ആലപ്പുഴ: ഇന്ത്യയിലെ ഏറ്റവും വലിയ സോളാർ ക്രൂയിസ് ബോട്ട് ഇന്ദ്ര ഇന്ന് (15) മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഇൻലാൻഡ് വാട്ടർ വേസ് അതോറിട്ടി ഓഫ് ഇന്ത്യ ടെർമിനലിൽ രാവിലെ 10.30ന് നടക്കുന്ന ചടങ്ങിൽ ഗതാഗത വകുപ്പ് മന്ത്രി ആന്റണി രാജു, എ.എം.ആരിഫ് എം.പി, പി.പി.ചിത്തരജ്ഞൻ എം.എൽ.എ തുടങ്ങിയവർ പങ്കെടുക്കും.

ആലപ്പുഴ: ചേർത്തല നിയോജകമണ്ഡലത്തിലെ നവകേരള സദസ്സിന്റെ വേദിയായ  സെന്റ് മൈക്കിൾസ് കോളേജ് മൈതാനത്ത് പതിനായിരങ്ങളാണ് മുഖ്യമന്ത്രിയെയും  മന്ത്രിമാരെയും തടിച്ച് കൂടിയത്. മുഖ്യമന്ത്രിയുടെയും മന്ത്രി മാരുടെയും പ്രസംഗം ഹർഷാരവത്തോടെയാണ് ജനങ്ങൾ സ്വീകരിച്ചത്.
മന്ത്രിമാരുടെ പ്രസംഗം കാണാൻ ലൈവ് സ്‌ക്രീനും നിവേദനം സ്വീകരിക്കുന്ന ഇടത്ത് ഒരുക്കിയിരുന്നു.

ഉച്ചയ്ക്ക് ഒരു മണി മുതൽ  നിവേദനങ്ങൾ സ്വീകരിച്ചു തുടങ്ങി. എല്ലാ നിവേദനങ്ങളും സ്വീകരിച്ച ശേഷമാണ് കൗണ്ടറുകൾ അവസാനിപ്പിച്ചത്.

ആലപ്പുഴ:  രണ്ടാം പിണറായി സർക്കാർ അധികാരത്തിൽ വന്ന ശേഷം കയർ മേഖലയിൽ ഇതുവരെ വിതരണം ചെയ്തത് 343 കോടി രൂപയാണെന്ന് വ്യവസായ വകുപ്പുമന്ത്രി പി. രാജീവ്. ചേർത്തല മണ്ഡലതല നവ കേരള സദസിനെ അഭിസംബോധന ചെയ്ത് സംസാരിക്കുകയായിരുന്നു മന്ത്രി. ഒന്നാം പിണറായി സർക്കാർ 1112 കോടി രൂപയും വിതരണം ചെയ്തു. രണ്ടര വർഷം കൊണ്ട് 115.70 കോടിയുടെ കയർ ഭൂവസ്ത്രവും വിപണനം ചെയ്യാൻ സാധിച്ചു. 

ആലപ്പുഴ: സെന്റ് മൈക്കിൽസ് കോളേജിൽ നടന്ന ചേർത്തല മണ്ഡലതല നവ കേരള സദസ്സിൽ ആകെ ലഭിച്ചത് 6965  നിവേദനങ്ങൾ.
സദസ്സ് ആരംഭിക്കുന്നതിന് മൂന്നു മണിക്കൂർ മുമ്പ് തന്നെ 23 കൗണ്ടറുകളിലും നിവേദനങ്ങൾ സ്വീകരിച്ചു തുടങ്ങിയിരുന്നു. എന്നാൽ രാവിലെ 10 മണി മുതൽ തന്നെ നിരവധി പേർ നിവേദനവുമായി എത്തിത്തുടങ്ങിയിരുന്നു. സ്ത്രീകൾ മുതിർന്ന പൗരന്മാർ ഭിന്നശേഷിക്കാർ എന്നിവർക്കായി പ്രത്യേക കൗണ്ടറുകളും സജ്ജീകരിച്ചിരുന്നു.

ആലപ്പുഴ: സർക്കാറിനുള്ള നാടിന്റെ പിന്തുണ പ്രഖ്യാപിക്കുകയാണ്  നവകേരള സദസ്സിലേക്ക് ഒഴുകി എത്തുന്ന ജനക്കൂട്ടമെന്ന് കൃഷി വകുപ്പ് മന്ത്രി പി. പ്രസാദ് പറഞ്ഞു. ചേർത്തല മണ്ഡലതല നവകേരള സദസ്സിന് അധ്യക്ഷത വഹിച്ചു സംസാരിക്കുകയായിരുന്നു സ്ഥലം എം.എൽ.എ കൂടിയായ അദ്ദേഹം.

ആലപ്പുഴ: സമാനതകളില്ലാത്ത ജനക്ഷേമ വികസന പ്രവർത്തനങ്ങൾക്കാണ് കേരളം സാക്ഷ്യം വഹിച്ചുക്കുന്നതെന്ന് ഗതാഗത വകുപ്പ് മന്ത്രി  ആന്റണി രാജു പറഞ്ഞു. ചേർത്തല മണ്ഡലതല നവകേരള സദസ്സിൽ  സംസാരിക്കുകയായിരുന്നു അദ്ദേഹം.

ആലപ്പുഴ: കുടിവെള്ള പ്രശ്നത്തിന് പൂർണ പരിഹാരം കണ്ടെത്തുകയാണ് സർക്കാരിന്റെ ലക്ഷ്യമെന്ന് മന്ത്രി റോഷി അഗസ്റ്റിൻ. സെന്റ് മൈക്കിൾസ് കോളേജ് ഗ്രൗണ്ടിൽ നടന്ന ചേർത്തല മണ്ഡലം നവകേരള സദസ്സിൽ സംസാരിക്കുകയായിരുന്നു മന്ത്രി.
എല്ലാവർക്കും കുടിവെള്ളം ലഭ്യമാകുന്ന സാഹചര്യം കേരളത്തിലുണ്ടാകണം.

ആലപ്പുഴ :നിലപാടുകളോട് വിയോജിക്കുന്ന നാടിനോട് പകയും പ്രതികാരവും തീർക്കുന്ന നടപടിയാണ് കേന്ദ്ര സർക്കാർ സ്വീകരിക്കുന്നതെന്ന് മുഖ്യമന്ത്രി പിണറായി വിജയൻ. സെന്റ് മൈക്കിൾസ് കോളേജ് ഗ്രൗണ്ടിൽ നടന്ന ചേർത്തല മണ്ഡലം നവകേരള സദസ്സിൽ സംസാരിക്കുകയായിരുന്നു മുഖ്യമന്ത്രി. 

ആലപ്പുഴ: മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ്സിന്റെ ആലപ്പുഴ ജില്ലയിലെ രണ്ടാം ദിനമായ ഇന്ന് (ഡിസംബർ 15) അഞ്ച് പരിപാടികൾ. രാവിലെ 9ന് കാമിലോട്ട് കൺവെൻഷൻ സെന്ററിൽ പ്രഭാത യോഗവും തുടർന്ന് പത്ര സമ്മേളനവും നടക്കും. രാവിലെ 11 ന് എസ്.ഡി.വി. സ്കൂൾ ഗ്രൗണ്ടിൽ ആലപ്പുഴ മണ്ഡലത്തിലെ സദസ്സ് നടക്കും. പകൽ 3 മണിക്ക് കപ്പക്കട ഈസ്റ്റ് വെനീസ് മൈതാനത്താണ് അമ്പലപ്പുഴ മണ്ഡലത്തിലെ സദസ്സ്. വൈകിട്ട് 4:30 ന് നെടുമുടി ഇന്ത്യൻ ഓയിൽ പമ്പിനു സമീപമുള്ള വേദിയിൽ കുട്ടനാട് നവ കേരള സദസ്സിൽ മുഖ്യമന്ത്രി ജനങ്ങളെ അഭിസംബോധന ചെയ്യും.

ആലപ്പുഴ: ഡിസംബർ 16ന് പകൽ 11 മണിക്ക് കായംകുളം എൽമെക്സ് ഗ്രൗണ്ടിൽ നടക്കുന്ന നവകേരള സദസ്സിനോടനുബന്ധിച്ച് രാവിലെ 9 മണി മുതൽ നഗരത്തിൽ ഗതാഗത നിയന്ത്രണം ഏർപ്പെടുത്തുന്നതാണെന്ന് യു പ്രതിഭ എം.എൽ.എ പത്രസമ്മേളനത്തിൽ അറിയിച്ചു.
ഗതാഗത നിയന്ത്രണംഅടൂർ ഭാഗത്തു നിന്നും കെ.പി. റോഡ് വഴി വരുന്ന എല്ലാ വാഹനങ്ങളും രണ്ടാം കുറ്റിയിൽ നിന്നും ഇടത്തോട്ട് തിരിഞ്ഞ് മുക്കട വഴി ദേശീയപാതയിൽ കയറി പോകേണ്ടതാണ്.
കെ.പി. റോഡ് വഴി പോകേണ്ട ദേശീയ പാത വഴി വരുന്ന വാഹനങ്ങൾ മുക്കട ജംഗ്ഷനിൽ നിന്നും തിരിഞ്ഞ് രണ്ടാം കുറ്റിയിൽ എത്തി കെ.പി. റോഡ് വഴി പോകേണ്ടതാണ്.