ആലപ്പുഴ: അതിദരിദ്രരില്ലാത്ത സംസ്ഥാനമാക്കി കേരളത്തെ മാറ്റുക എന്നതാണ് സർക്കാരിന്റെ ലക്ഷ്യമെന്ന് കൃഷിവകുപ്പ് മന്ത്രി പി. പ്രസാദ് പറഞ്ഞു. ആലപ്പുഴ മണ്ഡല തല നവകേരള സദസ്സിൽ സംസാരിക്കുകയായിരുന്നു അദ്ദേഹം.

ആലപ്പുഴ: കേന്ദ്ര വിദ്യാഭ്യാസ നയ പ്രകാരം ഏത് സിലബസ് പഠിക്കണം എന്ന് തീരുമാനിക്കാൻ ഉള്ള വിദ്യാർത്ഥികളുടെ അവകാശത്തിന്റെ ലംഘനമാണ് ലക്ഷദ്വീപിൽ നടക്കുന്നതെന്ന് പൊതുവിദ്യാഭ്യാസ-തൊഴിൽ വകുപ്പ് മന്ത്രി വി ശിവൻകുട്ടി. എസ് ഡി വി സ്‌കൂൾ മൈതാനത്ത് ആലപ്പുഴ നിയോജകമണ്ഡലം നവകേരള സദസ്സിനെ അഭിസംബോധന ചെയ്യുകയായിരുന്നു മന്ത്രി.കേരള സിലബസ്സിൽ പഠിച്ചു പരീക്ഷ എഴുതിയിരുന്ന മുപ്പത്തിഅയ്യായിരത്തോളം വിദ്യാർത്ഥികൾ പഠിക്കുന്ന ലക്ഷദ്വീപിൽ സി ബി എസ് ഇ പാഠ്യപദ്ധതി നടപ്പിലാക്കുവാൻ പോകുകയാണ്. ഈ നടപടിക്ക് എതിരെ കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രാധാന് കത്ത് അയച്ചിട്ടുണ്ട് എന്നും അദ്ദേഹം അറിയിച്ചു. 

കൊച്ചി അർബൻ-3 ഐ.സി.ഡി.എസ്. പ്രോജക്ടിൻ്റെ പരിധിയിൽ കൊച്ചി കോർപ്പറേ ഷൻ്റെ കീഴിലുള്ള 4 അങ്കണവാടികൾക്ക് ശിശുസൗഹൃദ നവീകരണ പ്രവർത്തനങ്ങൾ നടത്തുന്നതിനായി അംഗികൃത ഏജൻസികൾ/വ്യക്തികൾ/സ്ഥാപനങ്ങളിൽ നിന്നും മൽസരാടിസ്ഥാനത്തിലുള്ള ടെൻഡർ ക്ഷണിച്ചു. ടെൻഡർ സംബന്ധിച്ച വിശദ വിവരങ്ങൾ പ്രവൃത്തി ദിവസങ്ങളിൽ ഓഫീസിൽ നിന്നും ലഭ്യമാകും.(ഫോൺ ഫോൺ നമ്പർ 0484-02706695,). ടെൻഡർ ഫോറങ്ങൾ സ്വീകരിക്കുന്ന അവസാന തീയതി 28/12/2023 ഉച്ചയ്ക്ക് 2 വരെ.

ഐടി സ്ഥാപനങ്ങളിൽ ജോലി ചെയ്യുന്ന വനിതാ ജീവനക്കാർക്ക് തൊഴിൽ വകുപ്പിന്റെ നേതൃത്വത്തിൽ  24 മണിക്കൂറും പ്രവർത്തിക്കുന്ന കോൾ സെന്റർ പ്രവർത്തനം ആരംഭിച്ചു.തൊഴിൽ സംബന്ധമായ പ്രശ്നങ്ങൾ അഭിമുഖീകരിക്കുന്നവർക്ക്  ടോൾ ഫ്രീ നമ്പറിൽ വിളിക്കാവുന്നതാണ്.

155300 , 180042555214 എന്നിവയാണ് ടോൾ ഫ്രീ നമ്പറുകൾ.എല്ലാ ഐ ടി സ്ഥാപനങ്ങളിലും ടോൾ ഫ്രീ നമ്പറുകൾ പ്രദർശിപ്പിക്കണമെന്ന് ജില്ല ലേബർ ഓഫീസർ പി.ജി.വിനോദ് കുമാർ അറിയിച്ചു.

വരാപ്പുഴ ഗ്രാമപഞ്ചായത്തും ജില്ലാ ടൂറിസം പ്രമോഷൻ കൗൺസിലും ചേർന്ന് സംഘടിപ്പിക്കുന്ന വരാപ്പുഴ ടൂറിസം ഫെസ്റ്റിന് ഡിസംബർ 22ന് തുടക്കമാകും. വൈകിട്ട് നാലിന് വരാപ്പുഴ പഞ്ചായത്ത് ജംഗ്ഷനിൽ നിന്ന് വാദ്യ മേളങ്ങളുടെ അകമ്പടിയോടെ  ആരംഭിക്കുന്ന ഘോഷയാത്രയിൽ വൈവിധ്യമാർന്ന കലാരൂപങ്ങൾ അണിനിരക്കും. തുടർന്ന് ഗ്രൗണ്ടിലെ പ്രധാന വേദിയിൽ  ക്ലാസിക്കൽ ഫ്യൂഷനും കൊച്ചിൻ മ്യൂസിക് ട്രാക്കിന്റെ ഗാനമേളയും ഉണ്ടാകും. 

ഫോർട്ട്‌കൊച്ചി സബ് കളക്ടറായി കെ. മീര ചുമതലയേറ്റു.  സബ് കളക്ടറായിരുന്ന പി. വിഷ്ണുരാജ് പി ഡബ്ല്യൂ ഡി അസി. സെക്രട്ടറിയായി  നിയമിതനായ ഒഴുവിലേക്കാണ് ചുമതലയേറ്റത്.  മലപ്പുറം അസിസ്റ്റന്റ് കളക്ടറായി സേവനം അനുഷ്ഠിക്കുകയായിരുന്നു. തൃശൂർ സ്വദേശിനിയായ മീര 2020 സിവിൽ സർവീസ് പരീക്ഷയിൽ അഖിലേന്ത്യാ തലത്തിൽ ആറാം റാങ്ക് കരസ്ഥമാക്കിയിരുന്നു.

എറണാകുളം ജില്ലാ പഞ്ചായത്തിന്റെ സാമ്പത്തിക സഹായത്തോടെ, കേരള സര്‍ക്കാര്‍ ആയുഷ് ഹോമിയോപ്പതി വകുപ്പ് ജില്ലയിലെ പട്ടിക വര്‍ഗ്ഗ ഊരുകളിലെ സ്ത്രീകള്‍ക്കായി ആരംഭിക്കുന്ന 'കവര്‍ ആന്‍ഡ് കെയര്‍ പദ്ധതിക്ക് 
ശനിയാഴ്ച്ച (16ന്)തുടക്കമാകും. ജില്ലയിലെ സര്‍ക്കാര്‍ ഹോമിയോപ്പതി സ്ഥാപനങ്ങള്‍ക്കാവശ്യമായ പേപ്പര്‍ കവര്‍ (ക്യാരി ബാഗ് നിര്‍മ്മിച്ച് നല്‍കുന്നതിലേക്കുള്ള പരിശീലനം ഊരിലെ സ്ത്രീകള്‍ക്ക് നല്‍കുന്നത് വഴി ഊരിലെ കുടുംബങ്ങളുടെ സമഗ്രമായ സാമ്പത്തിക ഉന്നമനവും ആരോഗ്യ സംരക്ഷണവുമാണ് ലക്ഷ്യമിടുന്നത്. 

ഡ്രോൺ ഉപയോഗിച്ച് ചെടികൾക്ക് ജൈവവളം തളിക്കുന്ന പദ്ധതിക്ക് മഞ്ഞള്ളൂർ ഗ്രാമപഞ്ചായത്തിൽ തുടക്കമായി. ഡ്രോൺ ഉപയോഗിച്ചുള്ള വള പ്രയോഗത്തിന്റെ ഉദ്ഘാടനം ജില്ല പഞ്ചായത്ത് പ്രസിഡന്റ് ഉല്ലാസ് തോമസ് നിർവഹിച്ചു. ഗ്രാമപഞ്ചായത്ത് പ്രസിഡന്റ്  ആൻസി ജോസ് അധ്യക്ഷത വഹിച്ചു.  

 ഓരോ വകുപ്പുകളും ദീർഘവീക്ഷണത്തോടെ പദ്ധതികൾ ആവിഷ്കരിച്ച്  നടപ്പിലാക്കണമെന്ന് ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് പറഞ്ഞു. പതിനാലാം പഞ്ചവത്സര പദ്ധതിയിലെ 2024-25 വാർഷിക പദ്ധതി രൂപീകരണത്തിന്റെ ഭാഗമായി ജില്ലാതല മുൻഗണനകൾ നിശ്ചയിക്കുന്നതിനും സംയുക്ത / സംയോജിത പ്രോജക്ട് സാധ്യതകൾ ചർച്ച ചെയ്യുന്നതിനുമായി ജില്ലാ ആസൂത്രണ സമിതിയുടെ നേതൃത്വത്തിൽ ചേർന്ന പ്രത്യേക യോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു അദ്ദേഹം.