സംസ്ഥാന സര്‍ക്കാരിന്റെ 2022 ലെ മാധ്യമ അവാര്‍ഡിന് എന്‍ട്രികള്‍ ക്ഷണിച്ചു. 2022 ജനുവരി ഒന്നിനും ഡിസംബര്‍ 31 നുമിടയില്‍ പ്രസിദ്ധീകരിച്ച വികസനോന്‍മുഖ റിപ്പോര്‍ട്ട്, ജനറല്‍ റിപ്പോര്‍ട്ട്, വാര്‍ത്താചിത്രം, കാര്‍ട്ടൂണ്‍ എന്നിവയ്ക്കും ഈ കാലയളവില്‍ സംപ്രേഷണം ചെയ്ത ടിവി വാര്‍ത്താ റിപ്പോര്‍ട്ട്, ക്യാമറ, വീഡിയോ എഡിറ്റിങ്, ടിവി ന്യൂസ് പ്രസന്റര്‍, മികച്ച അഭിമുഖം, സാമൂഹ്യ ശാക്തീകരണ റിപ്പോര്‍ട്ട് എന്നിവയ്ക്കുമാണ് അവാര്‍ഡുകള്‍ നല്‍കുന്നത്.

കേരള മീഡിയ അക്കാദമി കോളേജ്/ ഹയര്‍സെക്കന്ററി തലം കേന്ദ്രീകരിച്ച് പലസ്തീന്‍ വിഷയത്തില്‍ സംഘടിപ്പിക്കുന്ന വാര്‍ത്താവതരണ മത്സരത്തിന് അപേക്ഷിക്കാനുള്ള തീയതി 2024 ജനുവരി 10 വരെ നീട്ടി. കേരള മീഡിയ അക്കാദമിയുടെ മീഡിയ ക്ലബ്ബിന്റെ ആഭിമുഖ്യത്തിലാണ് മത്സരം സംഘടിപ്പിക്കുന്നത്. മത്സരത്തില്‍ ഒന്നും രണ്ടും മൂന്നും സ്ഥാനം ലഭിക്കുന്നവര്‍ക്ക് യഥാക്രമം 10,000 രൂപ, 7000 രൂപ, 5000 രൂപ വീതം ക്യാഷ് അവാര്‍ഡും സര്‍ട്ടിഫിക്കറ്റുകളും സമ്മാനമായി നല്‍കും. മത്സരാര്‍ത്ഥികള്‍ അഞ്ച് മിനിറ്റില്‍ കുറയാത്ത വാര്‍ത്താ ബുള്ളറ്റിന്‍ തയ്യാറാക്കി അവതരിപ്പിച്ച് അയക്കണം.

വായനക്കാരായ അമ്മമാരുടെ സംഗമം ഡിസംബര്‍ 16 ന് രാവിലെ 09.30 കേരള സംഗീത നാടക അക്കാദമി ഹാളില്‍ (റിജ്യണല്‍ തിയേറ്റര്‍) നടക്കും. കേരള സംഗീത നാടക അക്കാദമി സെക്രട്ടറി കരിവെള്ളൂര്‍ മുരളി ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് പി.കെ ഡേവിസ് മാസ്റ്റര്‍ അധ്യക്ഷനാകും. ജില്ലാ കളക്ടര്‍ വി.ആര്‍ കൃഷ്ണ തേജ മുഖ്യാതിഥിയാകും.

പട്ടാമ്പി ശ്രീ നീലകണ്ഠ സര്‍ക്കാര്‍ സംസ്‌കൃത കോളേജില്‍ ബോട്ടണി വിഭാഗത്തില്‍ ഡി എസ് ടി - സെര്‍ബ് ഷുവര്‍ പ്രോജക്റ്റിന്റെ ഭാഗമായി ഒരു ജൂനിയര്‍ റിസര്‍ച്ച് ഫെല്ലോ തസ്തികയിലേക്ക് വാക് ഇന്‍ ഇന്റര്‍വ്യൂ നടത്തുന്നു. യോഗ്യത എം എസ് സി ബോട്ടണി/ പ്ലാന്റ് സയന്‍സ്. മോളിക്യൂലര്‍ ബയോളജി ഇന്‍ഫോര്‍മാറ്റിക് അനലൈസിസ് മേഖലകളില്‍ പ്രവൃത്തി പരിചയമുള്ളവര്‍ക്ക് മുന്‍ഗണന ലഭിക്കും. പ്രായം 35 വയസ്സിന് താഴെ. താല്‍പര്യമുള്ളവര്‍ സര്‍ട്ടിഫിക്കറ്റുകളുമായി ഡിസംബര്‍ 23 ന് രാവിലെ 10 ന് കോളേജില്‍ എത്തിച്ചേരണം.

കോട്ടയം :കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയിൽ അംഗങ്ങളായ കുടിശ്ശികയുളള ഗുണഭോക്താക്കൾക്കായി ജില്ലയിൽ അദാലത്ത് ആരംഭിച്ചു. അദാലത്തിൽ കുടിശ്ശികയുളള വരിസംഖ്യ തുകയ്ക്ക് പിഴപലിശ ഒഴിവാക്കുന്നതിനും കുടിശ്ശികയുളള വരിസംഖ്യ തുക അദാലത്ത് കാലയളവിൽ അഞ്ച് തവണകളായി ഒടുക്കുന്നതിനും അവസരമുണ്ട്.കൂടാതെ ക്ഷേമനിധി അംഗങ്ങളുടെ വിവരങ്ങൾ ഡിജിറ്റലൈസ് ചെയ്യുന്നതിൻ്റെ ഭാഗമായി ക്ഷേമനിധിയിൽ ഓൺലൈൻ അംഗങ്ങളല്ലാത്ത എല്ലാ അംഗങ്ങളും ഓഫീസിൽ സജ്ജീകരിച്ചിട്ടുള്ള നിർദ്ദിഷ്‌ട ഫോറത്തിൽ വിവരങ്ങൾ സ്വയം പൂരിപ്പിച്ച് നൽകേണ്ടതാണ്.

ചെറുതുരുത്തി - പൊന്നാനി റോഡില്‍ പുതുപ്പാടം ഭാഗത്ത് (ഏകദേശം ചെയിനേജ് 1/740) കലുങ്ക് നിര്‍മ്മാണ പ്രവൃത്തികള്‍ ആരംഭിക്കുന്നതിനാല്‍ ഡിസംബര്‍ 15 മുതല്‍ പ്രവൃത്തി അവസാനിക്കുന്നത് വരെ വാഹന ഗതാഗതം ഭാഗികമായി തടസ്സപ്പെടുമെന്ന് വടക്കാഞ്ചേരി പൊതുമരാമത്ത് നിരത്ത് വിഭാഗം അസിസ്റ്റന്റ് എഞ്ചിനീയര്‍ അറിയിച്ചു.

തൃശ്ശൂര്‍ ഗവ. മാനസിക ആരോഗ്യകേന്ദ്രത്തില്‍ 50 വയസ്സ് പ്രായം തോന്നിക്കുന്ന (സിദ്ധിഖ് എന്ന് പേരുമാത്രം അറിയാവുന്ന) മാനസിക വെല്ലുവിളി നേരിടുന്നയാള്‍ 2023 മാര്‍ച്ച് 28 മുതല്‍ ചികിത്സയില്‍ കഴിയവെ ഡിസംബര്‍ 12 ന് മരണപ്പെട്ടു. ഇയാളെ ബന്ധുക്കളാരും അന്വേഷിച്ച് വരാത്തതിനാല്‍ തിരിച്ചറിയുന്നവര്‍ തൃശ്ശൂര്‍ ടൗണ്‍ വെസ്റ്റ് പോലീസ് സ്റ്റേഷനുമായി ബന്ധപ്പെടണമെന്ന് സബ് ഇന്‍സ്‌പെക്ടര്‍ അറിയിച്ചു. ഫോണ്‍: 0487-2363608, ഇന്‍സ്പെക്ടര്‍: 9497987131, സബ് ഇന്‍സ്പെക്ടര്‍: 7907408349.

ലോകായുക്ത സിറ്റിംഗ് 21, 22 തിയ്യതികളിൽ

കേരള ലോകായുക്ത ഡിസംബർ 21, 22 തിയ്യതികളിൽ ജില്ലയിൽ ക്യാമ്പ് സിറ്റിംഗ് നടത്തും. പിഡബ്ല്യൂഡി റസ്റ്റ് ഹൗസിലെ കോൺഫറൻസ് ഹാളിൽ നടക്കുന്ന സിറ്റിംഗിൽ ലോകായുക്ത ജസ്റ്റിസ് സിറിയക് ജോസഫിന്റെ നേതൃത്വത്തിലുള്ള ഡിവിഷൻ ബെഞ്ചും ഗവ. ഗസ്റ്റ് ഹൗസ് കോൺഫറൻസ് ഹാളിൽ ഉപലോകായുക്ത ജസ്റ്റിസ് ഹാറൂൺ അൽ റഷീദിന്റെ നേതൃത്വത്തിലുള്ള സിംഗിൾ ബെഞ്ചും പരാതികൾ പരിഗണിക്കും. നിശ്ചിത മാതൃകയിലുള്ള പുതിയ പരാതികളും സ്വീകരിക്കുമെന്ന് രജിസ്ട്രാർ അറിയിച്ചു. 

അക്കൗണ്ടിംഗ് കോഴ്സുകളിലേക്ക് അപേക്ഷ ക്ഷണിച്ചു

മേലടി ബ്ലോക്ക് പഞ്ചായത്ത് 2024 -25 വർഷത്തെ പദ്ധതി രൂപീകരണത്തിന്റെ ഭാ​ഗമായി ചേർന്ന ബ്ലോക്ക് ഗ്രാമസഭ കാനത്തിൽ ജമീല എംഎൽഎ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് സുരേഷ് ചങ്ങാടത്ത് അധ്യക്ഷത വഹിച്ചു. ബ്ലോക്ക് പഞ്ചായത്ത് സ്ഥിരം സമിതി അധ്യക്ഷന്മാരായ എം എം രവീന്ദ്രൻ,  മഞ്ഞക്കുളം നാരായണൻ, ലീന പുതിയോട്ടിൽ, മെമ്പർ രാജീവൻ കൊടലൂർ, തുറയൂർ ഗ്രാമ പഞ്ചായത്ത് പ്രസിഡന്റ് സി കെ ഗിരീഷ് എന്നിവർ സംസാരിച്ചു.

ബ്ലോക്ക് സെക്രട്ടറി ജോബി സലാസ് പദ്ധതി വിശദീകരിച്ചു. വൈസ് പ്രസിഡന്റ് പി പ്രസന്ന സ്വാഗതവും അസിസ്റ്റന്റ് പ്ലാൻ കോർഡിനേറ്റർ പ്രസാദ് നന്ദിയും പറഞ്ഞു.