ലോക്‌സഭാ തെരഞ്ഞടുപ്പിനോടനുബന്ധിച്ച് നിയോജകമണ്ഡലംതല ട്രെയിനികള്‍ക്കുള്ള പരിശീലനം നല്‍കി. കളക്ട്രേറ്റ് എക്‌സിക്യൂട്ടീവ് കോണ്‍ഫാന്‍സ് ഹാളില്‍ നടന്ന പരിശീലനം ജില്ലാ കളക്ടര്‍ വി.ആര്‍ കൃഷ്ണ തേജ ഉദ്ഘാടനം ചെയ്തു. സംസ്ഥാന മാസ്റ്റര്‍ ട്രെയിനര്‍മാരായ കെ. കൃഷ്ണകുമാര്‍, പി.വി സുഭാഷ്, കെ.ജി പ്രാണ്‍സിംഗ്, വി.എന്‍ ശ്രീജ എന്നിവരാണ് പരിശീലനം നല്‍കിയത്. നിയോജകമണ്ഡലംതല ട്രെയിനികളുടെ നേതൃത്വത്തിലാണ് പ്രൊസീഡിങ് ഓഫീസര്‍മാര്‍ക്കും പോളിംഗ് ഓഫീസര്‍മാര്‍ക്കും ട്രെയിനിംഗ് നല്‍കുക. 

ജില്ലയില്‍ എല്ലാ റേഷന്‍കടകളിലും 2023 ഡിസംബര്‍ മാസത്തെ റേഷന്‍വിഹിതം എത്തിയിട്ടുണ്ട്. ക്രിസ്തുമസ് പ്രമാണിച്ച് തിരക്കുണ്ടാവാന്‍ സാധ്യതയുള്ളതിനാല്‍ ഓരോ കാര്‍ഡിനും അര്‍ഹതപ്പെട്ട റേഷന്‍വിഹിതം ഏറ്റവും അടുത്ത ദിവസങ്ങളില്‍ തന്നെ വാങ്ങണമെന്ന് ജില്ലാ സപ്ലൈ ഓഫീസര്‍ അറിയിച്ചു.

മണലി പുഴക്ക് കുറുകെ പുത്തൂര്‍ സമാന്തര പാലം നിര്‍മ്മാണത്തിനായി 0.0900 ഹെക്ടര്‍ ഭൂമി ഏറ്റെടുക്കാന്‍ അനുമതി ലഭിച്ചതായി റവന്യൂ മന്ത്രി കെ. രാജന്‍ അറിയിച്ചു. നടത്തറ വില്ലേജിലെ 0.032 ഹെക്ടര്‍ സ്ഥലവും, കൈനൂര്‍ വില്ലേജിലെ 0.058 ഹെക്ടര്‍ സ്ഥലവുമാണ് സമാന്തര പാലം നിര്‍മ്മാണത്തിനായി ഏറ്റെടുക്കുക. പുത്തൂര്‍ സുവോളജിക്കല്‍ പാര്‍ക്കിലേക്കുള്ള റോഡ് വികസനത്തിന്റെ ഭാഗമായാണ് പുത്തൂരില്‍ സമാന്തര പാലം നിര്‍മ്മിക്കുന്നത്. പുത്തൂര്‍ മുതല്‍ പയ്യപ്പിള്ളിമൂല വരെ 15 മീറ്റര്‍ വീതിയിലാണ് റോഡ് നിര്‍മ്മാണം ആരംഭിക്കുന്നത്.

നെല്ലുവായ് ധന്വന്തരി ക്ഷേത്രം റോഡ് എ.സി മൊയ്തീന്‍ എംഎല്‍എ നാടിന് സമര്‍പ്പിച്ചു. ബ്രിക്ക്‌സ് വിരിച്ച് നവീകരണ പ്രവര്‍ത്തികള്‍ നടത്തിയ  റോഡിന്റെ ഉദ്ഘാടനം എംഎല്‍എ നിര്‍വ്വഹിച്ചു. എരുമപ്പെട്ടി ഗ്രാമ പഞ്ചായത്ത് പ്രസിഡന്റ് എസ്. ബസന്ത്‌ലാല്‍ അദ്ധ്യക്ഷത വഹിച്ചു. ഗ്രാമ പഞ്ചായത്ത് വികസന ഫണ്ടില്‍ നിന്നും 17 ലക്ഷം രൂപ വിനിയോഗിച്ചാണ് 137 മീറ്റര്‍ റോഡ് നിര്‍മ്മിച്ചത്. ഓവര്‍സിയര്‍ കെ.കെ സജിനി റിപ്പോര്‍ട്ട് അവതരിപ്പിച്ചു.
കൊച്ചിന്‍ ദേവസ്വം ബോര്‍ഡ് പ്രസിഡന്റ് ഡോ. സുദര്‍ശന്‍, ദേവസ്വം ബോര്‍ഡ് മെമ്പര്‍ പ്രേംരാജ് ചൂണ്ടലാത്ത് എന്നിവര്‍ മുഖ്യാതിഥികളായി. 

എല്‍.പി.ജി ഓപ്പണ്‍ ഫോറം ജനുവരി 5 ന് ഉച്ചയ്ക്ക് 2.30 ന് കളക്ട്രേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ വി.ആര്‍ കൃഷ്ണ തേജയുടെ അധ്യക്ഷതയില്‍ ചേരും. ജില്ലയിലെ ഔദ്യോഗിക ഉപഭോക്തൃ സംഘടനാ പ്രതിനിധികള്‍, പൊതുജനങ്ങള്‍/ എല്‍.പി.ജി കമ്പനികളുടെ പ്രതിനിധികള്‍, ഗ്യാസ് ഏജന്‍സി പ്രതിനിധികള്‍, സിവില്‍ സപ്ലൈസ് ഉദ്യോഗസ്ഥര്‍, എന്നിവര്‍ പങ്കെടുക്കും.

ക്രിസ്തുമസിനോടനുബന്ധിച്ച് മായമില്ലാത്തതും വിഷാംശമില്ലാത്തതുമായ ഹോംമെയ്ഡ് ഉത്പന്നങ്ങള്‍ ലഭ്യമാക്കുക, കുടുംബശ്രീ സംരംഭകര്‍ക്ക് കൂടുതല്‍ സംരംഭ സാധ്യതകള്‍ ഒരുക്കുക എന്ന ലക്ഷ്യത്തോടെ കുടുംബശ്രീ തൃശ്ശൂര്‍ ജില്ലാ മിഷന്റെ നേതൃത്വത്തില്‍ നടത്തുന്ന ക്രിസ്തുമസ് കേക്ക് വിപണന മേളയ്ക്ക് കലക്ട്രേറ്റില്‍ തുടക്കമായി. മേളയുടെ ഉദ്ഘാടനം ജില്ലാ കളക്ടര്‍ വി.ആര്‍. കൃഷ്ണ തേജ നിര്‍വ്വഹിച്ചു. ജില്ലാ മിഷന്‍ കോ-ഓര്‍ഡിനേറ്റര്‍ ഡോ. എ. കവിത അധ്യക്ഷയായി. 

ജില്ലയിലെ വിവിധ സർക്കാർ ആശുപത്രികളിലും ജില്ലാ പഞ്ചായത്തിന് കീഴിലുള്ള ആലുവ ജില്ലാ ആശുപത്രി, കച്ചേരിപ്പടി ജില്ലാ ആയുർവേദ ആശുപത്രി, പുല്ലേപ്പടി ജില്ലാ ഹോമിയോ ആശുപത്രി എന്നിവിടങ്ങളിലും ബി എസ് സി നേഴ്സിംഗ്, ജനറൽ നേഴ്‌സിംഗ്‌, പാരാമെഡിക്കൽ, പോളിടെക്ന‌ിക്, ഐടിഐ യോഗ്യതയുളള പട്ടികജാതി യുവതീ യുവാക്കളെ ഒരു വർഷത്തേക്ക് പരിശീലനത്തിനായി നിയോഗിക്കുന്നു.

എറണാകുളം ജില്ലയിലെ ത്രിതല പഞ്ചായത്ത് എൽ എസ് ജി ഡി ഓഫീസുകളിൽ ബി ടെക്/ഡിപ്ലോമ സിവിൽ എൻജിനീയറിംഗ് യോഗ്യതയുളള പട്ടികജാതി യുവതീ യുവാക്കളെ 10,000 രൂപ ഹോണറേറിയം നൽകി ഒരു വർഷത്തേക്ക് പരിശീലനത്തിനായി നിയോഗിക്കുന്നു.

 ഗ്രാമ പഞ്ചായത്ത് പരിധിയിൽ താമസിക്കുന്ന 18 നും 40 നും മദ്ധ്യേ പ്രായമുളളവർക്ക് അപേക്ഷിക്കാം. താല്‌പര്യമുളളവർ അതാത് ഗ്രാമ പഞ്ചായത്ത് എസ് സി പ്രൊമോട്ടർമാരുമായോ ജില്ലാ പട്ടികജാതി വികസന ഓഫീസുമായോ ബന്ധപ്പെടുക. അപേക്ഷ സമർപ്പിക്കേണ്ട അവസാന തീയതി: 30.12.2023. കൂടുതൽ വിവരങ്ങൾക്ക് ബന്ധപ്പെടേണ്ട നമ്പർ 0484 2952256.

അസിസ്റ്റന്റ് എഞ്ചിനിയർ നിർവ്വഹണ ഉദ്യോഗസ്ഥനായ,
കോതമംഗലം ബ്ലോക്ക് പഞ്ചായത്ത് 2023-24 വാർഷിക പദ്ധതിയിലെ  വിവിധ പൊതുമരാമത്ത് പ്രവൃത്തികളുടെ ഇ-ടെ൯ഡർ നടപടികളുടെ വിശദവിവരങ്ങൾ www.lsg.kerala.gov.in, www.etenders.kerala.gov.in വെബ് സൈറ്റുകളിലും പ്രവൃത്തി ദിവസങ്ങളിൽ  അസിസ്റ്റൻറ് എക്സിക്യൂട്ടീവ് എഞ്ചിനിയറുടെ കാര്യാലയത്തിൽ നിന്നും, അറിയാം.
 

സ്റ്റേറ്റ് റിസോഴ്‌സ് സെൻ്ററിനു കീഴിൽ പ്രവർത്തിക്കുന്ന എസ്.ആർ.സി കമ്മ്യൂണിറ്റി കോളേജ് 2024 ജനുവരി സെഷനിൽ ആരംഭിക്കുന്ന ഡിപ്ലോമ ഇൻ ആയൂർവേദിക് പഞ്ചകർമ്മ അസിസ്റ്റൻസ്' കോഴ്‌സിന് ഓൺലൈനായി അപേക്ഷ ക്ഷണിച്ചു.

 പന്ത്രണ്ടാം ക്ലാസ് ആണ് യോഗ്യത. വിദൂര വിദ്യാഭ്യാസ രീതിയിൽ നടത്തപ്പെടുന്ന ഈ കോഴ്‌സിന് ഒരു വർഷമാണ് കാലാവധി. സ്വയംപഠന സാമഗ്രികൾ, സമ്പർക്ക ക്ലാസ്സുകൾ, പ്രാക്ടിക്കൽ ട്രെയിനിംഗ് എന്നിവ കോഴ്സിൽ ചേരുന്നവർക്ക് ലഭിക്കും https://app.srccc.in/register ലിങ്കിലൂടെ ആപ്ലിക്കേഷൻ ഓൺലൈനായി സമർപ്പിക്കാൻ കഴിയും.