കോട്ടയം: വാഴൂർ 110 കെ.വി. സബ് സ്റ്റേഷൻ ഈ വർഷം തന്നെ കമ്മീഷൻ ചെയ്യുമെന്ന് വൈദ്യുതി വകുപ്പ് മന്ത്രി കെ. കൃഷ്ണൻകുട്ടി പറഞ്ഞു. വൈക്കം ബീച്ചിൽ നടന്ന വൈക്കം നിയോജക മണ്ഡലത്തിന്റെ നവകേരള സദസിന്റെ വേദിയിൽ പ്രസംഗിക്കുകയായിരുന്നു അദ്ദേഹം.

സംസ്ഥാനത്തെ ആദ്യ ഗ്യാസ് ഇൻസുലേറ്റഡ് 400 കെ.വി സബ്‌സ്റ്റേഷൻ കുറവിലങ്ങാട് സ്ഥാപിച്ചു. എരുമേലിയിൽ 110 കെ.വി സബ്സ്റ്റേഷൻ സ്ഥാപിച്ചു. കുറവിലങ്ങാട്, കൂത്താട്ടുകുളം സബ്സ്റ്റേഷനുകൾ 66 കെ.വിയിൽ നിന്നും 110 കെ.വി യിലേക്ക് ഉയർത്തി. കോട്ടയം ജില്ലയിലെ മലയോരപ്രദേശത്തും ഉൾപ്രദേശങ്ങളിലും നല്ല വോൾട്ടേജിൽ വൈദ്യുതി എത്തിക്കാനും കൂടുതൽ കണക്ഷനുകൾ നൽകാനും സാധിച്ചു.

കോട്ടയം: കെ റെയിൽ യാഥാർത്ഥ്യമായാൽ ഒരാൾ പോലും വഴിയാധാരമാകില്ലെന്ന്  സാംസ്‌കാരിക-ഫിഷറീസ് വകുപ്പ് മന്ത്രി സജി ചെറിയാൻ. വൈക്കം നിയോജക മണ്ഡലത്തിലെ നവകേരള സദസിൽ വൈക്കം ബീച്ച് മൈതാനത്തെ വേദിയിൽ പ്രസംഗിക്കുകയായിരുന്നു മന്ത്രി. ഏഴര വർഷം കൊണ്ട്  കേരളത്തെ സമ്പൂർണ്ണ ഇ-ഗവേണൻസ് സംസ്ഥാനമാക്കി മാറ്റി. എല്ലാ സേവനങ്ങളും ജനങ്ങൾക്ക് ആധുനിക സാങ്കേതിക സംവിധാനത്തിലൂടെ ലഭ്യമാക്കുക എന്ന ആശയവും നവകേരളം ഉൾക്കൊള്ളുന്നുണ്ട്.

കോട്ടയം: കഴിഞ്ഞ ഏഴുവർഷക്കാലത്തെ കണക്കെടുത്താൽ കേന്ദ്രത്തിൽ നിന്നു സംസ്ഥാനത്തിന്റെ കൈയിൽ എത്തേണ്ട പണത്തിൽ കുറവുവന്നത് 1,07500 കോടി രൂപയെന്നു മുഖ്യമന്ത്രി പിണറായി വിജയൻ. വൈക്കം നിയോജകമണ്ഡലം നവകേരള സദസ് വൈക്കം ബീച്ചിൽ  ഉദ്ഘാടനം ചെയ്യുകയായിരുന്നു അദ്ദേഹം.  
 സംസ്ഥാനത്തിന്  കടമെടുക്കാൻ ഭരണഘടനാപരമായ അവകാശമുണ്ട്. പക്ഷേ കടമെടുപ്പിന് കേന്ദ്രം ഭരണഘടനാവിരുദ്ധമായ പരിധി വയ്ക്കുകയാണ്. ഇത് സംസ്ഥാനത്തെ ഒരിഞ്ചുപോലും മുന്നോട്ടു പോകാൻ അനുവദിക്കാത്ത നിലപാടാണെന്നും മുഖ്യമന്ത്രി പറഞ്ഞു.

കോട്ടയം :കേരള ഖാദി ഗ്രാമ വ്യവസായ ബോര്‍ഡിന്റെ  ക്രിസ്മസ്- ന്യൂ ഇയര്‍   വിപണനമേളയുടെ ജില്ലാതല ഉദ്ഘാടനം ഇന്ന് (ഡിസംബർ 15)കോട്ടയം സി.  എസ്.ഐ കോംപ്ലക്സിലെ ഖാദി ഗ്രാമ സൗഭാഗ്യയില്‍ വച്ചു നടക്കും. ഖാദി ബോര്‍ഡ് മെമ്പര്‍ കെ. എസ് രമേഷ് ബാബുവിന്റെ അധ്യക്ഷതയിൽ  കോട്ടയം ജില്ലാ പഞ്ചായത്ത് പ്രസിഡന്റ് ‍ കെ. വി ബിന്ദു  ഉദ്ഘാടനം  ചെയ്യും .

കോട്ടയം: ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് II (ഒന്നാം എൻ. സി. എ -ഒ. ബി. സി -കാറ്റഗറി നമ്പർ 115/2018) തസ്തികയിലേക്ക്  പ്രസിദ്ധീകരിച്ച റാങ്ക്പട്ടിക  റദ്ദാക്കിയതായി പി.എസ്.സി. ജില്ലാ ഓഫീസർ അറിയിച്ചു.

കോട്ടയം: ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് II (ഒന്നാം എൻ. സി. എ -എസ്. ഐ. യു. സി നാടാർ -കാറ്റഗറി നമ്പർ 117/2018) തസ്തികയിലേക്ക്  പ്രസിദ്ധീകരിച്ച റാങ്ക് പട്ടിക റദ്ദാക്കിയതായി പി.എസ്.സി. ജില്ലാ ഓഫീസർ അറിയിച്ചു.

കോട്ടയം: ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് II (ഒന്നാം എൻ. സി. എ -മുസ്‌ലിം കാറ്റഗറി നമ്പർ 114/2018) തസ്തികയിലേക്ക് പ്രസിദ്ധീകരിച്ച റാങ്ക് പട്ടിക റദ്ദാക്കിയതായി പി.എസ്.സി. ജില്ലാ ഓഫീസർ അറിയിച്ചു.

കോട്ടയം: ജില്ലയിൽ ഹോമിയോപ്പതി വകുപ്പിൽ ഫാർമസിസ്റ്റ് ഗ്രേഡ് II (ഒന്നാം എൻ. സി. എ -ഈഴവ /ബില്ലവ /തിയ്യ -കാറ്റഗറി നമ്പർ 111/2018)തസ്തികയിലേക്ക് പ്രസിദ്ധീകരിച്ച റാങ്ക് പട്ടിക റദ്ദാക്കിയതായി പി.എസ്.സി. ജില്ലാ ഓഫീസർ അറിയിച്ചു.

കോട്ടയം: കോട്ടയം ഗവൺമെന്റ് മെഡിക്കൽ കോളേജിലെ പ്ലാസ്റ്റിക് &റീകൺസ്ട്രക്റ്റീവ് സർജറി വിഭാഗത്തിലേക്ക് മൊബൈൽ സ്പോട്ട് ലൈറ്റ് എൽ. ഇ. ഡി ഒരെണ്ണം വിതരണം ചെയ്യുന്നതിന് ക്വട്ടേഷൻ ക്ഷണിച്ചു. ഡിസംബർ 21ന് ഉച്ചയ്ക്ക് 12 മണിവരെ ക്വട്ടേഷനുകൾ സ്വീകരിക്കും.അന്നേദിവസം ഉച്ചകഴിഞ്ഞു രണ്ടിന്  തുറക്കും. ഫോൺ: 0481 2597279,2597284

കോട്ടയം :ജില്ലയിലെ പ്രവാസി പരാതി പരിഹാര കമ്മിറ്റി യോഗം ഡിസംബർ 20ന് രാവിലെ 11 മണിക്ക് ജില്ലാ കളക്ടറുടെ ചേമ്പറിൽ വെച്ച് നടക്കും.പ്രവാസികളുടെ പ്രശ്നങ്ങൾ സംബന്ധിച്ച് പരാതികളുണ്ടെങ്കിൽ പ്രസ്തുത തീയതിക്കു മുൻപായി തദ്ദേശ സ്വയംഭരണ വകുപ്പ് ജോയിന്റ് ഡയറക്ടറുടെ കാര്യാലയത്തിലോ പ്രസ്തുത യോഗത്തിലോ ലഭ്യമാക്കേണ്ടതാണെന്ന് കൺവീനർ അറിയിച്ചു.