പയ്യന്നൂര്‍ ഇലക്ട്രിക്കല്‍ സെക്ഷനിലെ പാട്യം, അമ്പലത്തറ, കൊക്കോട്ട് എന്നീ ഭാഗങ്ങളില്‍ ആഗസ്റ്റ് എട്ട് ചൊവ്വ രാവിലെ ഒമ്പത് മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.
 

ശ്രീകണ്ഠാപുരം ഇലക്ട്രിക്കല്‍ സെക്ഷനിലെ കാവുമ്പായി ,കാവുമ്പായി പാലം ,ചുണ്ടക്കുന്ന് ,മൊട്ടക്കെ പീടിക എന്നീ ട്രാൻസ്ഫോർമർ പരിധിയിൽ ആഗസ്റ്റ് എട്ട് ചൊവ്വ രാവിലെ ഒമ്പത് മുതല്‍ വൈകിട്ട് അഞ്ച് മണി വരെ വൈദ്യുതി മുടങ്ങും.

കണ്ണവം മോഡല്‍ പ്രീ സ്‌കൂളിലേക്ക് ടെലിവിഷന്‍ വിതരണം ചെയ്യാന്‍ താല്‍പര്യമുള്ള സ്ഥാപനങ്ങള്‍/ വ്യക്തികളില്‍ നിന്നും ക്വട്ടേഷന്‍ ക്ഷണിച്ചു. ആഗസ്റ്റ് 11ന് വൈകിട്ട് നാല് മണി വരെ ക്വട്ടേഷന്‍ സ്വീകരിക്കും  ഫോണ്‍: 0497 2700357.

മലബാര്‍ ദേവസ്വം ബോര്‍ഡ് തലശ്ശേരി അസിസ്റ്റന്റ് കമ്മീഷണറുടെ ഔദ്യോഗിക ആവശ്യത്തിലേക്കായി മാസ വാടക നിരക്കില്‍ ഡ്രൈവര്‍ സഹിതം ഏഴ് വര്‍ഷത്തില്‍ താഴെ പഴക്കമുള്ളതും ടാക്സി പെര്‍മിറ്റുള്ളതും അഞ്ച് പേര്‍ക്ക് യാത്ര ചെയ്യാന്‍ സൗകര്യമുള്ളതുമായ വാഹനത്തിന് ക്വട്ടേഷന്‍ ക്ഷണിച്ചു. ആഗസ്റ്റ് 16ന് ഉച്ചക്ക് രണ്ട് മണി വരെ ക്വട്ടേഷന്‍ സ്വീകരിക്കും. ഫോണ്‍: 0490 2321818

കെല്‍ട്രോണിന്റെ കോഴിക്കോട് നോളജ് സെന്ററില്‍ മൂന്ന് മാസത്തെ സര്‍ട്ടിഫിക്കറ്റ് കോഴ്‌സ് ഇന്‍ ഗ്രാഫിക്സ് ആന്റ് വിഷ്വല്‍ എഫക്ട്സിന് പ്രവേശനം തുടങ്ങി. യോഗ്യത: എസ് എസ് എല്‍ സി. ഫോണ്‍: 0495 2301772, 8590605275.
 

നാഷണല്‍ ഹെല്‍ത്ത് മിഷന് കീഴില്‍ കരാറടിസ്ഥാനത്തില്‍ മെഡിക്കല്‍ ഓഫീസര്‍മാരെ നിയമിക്കുന്നു. എം ബി ബി എസ്, ടി സി എം സി രജിസ്ട്രേഷന്‍ സര്‍ട്ടിഫിക്കറ്റ് എന്നിവയാണ്  യോഗ്യത. താല്‍പര്യമുള്ള   ഡോക്ടര്‍മാര്‍ക്ക് ആഗസ്റ്റ് 11 ന് രാവിലെ 10 മണിക്ക് കണ്ണൂര്‍ എന്‍ എച്ച് എം ഓഫീസില്‍ നടക്കുന്ന വാക്ക് ഇന്‍ ഇന്റര്‍വ്യൂവിന് പങ്കെടുക്കാം. ഫോണ്‍- 0497 2709920.  

പേരാവൂര്‍ ഗവ.ഐ ടി ഐയില്‍ ഈ അധ്യയന വര്‍ഷത്തെ പ്രവേശനത്തിന് അപേക്ഷ സമര്‍പ്പിച്ചവരില്‍ 230 ഇന്‍ഡക്സ് മാര്‍ക്കുള്ളവരും അപേക്ഷ സമര്‍പ്പിച്ച മുഴുവന്‍ പെണ്‍കുട്ടികളും ആഗസ്റ്റ് 10ന് രാവിലെ 10 മണിക്ക് അസ്സല്‍ സര്‍ട്ടിഫിക്കറ്റുകള്‍ സഹിതം രക്ഷാകര്‍ത്താവിനൊപ്പം ഐ ടി ഐയില്‍ ഹാജരാകണം.  ഫോണ്‍: 0490 2996650.

സംസ്ഥാന സഹകരണ യൂണിയന്റെ നിയന്ത്രണത്തില്‍ നെയ്യാര്‍ഡാമില്‍ പ്രവര്‍ത്തിക്കുന്ന കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്മെന്റില്‍ (കിക്മ - ബി സ്‌കൂള്‍)  അസിസ്റ്റന്റ് പ്രൊഫസര്‍ തസ്തികയില്‍ എ ഐ സി റ്റി ഇ നിബന്ധനകള്‍ പ്രകാരം കരാര്‍ അടിസ്ഥാനത്തില്‍ താല്‍ക്കാലിക നിയമനം നടത്തുന്നു. അഭിമുഖം ആഗസ്റ്റ് 11 ന്  രാവിലെ 10 മണിക്ക് കിക്മ ക്യാമ്പസില്‍ നടത്തും. യോഗ്യരായ ഉദ്യോഗാര്‍ഥികള്‍ക്ക് അസല്‍ സര്‍ട്ടിഫിക്കറ്റുകള്‍ സഹിതം ഇന്റര്‍വ്യൂവില്‍ പങ്കെടുക്കാം.
 

 എറണാകുളം റീജിയണല്‍ പ്രൊഫഷണല്‍ ആന്റ് എക്സിക്യൂട്ടീവ് എംപ്ലോയ്‌മെന്റ് എക്സ്ചേഞ്ചില്‍ പേര് രജിസ്റ്റര്‍ ചെയ്തിട്ടുള്ള ഉദ്യോഗാര്‍ഥികളില്‍  ഇ ഡബ്ല്യു എസ് (മുന്നാക്ക വിഭാഗങ്ങളിലെ സാമ്പത്തികമായി പിന്നോക്കം നില്‍ക്കുന്നവര്‍) വിഭാഗത്തില്‍പ്പെടുന്നവര്‍ ആയതിന്റെ സര്‍ട്ടിഫിക്കറ്റ് രജിസ്‌ട്രേഷന്‍ രേഖകളില്‍ ചേര്‍ക്കേണ്ടതാണ്.

 മലബാര്‍ ദേവസ്വം ബോര്‍ഡിന് കീഴിലുളള കണ്ണാടിപ്പറമ്പ് ശ്രീധര്‍മ്മശാസ്താ ക്ഷേത്രം വക കൈവശ ഭൂമിയില്‍ ക്ഷേത്ര വരുമാനം വര്‍ധിപ്പിച്ച് സാമ്പത്തിക സ്വയം പര്യാപ്തത നേടുന്നതിന് ഹിന്ദുസ്ഥാന്‍ പെട്രോളിയം കോര്‍പറേഷന്‍ ലിമിറ്റഡ് കമ്പനിയുടെ പെട്രോള്‍ പമ്പ് ക്ഷേത്ര ഉടമസ്ഥതയില്‍ തുടങ്ങുന്നതിന് ഭൂമി പാട്ടം നല്‍കുന്നു. കണ്ണാടിപ്പറമ്പ് വില്ലേജിലെ റീ സര്‍വെ നമ്പര്‍ 19ല്‍ പെട്ട 1600 സ്‌ക്വയര്‍ മീറ്റര്‍ (40 മീറ്റര്‍ x 40 മീറ്റര്‍) സ്ഥലം 40,000 രൂപ പ്രതിമാസ വാടക നിരക്കില്‍ 20 വര്‍ഷത്തേക്കാണ് പാട്ടം നല്‍കുക.