കണ്ണൂരിലെ ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡലൂം ടെക്‌നോളജിയില്‍ ആരംഭിക്കുന്ന ഒരു വര്‍ഷത്തെ ക്ലോത്തിങ് ആന്റ് ഫാഷന്‍ ടെക്‌നോളജി കോഴ്‌സില്‍ ഒഴിവുള്ള സീറ്റിലേക്ക് അപേക്ഷിക്കാം. യോഗ്യത എസ് എസ് എല്‍ സി. പ്രായപരിധി 35 വയസ്സ്. കോഴ്‌സ് ഫീ കോഷന്‍ ഡെപ്പോസിറ്റ് ഉള്‍പ്പെടെ 21,200 രൂപ. സര്‍ട്ടിഫിക്കറ്റുകള്‍ സഹിതം ഓഗസ്റ്റ് 21നകം ഇന്‍സ്റ്റിറ്റ്യൂട്ടില്‍ ഹാജരാകണം. വിവരങ്ങള്‍ക്ക് എക്‌സിക്യൂട്ടീവ് ഡയറക്ടര്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഹാന്‍ഡ്‌ലൂം ടെക്‌നോളജി കണ്ണൂര്‍, പി. ഒ. കിഴുന്ന, തോട്ടട, ഫോണ്‍: 0497 2835390.

സര്‍ക്കാര്‍/എയ്ഡഡ്/ഐ എച്ച് ആര്‍ ഡി/കേപ്/ സ്വാശ്രയപോളിടെക്‌നിക് കോളജുകളിലേക്കുള്ള ഡിപ്ലോമ പ്രവേശനത്തിന് ഒഴിവുള്ള സീറ്റിലേക്ക് സ്‌പോട്ട് അഡ്മിഷന്‍. പുനലൂര്‍ സര്‍ക്കാര്‍ പോളിടെക്‌നിക് കോളജില്‍ ഓഗസ്റ്റ് 17ന് രാവിലെ 8:30 മുതല്‍ ഒന്‍പത് മണിവരെ റാങ്ക് ലിസ്റ്റില്‍ ഉള്‍പ്പെട്ട അംഗപരിമിതര്‍ (പി എച്) കുശവന്‍, ധീവര, പട്ടികവര്‍ഗം, കുടുംബി, അനാഥന്‍, ടി എച്ച് എസ് എല്‍ സി എന്നീ വിഭാഗക്കാര്‍ക്കും ഒന്‍പത് മണി മുതല്‍ 9:30 വരെ 7000 റാങ്കുവരെയും, 10:30 മുതല്‍ 12 വരെ 7001 മുതല്‍ 10000 റാങ്കുകാര്‍ക്കും ഉച്ചയ്ക്ക് ഒന്ന് മുതല്‍ രണ്ട് വരെ 10001 മുതല്‍ 15,000 റാങ്കിലെ എല്ലാ വിഭാഗക്കാര്‍ക്കും ഹാജരാകാം.

സൈനികക്ഷേമ വകുപ്പില്‍ വെല്‍ഫയര്‍ ഓര്‍ഗനൈസര്‍ (വിമുക്തഭട•ാര്‍ മാത്രം) (കാറ്റഗറി നമ്പര്‍: 749/2021) തസ്തികയുടെ ചുരുക്കപ്പട്ടികയില്‍ ഉള്‍പെട്ട ഉദ്യോഗാര്‍ഥികള്‍ക്ക് ഓഗസ്റ്റ് 22ന് ജില്ലാ പി എസ് സി ഓഫീസില്‍ ഇന്റര്‍വ്യൂ. അറിയിപ്പ് ലഭിച്ചിട്ടില്ലാത്ത ഷോര്‍ട്ട് ലിസ്റ്റില്‍ ഉള്‍പ്പെട്ടവര്‍ ഓഫീസുമായി ബന്ധപ്പെടണം എന്ന് ജില്ലാ പി എസ് സി ഓഫീസര്‍ അറിയിച്ചു.

മേരി മാട്ടി മേരാ ദേശ് യജ്ഞത്തിന്റെ ഭാഗമായി ചടയമംഗലം ബ്ലോക്ക് പഞ്ചായത്തിലെ എല്ലാ ഗ്രാമപഞ്ചായത്തുകളിലും പഞ്ച് പ്രാണ്‍ പ്രതിജ്ഞ ചൊല്ലി സ്വാതന്ത്രത്തിന്റെ അമൃത വര്‍ഷം ആഘോഷിച്ചു. അമൃത് സരോവറില്‍ ഉള്‍പ്പെടുത്തി തൊഴിലാളികള്‍ ഏറ്റെടുത്ത നവീകരിച്ച ഇളമാട് ഗ്രാമപഞ്ചായത്തിലെ വെള്ളിഞ്ചല്‍ ചിറയുടെ കരയില്‍ വീരോം കാ വന്ദന്റെ ഭാഗമായി ശിലാഫലകവും സ്ഥാപിച്ചു.

തൊഴിലാളികള്‍ കുളത്തിന്റെ ഇരുകരയിലും തദ്ദേശീയമായി ഉത്പാദിപ്പിച്ച വൃക്ഷതൈകള്‍ നട്ട് അമൃത് വാടികയും ഒരുക്കി. എല്ലാ അമൃത് സരോവര്‍ കുളങ്ങളുടെ കരകളിലും പതാക ഉയര്‍ത്തലും ദേശീയഗാനാലാപനവും നടന്നു.

ജില്ലയിലെ സപ്ലൈകോ ഓണം ഫെയര്‍ ഓഗസ്റ്റ് 19ന് തുടങ്ങും. ആശ്രാമം മൈതാനത്ത് രാവിലെ 9 30ന് ഭക്ഷ്യവകുപ്പ് മന്ത്രി ജി ആര്‍ അനില്‍ ഉദ്ഘാടനം നിര്‍വഹിക്കും. ധനകാര്യ വകുപ്പ് മന്ത്രി കെ എന്‍ ബാലഗോപാല്‍ അധ്യക്ഷനാകും. ക്ഷീര വികസന വകുപ്പ് മന്ത്രി ജെ ചിഞ്ചുറാണി ആദ്യ വില്‍പ്പന നടത്തും.

വിലക്കുറവിന്റെ വിപണയിയാണ് സപ്ലൈകോ ഒരുക്കുന്നത്. ഉല്‍പ്പന്നങ്ങള്‍ക്ക് അഞ്ചു മുതല്‍ 50 ശതമാനം വരെ വിലക്കുറവും കോമ്പോ ഓഫറും ലഭ്യമാകും.

കുഞ്ഞുമനസ്സുകളിലേക്ക് സ്‌നേഹംപകര്‍ന്ന് കളിചിരികളില്‍ പങ്കുചേര്‍ന്ന് മേയര്‍ പ്രസന്ന ഏണസ്റ്റും ജില്ലാ കലക്ടര്‍ അഫ്‌സാന പര്‍വീണും. ബഡ്‌സ് ദിനാഘോഷവേദിയായ ടൗണ്‍ഹാളിലാണ് അമ്മമനസ്സിന്റെ സ്‌നേഹവായ്പുമായി ഇരുവരുമെത്തിയത്. കൗതുകവും അമ്പരപ്പും വിട്ടുമാറിയ കുട്ടികള്‍ അവര്‍ക്കൊപ്പം ചേര്‍ന്നു. തുടര്‍ന്നുള്ള സ്‌നേഹവിരുന്നില്‍ കൊച്ചുകൂട്ടികാര്‍ക്കൊപ്പം ചേര്‍ന്നു രണ്ടാളും. കുട്ടികള്‍ക്കൊപ്പം ഫോട്ടോയുമെടുത്തായിരുന്നു മടക്കം.

ബഡ്‌സ് ദിനാഘോഷങ്ങളുടെ ഭാഗമായി കുടുംബശ്രീ ജില്ലാമിഷന്റെ ആഭിമുഖ്യത്തില്‍ ജില്ലാതല ബഡ്സ് സംഗമം സംഘടിപ്പിച്ചു. സി കേശവന്‍ സ്മാരക ടൗണ്‍ഹാളില്‍ ജില്ലാ പഞ്ചായത്ത് പ്രസിഡന്റ് ഡോ. പി കെ ഗോപന്‍ ഉദ്ഘാടനം നിര്‍വഹിച്ചു. ജില്ലാ പഞ്ചായത്തിന്റെ ആര്‍ദ്രതീരം പദ്ധതിയിലൂടെ ഭിന്നശേഷി വിഭാഗക്കാര്‍ക്കും കുടുംബങ്ങള്‍ക്കും സഹായം നല്‍കുന്ന പദ്ധതി നടപ്പിലാക്കുമെന്ന് പറഞ്ഞു. ജില്ലാ പഞ്ചായത്ത് ക്ഷേമകാര്യ സ്റ്റാന്‍ഡ് കമ്മിറ്റി ചെയര്‍മാന്‍ അനില്‍ എസ് കല്ലേലിഭാഗം അധ്യക്ഷനായി. കുടുംബശ്രീ ജില്ലാ കോഡിനേറ്റര്‍ വിമല്‍ ചന്ദ്രന്‍, പി ടി എ പ്രതിനിധി പ്രദീപ് തുടങ്ങിയവര്‍ പങ്കെടുത്തു.

            കെ എസ് ആർ ടി സി ജീവനക്കാരുടെ ശമ്പള കുടിശ്ശിക ഈ മാസം 22 ഓടെ വിതരണം ചെയ്യുമെന്ന് ധനമന്ത്രി കെ എൻ ബാലഗോപാൽ അറിയിച്ചു. കെ എസ് ആർ ടി സി തൊഴിലാളി യൂണിയനുകളുമായി നടത്തിയ ചർച്ചക്ക് ശേഷം മാധ്യമ പ്രവർത്തകരോട് സംസാരിക്കുകയായിരുന്നു അദ്ദേഹം.

            അതിദരിദ്ര കുടുംബങ്ങളിലെ കുട്ടികൾക്ക് വിദ്യാഭ്യാസ ആവശ്യങ്ങൾക്ക് കെ എസ് ആർ ടി സി യാത്ര സൗജന്യമാക്കും. അതിദാരിദ്ര്യ നിർമ്മാർജന പദ്ധതിയുമായി ബന്ധപ്പെട്ട് മുഖ്യമന്ത്രി പിണറായി വിജയന്റെ അധ്യക്ഷതയിൽ ചേർന്ന യോഗത്തിലാണ് തീരുമാനം.

        ബാച്ചിലർ ഓഫ് ഡിസൈൻ കോഴ്സിൽ ഒഴിവുള്ള സീറ്റുകളിൽ ഓൺലൈൻ സ്പോട്ട് അലോട്ട്മെന്റ് 19ന് നടത്തും.