വനിതാ ശിശു വികസന വകുപ്പിന് കീഴിലുള്ള ഇടപ്പള്ളി ഐ.സി.ഡി.എസ്. പ്രൊജക്ട് ഓഫീസിലെ ഉപയോഗത്തിനായി കരാർ അടിസ്ഥാനത്തിൽ   ഒരു വർഷത്തേക്ക് വാഹനം ലഭ്യമാക്കുന്നതിന്  ടെൻഡർ ക്ഷണിച്ചു.  ടെൻഡർ സമർപ്പിക്കേണ്ട അവസാന തീയതി ഡിസംബർ 19 ഉച്ചയ്ക്ക് മൂന്ന് വരെ.

 ഫോമിനും കൂടുതൽ വിവരങ്ങൾക്കും ഇടപ്പള്ളി ഐ.സി.ഡി.എസ്. പ്രൊജക്ട് ഓഫീസ്, ഐ എം ജി ജംഗ്ഷൻ, കുസുമഗിരി പി.ഓ. കാക്കനാട്  - 682030 എന്ന വിലാസത്തിലോ 0484 2421383 എന്ന നമ്പറിലോ ബന്ധപ്പെടുക.

 ആലപ്പുഴയിലെ കയർ വ്യവസായ മേഖലയുടെ സംരക്ഷണത്തിനായി സമഗ്ര ഇടപെടൽ നടത്തുമെന്ന് മുഖ്യമന്ത്രി പിണറായി വിജയൻ. നവകേരള സദസ്സിനോടുബന്ധിച്ച് കലവൂർ കാമിലോട്ട് കൺവെൻഷൻ സെന്ററിൽ നടന്ന ആലപ്പുഴ ജില്ലയിലെ ആദ്യ പ്രഭാത യോഗത്തിൽ സംസാരിക്കുകയായിരുന്നു മുഖ്യമന്ത്രി. കയർ വ്യവസായവുമായി ബന്ധപ്പെട്ട് യോഗത്തിലുയർന്ന ആശങ്കകളോട് മുഖ്യമന്ത്രി പ്രതികരിച്ചു. 

ആലപ്പുഴ: വൈദ്യുതി വകുപ്പ് മന്ത്രി.കെ കൃഷ്ണൻ കുട്ടിയെ ഇന്ന് രാവിലെ 9.30ന് ദേഹാസ്യാസ്ഥത്തെ തുടർന്ന് ആലപ്പുഴ ഗവ.റ്റിഡി മെഡിക്കൽ കോളേജ് ആശുപത്രിയിൽ കാർഡിയോളജി തീവ്ര പരിചരണ വിഭാഗത്തിൽ പ്രവേശിപ്പിച്ചു. അദ്ദേഹത്തെ പരിശോധിക്കുന്നതിനുള്ള മെഡിക്കൽ ടീമിന്റെ മേൽനോട്ടത്തിനായി പ്രിൻസിപ്പാൾ ഡോ.മിറിയം വർക്കി ചെയർ പേഴ്‌സാണായും സൂപ്രണ്ട് ഡോ.അബ്ദുൾ സലാം ടീം മേധാവിയായും മെഡിക്കൽ ടീം രൂപീകരിച്ചു. ഡോ.വിനയ കുമാർ, കാർഡിയോളജി വിഭാഗം മേധാവി, ഡോ.ഷാജി.സി.വി, ന്യൂറോളജി വിഭാഗം മേധാവി ഡോ.സുമേഷ് രാഘവൻ മെഡിസിൻ വകുപ്പ് മേധാവി, ഡോ.വീണ.എൻ, അനസ്‌തേഷ്യ വിഭാഗം മേധാവി എന്നിവരാണ് മെഡിക്കൽ ടീം അംഗങ്ങൾ. 

നവംബർ 18  ന് ആരംഭിച്ച നവകേരള യാത്ര പതിനൊന്നാമത്തെ ജില്ലയിലാണ് ഇന്നലെ കടന്നത്. വലിയ ജനമുന്നേറ്റമായി നവകേരള സദസ്സ് മാറിയിരിക്കുന്നു. ഓരോ മണ്ഡല കേന്ദ്രങ്ങളിലും നേരിട്ടെത്തുന്ന ജനാവലി മാത്രമല്ല, വഴിയോരങ്ങളിലാകെ കാത്തുനിന്ന്  അഭിവാദ്യം ചെയ്യുന്ന ആയിരങ്ങൾ ഇതിൽ പങ്കാളികളാവുകയാണ്. 

കോട്ടയം: മുഖ്യമന്ത്രിയും മന്ത്രിമാരും ജനങ്ങളുമായി സംവദിച്ച വൈക്കം നിയോജമണ്ഡലത്തിലെ നവകേരള സദസിൽ 7667 നിവേദനങ്ങൾ ലഭിച്ചു. 25 കൗണ്ടറുകളാണ് നിവേദനങ്ങൾ സ്വീകരിക്കാൻ നവകേരള സദസ് വേദിക്ക് സമീപം ഒരുക്കിയത്. സ്ത്രീകൾക്കും ഭിന്നശേഷിക്കാർക്കും  മുതിർന്ന പൗരന്മാർക്കും  പ്രത്യേകം കൗണ്ടറുകൾ ഒരുക്കിയിരുന്നു. വൈക്കം ബീച്ച് മൈതാനത്ത് രാവിലെ മുതൽ കൗണ്ടറുകൾ പ്രവർത്തനം ആരംഭിച്ചിരുന്നു. ലഭിച്ച നിവേദനങ്ങൾ ബന്ധപ്പെട്ട വകുപ്പുകൾക്ക് കൈമാറി സമയബന്ധിതമായി നടപടികൾ സ്വീകരിക്കും.

കോട്ടയം: വൈക്കം മണ്ഡലത്തിൽ പതിനായിരങ്ങൾ പങ്കെടുത്ത നവകേരളസദസോടെ ജില്ലയിലെ ഒൻപതു മണ്ഡലങ്ങളിലേയും നവകേരളസദസ് പൂർത്തിയായി. മുഖ്യമന്ത്രി പിണറായി വിജയനും 20 മന്ത്രിമാരും അടങ്ങുന്ന ജനകീയ മന്ത്രിസഭയെ കാണാൻ ഒൻപതു മണ്ഡലങ്ങളിലും പതിനായിരക്കണക്കിന് ആളുകളാണ് തടിച്ചുകൂടിയത്. നവകേരളസൃഷ്ടിക്കായി മന്ത്രിസഭയോട് നിർദേശങ്ങൾ പങ്കുവയ്ക്കാനും മന്ത്രിമാരുടെ അഭിപ്രായങ്ങൾ കേൾക്കാനും തങ്ങളുടെ പ്രശ്‌നങ്ങൾക്കു പരിഹാരം തേടിയും എത്തിയ ജനസഹസ്രങ്ങളെക്കൊണ്ട് മൂന്നുനാളും ജില്ലയിലെ നവകേരളസദസ് വേദികൾ ആൾക്കൂട്ടക്കടലായി.

കോട്ടയം: വൈക്കം നിയോജകമണ്ഡലത്തിലെ എല്ലാ വില്ലേജ് ഓഫീസുകളും ഈ സർക്കാർ ഭരണം പൂർത്തിയാക്കുന്നതിന് മുൻപ് തന്നെ സ്മാർട്ട് ആകുമെന്ന് റവന്യൂ വകുപ്പ് മന്ത്രി കെ. രാജൻ. വടക്കേ മുറി, തലയാഴം, കുലശേഖരം, വെച്ചൂർ എന്നിവിടങ്ങളിലെ നാല് വില്ലേജ് ഓഫീസുകൾ സ്മാർട്ടായി.
കേരളത്തിലെ ഡിജിറ്റൽ റീസർവേ ഏഴ് മാസം കൊണ്ട് 1,77,000 ഹെക്ടർ പൂർത്തിയാക്കി.
വൈക്കം നിയോജകമണ്ഡലത്തിൽ ഒൻപതു വില്ലേജുകളിലായി ഏഴ് മാസം കൊണ്ട് 5790 ഹെക്ടർഭൂമി അളന്നുതിട്ടപ്പെടുത്തി. ഉദയനാപുരം ഗ്രാമപഞ്ചായത്തിലെ രാജീവ് ദശലക്ഷം കോളനിയിലെ താമസക്കാരായ മുഴുവൻ ആളുകൾക്കും പട്ടയം വിതരണം ചെയ്യുമെന്നും മന്ത്രി കെ.രാജൻ പറഞ്ഞു.