കണ്ണൂർ ഗവ മെഡിക്കൽ കോളേജ് ആശുപത്രിയിൽ 31 തസ്തികകൾ  സൃഷ്ടിക്കാന്‍ കൊല്ലത്ത് ചേർന്ന മന്ത്രിസഭായോഗം അനുമതി നൽകി.
മെഡിക്കല്‍ വിദ്യാഭ്യാസ വകുപ്പിന്റെ കീഴിലുള്ള സ്ഥാപനങ്ങളുടെ സുഗമമായ പ്രവര്‍ത്തനത്തിനും ആശുപത്രികളിലെ സൂപ്പര്‍ സ്‌പെഷ്യാലിറ്റി വിഭാഗം ഡോക്ടര്‍മാരുടെ അനിവാര്യത കണക്കിലെടുത്തുമാണ് ഇത്രയും തസ്തികകള്‍ ഒരുമിച്ച് സൃഷ്ടിച്ചത്. 

ജില്ലയില്‍ ഇന്‍ഷൂറന്‍സ് മെഡിക്കല്‍ സര്‍വീസസ് വകുപ്പില്‍ ലബോറട്ടറി ടെക്നീഷ്യന്‍ ഗ്രേഡ് 2 (323/2022) തസ്തികയിലേക്ക് ജൂണ്‍ 12ന് പി എസ് സി നടത്തിയ ഒ എം ആര്‍ പരീക്ഷയുടെ അടിസ്ഥാനത്തില്‍ തയ്യാറാക്കിയ സാധ്യതാ പട്ടിക പ്രസിദ്ധീകരിച്ചതായി ജില്ലാ പി എസ് സി ഓഫീസര്‍ അറിയിച്ചു.

ജില്ലാ പഞ്ചായത്തും ജില്ലാ പട്ടികജാതി വികസന വകുപ്പും തലശ്ശേരി ടൗണ്‍ എംപ്ലോയ്മെന്റ് എക്സ്ചേഞ്ചും സംയുക്തമായി പട്ടികജാതി വിഭാഗത്തില്‍പ്പെട്ട യുവതീയുവാക്കള്‍ക്കായി 30 ദിവസത്തെ സൗജന്യ മത്സര പരീക്ഷാ പരിശീലനം സംഘടിപ്പിക്കുന്നു.  പത്താംതരം മുതല്‍ യോഗ്യത നേടിയ ഉദ്യോഗാര്‍ഥികള്‍ക്ക് അപേക്ഷിക്കാം.  പി എസ് സി, എസ് എസ് സി മുതലായ മത്സര പരീക്ഷകള്‍ക്ക് അപേക്ഷ നല്‍കിയവര്‍ക്ക് മുന്‍ഗണന. താല്‍പര്യമുള്ളവര്‍ ഡിസംബര്‍ 28നകം ഫോണ്‍ നമ്പര്‍ സഹിതമുള്ള വിശദ വിവരങ്ങള്‍ അടങ്ങിയ അപേക്ഷ സമര്‍പ്പിക്കണം.  ഡിസംബര്‍ 29ന് പരിശീലനം തുടങ്ങും.  ഫോണ്‍: 0490 2327923.

ശിവപുരം ഇലക്ട്രിക്കല്‍ സെക്ഷനിലെ കാഞ്ഞിലേരി സ്‌കൂള്‍ ട്രാന്‍സ്ഫോര്‍മര്‍ പരിധിയില്‍ ഡിസംബര്‍ 21 വ്യാഴം  രാവിലെ ഒമ്പത് മുതല്‍ വൈകിട്ട് 5.30 വരെയും കുണ്ടേരിപ്പൊയിൽ, കുണ്ടേരിപ്പൊയിൽസ്കൂൾ കെസി നഗർ ട്രാൻസ്‌ഫോർമറുകളുടെ  പരിധിയിൽ രാവിലെ പത്ത്  മുതൽ ഉച്ചയ്ക്ക് രണ്ട് മണി വരെയും  വൈദ്യുതി മുടങ്ങും.

ജില്ലയില്‍ ഇന്‍ഷൂറന്‍സ് മെഡിക്കല്‍ സര്‍വീസസ് വകുപ്പില്‍ ലബോറട്ടറി ടെക്നീഷ്യന്‍ ഗ്രേഡ് 2 (323/2022) തസ്തികയിലേക്ക് ജൂണ്‍ 12ന് പി എസ് സി നടത്തിയ ഒ എം ആര്‍ പരീക്ഷയുടെ അടിസ്ഥാനത്തില്‍ തയ്യാറാക്കിയ സാധ്യതാ പട്ടിക പ്രസിദ്ധീകരിച്ചതായി ജില്ലാ പി എസ് സി ഓഫീസര്‍ അറിയിച്ചു.

ജില്ലാ പഞ്ചായത്തും ജില്ലാ പട്ടികജാതി വികസന വകുപ്പും തലശ്ശേരി ടൗണ്‍ എംപ്ലോയ്മെന്റ് എക്സ്ചേഞ്ചും സംയുക്തമായി പട്ടികജാതി വിഭാഗത്തില്‍പ്പെട്ട യുവതീയുവാക്കള്‍ക്കായി 30 ദിവസത്തെ സൗജന്യ മത്സര പരീക്ഷാ പരിശീലനം സംഘടിപ്പിക്കുന്നു.  പത്താംതരം മുതല്‍ യോഗ്യത നേടിയ ഉദ്യോഗാര്‍ഥികള്‍ക്ക് അപേക്ഷിക്കാം.  പി എസ് സി, എസ് എസ് സി മുതലായ മത്സര പരീക്ഷകള്‍ക്ക് അപേക്ഷ നല്‍കിയവര്‍ക്ക് മുന്‍ഗണന.  താല്‍പര്യമുള്ളവര്‍ ഡിസംബര്‍ 28നകം ഫോണ്‍ നമ്പര്‍ സഹിതമുള്ള വിശദ വിവരങ്ങള്‍ അടങ്ങിയ അപേക്ഷ സമര്‍പ്പിക്കണം.  ഡിസംബര്‍ 29ന്  പരിശീലനം തുടങ്ങും.  ഫോണ്‍: 0490 2327923.

ഇടുക്കി, കണ്ണൂര്‍ സിറ്റി, കണ്ണൂര്‍ റൂറല്‍ എന്നീ ജില്ലകളിലെ പൊലീസ് ഉദ്യോഗസ്ഥരുടെയും വിരമിച്ച ഉദ്യോഗസ്ഥരുടെയും സര്‍വീസ് സംബന്ധമായ പരാതികളില്‍ പരിഹാരം കാണുന്നതിനായി സംസ്ഥാന പൊലീസ് മേധാവി ഡോ.ഷെയ്ഖ് ദര്‍വേഷ് സാഹിബ് ജനുവരി 10ന് ഓണ്‍ലൈന്‍ അദാലത്ത് നടത്തും. പരാതികള്‍ ലഭിക്കേണ്ട അവസാന തീയതി ഡിസംബര്‍ 26.
പരാതികള്‍ spctalks.pol@kerala.gov.in എന്ന ഇ മെയിലില്‍ അയക്കണം. പരാതിയില്‍ മൊബൈല്‍ നമ്പര്‍ ഉള്‍പ്പെടുത്തണം. ഹെല്‍പ്പ് ലൈന്‍ നമ്പര്‍: 9497900243.

2018 മെയ് വരെയുള്ള കാലയളവില്‍ നടന്ന അഖിലേന്ത്യാ അപ്രന്റിസ്ഷിപ്പ് ട്രേഡ് ടെസ്റ്റില്‍ പങ്കെടുത്ത് വിജയിച്ച ട്രെയിനികളില്‍ നാഷണല്‍ അപ്രന്റിസ്ഷിപ് സര്‍ട്ടിഫിക്കറ്റും പ്രൊവിഷണല്‍ നാഷണല്‍ അപ്രന്റിസ്ഷിപ് സര്‍ട്ടിഫിക്കറ്റും ഇതുവരെ കൈപ്പറ്റാത്തവര്‍ ജനുവരി 31നകം ഐ ഡി കാര്‍ഡ് ഉള്‍പ്പെടെ ആവശ്യമായ രേഖകള്‍ സഹിതം നേരിട്ട് ഹാജരായി കണ്ണൂര്‍ ആര്‍ ഐ സെന്ററില്‍ നിന്നും സര്‍ട്ടിഫിക്കറ്റ് കൈപ്പറ്റേണ്ടതാണ്.  നിശ്ചിത തീയതിക്കകം സര്‍ട്ടിഫിക്കറ്റുകള്‍ കൈപ്പറ്റിയില്ലെങ്കില്‍ തിരിച്ചയക്കാനുള്ള നടപടി സ്വീകരിക്കുമെന്ന് അസിസ്റ്റന്റ് അപ്രന്റിസ്ഷിപ്പ്  അഡ്വൈസർ  അറിയിച്ചു.  ഫോണ്‍: 0497 2704588.

ജില്ലയില്‍ ആരോഗ്യ വകുപ്പിന് കീഴിലുള്ള സ്ഥാപനങ്ങളില്‍ നിലവിലുള്ളതും വരാനിരിക്കുന്നതുമായ ഒഴിവുകളിലേക്ക് അഡ്ഹോക് വ്യവസ്ഥയില്‍ താല്‍ക്കാലിക ഡോക്ടര്‍മാരെ നിയമിക്കുന്നതിന് വാക് ഇന്‍ ഇന്റര്‍വ്യൂ നടത്തുന്നു. യോഗ്യത: എം ബി ബി എസ്, ടി സി എം സി രജിസ്ട്രേഷന്‍. താല്‍പര്യമുള്ളവര്‍ വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റുകളുടെ അസ്സലും പകര്‍പ്പും ബയോഡാറ്റയും സഹിതം ഡിസംബര്‍ 29ന് രാവിലെ 10.30ന് മുമ്പ് കണ്ണൂര്‍ ജില്ലാ മെഡിക്കല്‍ ഓഫീസില്‍(ആരോഗ്യം) ഹാജരാകണം.  ഫോണ്‍: 0497 2700194.

സംസ്ഥാന യുവജന കമ്മീഷന്റെ ആഭിമുഖ്യത്തില്‍ യുവകര്‍ഷകര്‍ക്കായി ദ്വിദിനസംഗമം സംഘടിപ്പിക്കുന്നു.    ജനുവരി 6,7 തീയതികളില്‍ ആലപ്പുഴ കലവൂര്‍ ആര്യാട് ബ്ലോക്ക് പഞ്ചായത്ത് ഹാളിലാണ് പരിപാടി. 18 നും 40 ഇടയില്‍ പ്രായമുള്ള യുവ കര്‍ഷകര്‍ക്കും കൃഷിയില്‍ താല്‍പര്യം ഉള്ളവര്‍ക്കും പങ്കെടുക്കാം. താല്‍പര്യമുള്ളവര്‍ ബയോഡാറ്റ official.ksyc@gmail.com എന്ന മെയില്‍ ഐഡിയിലോ കേരള സംസ്ഥാന യുവജന കമ്മീഷന്‍, വികാസ് ഭവന്‍, തിരുവനന്തപുരം, പിന്‍ 695033 എന്ന വിലാസത്തിലോ ഡിസംബര്‍ 31ന് മുമ്പ് അപേക്ഷിക്കണം. ഫോണ്‍: 0471 2308630.