കേരളത്തിന്റെ ഉന്നതവിദ്യാഭ്യാസ രംഗത്ത് സമാനതകളില്ലാത്ത വളർച്ചയാണു കഴിഞ്ഞ ഏഴു വർഷങ്ങളിൽ സംസ്ഥാനത്തുണ്ടായതെന്നു മുഖ്യമന്ത്രി പിണറായി വിജയൻ.

സംസ്ഥാനത്തു തൊഴിൽ സാധ്യതകൾ വർധിപ്പിക്കുന്നതിനായി തൊഴിൽ മിഷൻ എന്ന ആശയം സർക്കാർ ചർച്ച ചെയ്യുമെന്നു മുഖ്യമന്ത്രി പിണറായി വിജയൻ. നവകേരള സദസിന്റെ തിരുവനന്തപുരം ജില്ലയിലെ പര്യടനത്തിന്റെ ഭാഗമായ പ്രഭാത സദസ്സിലാണ് ഇത്തരമൊരു ആശയം ഉയർന്നത്. സംസ്ഥാനത്തിന്റെ ഭാവി വികസനത്തിനു മുതൽക്കൂട്ടാകുന്ന നിരവധി ക്രിയാത്മക ആശയങ്ങളും നിർദേശങ്ങളും ആറ്റിങ്ങൽ പൂജ കൺവൻഷൻ സെന്ററിൽ നടന്ന പ്രഭാത യോഗത്തിൽ ഉയർന്നു.

വിദ്യാഭ്യാസ വകുപ്പ് മന്ത്രി വിശിവൻകുട്ടിയ്ക്ക് നൽകുന്നതിനായി  പുതുവർഷ സന്ദേശമെഴുതിയ ആയിരം കാർഡുകൾ തയ്യാറാകുന്നു. കലവൂർ ഗവർമെന്റ് ഹയർ സെക്കൻഡറി സ്കൂളിലെ വിദ്യാർത്ഥികളാണ് ആശംസാകാർഡ് തയ്യാറാക്കുന്നത്.

കുട്ടികളുടെ സർഗ്ഗശേഷി പ്രകടിപ്പിക്കാൻ കഴിയുന്ന നിലയിൽ ചിത്രങ്ങളായും സാഹിത്യരൂപങ്ങളായുമാണ് കാർഡ് ഒരുക്കുന്നത്. രചനാ പ്രക്രീയയിൽ മുഴുവൻ കുട്ടികളെയും പങ്കാളികളാക്കുകയാണ് ലക്ഷ്യം. വിദ്യാരംഗം സാഹിത്യ ക്ലബ്ബിന്റെ നേതൃത്വത്തിലാണ് പരിപാടി നടത്തുന്നത്.

സാക്ഷരതാ മിഷൻ നടത്തുന്ന പത്താംതരം, ഹയർ സെക്കൻഡറി തുല്യതാ കോഴ്സിൽ ചേർന്ന് പഠിക്കാൻ ട്രാൻസ് ജെൻഡർ വിഭാഗത്തിൽ നിന്നും ആറുപേർ തയ്യാറാകുന്നു.

ആലപ്പുഴ: ക്രിസ്മസ്, പുതുവല്‍സരാഘോഷത്തോടനുബന്ധിച്ച് ലഹരിവസ്തുക്കളുടെ ഉത്പാദനവും വിതരണവും ഉപയോഗവും തടയുന്നതിന്നതിനായി  2024 ജനുവരി മൂന്നുവരെ ജില്ലയിൽ എൻഫോഴ്സ്മെന്റ് പ്രവർത്തനം ശക്തമാക്കും. 
സ്പെഷ്യൽ എൻഫോഴ്സ്മെന്റ് കാലമായി പ്രഖ്യാപിച്ചാണ് എക്സൈസ്, പോലീസ്, ആർ.പി.എഫ്, കോസ്റ്റൽ പോലീസ്, ഭക്ഷ്യ സുരക്ഷ വിഭാഗം എന്നിവരുടെ സംയുക്ത പരിശോധന നടത്തുന്നത്.  
വാഹനങ്ങൾ, ട്രെയിനുകൾ, റെയിൽവെ സ്റ്റേഷൻ, ബീച്ച്, സ്‌കൂൾ പരിസരങ്ങൾ എന്നിവിടങ്ങളിൽ കർശന പരിശോധന നടത്തും.
എൻഫോഴ്സ്മെന്റ് പ്രവർത്തനവുമായി ബന്ധപ്പെട്ട് കളക്ടറേറ്റ് കോൺഫറൻസ് ഹാളിൽ ചേർന്ന യോഗത്തിൽ എ.ഡി.എം. എസ്. സന്തോഷ് കുമാർ അധ്യക്ഷനായി.

ആലപ്പുഴ : സംസ്ഥാന സർക്കാർ,  എയ്ഡഡ്,  അംഗീകൃത അൺഎയ്ഡഡ്  സ്കൂളുകളിൽ ഒന്നു മുതൽ  പത്തുവരെയുള്ള  ക്ലാസുകളിൽ പഠിക്കുന്ന ആരോഗ്യഹാനിക്ക്  ഇടയാകുന്ന സാഹചര്യങ്ങളിൽ തൊഴിൽ ചെയ്യുന്ന രക്ഷിതാക്കളുടെ മക്കളിൽ നിന്നും  സ്കോളർഷിപ്പിന് അപേക്ഷ ക്ഷണിച്ചു. ബന്ധപ്പെട്ട സ്ഥാപനമേധാവികൾ  അർഹരായ വിദ്യാർഥികളിൽ നിന്നും ആവശ്യമായ രേഖകൾ സഹിതം അപേക്ഷ സ്വീകരിച്ച്  ബ്ലോക്ക് പട്ടികജാതി വികസന ഓഫീസർക്ക് ഫോർവേഡ് ചെയ്യേണ്ടതാണ്. 2023 ഡിസംബർ 15 മുതൽ 2024 മാർച്ച് 15 വരെ സൈറ്റ് ഓപ്പൺ ആയിരിക്കും.

 വിവരങ്ങൾക്ക് :0477 2252548,   ഇമെയിൽ : E-mail: ddoforscalpy@gmail.com

 ആലപ്പുഴ : സ്റ്റേറ്റ് റിസോഴ്സ് സെന്ററിനു കീഴിൽ പ്രവർത്തിക്കുന്ന എസ് ആർ സി കമ്മ്യൂണിറ്റി കോളേജിന്റെ  ആഭിമുഖ്യത്തിൽ  നടത്തുന്ന ഡിപ്ലോമ ഇൻ കൗൺസിലിംഗ് സൈക്കോളജി   പ്രോഗ്രാമിലേക്ക് ഓൺലൈനായി അപേക്ഷിക്കാം,സർട്ടിഫിക്കറ്റ് കോഴ്സിന് ആറുമാസവും ഡിപ്ലോമ കോഴ്സിന് ഒരു  വർഷവുമാണ് കാലാവധി .  18 വയസ്സിനു മുകളിൽ പ്രായമുള്ളവർക്ക് അപേക്ഷിക്കാം  ഉയർന്ന പ്രായപരിധി ഇല്ല. അപേക്ഷകൾ സമർപ്പിക്കേണ്ട അവസാന തീയതി  2023  ഡിസംബർ 31 അപേക്ഷകൾ https://app.srccc.in/register  എന്ന ലിങ്കിലൂടെ സമർപ്പിക്കാം.
 വിശദാംശങ്ങൾ www.srccc.in എന്ന വെബ്സൈറ്റിലും ലഭ്യമാണ്.

ആലപ്പുഴ : മാർക്കറ്റിംഗ് മേഖലയിൽ  കൂടുതൽ പ്രാവീണ്യം നേടാൻ ആഗ്രഹിക്കുന്ന സംരംഭകർക്കായി  വ്യവസായ വാണിജ്യ വകുപ്പിന്റെ  സംരംഭകത്വ വികസന ഇൻസ്റ്റിറ്റ്യൂട്ട് ആയ  കേരള ഇൻസ്റ്റിറ്റ്യൂട്ട് ഫോർ എന്റർപ്രണർഷിപ്പ് ഡെവലപ്മെന്റ്  മൂന്നുദിവസത്തെ മാർക്കറ്റ് മിസ്റ്ററി വർക്ക്ഷോപ്പ് സംഘടിപ്പിക്കുന്നു. ഡിസംബർ 28 മുതൽ 30 വരെ കളമശ്ശേരിയിലെ   കെ.  ഐ. ഇ. ഡി ക്യാമ്പസിൽ വെച്ചാണ് പരിശീലനം. പങ്കെടുക്കാൻ താല്പര്യമുള്ളവർ ഓൺലൈനായി  http:/kied.info/training-calender/  എന്ന വെബ്സൈറ്റിൽ  അപേക്ഷിക്കുക    അവസാന  തീയതി ഡിസംബർ 26. തിരഞ്ഞെടുക്കുന്ന 35 പേർക്കാണ് അവസരം.

ആലപ്പുഴ:  ആലപ്പുഴ വണ്ടാനം മെഡിക്കൽ കോളേജ് ആശുപത്രി ക്യാമ്പസിൽ ആശുപത്രി വികസന സൊസൈറ്റിയുടെ നിയന്ത്രണത്തിലുള്ള  കംഫർട്ട് സ്റ്റേഷനുകളിൽ കരാർ അടിസ്ഥാനത്തിൽ ഏറ്റെടുത്തു നടത്തുവാൻ താല്പര്യമുള്ളവരിൽ നിന്നും കൊട്ടേഷൻ ക്ഷണിച്ചു. താല്പര്യമുള്ളവർ ആശുപത്രി വികസന സൊസൈറ്റി , മെഡിക്കൽ കോളേജ് ആശുപത്രി ആലപ്പുഴ എന്ന വിലാസത്തിൽ സമർപ്പിക്കേണ്ടതാണ്. താമസിച്ചു ലഭിക്കുന്ന ക്വട്ടേഷനുകൾ പരിഗണിക്കുന്നതല്ല 

 കൂടുതൽ വിവരങ്ങൾ ആശുപത്രി ഓഫീസിൽ നിന്നും പ്രവർത്തിസമയങ്ങളിൽ ലഭിക്കുന്നതാണ്

ആലപ്പുഴ: മാരാരിക്കുളം - ആലപ്പുഴ റെയിൽവേ സ്റ്റേഷനുകൾക്കിടയിലുള്ള ലെവൽ ക്രോസ്  നമ്പർ 56  (തുമ്പോളി ഗേറ്റ്),   ഡിസംബർ 21ന് രാവിലെ എട്ടു മുതൽ ഡിസംബർ 23ന് വൈകുന്നേരം 6  വരെ അറ്റകുറ്റ പണികൾക്കായി അടച്ചിടും. വാഹനങ്ങൾ ലെവൽ ക്രോസ്  നമ്പർ.  57  (മംഗലംഗേറ്റ് ) ലെവൽ ക്രോസ്  നമ്പർ 55 (പൂങ്കാവ് ഗേറ്റ്) വഴി പോകണം.