അടൂര്‍ ഗവണ്‍മെന്റ് പോളിടെക്നിക് കോളജിലെ തുടര്‍ വിദ്യാഭ്യാസ കേന്ദ്രം മുഖേന ആരംഭിക്കുന്ന ഹ്രസ്വകാല ഗവണ്‍മെന്റ് അംഗീകൃത തൊഴിലധിഷ്ഠിത കോഴ്സായ മൊബൈല്‍ ടെക്നോളജി (മൂന്നുമാസം) അപേക്ഷ ക്ഷണിച്ചു. അപേക്ഷ സമര്‍പ്പിക്കേണ്ട അവാസാന തീയതി ആഗസ്റ്റ് 22. ഫോണ്‍ : 6238296527.

പാലക്കാട് ചെമ്പൈ സ്മാരക ഗവ സംഗീത കോളെജില്‍ മൃദംഗം ഗസ്റ്റ് ലക്ചററുടെ ഒഴിവുണ്ട്. 55 ശതമാനം മാര്‍ക്കോടെ ബിരുദാനന്തര ബിരുദമുള്ളവരും കോളെജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസില്‍ രജിസ്റ്റര്‍ ചെയ്തിട്ടുള്ളവരുമായ ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളുമായി ഇന്ന് (ആഗസ്റ്റ് ഒന്‍പത്) രാവിലെ 10.30 ന് അഭിമുഖത്തിനായി കോളെജില്‍ നേരിട്ടെത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0491 2527437

ജവഹര്‍ നവോദയ വിദ്യാലയത്തില്‍ പി.ജി.ടി ഹിന്ദി തസ്തികയില്‍ കരാറടിസ്ഥാനത്തില്‍ നിയമനം നല്‍കുന്നതിനുള്ള വാക്ക് ഇന്‍ ഇന്റര്‍വ്യൂ ആഗസ്റ്റ് 14 ന്  പത്തിന്  വിദ്യാലയ ഓഫീസില്‍ നടത്തും. യോഗ്യത തെളിയിക്കുന്നതിനുള്ള  ഒറിജിനല്‍ സര്‍ട്ടിഫിക്കറ്റും ഫോട്ടോ കോപ്പികളും ഇന്റര്‍വ്യൂ സമയത്തു ഹാജരാക്കണം.യോഗ്യത - എം എ ബിഎഡ്,  ശമ്പളം പ്രതിമാസം- 35750. പ്രായം 50 വയസിനു താഴെ.          

കെല്‍ട്രോണ്‍ മോണ്ടിസോറി ടീച്ചര്‍ ട്രെയിനിംഗ്  (ഒരു വര്‍ഷം) കോഴ്സിലേക്ക് അപേക്ഷ ക്ഷണിച്ചു. താത്പര്യമുളളവര്‍ സര്‍ട്ടിഫിക്കറ്റുകള്‍ സഹിതം  അടുത്തുളള കെല്‍ട്രോണ്‍ നോളജ് സെന്ററില്‍ ഹാജരാകണം. ഫോണ്‍ : 9072592412,  9072592416.

പാലക്കാട് ജില്ലാ ഇന്‍ഫര്‍മേഷന്‍ ഓഫീസില്‍ വീഡിയോ സ്ട്രിങ്ങര്‍മാരുടെ പാനല്‍ രൂപീകരണത്തിനുള്ള അപേക്ഷ ആഗസ്റ്റ് 11 വരെ നീട്ടി. പാലക്കാടിന് പുറമേ മലപ്പുറം, തൃശൂര്‍ ജില്ലകളില്‍നിന്നുള്ള അപേക്ഷകരെയും പരിഗണിക്കും. പ്രീഡിഗ്രി, പ്ലസ്ടു അഭിലഷണീയ യോഗ്യത. ദൃശ്യമാധ്യമ രംഗത്ത് കുറഞ്ഞത് ഒരു വര്‍ഷത്തെ പ്രവര്‍ത്തിപരിചയം ആവശ്യമാണ്. സ്വന്തമായി ഫുള്‍ എച്ച്.ഡി പ്രൊഫഷണല്‍ ക്യാമറയും നൂതന അനുബന്ധ ഉപകരണങ്ങളും ഉള്ളവരായിരിക്കണം അപേക്ഷകര്‍.

  പെരുനാട്  പഞ്ചായത്തിലെ  മഞ്ഞത്തോട്,പ്ലാപ്പള്ളി  പട്ടികവര്‍ഗ കോളനികളില്‍  താമസിക്കുന്ന  മലപണ്ടാര വിഭാഗത്തില്‍  ഉള്‍പ്പെട്ട  43  പട്ടിക വര്‍ഗ കുടുംബങ്ങള്‍ക്ക്  വനാവകാശ നിയമ പ്രകാരം  ഭൂമി നല്‍കുന്നതിന്റെ   ഭാഗമായി   ഭൂമി അളന്ന്( ഒരു ഏക്കര്‍ വീതം)  തിട്ടപ്പെടുത്തുമ്പോള്‍  സര്‍വേകല്ല്   സ്ഥാപിക്കുന്നതിന്  ആവശ്യമായ  സര്‍വേ  കല്ല്   മഞ്ഞത്തോട്  പട്ടിക വര്‍ഗ കോളനിയില്‍  എത്തിച്ച് തരുന്നതിന്  വ്യക്തികള്‍/ സ്ഥാപനങ്ങളില്‍ നിന്ന്  ക്വട്ടേഷനുകള്‍ ക്ഷണിച്ചു. ക്വട്ടേഷന്‍  സ്വീകരിക്കുന്ന  അവസാന  തീയതി ആഗസ്റ്റ് 11 പകല്‍ മൂന്നു വരെ. ഫോണ്‍ : 04735 227703.

പാലക്കാട് ജില്ലാ ഇന്‍ഫര്‍മേഷന്‍ ഓഫീസില്‍ കരാര്‍ അടിസ്ഥാനത്തിലുള്ള ഫോട്ടോഗ്രാഫര്‍ പാനലിലേക്ക് ആഗസ്റ്റ് 11 വരെ അപേക്ഷിക്കാം. അപേക്ഷകര്‍ ജില്ലയില്‍ സ്ഥിര താമസക്കാരായിരിക്കണം. ഇന്‍ഫര്‍മേഷന്‍ പബ്ലിക്ക് റിലേഷന്‍സ് വകുപ്പില്‍ കരാര്‍ ഫോട്ടാഗ്രാഫര്‍മാരായി സേവനമനുഷ്ഠിച്ചവര്‍ക്കും പത്രസ്ഥാപനങ്ങളില്‍ ഫോട്ടോഗ്രാഫര്‍മാരായി സേവനമനുഷ്ഠിച്ചവര്‍ക്കും മുന്‍ഗണന. അപേക്ഷകര്‍ ക്രിമിനല്‍ കേസുകളില്‍പ്പെടുകയോ ശിക്ഷിക്കപ്പെടുകയോ ചെയ്തവരായിരിക്കരുത്. ഡിജിറ്റല്‍ എസ്.എല്‍.ആര്‍/മിറര്‍ലെസ് ക്യാമറകള്‍ ഉപയോഗിച്ച് ഹൈ റെസല്യൂഷന്‍ ചിത്രങ്ങള്‍ എടുക്കുവാന്‍ കഴിവുള്ളവരായിരിക്കണം.

 സംസ്ഥാന ടൂറിസം വകുപ്പിന്റെ മാനേജ്മെന്റ് ഇന്‍സ്റ്റിറ്റ്യൂട്ടായ കിറ്റ്സില്‍ എം.ബി.എ. (ട്രാവല്‍ ആന്റ് ടൂറിസം) കോഴ്സിന് ജനറല്‍ വിഭാഗത്തിലും സംവരണ വിഭാഗത്തിലും സീറ്റ് ഒഴിവ്. അംഗീകൃത സര്‍വകലാശാലയില്‍ നിന്നും ഏതെങ്കിലും വിഷയത്തില്‍ ബിരുദവും ക്യാറ്റ്/കെമാറ്റ് /സിമാറ്റ് യോഗ്യതയും ഉള്ളവര്‍ അസല്‍ സര്‍ട്ടിഫിക്കറ്റുകള്‍ സഹിതം കിറ്റ്സിന്റെ തൈയ്ക്കാടുള്ള ഓഫീസില്‍ ആഗസ്റ്റ് ഒന്‍പതിന് നേരിട്ട് ഹാജരാകണം. ഫോണ്‍ ;  9847273135,9446529467,04712 327707.വെബ്സൈറ്റ് : www.kittsedu.org.

സ്‌കൂള്‍-കോളെജ് പരിസരങ്ങളില്‍ പ്രവര്‍ത്തിക്കുന്ന പെട്ടിക്കടകള്‍, മറ്റ് കച്ചവട സ്ഥാപനങ്ങള്‍ എന്നിവിടങ്ങളില്‍ ഓണത്തിന് മുമ്പ് മിന്നല്‍ പരിശോധന നടത്തണമെന്ന് ഒറ്റപ്പാലം താലൂക്ക് വികസന സമിതി യോഗത്തില്‍ സബ് കലക്ടര്‍ ഡി. ധര്‍മ്മലശ്രീ എക്സൈസ് വിഭാഗത്തിന് നിര്‍ദ്ദേശം നല്‍കി. വിദ്യാഭ്യാസ സ്ഥാപനങ്ങളുടെ പരിസരങ്ങളില്‍ ലഹരി മാഫിയ പിടിമുറുക്കുന്നതായി നിരവധി പരാതികള്‍ ലഭിക്കുന്നതിന്റെ അടിസ്ഥാനത്തിലാണ് നിര്‍ദേശം.

മാലിന്യമുക്തം നവകേരളം രണ്ടാംഘട്ടത്തില്‍ വീടുകളില്‍നിന്നും ഹരിതകര്‍മ്മ സേന എടുക്കുന്ന മാലിന്യങ്ങള്‍ തരം തിരിച്ച് ശേഖരിക്കുന്നതിന് കൂടുതല്‍ പ്രാധാന്യം നല്‍കാന്‍ ജില്ലാ ക്യാമ്പയിന്‍ സെക്രട്ടറിയേറ്റ് യോഗത്തില്‍ തീരുമാനം. ഹരിതകര്‍മ്മ സേന സ്വീകരിക്കുന്നതില്‍ സമ്മിശ്ര മാലിന്യം  കൂടുതല്‍ വരുന്നതിന്റെ സാഹചര്യത്തിലാണ് തീരുമാനം. ജില്ലയില്‍ തരംതിരിക്കല്‍ കൃത്യമായി നടപ്പാക്കാനുള്ള നടപടികള്‍ സ്വീകരിക്കും. തദ്ദേശസ്വയംഭരണ സ്ഥാപനങ്ങളില്‍  മാലിന്യങ്ങള്‍ തരംതിരിക്കുന്നതിനെ കുറിച്ച് ക്ലാസുകള്‍ നടത്താനും തീരുമാനമായി. ഇതോടൊപ്പം തന്നെ ജില്ലയില്‍ ഹരിതകര്‍മ്മസേനാംഗങ്ങള്‍ക്ക് പരിശീലനം നല്‍കും.