കുന്നുമ്മൽ ബ്ലോക്ക് പഞ്ചായത്ത് എൻജിനീയറിങ് വിഭാഗവും  ഊരാളുങ്കൽ ലേബർ കോൺട്രാക്ട് സൊസൈറ്റിയും സംയുക്തമായി സന്ദർശനം നടത്തി തയ്യാറാക്കിയ എസ്റ്റിമേറ്റിനാണ് മോണിറ്ററിംഗ് കമ്മിറ്റി അംഗീകാരം നൽകിയിരിക്കുന്നത്.

ജില്ലാതല ചെസ്സ് ടൂർണ്ണമെന്റ് സംഘടിപ്പിച്ചു

എക്സൈസ് വിമുക്തി മിഷൻ റോട്ടറി കാലിക്കറ്റ് സെൻട്രലും സംയുക്തമായി ജില്ലാ ചെസ്സ് അസ്സോസ്സിയേഷന്റെ സഹകരണത്തോടെ സ്കൂൾ കുട്ടികള്‍ക്കായി ലഹരിക്കെതിരെ ചെക്ക് വെക്കാം, ജില്ലാതല ചെസ്സ് ടൂർണ്ണമെന്റ് സംഘടിപ്പിച്ചു. സംസ്ഥാനത്ത് ഉടനീളം വിദ്യാർത്ഥികൾക്കായി ചെസ് ടൂര്‍ണമെന്‍റ് സംഘടിപ്പിക്കുന്നതിന്റെ ഭാഗമായാണ് ജില്ലയിലും പരിപാടി നടന്നത്. 

തിരുവമ്പാടി ഗ്രാമ പഞ്ചായത്തിലെ ആനക്കാം പൊയിൽ ,മുത്തപ്പൻ പുഴ, മറിപ്പുഴ പ്രദേശത്ത് നിരവധി വർഷങ്ങളായി കർഷകർ അനുഭവിക്കുന്ന ഭൂമി സംബന്ധിച്ച പ്രശ്നങ്ങൾ പരിഹരിക്കുന്നതിന് നടപടികൾക്ക് തുടക്കമായി. 

 വനാതിർത്തി പങ്കിടുന്ന കർഷകരും നാട്ടുകാരും അവർ അനുഭവിക്കുന്ന പ്രശ്നങ്ങളും പ്രയാസങ്ങളും ചർച്ച ചെയ്യുന്നതിനായി ലിന്റോ ജോസഫ് എംഎൽഎയുടെ അധ്യക്ഷതയിൽ  മുത്തപ്പൻപുഴ സെന്റ് തോമസ് എൽ പി സ്കൂളിൽ യോഗം ചേർന്നു. 

കേരള നോളജ് ഇക്കണോമി മിഷന്റെ നേതൃത്വത്തിൽ ഡിസംബർ 19 ന് വെസ്റ്റ്ഹിൽ ഗവണ്മെന്റ് പോളിടെക്‌നിക് കോളേജിൽ സൗജന്യ സ്കിൽ ഫെയർ സംഘടിപ്പിക്കുന്നു. 18 വയസ്സ് മുതൽ 58 വയസ്സ് വരെയുള്ളവർക്ക് ജില്ലാ സ്കിൽ ഫെയറുകളിൽ സൗജന്യമായി പങ്കെടുക്കാം.

വനിത ഗ്രൂപ്പ് സംരംഭമായ നാട്യകല  യുണിറ്റ്  മേലടി ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് ഉദ്ഘാടനം ചെയ്തു. ബ്ലോക്ക് പഞ്ചായത്തിന്റെ  2023 -24 ലെ വാർഷിക പദ്ധതിയിൽ ഉൾപ്പെടുത്തിയാണ് എസ് സി വിഭാഗത്തിൽ സംരംഭം ആരംഭിച്ചത്. തിക്കോടി ഗ്രാമ പഞ്ചായത്ത്  പ്രസിഡന്റ് ജമീല സമദ് അധ്യക്ഷത വഹിച്ചു.

സംസ്ഥാന വിവരാവകാശ കമ്മീഷന്‍ ഡിസംബർ 19ന്  കോഴിക്കോട് ജില്ലയില്‍ തെളിവെടുപ്പ് നടത്തും. സംസ്ഥാന വിവരാവകാശ കമ്മീഷണര്‍ എ അബ്ദുല്‍ ഹക്കീമിന്റെ നേതൃത്വത്തില്‍ ഉച്ചയ്ക്കു ശേഷം 2.30 ന് ആസൂത്രണ ഭവന്‍   കോണ്‍ഫറന്‍സ് ഹാളില്‍ തെളിവെടുപ്പ് ആരംഭിക്കും. 
വിവിധ വകുപ്പുകളിലെ പൊതുബോധന ഓഫീസര്‍മാരും ഒന്നാം അപ്പീല്‍ അധികാരികളും ബന്ധപ്പെട്ട ഫയലുകളും ഇതര തെളിവുകളുമായി ഹാജരാകണം. അപ്പീല്‍ ഹരജിക്കാരും പങ്കെടുക്കണം. അറിയിപ്പ് ലഭിച്ചവര്‍ 2.15നു തന്നെ രജിസ്‌ട്രേഷന് ഹാജരാകണമെന്ന് കമ്മീഷന്‍ സെക്രട്ടറി അറിയിച്ചു.

86 വയസ്സുകാരൻ എം. ടി അച്യുതനും 78 കാരൻ ദാമോദരനും ഉൾപ്പടുന്ന 53 വയോജങ്ങൾക്ക് മനോഹരമായ യാത്രാനുഭവമൊരുക്കി തലക്കുളത്തൂർ ഗ്രാമപഞ്ചായത്ത്. ജില്ലയിലെ പ്രധാന വിനോദ സഞ്ചാര കേന്ദ്രമായ അകലാപ്പുഴ ഹൗസ് ബോട്ടിൽ ചുറ്റിക്കണ്ടതിന്റെ സന്തോഷത്തിലാണ് തലക്കുളത്തൂർ ഗ്രാമപഞ്ചായത്തിലെ വയോജനങ്ങൾ. ഗ്രാമപഞ്ചായത്തിന്റെ 2023-24 വാർഷിക പദ്ധതിയിൽ ഉൾപ്പെടുത്തി വയോ ക്ലബ്ബിന്റെ ആഭിമുഖ്യത്തിലാണ് പഞ്ചായത്തിലെ വയോജനങ്ങൾക്കായി ഉല്ലാസയാത്ര സംഘടിപ്പിച്ചത്. രാവിലെ എട്ട് മണിക്ക് ആരംഭിച്ച യാത്ര വൈകുന്നേരം അഞ്ച് മണിയോടെ അവസാനിച്ചു.

മാലിന്യമുക്ത നവകേരളം ക്യാമ്പയിനിന്റെ ഭാഗമായി നിയമവിരുദ്ധമായ മാലിന്യ നിക്ഷേപം നടത്തുന്നവരെ തിരിച്ചറിയാന്‍ സഹായിക്കുന്നവര്‍ക്ക് പാരിതോഷികം നല്‍കും.മാലിന്യം പൊതുഇടങ്ങളിലും, സ്വകാര്യ സ്ഥലങ്ങളിലും ജലാശയങ്ങളിലും നിക്ഷേപിക്കുന്നവരുടെ ഫോട്ടോസ്, വീഡീയോ തെളിവ് സഹിതം നല്‍കുന്ന വ്യക്തികള്‍ക്ക് തദ്ദേശ സ്വംയഭരണ വകുപ്പിന്റെ ഉത്തരവ് പ്രകാരം 2500 രൂപ വരെ ഗ്രാമപഞ്ചായത്തുകളും, നഗരസഭകളും പാരിതോഷികം നല്‍കും.