ആലപ്പുഴ: ഡിസംബർ 16 ന് ഉച്ചയ്ക്ക് മൂന്ന് മണിക്ക്  മാവേലിക്കര ബോയ്സ് ഹയർസെക്കൻഡറി സ്കൂളിൽ നടക്കുന്ന നവകേരള സദസ്സിനോടനുബന്ധിച്ച് മണ്ഡലത്തിൽ ഗതാഗത ക്രമീകരണങ്ങൾ ഏർപ്പെടുത്തി.

ആലപ്പുഴ : അരൂരിൽ സദസ്സിന്റെ ഭാഗമായി പ്രത്യേകം തയ്യാറാക്കിയ കൗണ്ടറുകൾ വഴി 7216 നിവേദനങ്ങൾ സ്വീകരിച്ചു. ഭിന്നശേഷിക്കാർ, വയോജനങ്ങൾ, സ്ത്രീകൾ എന്നിവർക്ക് മുൻഗണന നൽകി. ആകെ 20 കൗണ്ടറുകളാണ് സജ്ജീകരിച്ചത്. സംശയങ്ങൾക്കും സേവനങ്ങൾക്കുമായി പ്രത്യേക ഹെല്പ് ഡെസ്‌ക്കുമുണ്ടായിരുന്നു. പകൽ 11 മണി മുതലാണ് പരാതികൾ സ്വീകരിച്ചു തുടങ്ങിയത്. മുഖ്യമന്ത്രി വേദി വിട്ടു പോയതിന് ശേഷവും ഇതിനുള്ള സൗകര്യമുണ്ടായിരുന്നു. നിവേദനങ്ങൾ പരിശോധിച്ച് തുടർ നടപടികൾക്കായി ജില്ലതല മേധാവികൾക്ക് പോർട്ടലിലൂടെ നൽകും.

ആലപ്പുഴ: നാടിന്റെ ഭാവി ഭദ്രമാണെന്ന സൂചനയാണ് തടിച്ചുകൂടിയ ജനാവലി നല്‍കുന്നതെന്ന് മുഖ്യമന്ത്രി പിണറായി വിജയന്‍. ജില്ലയിലെ നവകേരള സദസ്സ് ആദ്യ വേദിയായ അരൂര്‍ മണ്ഡലത്തിലെ അരയങ്കാവ് ക്ഷേത്ര മെതാനിയില്‍ ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി. ഒത്തൊരുമയോടെ ഐക്യത്തോടെ കഴിയുന്ന നാടിനെ ഒരു പ്രതിസന്ധിക്കും തകര്‍ക്കാനാവില്ല. ആ നാടിന് അതിജീവിക്കാനാകും. ആതാണ് ജനാവലി നല്‍കുന്ന ഏറ്റവും വലിയ സന്ദേശം-മുഖ്യമന്ത്രി പറഞ്ഞു. 

ആലപ്പുഴ:നവ കേരളസദസ്സിനെ ജനങ്ങൾ നെഞ്ചിലേറ്റിയെന്ന് സഹകരണ വകുപ്പ് മന്ത്രി വി.എൻ വാസവൻ. അരൂർ മണ്ഡലം നവകേരള സദസിൽ സംസാരിക്കുകയായിരുന്നു അദ്ദേഹം. നവംബർ 18-ന് മഞ്ചേശ്വരത്ത് നിന്നും ആരംഭിച്ച നവ കേരള സദസ്സ് 10 ജില്ലകൾ പിന്നിട്ട് പതിനൊന്നാം ജില്ലയായ ആലപ്പുഴയിലേക്ക് പ്രവേശിക്കുമ്പോൾ വൻ ജനസാഗരമാണ് അരൂർ മണ്ഡലത്തിൽ ജനകീയ മന്ത്രിസഭയെ സ്വാഗതം ചെയ്തത്. 

ജനാധിപത്യത്തിൽ ജനങ്ങളാണ് യജമാനന്മാർ, ജനപ്രതിനിധികൾ ദാസന്മാരാണെന്ന സങ്കല്പം അർത്ഥവത്താക്കുകയാണ് മുഖ്യമന്ത്രി പിണറായി വിജയൻ നയിക്കുന്ന സർക്കാർ. ഓരോ മണ്ഡലത്തിലെയും ജനങ്ങൾക്ക് ജനപ്രതിനിധികളുമായി സംവദിക്കാൻ ലഭിക്കുന്ന അവസരമാണ് നവകേരള സദസ്സ്.

ആലപ്പുഴ:  നീതി ആയോഗിന്റെ കണക്ക് പ്രകാരം കേരളത്തിലെ ദാരിദ്ര്യ രേഖയ്ക്ക് താഴെ വരുന്നവർ 0.71 ശതമാനം ആണ്.2025 ആകുമ്പോൾ ഇവരെ കൂടി സമൂഹത്തിന്റെ മുഖ്യധാരയിലേക്ക് എത്തിച്ചു ദാരിദ്ര്യ രഹിത സംസ്ഥാനം എന്ന പ്രഖ്യാപനം ആണ് സർക്കാരിന്റെ സ്വപ്നം എന്ന് മൃഗസംരക്ഷണ-ക്ഷീരവികസന വകുപ്പ് മന്ത്രി ജെ ചിഞ്ചുറാണി. ആര്യയങ്കാവ് ക്ഷേത്ര മൈതാനത്ത് അരൂർ നിയോജകമണ്ഡലം നവകേരള സദസ്സിനെ അഭിസംബോധന ചെയ്തു സംസാരിക്കുകയായിരുന്നു മന്ത്രി.

ആലപ്പുഴ: കേരളത്തിലെ ജനത നവകേരള സദസ്സ് ഹൃദയത്തിലേറ്റിയിരുന്നു എന്ന സന്ദേശമാണ് ഓരോ സദസ്സിലും തടിച്ചുകൂടിയ പതിനായിരങ്ങൾ നൽകുന്നതെന്ന് തുറമുഖം, മ്യൂസിയം, പുരാവസ്തു വകുപ്പു മന്ത്രി അഹമ്മദ് ദേവർ കോവിൽ. അരയങ്കാവ് ക്ഷേത്ര മൈതാനിയിൽ അരൂർ മണ്ഡലത്തിലെ നവകേരള സദസ്സിൽ സംസാരിക്കുകയായിരുന്നു മന്ത്രി. ജാതി, മത, കക്ഷിരാഷ്ട്രീയ ഭേദമന്യേ ഒരുമിച്ച് നിൽക്കേണ്ടവരാണ് എന്ന ബോധം വിദ്യാസമ്പന്നരായ കേരള ജനത പ്രകടിപ്പിച്ചു കൊണ്ടിരിക്കുന്ന സുന്ദര കാഴ്ചയാണ് നവകേരള സദസ്സിലൂടെ തെളിയുന്നത്. 

ആലപ്പുഴ: കേരളത്തിലുടനീളം ഉണ്ടായ സമഗ്ര വികസനത്തിൻ്റെ നാഴികക്കല്ലുകൾ അടയാളപ്പെടുത്തിക്കൊണ്ട് മുഖ്യമന്ത്രിയും മന്ത്രിമാരും പങ്കെടുക്കുന്ന നവകേരള സദസ്സിനു ജില്ലയിൽ തുടക്കം. മുഖ്യമന്ത്രിയും മന്ത്രിമാരും വൈക്കം-തവണക്കടവ് ഫെറിയിലൂടെ ജങ്കാറിലാണ് ജില്ലയിലേക്ക് പ്രവേശിച്ചത്. വൈകുന്നേരം അഞ്ചരയോടെ മുഖ്യമന്ത്രി പിണറായി വിജയനും മുഹമ്മദ് റിയാസ് സജി ചെറിയാൻ തുടങ്ങിയ 12 മന്ത്രിമാരും ബോട്ടിൽ തവണക്കടവ് ജെട്ടിയിൽ എത്തി.

മുഖത്തല ബ്ലോക്ക് പഞ്ചായത്തിലെ ഭിന്നശേഷിക്കാര്‍ക്ക് സൈഡ് വീലോടുകൂടിയ സ്‌കൂട്ടര്‍ വിതരണം ചെയ്യുന്നതിന് ഇ-ടെന്‍ഡര്‍ ക്ഷണിച്ചു. അവസാന തീയതി ഡിസംബര്‍ 27. വിവരങ്ങള്‍ക്ക് https://etenders.kerala.gov.in/nicgep/app?component=$DirectLink ഫോണ്‍ 0474 504411, 82819991

സര്‍ക്കാര്‍ വിക്ടോറിയ ആശുപത്രി മെഡിക്കല്‍ റെക്കോര്‍ഡ് ലൈബ്രറിയിലേക്ക് ഒരു ലാപ്‌ടോപ്പ് വിതരണം ചെയ്യുന്നതിന് ക്വാട്ടേഷന്‍ ക്ഷണിച്ചു. അവസാന തീയതി ഡിസംബര്‍ 19. ഫോണ്‍ 0474 2752700.

ക്രിസ്തുമസ്, ന്യൂ ഇയര്‍ പ്രമാണിച്ചു ഖാദി തുണിത്തരങ്ങള്‍ക്ക് ജനൂവരി ആറ് വരെ സ്‌പെഷ്യല്‍ റിബേറ്റ്. കോട്ടണ്‍, സില്‍ക്ക് വസ്ത്രങ്ങള്‍ക്ക് 30 ശതമാനം വരെയും പോളിസ്റ്റര്‍, വൂളന്‍ വസ്ത്രങ്ങള്‍ക്ക് 20 ശതമാനം വരെയുമാണ് റിബേറ്റ് ലഭ്യമാക്കുക. സര്‍ക്കാര്‍, അര്‍ധസര്‍ക്കാര്‍ ജീവനക്കാര്‍ക്ക് ഒരു ലക്ഷം രൂപ വരെ ക്രഡിറ്റ് ലഭിക്കും. ഖാദിഗ്രാമ സൗഭാഗ്യ, കര്‍ബല ജംഗ്ഷന്‍ കൊല്ലം (0474 2742587), ഖാദി ഗ്രാമ സൗഭാഗ്യ, പുലമണ്‍ ജംഗ്ഷന്‍ കൊട്ടാരക്കര (0474 2650631) എന്നിവിടങ്ങളില്‍ ലഭിക്കും. ഖാദി മേളയുടെ ജില്ലാതല ഉദ്ഘാടനം കോര്‍പറേഷന്‍ കൗണ്‍സിലര്‍ എ കെ സവാദ് നിര്‍വഹിച്ചു . പ്രൊജക്റ്റ് ആഫീസര്‍ രാജലക്ഷ്മി അദ്ധ്യക്ഷയായി.